Sirata CR in linea

O ghjente , quandu a ci femu una "veghja CR live" annant'à Isula cù tutti i pueti?

Ùn sò micca abbastanza "reattiva" per seguità u ritmu d'una serata  è seria un scumpientu per voi d'avè mi trà li pedi.
Capisci bè, quellu chì i face in tempu nurmale cun me si mette ogni tantu in modu OFF è surnaccheghja appena  ,hè più faciule per me à seguità lu.

Ma vi leghjeraghju cun piacè, tù, Sidussincu, Erbaghju è Caparittu.

è Isulanu.



Eccu i Famous Five di u CR.  È ci ne serà forse altri ch'o mi scusu d'ùn avè mintuatu.

Chì piacè ch'è tù mi conti
In quellu famosu five
Noi simu sempre pronti
Pè u chjama è rispondi live
Tù farè a capitana  
We want somebody to drive  

Circione a écrit:

O  ghjente , quandu a  ci femu  una  "veghja CR  live"  annant'à  Isula cù  tutti i pueti?

Micca a duminicata

Ùn puderete cunduce
Chì seriate under arrest
Ma seraghju a vostra luce
Quandu turnerete à l'west  
Tandu ricunnoscerete
That Sperenza is the best !

Erbaghju a écrit:

Circione a écrit:

O  ghjente , quandu a  ci femu  una  "veghja CR  live"  annant'à  Isula cù  tutti i pueti?

Micca a duminicata

Quessa  po l'aviamu capita:

Circione a écrit:

L'Erbaghju ùn  vede u male
Ùn  pensa cà  à  una cosa
A caccia  à  u cignale
Hè  a so  siconda  sposa
È a dumenica corre
Chì in  simana si riposa  

Sperenza a écrit:

Ùn puderete cunduce
Chì seriate under arrest
Ma seraghju a vostra luce
Quandu turnerete à l'west  
Tandu ricunnoscerete
That Sperenza is the best !

Ma s'è tù veni o Speranza
Di beie ùn sarè priva
È ai ancu l'ascianza
Chì ci hè un'alternativa:
Sidussincu ùn beie mai
Sippuru oliu d'aliva  

Parli d'oliu eppo di vinu
Per me l'unicu prublemu
Hè ch'ùn hà rispostu nimu
Sò forse tutti à l'eremu
T'ai da ritruvà solu
À cuntrastà cun u screnu.

dumenica sera?  (u luni ùn ci hè micca a caccia)
cumu si dice in corsu " o Circione on va te faire ta fête?"  

S'elli ùn anu ancu à risponde
Un ghjornu rispundaranu
Sidussincu si nasconde
Caparrittu hè un furdanu
Senza parlà di A Spunga
Di Tittolu è Isulanu...

Cumenci à perde pazienza
È ti capiscu o Circione
Ma sai chì un'assenza
Hà sempre una spiecazione
Per me sò tutti l'amichi
Entruti in invernazione...

Da chì a prima fronda casca
Si piattanu in la so tana
Si stanu à a Vinzulasca
In Sidossi o in Marignana
Aspittendu chì a maestra
Fia sunà a campana

L'aghju trova la risposta,
Di l'assenza a spiecazione
Ùn hè ghjunta per a posta
Fubbe un'illuminazione
Anu ascultatu à Circionu
Chì li disse un bellu ghjornu:

"Averisti fattu megliu
À stàtti in la to tana
Perchè oghje in lochi toii
T'aghju da piglià a suprana..."

S'affaccanu pianu pianu
Per risponde à l'invita
Sidussincu è Isulanu
Unu à l'altru seguita
Almenu una prova avemu
Ch'elli sò sempre in vita

vi ringraziu o zitelli
di dammi tuttu stu vantu
ch'era un furdanu di quelli
eu ùn la sapia mancu
sarà per quessa ch'inseme
noi ci cuntremu tantu

Mi scuserai o amicu
Furdanu ùn t'aghju chjamatu
Senti e voce a ti dicu
O forse ai sunniatu
Aghju intesu dì chì a Spunga
In l'acquagnu ai annigatu

scusami s'e ti ripigliu
è ch'ella ùn ti dispiacqua
a spunga in lu lavatoghju
tuttu lu ghjornu si stracqua
ùn si pò micca annigà
chì passa a so vita in l'acqua

Sempre in l'acqua cum'è u pesciu
A so casa hè a cucina
À l'adrittu à l'arrinversciu
Lava bichjeru è furcina
Talvolta lascia e so sponde
Per fà un chjama è rispondi

Di trattatti di furdanu
Ricunnoscu lu mio tortu
Da l'Isula era luntanu
È noi nant'à u portu
Speranza s'hè inchiitata
È t'hà cridutu ancu mortu

È postu chì sè scalatu
È ch'ai strintu l'amarre
À ciò ch'aghju dumandatu
Rispondi in parolle chjare
Dicci quand'è tù sè prontu
Ch'e priparghimu l'affare

vecu  ch'ellu ci  hè  l'Erbaghju
aiò mittimuci  d'accordu annant'à una data pricisa  è un'ora

è  femuci un bellu CR

dunque  in  simana
ma  u  ghjornu?
l'ora?

Tantu l'aghju aspittatu
Cum'è a pescia u lumbricu
Chì u ghjornu dumandatu
Credi puru ciò ch'e' dicu
Par mè sarà sempre bonu
Pà puità cù l'amicu

Cari pueti, mittimuci d'accordu per sta sirata di CR

vi prupongu di falla una sera
à l'ora di l'apperitivu hè bè, dimu 7 ore
a simana prossima

Luni, marti marcuri o ghjovi.

Forse micca vennari per quelli chì collanu in paese
nè u sabatu o a dumenica per via di a caccia è di i macci

eccu
ditemi

per mè tutte e sere ch'aghju dettu sò bone.
almenu ch'ellu ci sia a champions league?

Pensu ch'ella saria megliu di faccila dopu cena, chì a 7 ore, ci sò - eiu u prima ch'aghju u zitellu chì si chjina à bon'ora- ch'anu da fughje à 7 ore è mezu par andà à manghjà.

È stu marcuri ùn possu...dopu cum'ella vi pare.