Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Infissu eghj

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Infissu eghj   Sam 13 Oct - 12:12

Leghju quì è culà regule di gramatica invintate sicondu l'estru d'ognunu.... spiegà

Una abbastanza "uriginale" ch'aghju lettu ultimamente era di mette l'infissu eghj annant'à tutti i verbi di trè sillabe è più stunatu

Per l’infissu eghj, quant'è pè u restu guardemuci d'invintà regule, moltu più chì cum'è per parechji punti di lingua nustrale, l'affare ùn hè micca stabulitu o fissu.

Ma i nostri libri di gramatica chì ne dicenu?
Poche cose...

L'analisi più apprufundita di a quistione l'aghju trova in "la Langue des Corses" di Ghj. Chiorboli (p. 40). Ghj. Gaggioli in "Le corse en 23 lettres" palesa : " il n'y a malheureusement pas de règle générale" ancu s'ellu ci parla Ghj.Ghj. Franchi in "Puntelli di gramatica" (p.87) di l'ublicazione di mette l'infissu eghj annant'à i verbi suffissati in ulà, ittà, ichjà, ecc. Pè u restu si parla piuttostu d'infissi "capitaticci".

Vi prupongu una piccula sintesi per dà una idea generale è pruvà à discioglie dui o trè nodi.



  • L'infissu eghj si mette trà u radicale è a disinenza :
- à u prisente di l'indicativu à e trè parsone di u singulare è à a terza parsona di u plurale
- si mette annant'à tutte e parsone di u sughjuntivu prisente.
- si mette à a siconda parsona di u imperativu.



  • Di regula, l’infissu eghj ùn si pò micca mette annantu à verbi anziani è currenti cum’è per esempiu:
cantà, manghjà, travaglià, salutà, prufittà, truvà, cullà...

Si rimarca incù verbi cum'è travaglià , salutà, prufittà, ecc. chì a "regula" di e trè sillabe ammintata più sopra hè megliu à ùn siguitalla micca sempre (ùn cridite micca tuttu ciò ch'elli inventanu certi annant'à internet )



  • Si vede chì senza l’infissu certi verbi s’assumiglianu assai à nomi:

calculà : calculu / càlculu
dubbità : dubbitu / dùbbitu
cuntinuà : cuntinuu / cuntìnuu ...

L'affare diventa prublematicu quandu i nomi in quistione sò parolle sguillule, postu chì s'omu rispetta u "schema prosodicu" abbituale di a cunghjucazione di u corsu - vale à dì e trè parsone di u singulare è e duie prime di u plurale lisce è terza parsona di u plurale sguillula - s'avaria da dì piuttostu cuntinùu, cuntinùi, cuntinùa... si vede subitu a nicissità è l'utilità di l'infissu eghj in stu casu, da pudè distingue faciule nome è verbu.

Ghj. Gaggioli ci face rimarcà quantunque in lu so libru (p.225) ch'ellu hà rilivatu a prisenza di forme cum'è cuntinua per cuntinueghja in l'Annu corsu - l'aghju vista anch'eiu parechje volte in le riviste di u principiu di u seculu scorsu - o dubitu per dubiteghja in li scritti di M.Ceccaldi ciò chì oghje, cum'ellu a dice, pudaria passà per un sbagliu...

Diciaremu, senza parlà di "regula", chì a tindenza in stu casu pricisu pare ch'ella sia di più in più di rende l’infissu eghj ubligatoriu.



  • Pè u più, i verbi suffissati in inzà, ittà, ichjà, ighjà, inà, ulà... sò eghjinchi ma ci sò l'eccezzione chì ponu accittà parechje forme cum'è suminà: sumengu, sumenu, sumineghju.





  • L’infissu rende a cunghjucazione di certi verbi più regulare in stu casu quì di regula e duie forme sò accittate:

trinnicà, sminticà, runzicà, mursicà... trinneca /trinnicheghja ; sminteca / sminticheghja, ecc.


pigliemu l'esempiu di runzicà, quellu chì ùn la sà micca s'ellu si dice runzecu o runzicu per esse sicuru di ùn sbagliassi micca mittarà l'infissu eghj è cusì ùn avarà micca dubitu è si francarà u "sciappacapu" di a svucalatura:


runzicà + eghj

runzicheghju
runzicheghji
runzicheghja
runzichemu
runzicate
runzicheghjanu

runzicà

runzecu
runzechi
runzeca
runzichemu
runzicate
runzecanu




Bisogna à nutà quantunque chì a tindenza hè di generalizà l'inserzione di l'infissu in stu casu.

Per Ghj.Ghj. Franchi "oghje cù a scurdanza di a cunghjucazione sputica di parechji verbi, si sparghjenu, in modu anarchicu, e forme in eghj." ciò chì rivene à dì chì per ellu runzecu saria più sputicu cà runzicheghju.



  • Un ultimu puntu, avà ch'e ci pensu, hè quellu di a licenza puetica:

Accade ch'omu trasgressi ciò chì hè addimessu pè i bisogni di a rima, di a metrica o simpliciamente per quistione di sunurità.

Mi vene un esempiu di una trasgrissione cusì in una di e mo puesie:

" U vostru sguardu prufondu
Rimireghja u passatu
U seculu s'hà purtatu
Ciò chì fù u vostru mondu."



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Infissu eghj   Jeu 4 Avr - 20:48

Vengu di vede chì l'affare di i verbi eghjinchi hè d'attualità annant'à Facebook

V'avia parlatu di u libru di Chiorboli " La langue des Corses" chì facia appena u giru di a quistione, m'arvecu ch'ellu ci face u piacè di mette u so scrittu in linea, per quelli chì ùn ci vanu micca annant'à Facebook (nobody is perfect) mi permettu di metteluvi quì:







_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Infissu eghj   Ven 5 Avr - 14:50

@Circione a écrit:

  • Pè u più, i verbi suffissati in inzà, ittà, ichjà, ighjà, inà, ulà... sò eghjinchi ma ci sò l'eccezzione chì ponu accittà parechje forme cum'è suminà: sumengu, sumenu, sumineghju.


pè a g frammessa pudete andà custì:

A g frammessa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
CazzuMarinu



Messages : 24
Date d'inscription : 31/03/2013

MessageSujet: Re: Infissu eghj   Ven 5 Avr - 19:36

Participà ==> 4 sillabi ==> eghja
Revenir en haut Aller en bas
Voir le profil de l'utilisateur http://www.ucazzumarinu.wordpress.com
Circione



Messages : 2157
Date d'inscription : 27/02/2012

MessageSujet: Re: Infissu eghj   Ven 5 Avr - 21:17

Iè "Participà 4 sillabe"... è allora? scratch

Ciò ch'aghju vulsutu dì hè chì ùn hè micca perchè un verbu à 3 sillabe è più ch'ellu si deve cunghjucà di modu ubligatoriu incù l'infissu eghj, ùn hè mancu ciò ch'aghju vulsutu dì, L'AGHJU DETTA perchè HÈ CUSÌ.

Abbandunà, accumpagnà, addirizzà, aricummandà (5 sillabe), imbriacà, imbarrazzà,ecc. si ponu cunghjucà senza mi pare... innò?

O CM a "regula" di e trè sillabe hè una burla è quella di e quattru sillabe listessu.


Hè vera chì l'usu o piuttostu l'abusu di eghj s'hà da generalizà di più in più, è e forme cum'è
abbandongu, sumengu, macingu, ecc. anu da lascià a piazza à e forme "eghjinche".

Ùn hè micca un veru prublema, face parte di l'evuluzione nurmale di una lingua, ma senza esse puristu si pò quantunque pinsà cum'ellu a dice Franchi chì parechje forme corte sarianu più "sputiche". L'usu fendu lege, a generalizazione di e forme in eghj ùn pò micca esse cunsiderata cum'è un sbagliu ma hè vera dinù chì da quì à qualchì annu quandu sintaremu i studienti dì: " Accumpagneghjami in Corti chì ci hè Chiorboli chì m'aspitteghja in corsu. " ci punaremu forse a quistione di sapè sin'à chì puntu, l'usu face lege. risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
CazzuMarinu



Messages : 24
Date d'inscription : 31/03/2013

MessageSujet: Re: Infissu eghj   Sam 6 Avr - 13:14

Era sola una piccula pruvucazioni satanassu
Revenir en haut Aller en bas
Voir le profil de l'utilisateur http://www.ucazzumarinu.wordpress.com
Circione



Messages : 2157
Date d'inscription : 27/02/2012

MessageSujet: Re: Infissu eghj   Sam 6 Avr - 13:25

Mi paria solu una dumanda per fà avanzà u scimilibliccu.

È spergu chì a risposta darà qualchì spiicazione in più à quelli chì ne anu bisognu.

À ringraziatti dunque pè a to "pruvucazione" Wink .




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Infissu eghj   Sam 6 Avr - 13:25

@CazzuMarinu a écrit:
Era sola una piccula pruvucazioni satanassu

l'ai trovu u foru per e pruvucazione...simu i maestri risa
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Infissu eghj   Sam 6 Avr - 14:21

Sò pagine chì m'aiutanu assai. ditone
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: Infissu eghj   Lun 11 Jan - 15:56


Verbi anziani è currenti chì diventanu eghjinchi si ne trova di più in più.

ognitantu ne vecu o ne sentu unu è mi dicu ch'e l'aghju da mette quì ma dopu mi ne scordu.

n'aghju pussutu ritene quantunque trè :v'inviteghju, v'inciteghju, miriteghjanu.



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Infissu eghj   Lun 11 Jan - 20:45

@Circione a écrit:


n'aghju pussutu ritene quantunque trè :v'inviteghju, v'inciteghju, miriteghjanu.



l'averai intesa nant'à Via Stella , cume zempre ..paura
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Infissu eghj   Lun 11 Jan - 20:53

innò mancu appena.

i trè annant'à facebook.

u terzu da un prufissore di corsu.

ciò chì mostra bè chì issa tindenza ci hè.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Tracurrizzione   Mar 12 Jan - 21:20

@Circione a écrit:
innò  mancu appena.

i trè  annant'à  facebook.

u  terzu  da un prufissore di corsu.

ciò chì mostra  bè  chì issa  tindenza  ci hè.


nant'à  FB  averai  lettu sicuramente  a  prosa  di u nostru  amicu  Pedru  Felice  Solechjari ,  chi mi pare  bellu  avvezzu  à  i  verbii in  eghji ..Rolling Eyes   in  quant'à  i  professori  ci  so  ch'hanu  mal  da  fà  à  contà  sin'à  centu (e)  cinquanta  Wink   dunque  un ci  vole  più  à  stonnàssi  di nunda .  
nunda  à  chi  vede  ma    u corsica  sera  apre  tutte  e  sere  per  un  "à  bona  sera "  ,  un  so  statu u  primu  à  rimarcàlla  postu  chi  nant'à  Estricuntrasti  Luigi Giacomoni s'he  fattu a  listessa  riflezzione  (rendimu à Cesaru  cio  chi  l'appartene) .  eo  pensava  chi  s'entrava  dicendu  "bona  sera"  e  chi  si  dicia  "à  bona  sera  "  solu  quandu  omu  si licenziava ..
Revenir en haut Aller en bas
Voir le profil de l'utilisateur
Lùlù



Messages : 719
Date d'inscription : 04/11/2012

MessageSujet: infissu eghj   Mar 12 Jan - 22:39

Hanu scrittu:
"n'aghju pussutu ritene quantunque trè :v'inviteghju, v'inciteghju, miriteghjanu."

Custi ùn seguitu tantu :
Eù pratecu ( o prategu cumu vegu o vengu) è micca praticheghju :v’invitu è incetttu  (incità ùn a dicu)
è ùn dò capu che à quelli chi a si meritanu

A Lingua hè simplice, linda ,è corta, ! ne ùn a s’allunga ne ùn a s’affuna per ùn esse à risicu d’ùn esse più nantu à ella !
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Infissu eghj   Sam 16 Jan - 20:06

@Lùlù a écrit:


Custi ùn seguitu tantu !

secondu a TV  un  seguiteghji  più  (dixit  un  ghjurnalistu di  corsica  sera )
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Infissu eghj   Aujourd'hui à 23:03

Revenir en haut Aller en bas
 
Infissu eghj
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Infissu eghj

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Da puntillà a lingua :: Vucabulariu-
Sauter vers: