Indirizzi boni

Sò andatu in Parigi a simana scorsa, facia un bellu pezzu chì ùn ci era più andatu è aghju vulsutu vede s'ellu si magnava sempre cusì bè ind'è Astier, unu di i risturanti chì mi piacenu u più quallà, locu predilettu di i mo viaghji parigini dipoi più di vinti anni. Hè una vechja insegna parigina chì hà sempre tinutu u listessu filu da u 1956 in quà: robba di qualità, cucina francese tradiziunale, prezzi altru cà ragiunevuli, una carta chì cambia sicondu l'astagione è i prudutti è una cantina è una carta di vini eccezziunale.



U locu hè abbastanza pupulare mancu appena "ghindatu" - un pensu micca ch'ella si possi dì ghindatu à u sensu figuratu - incù una clientella d'abituati, ghjente di u quartieru, bocchifini, amatori di vinu, è dinù qualchì turistu.

Dui sceffi à i furnelli, Cyril Boulet (ex Robuchon, Troisgros, Marc Meneau) è Nicolas Frezal (ex Ritz).



Si ci magna à bon pattu - dicu à bon pattu perchè s'e femu u paragone cù i stabilimenti corsi truvatemi puru un locu induv'è vo magnate qualcosa chì s'assumigli à què incù una intrata, un piattu è un dulciume per 26.50€ – à miziornu è 33 € à cena.




esempii d'intrate:


Suppa ghjalata di sparagi




Sfugliatu di lumache




Animella d'agnellu¹ incù u so suchju di carne.




Esempii di piatti:


Spinu di merluzzu nant'à un lettu di spinaci è i so musculi ²




Gambari incù palpina ³ di pomi è fave




Cazzarola pullina, maccaroni è ghjallistorzi




Costa di purchettu, pulindina è ghjete. (un diliziu )




Fecatu di vitella à l'uva (una maraviglia )





Esempii di dulciumi:


Pera "bella Lena"




"Pane persu" fragule è mele




Babà à u rumbu (un maccellu ⁴ )




Ananassu arrustitu è meringa taliana ( no comment )





Eccu piantu quì ma ci hè torna assai scelta

Allora mi dicarete ch'è vo ùn vidite micca u raportu cù a cucina corsa ecc. ecc. hè vera , mi diciarete dinù chì s'aghju apartu sta rubrica hè soprattuttu per favvi biscà, quessa dinù hè vera , ma micca solu, l'idea hè di fà scopre un locu induv'ellu si magna bè è micca troppu caru, s'è vo ne cunniscite saria bè di falli scopre quì ch'elli sianu in Corsica o micca, à dilla franca in Corsica dimula cum'ella hè hè difficiule di magnà bè pè 30 € (intrata, piattu è dulciume) ma s'è vo truvate u paragone d'Astier in Corsica, ci andaraghju à u più prestu.




1 ris d'agneau

2 s'è vo site di a generazione di Popeye dumandarete à Petra Alta ch'ella mi dia un puntu

3 Cumu a chjamate voi a purée in corsu?

4 une tuerie ( Petra un antru puntu per piacè )

fora di a parte lumache ( ) mi pare chì si tratta quì d'un bellu locu!
i piatti parenu assai ricchi è fini à tempu!
per i prezzi hè vera chì scambia di ciò ch'emu l'abitudine di pagà
ritengu st'indirizzu per u mo prossimu viaghju in Parigi...


intentu cuntinueghju à pruvà i risturanti corsi, chì emu propiu belli lochi è cucinari di qualità! La Rascasse, Le Pirate, Le Guasco, La Pasturella, Le Pascal Paoli, L'altru Versu, Le 24, La Roya, A casetta...
ùn sò micca cum'è tè à piglià i mo piatti in fottò (eiu i manghju )



A Casetta - Cuttoli

aghju una sola fottò à mustrà per u mumentu, quella di u flyer di A Casetta, un risturanti magnificu in Cuttoli!




tutti i prudutti sò fatti da elli: pane, carne purcina, cicculata, ghjacci...
aghju avutu u piacè di manghjà in entrata un foie gras cù frutti di stagione, un veru deliziu.

in più di què sò veri turchini!!!

aghju trovu qualchi fottò nant'à a tela:


Trilogie du boucher , magret de canard aux fruits de saison, mignon de porc miel pommes et châtaigne, filet de boeuf rossini



Hamburger de filet de bœuf haché , foie gras poêlé, copeaux de truffes noir et parmesan italien , enrobé d un pain brioché maison !




per u mo prossimu ripastu faraghju a giappunese anch'eiu

La Rascasse - San Fiurenzu

nant'à u portu di San Fiurenzu truvarete stu bellu doppiu indirizzu: La Rascasse è u 137.
La Rascasse si trova à u primu pianu. A salla hè chjuca ma propiu agradevule cù una bella vista nant'à u mare è u portu.
U Chef face propiu maraviglie. A cucina hè gastronomica è i piatti sò sapurosi ma ùn si sorte micca cù a fame!








Per a festa di e mamme avianu previstu un menu à 58 euros cù piatti chì danu propiu una idea di ciò ch'elli anu nant'à a carta tuttu u restu di a stagione (u risturante chjode l'invernu). Per ci esse andata parechje volte vi possu dì ch'ùn sò mai stata dilusa...à u cuntrariu. u piacè ingranda ogni volta è ghjè qualcosa di tremende di vede tuttu ciò chì si pò fà cù prudutti nustrali di qualità! hè u scopu di u risturante: valurizà a nostra pruduzzione...



Per sta dumenica c'era dunque:

Misa in bocca: une émulsion de chèvre*, miel, figue et croquant à la châtaigne .
* micca l'animale, i so prudutti



Foie gras casanu è caccaò, chutney à a clementina di Venzulasca





Ravioles de langoustines, fenouil et crème de carapaces



si pudia sceglie trà u denti è u pigeonneau...ben intesu aghju pigliatu u sicondu
Pigeonneau en deux cuissons, noisettes grillées et croquette de farce




Baba aux fruits rouges




dolci cù u caffè



scusate a qualità di e fottò. aghju fattu a giappunese cù u telefonu

1) si magna per 26.50€ à a Rascasse? Fà vede i prezzi...



2)



què un babà à u rumbu? voli ride o chè? u veru babà hè questu quì:






Eccu, l'ai in the baba...

è tù l'ai da avè altrò si tù mi cerchi
ùn aghju micca l'altri prezzi...a prossima volta i metteraghju

intantu dimmi si tù poi vede è manghjà què ind'è u to Astier
(fottò di a Rascasse è u 137)



coque au chocolat...ci hè a cicculata calda à mette nantu...


Pavé de mérou en croûte de prizuttu et écume de noisette torréfiée


tiramisù aux fruits rouges



u 137: e Q Burger du 137, vitella corsa, tomma/ ketchup de myrthe/ pane casanu à a farina castagnina A.O.P di Olmeta di Capicorsu...


torna u 137: Porcelet confit, spaetzles à la châtaigne aop et variation d'échalotes



vai puru à manghjà e to lumache

aghju una cantina in Bastia induve puderebbe fà tutti i mo ripasti! si chjama u Guasco. si trova accant'à a piazza Guasca in a citadella.
ci vocu dipoi parechj'anni è ci ritrocu sempre ciò chì mi face tantu piacè: una cucina gustosa, originale, cù prudutti nustrali è di qualità.
i prezzi sò propiu agradevule per quelli chì sortenu assai. una decina d'aurò per l'entrate per esempiu. dolci à 8.50 aurò è piatti prinicpali trà 15 è 25 aurò (à pocu pressu).

una specialità chì si ritrova nant'à carta è un menu fattu apposta: l'aligustina.
nb: tuti i ghjacci sò casani!

per u menu in giru à stu pruduttu si pò manghjà (per 38 aurò):

- una insalata à l'aligustina (una maraviglia)
- un risotto à l'aligustina (una mega maraviglia)
- un dolce di a carta principale

andate puru è fate vi piacè! vale propiu u colpu.
quandu u tempu u permette pudete manghjà nant'à a piazza Guasco. u restu di l'annata a sala si trova in un vechju franghju.

(scusate a qualità di e fottò ma spessu pensu à piglià le dopu avè attaccatu u piattu  )



l'insalata





u risotto
(a versione attuale presenta un capuccinu d'aligustina sott'à u risotto)




u dolce
(sta volta un financier à la pistache, glace à la vanille et fraises)

Iè ci vocu quanch'eiu quand'e possu i patroni essendu dui anziani culleghi.  

Hè bè ciò ch'elli anu fattu in Citadella.

Les carnets de Julie

una bellissima emissione di cucina eri sera nant'à France 3 cù Julie Andrieu chì ci hà fattu vede parechje belli lochi di Corsica suttana è chì ci hà datu sosule tremende à pruvà (fatte cù i nostri prudutti)

per quelli ch'ùn l'anu micca vista: http://pluzz.francetv.fr/videos/les_carnets_de_julie_,94663782.html





cum'è ùn possu stà tengu à parlà dinù di ciò ch'aghju lettu eri sera nant'à facebook à stu sugettu.
per disgrazia sò cascata nant'à statuti è cummenti veramente puzzichi critichendu sta "cunnaccia" cum'è Julie Andrieu hè stata chjamata...
perchè ste critiche? per via di a so manera di dì certe parolle corse è perchè avia sceltu a Corsica per a so emissione...

ci sarà manera di fà qualcosa di ben nant'à a Corsica senza fà nasce e critiche stupide? ci sarà manera di parlà di noi cù rispettu senza sente parullacce in ritornu? a Corsica hè una terra interdetta? ùn si pò più parlà di a nostra cultura, di a nostra cucina ancu (sugettu sacratu?) si u giurnalistu ùn hè micca corsu? tutti quelli chì si sò scatenati nant'à st'emissione mi parenu più tonti chè tutti i pinzuti chì stroppianu a nostra lingua...

intantu per quelli chì anu assai piacè à cucinà è à aduprà i nostri prudutti vi cunsigliu di guardà st'emissione è di pruvà certe sosule cum'è u crumble di farina castagnina

https://www.facebook.com/photo.php?fbid=711267975558744&set=a.305784042773808.80488.271684199517126&type=1&theater