Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Tempi fà

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
Sumenta

avatar

Messages : 2050
Date d'inscription : 25/02/2012

MessageSujet: Tempi fà    Mer 19 Juin - 15:52

mettite puru quì stavaltoghji d'un antru tempu, di Corsica o d'altrò felice






Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Cumu si dice « je t’aimerai toujours » ? : saraghju sempre bugiardu…   Mer 19 Juin - 15:59

à ringrazià:
Circione è u so sensu di a risposta per u titulu risa
Le Figaro
Le Petit Bastiais



U ritornu d’una risuscitata

Béthune, u 3 di ghjugnu di u 1913
A mezu à i passageri smariti di u Titanic c’era una madama Breuys di Béthune. Dopu avè la pienta qualchi tempu, u maritu, Jacques Breuys, s’era cunsulatu cù una giuvanotta, Angélique Busquet, cun quale campava à Hénin-Liétard.
St’ultimi ghjorni u sgiò Ghjacumu hà amparatu chì a so moglia era sempre viva è ch’ella vultava in casa soia. Impauritu hà persu u capu è hà tumbatu di quattru colpu di pistola Angélique Busquet. Dopu s’hè impiccatu è s'hè tiratu una balla. Spendicatu da i giandarmi hè statu traspurtatu sempre vivu à l’ospedale…



U prumessu arrestatu


Bourges, u 5 di ghjugnu di u 1913
Un accidente straurdinariu hè accadutu u 4 di ghjugnu versu quattr’ore. U sgiò Gilardin, gasaiu, cinquant’anni, veduvu, si duvia marità in sicondu matrimoniu, quandu, un quartu d’ora nanzu à ceremonia, a puliza hè venuta à arrestà lu. Prestu emu avutu a spiegazione di stu avenimentu chì hà disturbatu assai l’invitati à e nozze. Una lettera anonima era ghjunta à u Parquet accusendu à Gilardin d’avè tombu a so moglia in 1908. Era stata trova in un pozzu, spirante. L’avianu cacciata di stu ciottu prufondu ma era morta pocu tempu dopu. A l'epica si pensava à un accidente o un succidiu ma era un crimine è oghje avemu e spiegazione nant’à fatti chì eranu parsi estremamente suspetti à i magistrati. Gilardin avia lampatu a so moglia in u pozzu. Cum’è i so lagni eranu stati intesi da i vicini u culpevule s’era fattu falà in u tufone pretestendu di fà la sorte. A fece di manera propiu singulare mettendu una corda in giru à u so collu. A disgraziata fù strangulata. Fù un veru eroe. Oghje sapemu ch’ellu hè solu un assassinu.


Una scuperta

Bastia, aprile 1911.
Fendu travagli in a sacristia di San Ghjuvà una scuperta hè stata fatta chì hà stunatu assai mondu. L’operai, videndu una grande teghja in terra, avianu decisu di pisà la. Poca surpresa quand’elli anu trovu sottu una scavazione di ottanta centimetri di altu. Nentru c’era una cascia di legnu duppiata da una siconda cascia di zingu chì cuntenia un caraffone. In fondu di stu caraffone, sempre umidu di l’alcolu messu per cunservà lu sanu, un core umanu. Chì pò vulè dì st’inumazione propiu strana ? Forse un innamuratu vulia tene u core di a so prumessa morta...
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Tempi fà    Mer 19 Juin - 17:12

Sò imprissiunanti  st'articuli, sò tutti  fatti  stalvati?  l'ai trovi  in le  rubriche  "fatti  diversi"  di i  giurnali hè  cusì?

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Mer 19 Juin - 22:30

Circione a écrit:
Sò imprissiunanti  st'articuli, sò tutti  fatti  stalvati?  l'ai trovi  in le  rubriche  "fatti  diversi"  di i  giurnali hè  cusì?


iè...facenu tutti parte di i "fatti diversi"
sò storie vere...vai chì l'omu hè capace di creà situazione chì parenu surtite d'un rumanzu. a realità suprana spessu l'imaginazione scemu
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Tempi fà    Jeu 20 Juin - 6:24

mi sò campatu à leghje  iss' articuli.
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: u Giru di Francia   Jeu 27 Juin - 14:12

Tandu eramu fratelli di lotta…


1934 - Compagnon du Tour de France - testimoniu di Tristan Bernard

Prima edizione di u Giru di Francia in 1903…Sta corsa organizata da u giurnale L’Auto, antenatu di l’Equipe, fù un veru successu. L’edizione 1904, vittima di a so popularità, hà cunnisciutu di fattu parechji scandali…
Prima tappa : Maurice Garin è Lucien Pothier ricevenu scapochji da a parte di quattru omi mascherati esciuti d’una vittura.
Trà Lyon è Marseglia, Antoine Fauré dumineghja a tappa chì finisce in a so cità nativa quandu 200 sustenitori provanu à arrestà u plutone per permette li di guadagnà. A situazione s’arrangia solu quandu l’ufficiale tira una pistullitata.
Quandu u giru ghjunghje in Nîmes, i sustenitori di u locu mostranu a so colera per via di a squalifica di u so favuritu chì s’era ghjuvatu d’un « engin motorisé ». Lampanu petre nant’à i ciclisti.
Durante a cinquesima tappa chjodi sò lampati nant’à a strada… L’aiutu mecanicu essendu pruibitu, Henri Cornet (vincidore di u giru quist’annu) hè ubligatu di finisce i quaranta ultimi chilometri cù i « pneus » crepati.





Statu francese…assassinu
geek

Mémoire collective en Béarn


1910. Epica di a prima sperienza di u sinemà parlante cù Léon Gaumont, primu postu TSF dettu à galène, a cumeta di Halley passa vicina à a Terra è face suffià un ventu di panica nant’à a pianetta, l’omu riesce à vulà à 1000 metri d’altitudine in aviò, morenu Léon Tolstoï è Jules Renard …
Ghjè l’ottesima edizione di u giru di Francia. A tappa trà Luchon è Bayonne hè omerica. Face a paura postu chì e strade sò piuttostu chjassi per e bande di l'animali. Certi dicenu ancu ch’elli anu vistu orsi fendu a ricunniscenza per a corsa. Sti chjassi fangosi è pieni  à ciottuli sò chjamati « u circulu di a morte ». A parolla Tourmalet vole ancu dì « mauvais détour ». Ma l’organizatori (trattati di tuttu) dicenu chì, si Madama di Maintenon fendu a so cura à Cauterets, hà francatu u Tourmalet in carreia à latore, si passa propiu ben in bissicletta ! Solu 59 ciclisti aspettanu per parte. Sò trè ore è mezu di matina. L’aspettanu 326 chilometri durante quindeci ore nant’à bissiclette di vinti chilò, sei foce è micca hè più faciule : Aspin, Tourmalet, Peyresourde, Aubisque. Ottaviu Lapize dettu « Tatave » o « u ricciutu » mortu à u fronte durante a Grande Guerra, sarà u vincidore. Ghjuntu à 5 ore è mezu (di sera…) stancu mortu, lamperà à l’organizatori : « site assassini ! iè assassini !!!! ». L’ultimi ghjunghjeranu à una ora è quartu di matina u lindumane... Averanu pensatu à quelli chì durante l’edizione 1905 avianu decisu di piglià u trenu per i passagi i più difficiuli ?







Parigot tête de …


"La vélocipédie pour tous ", Philippe Daryl, 1892.


"A velocipedia in cità
A pratica di u velocipède in cità ùn hè tantu piacente, soprattuttu in Parigi induve a circulazione hè eccessiva. Sta pratica hè ancu assai periculosa per u nuviziu à u quale a scunsigliemu, in u so interessu persunale, è per quellu di a velocipedia in generale…
Ci vulerà ch'ellu s'impedischi u velocipedistu  di apustrufà i passanti ch'ùn si mettenu micca da cantu abbastanza ben o in furia, è, s’ellu hè ellu stessu apustrufatu da un scrianzatu farà di manera à ùn risponde micca. Hè solamente si qualchissia tocca à a so mascina o à ellu ch’ellu puderà intervene per fà si rispettà".




U veru corsu ùn face micca bissicletta rambo


Un articulu trovu in u Petit Bastiais di u mese di ferraghju di u 1895 (peccatu mi manca a prima parte... ) ci face capisce quantunque chì a bissicletta pone un prublemu à a Corsica dipoi più di cent'anni... s'ellu ùn riescia micca à truvà a so piazza ind'è noi in lu 1895, in lu 2013, a scelta di unipochi ci face suppurtà u Giru, cù e so suvvenzione sceme, e so spese è i so rompistacche... leghjendu i cummenti nant'à a tela mi dicu chì in fine di contu stu prublemu ùn hè ancu smaritu risa
una ultima infurmazione di prima trinca:  i prefetti di l'epica eranu veri precursori di a pulitica attuale è di u matrimoniu per tutti evviva 


"Bastia-vélo

In u mo ultimu articulu avia parlatu di ciò chì avia impeditu u sviluppu di a velocipedia in Corsica, è m’era dumandatu si ste cagione eranu abbastate per sbannì per sempre u ciclisimu di a nostra isula.
E nostre sucetà velocipediche si sò incaricate di risponde à a questione, dendu prove sicure di vitalità. U Veloce Club Aiaccinu, creatu dipoi qualchì mese, ci prumette da quèi à pocu una grande seratina mundana. U prugramma ( cunniscimu l’attrazione principale perchè l'hà palisata un sociu) hè propiu piacevule è a riescita hà da esse cumpletta. U VCA farà ancu sunà, per a cavalcata di u carnavale, un gruppu speciale ch’ùn sarà micca a minima attrazione di a festa.
M. Paoli, secretariu di l’UVA chì scrive sottu à u cugnome di P. d’Alfort croniche velocidepiche in a République, hà riesciutu à fà move a cità sana sana è e più grande persunalità d’Aiacciu praticheghjanu avà a bissicletta. Si dice ancu chì u prefettu dinù stuzzica a pedala.
U Veloce Club Bastiacciu, più giovanu chè u VCA ma valente anch'ellu, ci offre un grande ballu di beneficenza chì sarà seguitatu d’una tombola. I premii si trovanu in a vitrina di u sartore Poggi.
U prezzu di l’entrata hè di dece franchi. Ancu s’elli riprisentanu una somma u successu hè sicuru. Tutti i Bastiacci vuleranu participà à sta prima manifestazione velocipedica è passà una bella serata fendu u ben. Ùn possu chè felicità l’organizatori è pregà li une bella ricetta.
Assai rimarcati in i magazini Marinetti dui custumi ciclisti dernier genre chì staranu sicuramente pocu in vitrina.

Guy d’Hon "
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Jeu 27 Juin - 16:38

Sò belli i to articuli o Petra.ditone
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Jeu 27 Juin - 16:47

Sperenza a écrit:
Sò belli i to articuli o Petra.ditone

aghju messu à ghjornu l'ultimu paura
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Tempi fà    Jeu 27 Juin - 16:57

À i prifetti li hè sempre piaciuta à stuzzicà a pedala.
risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: Tempi fà    Ven 28 Juin - 13:03



un bellu travagliu , aspettemu a seguita cheers 
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Sam 29 Juin - 21:36

ti ringraziu Wink 
cercu a prossima tematica... si ai una idea... bounce 
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Dim 30 Juin - 12:20

Quessa a m'anu conta:

In l'anni 50, nantu à a strada per andà in Barchetta (partendu da Casamozza) à u locu dettu U Padulone ùn era scarsu di vede ghjalline nantu à a strada, chì tandu ùn era trafficata cum'è oghje, è quandu elle passavanu e vitture ch'accumpagnavanu u Giru di Corsica in bissicletta, inciaccavanu tutti l'anni unepoche di ghjalline di unu chì stava per custì, è i paisani u sentianu mughjà :"ch'è vò vi strappite u collu !!!"scemu 
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Dim 30 Juin - 13:31

Sperenza a écrit:
Quessa a m'anu conta:

In l'anni 50, nantu à a strada per andà in Barchetta (partendu da Casamozza) à u locu dettu U Padulone ùn era scarsu di vede ghjalline nantu à a strada, chì tandu ùn era trafficata cum'è oghje, è quandu elle passavanu e vitture ch'accumpagnavanu u Giru di Corsica in bissicletta, inciaccavanu tutti l'anni unepoche di ghjalline di unu chì stava per custì, è i paisani u sentianu mughjà :"ch'è vò vi strappite u collu !!!"scemu 

averebbe avutu a so piazza in u Petit Bastiais ditone 
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Dim 30 Juin - 15:01

Forse n'averà parlatu d'Erculellu (si chjamava cusì) è di e so ghjalline...Rolling Eyes 
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Dim 30 Juin - 15:25

Sperenza a écrit:
Forse n'averà parlatu d'Erculellu (si chjamava cusì) è di e so ghjalline...Rolling Eyes 


ùn si sà mai felice ...
per quelli chì cercanu stalvatoghji o infurmazione nant'à a nostra storia un ligame utile:

http://www.bm-bastia.com/opacwebaloes/index.aspx?IdPage=140


si pò leghje u Petit Bastiais senza sorte di casa ditone 
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Mar 2 Juil - 14:44

salutu2 

Senza leia cun u Giru...

Leghjendu u Corse-Matin sta mane m'hè venutu in core 'ssu stalvatoghju ch'era accadutu quandu babbone era impiecatu à l'usina di tinta in Penta di Casinca. Ci n'era unu, appena stuzzicaghjolu,chì travagliava cun ellu è chì un ghjornu li fece : "O Antò! Scumettu ch'ùn averisti u curagiu di tagliàmmi u ditu".
A funa durò un certu tempu è babbone, cun calma, li rispundia :"aiò ! fàlla finita..." Mumentu datu, ùn sò cum'ella s'hè passata, forse una parolla pigliendu l'altra, o allora pè cacciàssilu di l'arechje, u mo caccaru pigliò una curtella è à quellu li tagliò u ditu francu francu...paura
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Jeu 4 Juil - 21:35

u to babbone avia veramente u sensu di a macagna paura 
aghju sempre dettu chì si una zitella propiu brava, cù assai qualità, sicuramente u puntellu maiò di stu foru! chì tantu circione o ghjallochju!
dumanda mi i puntu chè tù voli per u cuncorsu palidu palidu palidu 
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Jeu 4 Juil - 23:12

L'ai trova quella chì maneghja l'accetta risa  Eppo eiu mi svengu quandu vecu u sangue...confusu 

Ma bò, l'eredità ùn avendu micca svelatu tutti i so secreti (dicenu i scientifichi) vi cunsigliu d'ùn fà cun me scumesse sceme...  paura fughje
Revenir en haut Aller en bas
Voir le profil de l'utilisateur http://isulana.blogspot.com
SERRA

avatar

Messages : 981
Date d'inscription : 25/02/2012

MessageSujet: Re: Tempi fà    Ven 5 Juil - 15:50

Sperenza a écrit:
L'ai trova quella chì maneghja l'accetta risa  Eppo eiu mi svengu quandu vecu u sangue...confusu 

Ma bò, l'eredità ùn avendu micca svelatu tutti i so secreti (dicenu i scientifichi) vi cunsigliu d'ùn fà cun me scumesse sceme...  paura fughje


u to babbone hà fattu ben , in più cusì u tippu s'averà toccu una pensione d'invalidità à vita (senza contà cun l'agravazione s'ellu era ben cun Giacobbi:king: ) e deve esse diventatu l'omu u più sepiatu di u so paese per u restu di i so ghjorni ..
per un lascià cascà e tradizioni famigliali si porebbe rifà a listessa scumessa : "eo dicu ch'un sereste micca capace di taglià un ditu di PetraSumenta (ma se tu li taglii a lingua a ti demu vinta listessa cheers cheers )" . per un vede zirlà  u sangue un averai che da girà u capu à l'altru sensu à u mumentu di minà a piolata (argggg un dò tantu caru di u to bracciu o Pè ..confusu )
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Ven 5 Juil - 23:41

Pfff ! Ùn era mancu natu Giacobbi in l'anni 40...risa è u tippu hà cuntinuatu u so travagliu.lingua
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Tempi fà    Sam 6 Juil - 12:36

O ghjallochju serra ùn sò micca e dite ch´aghju da taglià ti : smiley Rambo:

(Aspetta co ritrovi una vera cunnezzione !!!!!)
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Tempi fà    Sam 6 Juil - 14:22

Eiu sò prontu à scummette chì Sperenza ùn hè mancu capace à taglialli a coda à Ghjallochju


risa 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Tempi fà    Sam 6 Juil - 20:34

Sperenza hè opposta à l'atti di crudeltà versu l'animali, moltu più l'acelli (quandu pensu à u piuppione...lacrime )
Revenir en haut Aller en bas
Voir le profil de l'utilisateur http://isulana.blogspot.com
SERRA

avatar

Messages : 981
Date d'inscription : 25/02/2012

MessageSujet: Re: Tempi fà    Dim 7 Juil - 15:57

Circione a écrit:
Eiu  sò prontu à  scummette chì Sperenza  ùn  hè mancu capace à  taglialli  a coda à  Ghjallochju


risa 


quandu hà tagliatu a toia hai avutu male   ?
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: Tempi fà    Dim 7 Juil - 15:59

Sperenza a écrit:
Sperenza hè opposta à l'atti di crudeltà versu l'animali, moltu più l'acelli (quandu pensu à u piuppione...lacrime )


s'o fussi ancu un ocertula   confusu  ..
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Tempi fà    

Revenir en haut Aller en bas
 
Tempi fà
Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant
 Sujets similaires
-
» Tempi fà bloggu
» "Percò sò di Bastia"
» Tribbiera, Antone Ciosi è Rinatu Astolfi (di u Pedanu)

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: