Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Brennu o brenu?

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
Circione



Messages : 2157
Date d'inscription : 27/02/2012

MessageSujet: Brennu o brenu?    Ven 7 Fév - 20:39

Spiazzu u sugettu  quì:

@Circione a écrit:
@Sepulana a écrit:
petra alta a écrit:
mi poi spiegà "acqua minuta"?
mi pare di capisce ma senza capisce  lingua 


indè  mè si dice listessu acqua minuta.... vene à di dolce chi pianu pianu s'infirza... ghjuvativa per e loche è pocu dispiacevule per e ghjente dinu...
listessa parola che a minuta vene à dì u renu o grenu per l'altri...
Iè, hè  cusì, acquicinella minuta.

grenu o renu?  chì saria per  voi?


@Sepulana a écrit:
U renu, grenu, minuta secondu e loche hè cio chi ferma quand'ellu si staccia u fiore (farina di granu) è secondu u stacciu( di seta o stacciu fine) hè più o menu rifinita a farina piu o menu bianca. Per u francese  hè a sferenza tra farine blanche, bise ou complète
certi dicenu dino a semul(l)etta o a venata (chi per me in Caccia va per l'orzu è mica per u granu)
Eccu spergu d'esse stata chjara


Aghju  capitu, dunque  vulete parlà di u brennu

L'aghju  sempre  vista scritta cusì  sta parolla, ma pò anch'esse ch'ella si dichi grennu. Sarà  cum'è per  boffu  o  goffu.

Per sapella ci  vole  à dì una frasa cum'è  " ùn ci hè  più  brennu"  tandu sintarete s'ell'hè  G o B


almenu ch'è vo mi magnite dinù voi certe  g o b davant'à l'erre ancu  dopu una vucale  incalcata.

Noi  dimu  "ùn  ci hè  più rennu", dunque  à  u  fondu  ùn la pudemu micca dì  s'ella   hè  g  o b.


per  e duie n  fate u paragone incù  

u renu ( e  rene) (rein / reins)

è  rennu (son)

Tandu  sintarete  a diffarenza s'ella  ci hè.


hè  cum'è per  
sonu
sonnu.

S'ellu vi pare u  sonu di  renu listessu à  quellu di  lenu, pienu, senu ecc. tandu  scrivite puru renu, ma  mi stunaria  quantunque appena.

 salutu2

_________________
Spunsurizatu  da l'UNESCO


Dernière édition par Circione le Sam 8 Fév - 12:22, édité 1 fois
Revenir en haut Aller en bas
Voir le profil de l'utilisateur
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Re: Brennu o brenu?    Ven 7 Fév - 22:32

vi ringraziu per a leziò ma

per contu meiu mettu 1 N : ùn ci sentu mia dopia nazalisazione
per u b o u g :scrivite puru cum'ella vi pare ma quale siasi l'infrasata ne u B ne u G ùn vale indè me

mi ne starraghju di risponde à prussima volta ùn vi vogliu mica dà di più travagliu
bona serata
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Brennu o brenu?    Ven 7 Fév - 22:53

ùn mi dà micca travagliu ùn v'inchiitate, spiicà a manera di scrive u corsu sicondu u sonu aiuta à tutti quelli chì ci leghjenu. Hè u scopu di stu locu.


U corsu hè abbastanza faciule à scrive perchè si scrive sguasi tuttu ciò chì si sente e è viciversa.


L'esempiu di a doppia n hè assai chjaru, da nn à n u sonu ùn hè mancu appena listessu, soprattuttu pè i nostri lochi. Hè soprattuttu per fà rimarcà sta differenza à quelli chì ùn la facenu micca ch'e mi sò permessu di fà stu picculu "corsu".

Ma a vostra spiicazione mi và è a vi tornu à dì: s'è vo dite enu ci vole à scrive enu. *

ùn hè cà s'è vo duppiavate à lettara à l'urale chì a a logica saria stata di duppialla ancu à u scrittu.


* (quandu dicu voi parlu di i Sepulani in generale. )

Eccu, à bona sera.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Re: Brennu o brenu?    Sam 8 Fév - 0:20

Faciule di scrive in corsu…?
L’aghju imparatu  à l’arechja in corp’à mamma,
ricunnisciutu in e voce di i mio vechji, parlatu prima di u francese,
lettu per e prime volte da zitella in A Muvra o in Pece cruda à u focu cu u mio babbone,
scrittu à l’usu di intricciate è cambiarine,
rivistu scambià di funulugia è suciolinguistica à l’università cù Thiers o Chiorboli, Dalbera è tutti quanti,
ma dinu scambià torna chi ghjera « troppu cumplicatu » è diventà  dì mi lu per chi tutti capischinu megliu  senza sforzu
è oghje un corsu di doppia nasalisazione di Circione  parlendu à una di Valle Rustie…
Faciule ?  Iè ! di sicuru !!!…
è un certu mi dice « ma perche ùn scrivi ? » : Perche a pratica batte a gramatica  ... cusi mi chjappu e serre  cun 2 N
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Brennu o brenu   Sam 8 Fév - 11:56


Cara  Sepulana, aghju  dettu  abbastanza faciule à  scrive...

Ma   hè  vera  quantunque chì   in la  scrittura  di u  corsu  ùn  hè micca  a lettara n chì   mi  dà  fastidiu  u più. U casticu  saria piuttostu M.

Una  sola  n  trà duie vucale ind'è  noi  si  sente  chjaramente :  trenu, senu, pienu, menu, lenu, ecc.  

È   per  noi u  renu  (rein) è u  rennu (son),  ùn anu mancu  appena  u listessu  sonu. Custì à  a limita  u prublema di a scrittura ùn  si pone mancu  hè  solu un affare  di prununcia. Avà, a vi tornu à dì,  sì ind'è voi renu (rein) è renu (son) si  dicenu tramindui  incù u listessu sonu, ci vole  à rispittà a  vostra  varietà  è  scrive renu. Ùn vaghju micca dettu  ch'è  vo vi sbagliavate, ma solu chì ùn  avia micca capitu  u vostu "grenu".

In certi   lochi,  si sà,  a  fruntiera sunora  trà n è nn ùn  hè  micca  marcata cum'è ind'è  noi.

Si  sà dinù chì  certi  lucutori e  so n  e  dicenu  à l'usu francese, tandu   ùn   hè  micca evidente  per elli à  sapelle  duppià  o micca  in la  scrittura. Vale  dinù  pè l   è r.

Inquant'à  l'evuluzione  di u  corsu ch'è  vo dite  ùn  sò micca sicuru  ch'ella  cuncerni   a lettara  n  cacciatuci ùn / unn' ùn vecu  tanti  cambiamenti.

Quandu  vi dicia  chì "brennu" o "'rennu" l'avia  sempre  visti scritti cusì – vale  à  dì cù  duie  enne –  ùn parlava micca di  u corsu  d'avà  ma ancu  di quellu ch'omu scrivia nanzu  à  intricciate  è  cambiarine.

Postu  chì u facciu  studià  à  i mo liceani, vi possu cità  un  strattu di Donne d'eri, di Ghjaseppu  Bonavita :" Mamma si mettia  à  batte  u stacciu, racugliendu u  fiore indu  a madia è  allugandu u  'rennu pè  e  jalline  e pe a truvulata di u porcu." Aghju lasciatu  a  vechja  scrittura tale  è  quale.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Brennu o brenu?    Sam 8 Fév - 12:56

Revenir en haut Aller en bas
Voir le profil de l'utilisateur http://erbaghju.unblog.fr/
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Brennu Brenu   Sam 8 Fév - 13:09

Postu chi u sensu di l’ultima intervenzione ùn vi hà portu nisuna luce, a vi porghju in parole più schiette.

Aghju vulsutu fà capisce à u Sgiò Prufessore di a Sapienza maiò di u doppiamentu di tutte e cunsunale nustrale (o nò) chi e lezzione, à a mio età, facenu u stessu bon prò che un impiastru nant’à caccavichje di mammone…

Dopu à una dumanda di spiegà acqua minuta (spressione tantu scunnisciuta? venuta da u latinu senza più piglià stoppie !)mi ritrovu trattata da liceana.
In corte ma vechje et nustrale parole v’aghju dettu u mio parè è à mio vuluntà di lascià e lezziò à quelli chi e volenu riceve.
Se vo’ ùn capite a spessione Mi chjappu e serre : vole dì mi licenzieghju, je me tire !

Per contu meiu parlu, scrivu è certe volte ancu leghju à l’usu nustrale, vene à dì quellu di a lingua materna (chi per a furtuna di certi fù urale) postu che vo mi ricunniscite al menu u dirittu di scrive cio ch’o dicu. Ma in a stessa infrasa è in longu discorsu m’impiastrate di cio chi vale in una norma linguistica … tengu à dì chi leghje hà sogu fà in Corsu, Francese è in altre lingue rumane ancu per libri di cunghjucazione, chi linguistica n’aghju vistu è manghjatu bon parechju, chi trascrizzione funetiche altr’è tantu, è chi corsi ancu puru di lingua nustrale n’aghju datu qualchi unu !

Per fine, postu per me u piace di sparte in lingua materna si perde (cridite ci puru chi l’aghju vista è tocca) mi ne pigliu e serre o per voi a machja è lasciu qui u mio ultimu bigliettinu chi ghjudiziu ùn si ne compra !
Vi ricunnoscu e vostre qualità ma a manera di fà, per me, hè for' di misura.
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Brennu o brenu?    Sam 8 Fév - 13:32

certe lezziò vi restanu à amparà. a prima ghjè quella di u galateu, a siconda quella di a mudestia.
si ci n'hè unu chì vi hà rispostu cù rispettu è cù unicu scopu di avè una riflessione custruttiva nant'à a lingua ghjè Circione. ùn sapete micca tuttu. manc'ellu hè vera, ma Circione omancu cerca à purtà qualcosa à a lingua. ùn si guarda micca u billicu.
dopu s'elle vi dispiacenu e dumande nant'à un foru cuncernendu a lingua fate cum'è certi, statevi ne zitta è ùn date micca l'infurmazione. tuttu ognunu (è a lingua soprattuttu) si ne purterà megliu.
Revenir en haut Aller en bas
Voir le profil de l'utilisateur
Rappallinu



Messages : 437
Date d'inscription : 25/02/2012

MessageSujet: Re: Brennu o brenu?    Sam 8 Fév - 13:39

@Sepulana a écrit:
Postu chi u sensu di l’ultima intervenzione ùn vi hà portu nisuna luce, a vi porghju in parole più schiette.

Aghju vulsutu fà capisce  à u Sgiò Prufessore di a Sapienza maiò di u doppiamentu  di tutte e cunsunale nustrale (o nò) chi e lezzione, à a mio età, facenu u stessu bon prò che un impiastru nant’à caccavichje di mammone…

Dopu à una dumanda di spiegà acqua minuta  (spressione tantu scunnisciuta?  venuta da u latinu senza più piglià stoppie !)mi ritrovu trattata da liceana.
In corte ma vechje et nustrale parole v’aghju dettu u mio parè è à mio vuluntà di lascià e lezziò à quelli chi e volenu riceve.
Se vo’ ùn capite a spessione Mi chjappu e serre : vole dì mi licenzieghju, je me tire !

Per contu meiu parlu, scrivu è certe volte ancu leghju à l’usu nustrale, vene à dì quellu di a lingua materna (chi per a furtuna di certi fù urale) postu che vo mi ricunniscite al menu u dirittu di scrive cio ch’o dicu.  Ma in a stessa infrasa è in longu discorsu m’impiastrate  di cio chi vale in una norma linguistica … tengu à dì chi leghje hà sogu fà in Corsu, Francese è in altre lingue rumane ancu per libri di cunghjucazione, chi linguistica n’aghju vistu è manghjatu bon parechju, chi trascrizzione funetiche altr’è tantu, è chi corsi  ancu puru di lingua nustrale n’aghju datu qualchi unu !

Per fine, postu  per me u piace di sparte in lingua materna  si perde  (cridite ci puru chi l’aghju vista è tocca) mi ne pigliu e serre o per voi  a machja è lasciu qui u mio ultimu bigliettinu chi ghjudiziu ùn si ne compra !  
Vi ricunnoscu e vostre qualità ma a manera di fà, per me, hè  for' di misura.

Ind'è mè dicenu : "Bon viaghju è ventu in poppa !", ma forse hè for di misura...  salutu2 
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: pruverbi di mesi è feste   Sam 8 Fév - 14:47

Sepulana hà scrittu:"renu è rennu"

Per u brennu o a brenna cù n o n doppiu chi femu? i lampemu tutti à i porci
"N sì chi mal pensa !"
Tamante Sipulanata è Tittolata ! quessu u stacciu ùn hè di seta
pigliate è piane cù mè chi piglieremu e serrende per chode stu cuntra-stacciu!






Revenir en haut Aller en bas
Voir le profil de l'utilisateur
Rappallinu



Messages : 437
Date d'inscription : 25/02/2012

MessageSujet: Re: Brennu o brenu?    Sam 8 Fév - 19:25

@Sepulana a écrit:
Faciule di scrive in corsu…?
L’aghju imparatu  à l’arechja in corp’à mamma,
ricunnisciutu in e voce di i mio vechji, parlatu prima di u francese,
lettu per e prime volte da zitella in A Muvra o in Pece cruda à u focu cu u mio babbone,
scrittu à l’usu di intricciate è cambiarine,
rivistu scambià di funulugia è suciolinguistica à l’università cù Thiers o Chiorboli, Dalbera è tutti quanti,
ma dinu scambià torna chi ghjera « troppu cumplicatu » è diventà  dì mi lu per chi tutti capischinu megliu  senza sforzu
è oghje un corsu di doppia nasalisazione di Circione  parlendu à una di Valle Rustie…
Faciule ?  Iè ! di sicuru !!!…
è un certu mi dice « ma perche ùn scrivi ? » : Perche a pratica batte a gramatica  ... cusi mi chjappu e serre  cun 2 N


O Sepulana, eiu ùn l'aghju micca amparatu in corpu à mamma chì, piccatu, ùn sò micca di razza pura... Ma dui o trè capatoghji i socu anch'eiu è possu palisà chì qualchì unu i m'hà insignati Circione. Ma quessa hè un antru dibattitu è mancu ùn vogliu circà à risponde per ellu chì a farà propiu bè in tempu è ora.

Vogliu scrive quì per ringraziavvi. Iè, ùn misuremu forse micca a scianza ch'è n'avemu di sughje à u latte di a vostra sapienza senza termine, ùn sapemu ricunnosce u geniu quand'ellu si sculifa davanti à noi è godene bocchichjosi cum'ellu si deve. Simu trè o quattru scarompuli mezu finiti, catorni ch'ùn sanu ancu pisà a patta per sullagiassi, agnelli di sta mane o piuconi di sta sera, sciglite puru...

Aghju fastidiu à ingolle ste pratese chì si volenu lizzione fatte lege da ch'elle sò lampate da ghjente chì si credenu bardiani di a cosa cumuna. Mi rivoltanu u stomacu sti mughji in u biotu per "dinuncià" quelli chì, vulendu fà un pocu, sarianu l'assassini senza cuscenza di "A nostra lingua". Allora, per carità, andate puru à sparguglià astrò e vostre idee di ciò ch'ellu avaria da esse u corsu è lasciateci cuntintacci di a nostra gnuranza assumata in tuttu.

Aghju dettu anz'ora : "ventu in poppa" per risponde à u vostru : "pigliu e serre", aghjustu avà : "è vultate quandu vi chjamaraghju eiu !"



Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Brennu o brenu?    Sam 8 Fév - 19:57

À mè piace quand´ellu s annerba tittolu. S'eo era di a listessa tindenza chè malla o ghjuvan filici cascheria innamuratu
Revenir en haut Aller en bas
Voir le profil de l'utilisateur
Rappallinu



Messages : 437
Date d'inscription : 25/02/2012

MessageSujet: Re: Brennu o brenu?    Sam 8 Fév - 20:15

@u ghjudice a écrit:
À mè piace quand´ellu s annerba tittolu. S'eo era di a listessa tindenza chè malla o ghjuvan filici cascheria innamuratu



 basgiu basgiu 
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Brennu o brenu?    Sam 8 Fév - 20:35

Quandu  sò ghjuntu quì  è  ch'aghju lettu  a risposta di Sepulana aghju  fattu :  stunatu
 
Mi paria  d'esse  statu chjaru  è curtese.
Chjaru perchè  l'aghju  detta è  ripituta, ùn   aghju mai  messu in causa  l'esistenza  di brenu.

Sì Sepulana  m'avissi  rispostu simpliciamente  "Iè o  Circiò,  ind'è  noi dimu renu tantu  pè u  renu  cà  pè ciò ch'è  vo  scrivite brennu è  prununciate rennu."
l'affare  si saria  piantatu  quì è  ùn  a varia mancu circatu à  capisce...
Ma...  risa 

O Sepulana
Ùn  sò micca u sgiò Prufessore di a Sappienza ch'è  vo dite, a  sumità chì hà  amparatu à parlà  u corsu in corpu  à a mamma  è  à  scrivelu à u  fucone  incù u  so  babbone, a tarcana  di a  linguistica di  a cunghjucazione  è  di e lingue  rumaniche,  a "prufissora ", ecc. d'appressu à  ciò  ch'è  vo scrivite site voi . Dite  ch'è  vo  sapete  ancu leghje... pò esse, ma  eiu  a littura  ùn  la cuncepiscu micca  cum'è a sola capacità di  traduce   segni  in soni, associu  di  lettare in parolle è assestu di  parolle in  infrasate. Sapè  leghje hè  dinù  trave un  cuntinutu da ciò chì  hè  scrittu.  Ùn vale à  sapè leghje e infrasate senza  capiscene u sensu. Vi dicu quessa perchè lighjendu  u vostru ultimu missagiu m'arvecu ch'è  vo  ùn  ete mancu appena capitu ciò ch'aghju  scrittu nemmenu e  mo intinzione. Astrimente avariate avutu una  riazzione più  sinnata cà  cusì.

Ma  pensu soprattututu ch'è vo ùn  vulete capisce...  Eppuru i  cunsigli ci vole  à  sapelli piglià, eiu l'accettu sempre vulinteri. E  critiche  dinù. Ma  voi ete "passatu l'età  di piglià lizziò  è  siguità cunsigli"...  O Jackie,   l'età ùn  ci  entre per nulla custì  eppo' – ùn sò micca  eiu  chì  a dicu hè  Brassens – " Le  temps ne  fait  rien  à l'affaire,  quand  on est  con  on est  con..."


Allora  cuntinuate à scrive  brenu  è  tutte  l'altre parolle ch'è  vo vulete "à  modu  vostru" senza  tene contu  di  a  scrittura  di  u  corsu ch'ella sia quella di prima  o  quella d'avà.

" ùn  vale  à fiscà  quandu u sumere  ùn  vole  beie."  

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Brennu o brenu?    Dim 9 Fév - 13:08

Duie parolle per  ringraziavvi di tutti sti picculi missagiu di sustegnu  tantu  quì cà  annant'à facebook. Missagi chì  mi riscaldanu u core  in  sti mumenti  assai assai difficiuli.  Quellu di u Ghjudice  hè cummuvente, n'aghju sguasi ancu pientu. tristu 

 risa 

Osinnò stamane aghju lettu  torna u missagiu  di Sepulana,  perchè  a v'aghju  detta, arrisera  era  suspresu di  a so riazzione...  Mi dicia  "innò  ùn hè micca pussibule, aghju lettu male, ùn  hè  micca pussibule ch'ella appii pussutu perde i so narbi cusì... "

U più bellu di l'affare  hè  ch'ella mi rimpruvareghja " a manera  di fà "...   Allora aghju lettu torna tutti i nostri  scambii, è  ùn  aghju  vistu nulla chì possi  ghjustificà una riazzione eccessiva  cum'è  a soia.

Annant'à u fondu nulla, un semplice disaccordu annant'à  u  numaru  di n in la parolla  brennu...  Figuratevi.     Dicu disaccordu, ma  u  disaccordu hè  piuttostu  soiu postu  chì  eiu sò  statu bellu cunsensuale. A sò  chì  a mo cunsensualità  à  certe donne li face perde a bussula ma quantunque... Cool Li aghju  dettu  3 volte ch'ella  duvia  scrive  rispittendu  a so  variità dialittale, senza mai rimette in causa l'esistenza di "grenu  o  renu ".  Lighjendula torna,   mi vene u dubbitu è  pensu ch'ella  scrive "renu" cum'ella scrive "parola" o  "mica", vale  à dì  senza sciappassi tantu u capu nè tene contu  una siconda  di tuttu u travagliu fattu pè  a scrittura  di  a  nostra lingua dapoi a Muvra  sin'à oghje passendu  pè intricciate è  cambiarine.  À mè  ciò chì  ùn mi piace micca  in lu  so missagiu hè   issu sdegnu palisatu,  l'idea  ch'ella si face  di  issa lingua "chì per a furtuna di  certi  fù urale "  a  soia  a  intinzione  pare  bella chjara.

Nant'à  a manera? in più di  a mo  cunsensualità  ligendaria  Cool , mi  pare  d'esse statu  bellu curtese. Ancu  troppu, perchè à certe parsone s'è  vo li date u  ditu  si piglanu ancu a manu...

Dunque a  prima cosa  à fà  hè  di lascià corre, chì cum'ellu dice  u mo parente Martinu annant'à  u nostru muru FB : "Ùn vi scurdate chì à fà a barba à i sumeri si perde tempu è savone" ...

Dunque lascemu corre o  Sepulana "the brain"  risa avete a ragiò,  pigliate puru e sarre avà chì i paesi l'ete  digià  pigliati.



PS: O Pulvaraghja ch'è  tù scia  a  vulia  dì! participeghja appena quì micca solu annant'à FB.  Wink

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ghjuvan Filici



Messages : 194
Date d'inscription : 25/02/2012

MessageSujet: Re: Brennu o brenu?    Dim 9 Fév - 14:08

Par fà avanzà u dibattitu (chì parullaccia, "dibattitu", ugni volta ch'e' a impiegu aghju l'imprissioni di tappettizammi ancu di più...) vurriu solu dì :

ùn ci voli micca à cunfonda u scudu di Brennus è un cuddu di brennu !



Da midità...


 scratch stunatu silenziu porcu geek 

OK, sortu...
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Brennu o brenu?    Dim 9 Fév - 14:27

@Ghjuvan Filici a écrit:
Par fà avanzà u dibattitu (chì parullaccia, "dibattitu", ugni volta ch'e' a impiegu aghju l'imprissioni di tappettizammi ancu di più...) vurriu solu dì :

ùn ci voli micca à cunfonda u scudu di Brennus è un cuddu di brennu !



Da midità...


 scratch stunatu silenziu porcu geek 

OK, sortu...

mette un puntu à Circione per "the brain" d'accordu...u si merita evviva risa 
ma o Ghjuvan Filici ùn ghjova à nunda di mette quì e to cacciate fragiche di fb. ùn ti farà micca guadagnà u cuncorsu  lingua
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Brennu o brenu?    Dim 9 Fév - 14:36

metti puru un puntu pè  "the  brenu" in lu  veru  cuncorsu! evviva 

è  unipochi dalli  à GF  in quill'altru,  quellu di e cacciate  fragiche...
 risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ghjuvan Filici



Messages : 194
Date d'inscription : 25/02/2012

MessageSujet: Re: Brennu o brenu?    Dim 9 Fév - 14:38

S'iddu ci hè un cuncursu pà i cacciati merzi possu fà peghju ! bounce bounce bounce 
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Brennu o brenu?    Dim 9 Fév - 14:39

@Circione a écrit:
metti puru un puntu pè  "the  brenu" in lu  veru  cuncorsu! evviva 

è  unipochi dalli  à GF  in quill'altru,  quellu di e cacciate  fragiche...
 risa


mi piglii per quale?

hè digià fattu  lingua 
Revenir en haut Aller en bas
Voir le profil de l'utilisateur
Rappallinu



Messages : 437
Date d'inscription : 25/02/2012

MessageSujet: Re: Brennu o brenu?    Dim 9 Fév - 15:12

Prupongu un premiu per u cuncorsu : un sugiornu in Rennu  paura 

Quessa si vale centu punti  Cool 
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Brennu o brenu?    Dim 9 Fév - 15:23

Tittolu a écrit:
Prupongu un premiu per u cuncorsu : un sugiornu in Rennu  paura 

Quessa si vale centu punti  Cool 


d'accordu  geek 
Revenir en haut Aller en bas
Voir le profil de l'utilisateur
Rappallinu



Messages : 437
Date d'inscription : 25/02/2012

MessageSujet: Re: Brennu o brenu?    Dim 9 Fév - 18:08

Avà basta, salsifis cum'ellu dice Serge l'urtulanu ! Ùn possu più pate certe intervinzione vulgare quant'è iaurti di certi soci !

'Ci chì unu avaria scrittu banana  banana  cù dui n (trè dunque) "bannana" è ancu peghju salamu  elephant porcu cù dui m : salammi ! Hà leccu u meccu !

Un pocu di tinuta o zitè !


Ps : bon, s'è avà ùn aghju micca u premiu d'onore di u cuncorsu di a cacciata fracica, demissiuneghju di u mio postu d'amministratore !  scemu 

Ps2 : Ùn fate casu a dumenica sera sò sempre cusì...  beie 

Ps3 : Vi sterpu tutti à FiFA 14 !

Ps4 : È à Call of duty ùn si ne parla !
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Brennu o brenu?    Dim 9 Fév - 18:15

Tittolu a écrit:
Avà basta, salsifis cum'ellu dice Serge l'urtulanu ! Ùn possu più pate certe intervinzione vulgare quant'è iaurti di certi soci !

'Ci chì unu avaria scrittu banana  banana  cù dui n (trè dunque) "bannana" è ancu peghju salamu  elephant porcu cù dui m : salammi ! Hà leccu u meccu !

Un pocu di tinuta o zitè !


Ps : bon, s'è avà ùn aghju micca u premiu d'onore di u cuncorsu di a cacciata fracica, demissiuneghju di u mio postu d'amministratore !  scemu 

Ps2 : Ùn fate casu a dumenica sera sò sempre cusì...  beie 

Ps3 : Vi sterpu tutti à FiFA 14 !

Ps4 : È à Call of duty ùn si ne parla !


  

ps: eiu ti mettu a concia à i cuniglii crétins  lingua
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Brennu o brenu?    Dim 9 Fév - 20:08

Zitti! o mansa di scatterbrain*!


*cacciata favurita di una prufissore d'inglese ch'avia à u liceu... ella dicia "Shut up scatterbrain"! " tête de linotte " in francese.


Si n'ampara una tutti i ghjorni cù u "prufissore si a sappienza".

Sappienza cù una doppia p ind'è noi.

Eccu o ghjente, à dopu , avà "pigliu e sarre"...



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Brennu o brenu?    Aujourd'hui à 13:33

Revenir en haut Aller en bas
 
Brennu o brenu?
Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Da puntillà a lingua :: Gramatica-
Sauter vers: