Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Piuvanacce

Voir le sujet précédent Voir le sujet suivant Aller en bas 
AuteurMessage
Sperenza



Messages : 1143
Date d'inscription : 28/02/2012
Localisation : quassù

MessageSujet: Piuvanacce   Mer 24 Avr - 20:24

PIUVANACCE


Piuvanacce si chjamava l’ortu bellu di Babbone

hè scritta nant'à u cadastru da tanti mesi è stagione,

d'ùn sapè ch'ellu esistia - ampargu avà u so nome

l’aghju bellu abbandunatu, n'hè turnatu in lamaghjone.


S'arricorda un paisanu ch'era piantatu à miloni

caccaru i distribuia in tempi di sulleoni;

tandu i zitelli a matina, piatti daret'à un pullone

curavanu ch'u vechjettu affacchessi à u purtone.


Era divizia tamanta, danciu ch’ellu era Babbone

dava ad ogni chjoma bionda senza chere baiuccone

poi rifiatava una cria à l'ombra d'un alburone

altri lochi ùn avia era in casa u carrione.


Cuntava fole à i ciucci strappendusi un buccone

l'avianu bella gustosa a so prima cullazione,

per 'ssi zitellucci cari avia tant'affezzione

quant'è ch'ellu fussi à tutti l'amatu è caru Babbone.


Quandu venerà l'estate u core di a stagione

fichi dolci è baracucche muscheranu in l'isulone

bramendu l'acqua piuvana, arrimbata à un pullone

pienghjeraghju à Piuvanacce l'ortu persu di Babbone.


Dernière édition par Sperenza le Mar 26 Mai - 9:06, édité 3 fois
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1143
Date d'inscription : 28/02/2012
Localisation : quassù

MessageSujet: Re: Piuvanacce   Mer 24 Avr - 20:37

"Piuvanacce" hà esistutu in veru, è cum'è in a puesia l'aghju scuperta quandu, qualchi settimana fà, a merria avia bisognu di un'autorisazione per lascià passà a nuvella strada di u paese nantu à 'ssa parcella, oghje una capillera di sepali.
Era di l'arcibabbone, ma caccaru è babbu sendu morti, tuccava à me di firmà a carta.

Tutti mi dicenu ch'ùn hà più valore, ma m'hà fattu qualcosa di dà a finizione à 'ssu locu induve i m'antenati avianu postu i so frutti è legumi, da dà à manghjà à e so famiglie. Ùn si fideghja micca sempre in muneta u valore d'una cosa, sippuru un picculu pezzu di terra di qualchi metru quadratu oghje in lamaghjoni.

Certi s'arricordanu chì c'era un mandarinu nantu, è forse ancu un chjarasgiu... Era piuttostu piantatu à artichjocchi ma in a puesia, l'aghju rimpiazzati da "miloni" perchè per truvà e rime in -OCCU... (nomi ùn ne citu micca Rolling Eyes ...)

Ogni tantu mi lampu una sfida è quì era di fà una puesia in giru à a rima in -ONE. imbarazzatu

Ed eccu à Piuvanacce. evviva





Revenir en haut Aller en bas
Voir le profil de l'utilisateur http://isulana.blogspot.com
Sumenta



Messages : 2050
Date d'inscription : 25/02/2012

MessageSujet: Re: Piuvanacce   Mer 24 Avr - 21:02

mipiace

quantu simu à vede oramai l'orti di i nostri caccari cuperti di lamaghji. ancu cù a vuluntà ùn hè tantu semplice d'intratene stu patrimoniu. avianu a vita chì permettia di fà la, travagliu, animali, tante cose à fà ligate à a terra. avà ùn si pò più, o guasi più.


un solu rigretu per sta puesia...mi sarebbe piaciutu di vede ci Circione, ghjovanu pullastrone, manghjendu si un milone, à l'ombra d'un alburone risa


Dernière édition par petra alta le Ven 26 Avr - 21:05, édité 1 fois
Revenir en haut Aller en bas
Voir le profil de l'utilisateur
Sperenza



Messages : 1143
Date d'inscription : 28/02/2012
Localisation : quassù

MessageSujet: Re: Piuvanacce   Mer 24 Avr - 21:49

Digià chì e mo rime sò ohimè lacrime ...sì in più facciu anacronismi (u giovanu Circione ùn era natu tandu, infine !! risa )
Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 953
Date d'inscription : 25/02/2012

MessageSujet: Re: Piuvanacce   Ven 26 Avr - 21:02

petra alta a écrit:


un solu rigretu per sta puesia...mi sarebbe piaciutu di vede ci Circione, ghjovanu pullastrone, maghjendu si un milone, à l'ombra d'un alburone risa

un vorreste micca sottu intende o insinuà chi ci porebbe esse una sumiglia trà u capu di Circione e un milone quantunque ? scratch bounce stunatu paura fughje
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Piuvanacce   Ven 26 Avr - 21:06

Ghjallochju a écrit:


un vorreste micca sottu intende o insinuà chi ci porebbe esse una sumiglia trà u capu di Circione e un milone quantunque ? scratch bounce stunatu paura fughje


si tù chì l'ai detta...eiu stò zitta, muta è rispettuosa risa
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Piuvanacce   Aujourd'hui à 9:13

Revenir en haut Aller en bas
 
Piuvanacce
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Piuvanacce

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: