ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -50%
-50% sur les sacs à dos pour ordinateur ...
Voir le deal
19.99 €

 

 Chjami Aghjalesi

Aller en bas 
AuteurMessage
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Chjami Aghjalesi   Chjami Aghjalesi EmptyVen 13 Avr - 10:44

Sta mane mi facciu u piacè di sparte e canzone di u gruppu di a mo ghjuventù chì tengu tantu caru
Ci n'hè tantu à mette, aiutate mi puru risa



Guerrieri

P. Croce / M. Pesce

Centumila guerrieri anu francatu la bocca
Tutti vestuti di lume cun trumbette è cù tamburi
Facenu trimà la terra chì seranu l’auguri
Centumila guerrieri anu francatu la bocca

Fissanu un puntu luntanu a vittoria chì s’avvicina
U nemicu suffrerà stirperanu lu so locu
Per dì quale hè u maestru diceranu cù lu focu
Fissanu un puntu luntanu a vittoria chì s’avvicina

Ma daretu à l’armata l’ultimu hà passu stancu
Carcu à sudore di sangue trascina la so miseria
Luntanu dananz’à ellu ci hè la musica guerriera
Ma daretu à l’armata l’ultimu hà passu stancu

U so cantu hè di silenziu è la so parolla hè muta
Pensa à ciò chì ùn hè più per ùn sente ogni sassu
Di’ssu caminu di croce chì oramai hè lu so chjassu
U so cantu hè di silenziu è la so parolla hè muta

Ma sentite la mo voce sentite la mo canzona
Per l’ultima Umanità è per l’ultimu sullatu
Li so guai lu so sangue lu so passu trascinatu
Ghjè per ellu ellu solu ch’eo cantu issa canzona


Dernière édition par petra alta le Ven 13 Avr - 10:56, édité 2 fois
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 10:45

Una maraviglia



Le Chemin des Dames

Dédé Nobili / P.F. Nasica

Vecu un pratu sott’ à lu sole
È tanti panni tesi nantu
Un acellu piglia u so volu
È aghju u mio core frantu

Culà l’ochji spenti miola sunieghja
Culà u mio estru corre è a fideghja
Culà ci s’hè firmata amio vita

Vecu un pagliaghju fumichendu
Compulu à l’ora di a munta
È a mio mimoria s’accende
Per un pizzacciu di pane untu

Culà Francesc’ Antone zappa l’ortu
Culà vecu ballà e barche in portu
Culà ci s’hè firmata a mio vita

Vecu una scola è un tavulone
Sentu mughjà mille zitelli
È di babbò tante canzone
Mi danu u fretu à a pella


Dernière édition par petra alta le Ven 13 Avr - 10:53, édité 1 fois
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 10:47



L'Emiliana

P. Croce / F. Pesce


Cavalcheghju pè la pampa
Incù pistola è fucile
Facciu chjuccà lu staffile
Cavalcheghju pè la pampa

Aghju centu cavalieri
Cù le mustacce in battaglia
Sò tutti omi di vaglia
Aghju centu cavalieri

Per la lege sò banditu
Ma la lege di li mei
Hè quella ch’o facciu eiu
Per la lege sò banditu

Quandi lu sole s’arrabbia
U sumbreru chì mi campa
Mi face casa in la pampa
Quandi lu sole s’arrabbia

À la festa patrunale
Dopu finita la messa
Facciu ballà le prumesse
À la festa patrunale

Annu passatu à la fiera
Cumprai una mitragliosa
Più ch’è lu ventu furiosa
Annu passatu à la fiera

A sera à la prima stella
Ci riscaldemu à le fiare
Femu sunà le ghitare
A sera à la prima stella

Ci fischemu la tecchila
Per lu restu di la notte
E turtigliasse sò cotte
Ci fischemu la tecchila

Quì finisce la canzona
Cumpagneri è paisani
Di Zappatta Emilianu
Quì finisce la canzona


Dernière édition par Sumenta le Ven 28 Aoû - 19:09, édité 2 fois
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 10:51



A te a Corsica Regina

P. Croce / M. Pesce


À tè a Corsica regina
À ella tù
È u pocu di sta rima
À ciò chì fù

À tè lu ventu chì scuzzula
L’alburoni intimuriti
Spazzendu in terra la pula
Di li to passi smariti

À tè l’abbracciu di sta terra
À i purtelli di a notte
Quandu si tace ogni guerra
È s’aprenu le centu porte

E centu porte di l’avvene
I centu mesi di u ritornu
Ciò chì fughje è ch’omu tene
Cù a sperenza chì un ghjornu

À noi d’ùn lacà travvià
È d’ùn pienghje à mille voci
U tempu hè fiume ùn ci vol’à fà
Ch’elle s’ingòrghinu le foci
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 10:57




Sciroccu

M.D. Prosperi / P.F. Nasica


Si pesa lu sciroccu da l’orient inzuccheratu
È scimiscenu l’adori da l’urbe à e marine
Melarrance è sanguine frutti è suleoni

Ventu di u meziornu salvaticu è infiaratu
Accarezza è fraia e culline tranquille
È la fiaccula gialla à la notte s’incrochja

Aria impiumbata essenza di morte
Trizinneghja l’isula sopr’à u mare d’oliu
È si pianta a vita cum’è una fiura

Zittu sin’avà l’alivu di a piazzetta
Ci ghjoca a musica di a rinfriscata
È l’onda di u sognu ci porta pianu pianu

U trattu prufumatu di citrunella d’oru
Ci ramenta paesi à e strane sumiglie
In un abbracciu turchinu s’addunisce l’Atlantide

Tandu sì a natura i so guai smintica
È rinvivisce tuttu l’antichi nemichi
Di pettu à u ventu alluntaneranu
Quella ochjata murtale
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 11:02



U partigianu

P. Croce / Trad. Ucrania

Trà li mughji è li silenzii
Pienti zeppi assuffucati
Si hè pisata la voce
Di li populi nigati
Liberendu la nazione
Feremu a rivoluzione

Cù li chjuchi l’inghjuliati
Operai è paisani
Chì si frustanu la vita
È chì campanu poch’anni

Contr’a Francia imperialista
Manu di li spluttadori
Contr’à i Corsi impanzati
Sempre vili è traditori

Per la terra di u cumunu
D’i nostri antichi lasciata
Ch’è no avemu scumpartuta
Eppò oghje abbandunata

Per la Libertà di l’Omu
Cù li populi fratelli
Contr’à u capitale ingordu
Chì li porta à u macellu

Per li vechji è pè li zitelli
Da la so lingua ligati
Pè li Corsi omi degni
Chì sò stati imprigiunati
Per la Corsica nazione
Feremu a rivoluzione
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyVen 13 Avr - 11:13




Olivier Ancey

A meia a bandera
Svintuleghja à a vita.
È benchì bianca è nera
Mi pare culurita.

A meia a bandera
Svintuleghja à sulana
Quand'in ogni custera
Tira la tramuntana.

A meia a bandera
Svintuleghja à l'amore
E benchì prigiunera
Hè speranza chì corre.

A meia a bandera
Svintuleghja à marina
Quandu muntagna altiera
Basgia l'onda turchina


A meia a bandera
Svintuleghja à u crede
Quand'in ogni prichera
S'innalza a mio fede.


A meia a bandera
Svintuleghja à palesu
Quand'à l'alba ligera
Pare u ghjornu appesu

A meia a bandera
Svintuleghja prumessa
À a so ghjente fiera
È mai sottumessa

A meia a bandera
Svintuleghja rivolta
D'un'anima sincera
Chì ùn ci pò esse tolta

Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptySam 14 Avr - 11:26




In core di i mei ci dorme l'allegria
Puru quandu a vita inciampa i so passi,
Ci dorme tant'amore è tanta puesia,
Ancu s'elli sò zitti o s'elli stanu bassi.


In bocca di i mei ci stanu mille fole
Da cuntammi li tempi di tutte le sumiglie,
Chì tessenu a leia nant'à un filu d'amore,
Mentre a vita corre è strappa ogni briglia.

In manu di i mei hè scritta a spartera,
In lettare sulcate da e cugliere andate,
Hè dettu lu travagliu eppo la straziera,
Per fà cresce più belle e so nove biate.

In l'ochji di i mei ci vecu tante frante,
Tant'amori pertuti à l'eterne credenze,
Una manera d'esse, una fede tamanta,
Tuttu ciò ch'hè amore è chì pare viulenza.

In casa di i mei ci canta una lingua,
Vechja quant'è a terra induve elli sò nati,
È vulia d'amore scrive'sse duie rime,
Dilli quant'è sò fieru d'avelli à lu mio latu,
È vulia d'amore scrive'sse duie rime,
Dilli quant'è sò fieru d'avelli à lu mio latu.
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Chjami Aghjalesi Empty
MessageSujet: Re: Chjami Aghjalesi   Chjami Aghjalesi EmptyDim 5 Mai - 11:17

http://www.deezer.com/fr/search/maghju


MAGHJU


Sò le rosule sanguine
Chì anu intintu l'orizonte
Cum'è labbre curatine
Chì basgionu mare è monte.

È ghjè maghju incaluritu
Chì ci spaventò u core
Dendu ci l'ultimu stridu
Di l'inguernu chì si more.

È sò le quattru stagioni
Ch'anu incruciatu lu ventu
Cù le saette è li toni
À u legnu di turmentu.

Puesia o Natura
À qualessa mi cunfonde
Mascherendu la figura
Di l'angoscia chì m'atonde.

Serà l'acqua di u celu
Chì ci pienghje à la faccia
È spenghjì tante candele
Tante vite à'ssa festaccia.

Currendu cum'è u fiume
À fà ne pienu lu stagnu
A sera à l'ultimu lume
Si sente cullà u lagnu.

U lagnu di a nostra ghjente
Chì ùn si perde in l'arburoni
Ma vene à straccià la mente
È straccià le mio canzone.

Serà vera la vuciata
Chì dice è ribomba in mè ne
Chì sta terra marturiata
Ùn averà mai bene.

Pregu la Santa Regina
À l'altare di stu monte
Ùn sò rosule sanguigne
Chì anu intintu l'orizonte.

Patrick Croce

Chjami Aghjalesi 941638_10201165143675714_1070033475_n
Revenir en haut Aller en bas
Contenu sponsorisé





Chjami Aghjalesi Empty
MessageSujet: Re: Chjami Aghjalesi   Chjami Aghjalesi Empty

Revenir en haut Aller en bas
 
Chjami Aghjalesi
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Musica :: Per isse sponde-
Sauter vers: