CHJAMA È RISPONDI IN LINEA 13/02/2014

  

Bonasera à u puetu
Bonasera à l'amatore
Eccu l'ultimu dicretu
Di u vostru amministratore:
"Stasera chjama è rispondi
Annant'à l'urdinatore"

    

Allora cumu femu ?

Annant´à l urdinatore
Di sicuru a ci feremu
Ùn feremu lascia corre
È in rime sparteremu
Mettendu tantu fervore
È u versu u più scemu

Ùn vi state micca fora
Vecu chì a ghjente hè ghjunta
Attaccate avà hè ora
Vecu chì a luna spunta
È u nostru appuntamentu
Era à nove ore in punta

Erbaghju a écrit:

Allora cumu femu ?

Avemu dirittu à e strufate d'un versu solu ?   

À le nove ore in punta
U principiu era previstu
Cun a ghjente chì ghjè ghjunta
Lu prò è ancu u turistu
Da fà ch ogni musa unta
Alzi un cantu tal artistu

Cumu femu? nu a sò
À st'ora eiu ùn riflettu
Dumanda forse à Tittò
Ch'ellu ci lampi un sugettu
Cù una manu à l'arechja
È l'altra annant'à u pettu.

Cari amichi vi salutu
Quì annant'à u cumputori
Eu nun pudiu stà mutu
Ch'idda ghiraia quidd'ora
Ghje sò prontu à impruvisà
S'iidu ci vò ancu à annannà !

Tenendu una manu in pettu
Spiecheraghju a mo ragiò
Sceglieraghju un sugettu
Chì ci ferà forse prò
A ci feremu in rispettu
Per parlanne di ballò

Circione a écrit:

Cumu femu?  nu  a sò
À  st'ora eiu  ùn  riflettu
Dumanda  forse à Tittò
Ch'ellu ci lampi un  sugettu
Cù una manu à l'arechja
È l'altra annant'à u pettu.

Tù chì cunnosci o amicu
U cantu tradiziunale
Sai bè chì u prublema
Prestu nasce in u riale
Ma sarà ancu di più
Fendu u cantu in virtuale

Hè cusì ch'ellu hà dettu
U vostru amicu Erbaghju
Chì u megliu sarà forse
Di cantaccila à paghju
Di manera ch'ellu sia
Più bellu sta sera u viaghju

Righjugne u nostru ghjocu
U puetu Fior di teppa
Per accatizzà u focu
Anc'ellu mette una ceppa
Vecu chì u versu hè ghjustu
È a rima bella zeppa

Ma parlanni di ballò
Quissa po ghjè ùn da socu
S'idd'ùn hè tù o Tittò ?
à parlanni di più pocu
Aghju capu quì sta sera
Chì s'imbuffa à manera

Eiu à e cose tonde
Ùn ci capiscu un'acca
Dunque per parlà pallò
Ùn aghju nulla in stacca
Ma circaraghju à difende
S'è qualchì unu attacca

 

À Erbaghju:

Osinnò pudemu fà
Cum'avemu sempre fattu
À  chì vole impruvisà
Ch'ellu ùn  si stia piattu
Senza dumandà permessu
Nemmancu  signà  cuntrattu
 

Fiore di Teppa a écrit:

Ma parlanni di ballò
Quissa po ghjè ùn da socu
S'idd'ùn hè tù o Tittò ?
à parlanni di più pocu
Aghju capu quì sta sera
Chì s'imbuffa à manera

Di sta rima pumuntica
Ùn cunnoscu u patrone
Fior' di teppa avete sceltu
Un billissimu cugnome
Ma nanzu d'andà più in là
Fate e prisentazione

Tuttu beddu spichjittinu
Or' capiscu quì sta sera
Chè t'ùn eri tù spurtivu
Ma più di l'impruvisera
O Tittò lampa l'improsa
Ch'e ci pochi fatti losa

A chì parla di cuntrattu
A chì parla di patrone
A chì và à u cuntattu
A chì nega u paragone
Ùn avia mai fattu
Sti sugetti in e canzone

Ghjè mi chjamu Fior'di Teppa
Scalu quì nantu à lu foru
Quant'in scola di Zia Peppa
Ci circu u versu canoru
Ancu di lu stintu moru
Circaraghu à fà divoru !

Circione a écrit:

À Erbaghju:

Osinnò pudemu fà
Cum'avemu sempre fattu
À  chì vole impruvisà
Ch'ellu ùn  si stia piattu
Senza dumandà permessu
Nemmancu  signà  cuntrattu
 

Ma chì saraghju po' ghjuntu
À raghjunà muse sceme
Par risponde à i mio vanti
Sò attacchi è ghjasteme
Eiu chì in puisia
Ti cridia esse di l'emme

U sugettu hè statu postu
Serà u ghjocu à ballone
È tuttu serà cumpostu
Rispettendu l oppinione
Chì quellu chì hè dispostu
Prufitti di l occasione

O Tittò quissa hè dura
Tù ci metti à a sfida
Sarè tù contra a natura ?
Di a rima prontu à rida
Chì parlendu di ballonu
U docu à tè me Tittonu !

Erbaghju a écrit:

Circione a écrit:

À Erbaghju:

Osinnò pudemu fà
Cum'avemu sempre fattu
À  chì vole impruvisà
Ch'ellu ùn  si stia piattu
Senza dumandà permessu
Nemmancu  signà  cuntrattu
 

Ma chì saraghju po' ghjuntu
À raghjunà muse sceme
Par risponde à i mio vanti
Sò attacchi è ghjasteme
Eiu chì in puisia
Ti cridia esse di l'emme

U sugettu hè u ballò
Dunque ùn aghju nula à teme
U ci hà prupostu Tittò
Chì hè à fondu per l'OM*   
Tù mi voli ghjucà contru?
O emu da ghjucà inseme?   



* (si leghje: o emme    )

Fiore di Teppa a écrit:

O Tittò quissa hè dura
Tù ci metti à a sfida
Sarè tù contra a natura ?
Di a rima prontu à rida
Chì parlendu di ballonu
U docu à tè me Tittonu !

Allora s'ella hè cusì
Ancu à me musa si stacca
Chì annant'à u sugettu
Manch'eiu ùn ci capiscu un'acca
Hè vera chì u sugettu
Avà i cuglioni mi sciappa