infine grazia à diu, sidussincu ritorna

Diceraghju u paternostru
Cinque volte è ancu sei
Sò ancu prontu à cantalli
U Santus è l'Agnus Dei
Per pardunà sti peccati
Ben'ch´elli ùn fussinu mei

Bravi

ci hè propiu a qualità in lu vostru CR
cuntinuate cusì


ci campemu!

Credi tù chì u Signore
Si cuntintarà d'un cantu ?
Chè tù preghi notte è ghjorni
Ma soca un bastarà mancu
Nanzu d'esse pardunatu
N'ai da chjappà u grancu !

di dì simule pazzie
ùn n'ai mancu vargogna
ne aghju poca primura
chì Diu ùn mi pardonga
s'ellu mi vene u grancu
ch'ella ti ghjunga a rogna

Cù li to peccati addossu
In tarra ti lasciaraghju
S'ella t'ingorga a ghjastemma
Mancu ùn la ti cacciaraghju
E s'ella mi vene a rogna
Or tandu mi grattaraghju.

S'e sò un gran'peccatore
Camperaghju cum´e possu
Ma prifergu avè peccati
Ch´è d'avè a rogna addossu
Chè tù ti possa grattà
Notte è ghjornu sin'à l'ossu

S'e sò un gran'peccatore
Camperaghju cum´e possu
Ma prifergu avè peccati
Ch´è d'avè a rogna addossu
Chè tù ti possa grattà
Notte è ghjornu sin'à l'ossu

Nanzu di ghjunghjene à l'ossu
U duttore sarà ghjuntu
Mi darà una midicina
Tù sempre à listessu puntu
Ti tinarei u to male
Nè cunfessatu nè untu !

E rispondi una volta, micca duie...bastarà !

Per guarì la to pazzia
Sappia chì ùn ci hè rimediu
T'aghju scrittu duie volte
Perch´è tù capischi megliu
Cun tè ci tocca à ripete
Chì si intrunatu in seriu

Ripeti quant'è tù voli
Mandala à a stamparia
Pregala ancu à l'altare
Trà Ghjesù Cristu è Maria
Un faci chè palisà
Amicu la to tuntìa.

ma s'e socu mezu tontu
tù sì liatoghju è scemu
simu pazzi tramindui
hè perciò chì ci cuntremu
ma s'è no femu un cuncorsu
sì tù chì tocchi u premiu

Scusa s'eo mi mettu à pienghje
A partita ùn hè guadanta
Di ghjunghje à piglià stu premiu
Saria una gioia tamanta
Ma s'eo ci mettu a manu
Ci stà digià la to stampa.

mi sò inventatu scemu
cun talentu è cun primura
chì vulia una pinsione
per cumprammi una vittura
u premiu rivene à tè
chì sì scemu di natura

L'affare chè tù mi dici
Un hè mancu troppu nettu
S'aghju a mio lenza in fiume
Ai tu lo giardinettu
In più di quessa i scemi
Cum'è papa t'anu elettu.

tù ai a to lenza in fiume
eiu a mio fetta in Calviani
ma fatti un segnu di croce
amicu cù le to mani
chì so u secondu papa
à chjamammi Luciani

Quellu corciu Luciani
Un hà frustatu u sedione
Hè statu santificatu
Ma guarda lu paragone :
Per tè u nome hè truvatu
O Santu Scimaticone !

s'e sò papa di li pazzi
veni puru à e mio messe
ma à piglià a mio piazza
ùn pudarei riesce
chì di sicuru sì scemu
ma santu ùn poi micch'esse

Anderaghju à e to messe
Ma senza fà cuminione
Incù lu t'ambutu in capu
Suguitatu in prucessione
Inturniatu di scemi
O chì bella divuzione !

cunteraghju purcarie
quassù da u mio finistrinu
ùn capiscerete nulla
chì parleraghju in latinu
è per a benedizzione
sarà pisciu di catinu

T'avianu cullatu in celu
Ne falghi à a puveretta
U nostru chjam'è rispondi
Hè nu a catarinetta
Chì per lavatti a bocca...
Mancu l'acqua benedetta !

bisognu ùn ci hè di lavalla
chì pulita à mè mi pare
feghja piuttostu a to lingua
ch'hè più brutta ch'altr'affare
è per lavalla nùn basta
tutta l'acqua di lu mare

Vecu chì a virità
Un ci vole ch'ella ti scrochji
Ripiglia sò ch'ai scrittu
E cunfessati in dinochji
Un basta à lavatti à lingua
Dà una pulita à l'ochji.

per lavammi i dui ochji
mi ci vole bellu pocu
tù dinù lavati quellu
ch'è tù ai à quellu locu
chì aspessu ti ne ghjovi
per le rime ch'è tù trovi