Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Faccende, arte è robba di prima

Voir le sujet précédent Voir le sujet suivant Aller en bas 
AuteurMessage
Lùlù



Messages : 721
Date d'inscription : 04/11/2012

MessageSujet: Faccende arte   Jeu 9 Jan - 22:20

Ben ch'ell'ùn sia un veru lamentu ma di scrittura clàssica eccu Facende
appena longu ma e facende eranu numerose è senza sapè nunda di l'incalcu di tal'o tale
filare aghju seguitatu u mo stintu per dàlle una cert'andatura.

U tempu ne cambia ne pianta
Si ne cerca unu novu cù vechji vezzi
di zucche trasuchjate . Si pò mutà di facende ma micca di strazzi

                                           FACENDE

                                                                                                       
Sò chjamati à l’operate
tanti nomi che casate,
à tenesi tutti stretti
per alzà muri è tetti.
S’adunisce l’amicizìa,
per fà nasce a divizìa.

Aprontate rocca è fusu,
chjamanu per a tundera
cumu hè sempre statu l’usu
nenzu di a muntagnera.
Ùn ci pò esse ricusu
à l’aiutu senza paghera.

Tempu segatu u granu,
hà chjamatu a tribbiera
à dà un colpu di manu,
ognunu cù à so fera,
d’u stantu tribbiatu in pianu
à fànne a triscinera.

Si trascina è si triscina,
ci’hè da tronccassi u spinu,
da la casa à u mulinu,
ognunu face farina,
è l’ùn si po manghja pane
ch’ùn’hè stantatu di mane.

Sempre corpu à viulinu,
nasce torna u troncca spinu
à coglie uva per vinu.
Tutti pari cu lu vicinu,
un si ghjalusa destinu
d’u stantu senza stupinu.

Si ripiglia altra cogliera
da li chjosi à la rata,
sìa omu , sìa fera
quella vita ghjè pagata
li costa anch’ella macagna,
a farina di castagna.

Sempre à « zà ! » senza lagnu
da u mulinu à u fragnu,
d’ogliu si face pruvista,
qualchi zimbina s’acquista
per accunccià u benestà,
ma un ci’hè pace cunquista,
chi ci n’hè sempre da fà.

Si triscina acqua à sechje
è i panni per u fiume,
giovanotte,donne è vechje
d’un capagnu tal è cume,
anu u capu insomatu
d’una cofa o d’un fascinu,
è u grembiu intravatu
da qualchi ciucciu à vicinu.

A terra ghjè locu bassu,
d’operata in facenda,
ci rincresce ancu u passu
per andà à fà pruvenda.
Pare a vita d’u mulinu
chi gira è ùn pianta mài
per macinacci u spinu
chi trascina ancu i guài.

                   §
                           Lùlù


Dernière édition par Lùlù le Ven 10 Jan - 22:20, édité 1 fois
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Faccende, arte è robba di prima   Ven 10 Jan - 10:44

mipiace 

Grazie o LÙLÙ d'avè purtatu appena di  vita in 'ssu locu di morte (parlu d'u sughjettu, d'a trista sorte di Marinella, micca d'u foru  imbarazzatu ) cun 'sse donne, 'ss'omi affaccendati è e to parolle intrecciate à u so campà.

Scrivimu scrivimu, siamu testardi, scrivimu è parlemu è ùn si spenghjerà a lingua !! salutu2
Revenir en haut Aller en bas
Voir le profil de l'utilisateur http://isulana.blogspot.com
Lùlù



Messages : 721
Date d'inscription : 04/11/2012

MessageSujet: Lamentu di Marinella   Ven 24 Jan - 10:14

Accatizemmu appena stu tastu in tantu !

Unu di i più bellu perche cumunu à tutti i corsi ghjè quellu di u Castagnu
di Paulu di Tagliu
Eccu di scrittura clàssica più sfocata o intisgiata che lamentu: à Brassens

MORGA a CREAZIONE ! à BRASSENS !

Addiù pace serena
ò Brassens ti facciu scusa
anu dumatu a to schjena
t’anu arrubatu a to musa
filichendu per campu santu
tantu anima chè cantu.

U signore li perdona
di pigliassi a canzona
senza pagà u scarparu,
puesia per danaru
sì po calzatu à e strette
sfruttatu di u to arte.

Stà goffu u to paradisu
sottu à u paracqua corsu,
t’ha cacciatu u surrisu
d’esse messu a l’insforzu
cusi spostu à acqua è ventu
senza mancu d’accunsentu.

Ghjuvanotta per a funtana
senza u ventu d’amore
ùn si veste piu d’un fiore
è u so pueta ùn scorre
à feghjà sottu a suttana
è gambette di minnanna.

A musica voga sola
s’hè sfundata a to fola
inciaccata da nimicci
ci pare una pistaghjola,
a barca di li t’amici
sente appena a Barcarolla.

Impestate sò e canne
ch’anu spatriatu u querciu,
e spechiette paesane
t’anu fattu propiu guarcciu,
oghje si gratta u scimmione
cù sta rima à u spallone.

Ti si pensatu guardatu
di stu ghjallu di campanile
tantu più ghjalosu natu
per u stazzu è u casgile
è chi piglia i paesi
à i primi estri francesi.

U poltru per tempurale
era di menu insellatu
ch’oghje tù da u nustrale,
pari un spavechju incalfatu
di sta lingua barbaresca
ch’ùn ti piccia mancu l’esca
per accende a pipa in stacca
chi puzzi l’arbatavacca.

T’anu pigliatu l’insetu
d’a to liberta per tutti,
messu à umbria à l’asciutu
ti staì pencciulu di freddu,
sò trasuchjati i to frutti
senza culore nè gustu.

Tù cusi francu di cunfine
in microcosmu turratu
sì chjosu à rime cursine
è sì tantu incavestratu
ch’un ci’ hè voce per strappalle
e trave di’e stelle gialle.
§

Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Jeu 30 Jan - 22:09

Lagnu o lamentu casca ancu à quelli ch’ùn a ponu dì.
In più d’a mo parulla spergu avèl’insetatu appena d’anima.


                                  U SPAVECHJU

Incalfatu à paesanu
di beretta o di capellu
nantu un pede senza manu,
di paglia pettu è cerbellu,
facciu « Sciù » per l’affanu
di a razza à pizzichellu.

Incrociatu per scumpientu,
sgangaratu mutu è guercciu
messu in vista per spaventu,
ascoltate oghje u lamentu
sprapersu da u libecciu,
di quellu corciu spavecciu.

Di u goffu sò u spechju
à posta per fà paura,
tempu natu sò più che vechju,
di cusi strana vistura
sò u pastore spavechju
chi cura a frutta matura.

Appicatu ò rittu in pianu,
ch’ell’ùn pizzichinu granu
l’ortaglia o a frutta fresca,
spostu à fà scappà l’acelli
facciu a streca sbirresca
per piace di i zitelli.
 
Stò beatu di veranu
per capinera o casanu
d’agrottalli u so nidu,
tandu cambiu di sumiglia
sò fieru di u so stridu
d’esse babbu di famiglia.

Per stu pocu ùn sò più solu
si ralegra u mio palu
d’accunsenteli l’apollu
è mi campu d’avèlli à collu,
mi pigliu basgiu per sciallu
di u so cacatu caldu.

O nustalgia luntana
cù l’inguernu è cutrura
da Libecciu èTramuntana
sò spogliatu è poca dura
a sumiglia falsa omana
più vera ch’a so natura.

Passata a stagione scorsa
ùn si teme vista è talozzu
di spavechju è francalossu,
infrancisata per forza
senza u s’incalcu a dossu
cusi ferma a lingua corsa.  

                 §
                                      Lùlù
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Faccende, arte è robba di prima   Jeu 30 Jan - 22:23

Iè  o Lulù, un  bellu insetu di parolla  è  d'anima, cum'è  tù  dici.
Bravu.

( quantunque  appena longu   lingua )

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Ven 31 Jan - 11:58

@Circione a écrit:
Iè  o Lulù,

( quantunque  appena longu   lingua )

Circione hà scittu :
« ‘u romanzu moto stop’ hè menu longu è pò esse lettu da Lùlù . »
Prosa bella ùn hè mà longa
Ma so leghju : limite,estenuatu è orrore ... cappiu subitu
A puesia ùn duve francà 48 filari di 8 ballade in scrittura classica chi ghjè a nostra prima scola .
U sunettu assai adopratu prima ghjè in14 !
S’ell’hè contu rimatu,cù una rima in calciu è l’altra in Niolu
o s’ellu sente a rima furzata … cappiu subitu
Si chjama puesia u tastu è e fiure al andante puru senza rime è ghjè a scola suprana.

Ùn aghju ch’un credu :
da u travagliu nasce a pratica

Spavechju avia 48 Filari è l’aghju putatu d’un bellu terzu : in 29

U SPAVECHJU

Incalfatu a paesanu
di beretta ò di capellu
nantu un pede senza manu,
di paglia pettu è cerbellu,
facciu « Sciù » per l’affanu
di a razza à pizzichellu

Di u goffu sò u spechju
tempu natu sò più che vechju,
incrociatu per scumpientu
appicatu o rittu in pianu
messu in vistu per spaventu
ch’ell’ùn pizzichinu granu
ortaglia o frutta fresca,
facciu a streca sbiresca.

Stò beatu di veranu
per capi neru o casanu
d’agrottàli u so nidu
si ralegra u mo palu
babbu fieru d’u so stridu
mi pigliu basgiu per sciallu
di u so cacatu caldu.

Ò nustalgia luntana
cù inguernu è cuturura
sò spogliatu è pocu dura
a sumiglia falsa omana
più vera ch’a so natura,
smariti vista è talozzu
d’elli stessi anu paura
spavechju è francalossu !
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Faccende, arte è robba di prima   Sam 1 Fév - 11:05

Tù inseti è dopu puti...

A t'aghju detta in burla ch'ell'era troppu longa a to puesia.

À dilla franca a virsione integrale mi piace di più cà quella putata.


Osinnò, per mè u numaru di versi o di strufate ùn face micca parte di i criterii impurtanti.

Una puesia ancu longa pò esse bella... guarda u lamentu di u castagnu di Paoli di Tagliu...

o a Divina cumedia di Dante Allighieri? quantu strufate? ...  risa 

ma mi piacenu ancu l'aiccù d'Addisperata.  salutu 

Hè u suchju chì vale.



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Dim 2 Fév - 12:48

@Circione a écrit:
Tù  inseti è  dopu puti...

A  t'aghju detta in burla ch'ell'era troppu longa a to puesia.

À  dilla  franca  a  virsione   integrale mi piace di più cà quella putata.


Osinnò, per mè u numaru  di  versi o di strufate ùn  face micca parte  di i criterii impurtanti.

Una puesia  ancu longa  pò esse bella...   guarda  u lamentu  di  u  castagnu  di Paoli di Tagliu...

o  a  Divina cumedia di Dante  Allighieri? quantu  strufate? ...  risa 

ma mi piacenu  ancu  l'aiccù  d'Addisperata.  salutu 

Hè  u  suchju chì  vale.



a to burla era palisata.... ma puru insetatu ci vulerà putà listessa
M’hè parsu anc’à mè ch’era megliu insetatu che putatu
Aghju piacè che tu sia gustosu in  arburatura scritta !
Senza parami Paoli è Dante in tagliu mi basta s'ell'hè appena andante!

Circione hà scrittu :"hè u suchju chi vale "

Eccu un sunettu à a stretta insetatu à pettera
è putatu listessa in nove è sette pedi …bracci mozzi

           SUCHJU

Solu u suchju face sumente
da l’estru l’ingeniu piccia
per sparghje fresca è cuscente
tantu vita che diccia.

À chì  bon suchju tene à mente
averà primaticcia
cù arte e manera piacente
una scrittura  liscia.

Ùn l’impreme luna o stagione,
per fà fruttu o fiurone
li vene linda è naturale.

Tandu ùn si cerca paragone
da e longhe à scurtone
quandu di puru suchju vale !
                 
                §

Aiccù cortu
danciu di fiure è frutti
di suchju vale !

( un travagliucciu solu per accuncià a pratica )
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Faccende, arte è robba di prima   Mar 4 Fév - 6:45

@Lùlù a écrit:


a to burla era palisata.... ma puru insetatu ci vulerà putà listessa
M’hè parsu anc’à mè ch’era megliu insetatu che putatu
Aghju piacè che tu sia gustosu in  arburatura scritta !
Senza parami Paoli è Dante in tagliu mi basta s'ell'hè appena andante!

Circione hà scrittu :"hè u suchju chi vale "

Eccu un sunettu à a stretta insetatu à pettera
è putatu listessa in nove è sette pedi …bracci mozzi

           SUCHJU

Solu u suchju face sumente
da l’estru l’ingeniu piccia
per sparghje fresca è cuscente
tantu vita che diccia.

À chì  bon suchju tene à mente
averà primaticcia
cù arte e manera piacente
una scrittura  liscia.

Ùn l’impreme luna o stagione,
per fà fruttu o fiurone
li vene linda è naturale.

Tandu ùn si cerca paragone
da e longhe à scurtone
quandu di puru suchju vale !
                 
                §

Aiccù cortu
danciu di fiure è frutti
di suchju vale !

( un travagliucciu solu per accuncià a pratica )

Cusì sì!  evviva ditone 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Mar 4 Fév - 10:21

Circione hà scrittu : cusi sì !

Cusi sì !
da tè à mè
perchi nò ?

Stati qui!
sempre ci’hè
cio chi ci'ò!

Cusi sì!
Cusi sò?
per dà sprichju
di bon tichju !
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Faccende, arte è robba di prima   Ven 7 Fév - 10:45

à Ghjuvan’Lurenzu  Ghjudice, imbastaghju in Polverosu, maestru d’arte è di lingua !

« Da chi ghjè chi a storia di u Corsu
hè sempre conta à spallozu »

U LAMENTU di L’IMBASTIU

Sempre à spalle soie, l’omu insoma a storia,
sò l’imbastiu più degnu, di ripiglià l’impegnu
chi più prestu ch’u mo legnu, si tarla a so memoria .

D’un tichju di a natura, so natu d’un legnu uncatu,
di quatru pedi infurcatu, d’altre tantu incornatu,
di bella manifattura, sò di forze infarratu.

Duie feltri per cuscini,aghju amparatu prestu
casticatu da i spini, trinicatu cum’un testu
à fà i mo primi passi, ciambottatu per i chjassi.

M’anu messu d’estatina, cù a mo prima cumpagna,
à fà per un mulateru, una vita di macagna,
L’avemu stantatu à veru, per trascinà a so panchina .

So statu dinò sposatu, c’una sella cavallina,
per fà a vita staccata, à ch’in stalla à ch’in cantina,
Quella Moglia Insignorata, ùn l’aghju mai insomatu.

Pert tutti à corpu insu, sò sempre posìculu
quante volte cappiatu, à spinu capulatu
aghju accoltu un ciucciu, à mezu u mo vèculu .

Incu a mio amica funa, sempre à soma per stradone
maì un s’impatta u sforzu.ùn s’accuncia nè patrone
nè mancu cuscienza alcuna, in a storia di u Corsu.

Per un tempu di vacanza, m’hanu messu di riposu
à spassighjà cù zitelli, inc’un sumeru slaziosu
tantu pulputu di panza, chi ma troncu li lombelli .

Per a facende d’avà, si dimeza oghje lu stantu
quandu chi Marta filava, l’aghju fatta più che doppia
frustu so messu da cantu, chi per fine, a groppa stroppia.

Per compie m’anu acasatu, è mi trovu ancu piu tortu
da qualchi gattu sgrinffiatu, da  cane runzicatu
mi tenenu mezu mortu,  per tàvula di salottu.
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Faccende, arte è robba di prima   Sam 8 Fév - 10:01

Una bella idea o Lulù, propiu in accordu incù a tradizione, l'ogetti chì accumpagnavanu u cutidianu di i nostri vechji è chì anu finitu per isse carciule o issi granaghji – certe volte sò stati ancu ghjittati tristu  – cù u mudernisimu chì s'hà paratu tuttu nanzu. L'uriginalità di u to ambastu hè di dalli vita, è di fanne u puetu.

Ritengu belle strufate cum'è questa quì:

"Duie feltri per cuscini,aghju amparatu prestu
casticatu da i spini, trinicatu cum’un testu
à fà i mo primi passi, ciambottatu per i chjassi."


Ci hè dinù qualchì bella passata incù u matrimoniu incù a sella o l'amicizia incù a funa, ecc.

Hè una bella puesia o Lulù. Bella, ma chì saria stata parfetta s'ella fussi stata accunciata appinuccia megliu a somma di a rima.

Ùn hè cà u mo parè ma quand'omu scrive una puesia di fattura tradiziunale cusì, tantu per via di u schema, di u tema cà di a struttura, hè un piccatu ch'ella sia appena lena a cigna, soprattuttu quandu annant'à certe strufate (cum'è quella ch'aghju citatu) e rime sò induv'elle anu da esse – dopu l'altre sticenu appena.

A sò ch'è tù ùn sè micca troppu à cavallu annant'à tutte ste "regule" è chì u puetu hè un omu libaru, hè vera dinù ma quì e libertà ch'è tù pigli mi facenu pinsà di più à una libertà cundiziunale.  Wink 

Ma a ti dicu torna, ùn hè cà u mo parè, hè a to puesia, a poi puru lascià cusì s'ella ti cunvene. salutu2 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Sam 8 Fév - 11:05

@Circione a écrit:
Una  bella  idea o Lulù,   propiu  in  accordu incù a  tradizione, l'ogetti  chì accumpagnavanu u  cutidianu  di i  nostri vechji  è  chì anu finitu  per  isse  carciule  o   issi granaghji – certe  volte sò stati ancu ghjittati tristu  –  cù u  mudernisimu  chì  s'hà  paratu  tuttu nanzu.  L'uriginalità  di  u to ambastu hè di  dalli  vita, è  di  fanne u puetu.

Ritengu  belle strufate cum'è  questa  quì:

"Duie feltri per cuscini,aghju amparatu prestu
casticatu da i spini, trinicatu cum’un testu
à fà i mo primi passi, ciambottatu per i chjassi."


Ci hè  dinù qualchì  bella  passata incù  u matrimoniu  incù  a sella o   l'amicizia incù  a funa, ecc.

Hè  una bella  puesia o Lulù. Bella, ma  chì saria stata parfetta s'ella  fussi stata  accunciata appinuccia  megliu  a  somma di a rima.

Ùn  hè   cà  u mo parè  ma  quand'omu scrive una puesia di fattura  tradiziunale cusì, tantu per  via  di u  schema, di u  tema  cà  di a struttura,  hè  un piccatu  ch'ella sia appena lena a cigna, soprattuttu  quandu  annant'à certe strufate (cum'è  quella ch'aghju citatu) e rime sò  induv'elle  anu  da  esse – dopu l'altre  sticenu appena.

A sò  ch'è  tù  ùn  sè micca  troppu  à  cavallu annant'à  tutte  ste  "regule" è  chì  u puetu  hè un  omu libaru, hè  vera dinù ma  quì  e libertà ch'è  tù pigli mi facenu pinsà di più à una libertà  cundiziunale.  Wink 

Ma  a   ti  dicu torna,  ùn   hè  cà u mo parè, hè  a to  puesia, a poi puru lascià cusì s'ella  ti  cunvene.  salutu2 

soma sottile, aghju piacè che tu a ti piglii à zozzu

Scritta in 10 ballade di longua vita è longa strada l'aghju messa in una forma più
corta à a lettura

ti rimettu u prima abbozzu nantu à so sesta d'orìgine

« Da chi ghjè chi a storia di u Corsu
hè sempre conta à spallozu »

U LAMENTU di L’IMBASTIU

Sempre à spalle soie,
l’omu insoma a storia,
sò l’imbastiu più degnu,
di ripiglià l’impegnu
chi più prestu ch’u mo legnu,
si tarla a so memoria .

D’un tichju di a natura,
so natu d’un legnu uncatu,
di quatru pedi infurcatu,
d’altre tantu incornatu,
di bella manifattura,
sò di forze infarratu.

Duie feltri per cuscini,
aghju amparatu prestu
casticatu da i spini,
trinicatu cum’un testu
à fà i mo primi passi,
ciambottatu per i chjassi.

M’anu messu d’estatina,
cù a mo prima cumpagna,
à fà per un mulateru,
una vita di macagna,
L’avemu stantatu à veru,
per trascinà a so panchina .

So statu dinò sposatu,
c’una sella cavallina,
per fà a vita staccata,
à ch’in stalla à ch’in cantina,
Quella Moglia Insignorata,
ùn l’aghju mai insomatu.

Pert tutti à corpu insù
sò sempre posìculu,
quante volte cappiatu,
à spinu capulatu
m’aghju accoltu 'ò Ciù',
à mezu u mo vèculu.

Sempre à soma per stradone
incu a mio amica funa
maì un s’impatta u sforzu,
ùn s’accuncia nè patrone
nè mancu cuscienza alcuna,
in a storia di u Corsu.

Per un tempu di vacanza,
m’hanu messu di riposu
à spassighjà cù zitelli,
inc’un sumeru slaziosu
tantu pulputu di panza,
chi ma troncu li lombelli .

Per a facende d’avà
si dimeza oghje lu stantu,
quandu chi Marta filava
l’aghju fatta più che doppia,
frustu so messu da cantu,
chi per fine, a groppa stroppia.

Per compie m’anu acasatu,
è mi trovu ancu piu tortu
da qualchi gattu sgrinffiatu,
da un cane runzicatu
mi tenenu mezu mortu,
per tàvula di salottu.
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Faccende, arte è robba di prima   Sam 8 Fév - 11:16

@Lùlù a écrit:
à Ghjuvan’Lurenzu  Ghjudice, imbastaghju in Polverosu, maestru d’arte è di lingua !

« Da chi ghjè chi a storia di u Corsu
hè sempre conta à spallozu »

U LAMENTU di L’IMBASTIU

Sempre à spalle soie, l’omu insoma a storia,
sò l’imbastiu più degnu, di ripiglià l’impegnu
chi più prestu ch’u mo legnu, si tarla a so memoria .

D’un tichju di a natura, so natu d’un legnu uncatu,
di quatru pedi infurcatu, d’altre tantu incornatu,
di bella manifattura, sò di forze infarratu.

Duie feltri per cuscini,aghju amparatu prestu
casticatu da i spini, trinicatu cum’un testu
à fà i mo primi passi, ciambottatu per i chjassi.

M’anu messu d’estatina, cù a mo prima cumpagna,
à fà per un mulateru, una vita di macagna,
L’avemu stantatu à veru, per trascinà a so panchina .

So statu dinò sposatu, c’una sella cavallina,
per fà a vita staccata, à ch’in stalla à ch’in cantina,
Quella Moglia Insignorata, ùn l’aghju mai insomatu.

Pert tutti à corpu insu, sò sempre posìculu
quante volte cappiatu, à spinu capulatu
aghju accoltu un ciucciu, à mezu u mo vèculu .

Incu a mio amica funa, sempre à soma per stradone
maì un s’impatta u sforzu.ùn s’accuncia nè patrone
nè mancu cuscienza alcuna, in a storia di u Corsu.

Per un tempu di vacanza, m’hanu messu di riposu
à spassighjà cù zitelli, inc’un sumeru slaziosu
tantu pulputu di panza, chi ma troncu li lombelli .

Per a facende d’avà, si dimeza oghje lu stantu
quandu chi Marta filava, l’aghju fatta più che doppia
frustu so messu da cantu, chi per fine, a groppa stroppia.

Per compie m’anu acasatu, è mi trovu ancu piu tortu
da qualchi gattu sgrinffiatu, da  cane runzicatu
mi tenenu mezu mortu,  per tàvula di salottu.

m'hè piaciutu assai!
un bellu mumentu di lettura
 salutu2 
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Lamentu di Marinella   Ven 14 Fév - 8:38


Contru - Lamentu

A DICCIA

Poca disgrazia per un farru’a cavallu !
pestu, assestatu è stazzonatu à caldu
temperatu in l’acqua di sgualtra manera
so prestu prontu per calzà qualchi fera.

Vi spiegu quella vita di malabbiatu,
corgu sempre più ch’à u trottu infarratu,
infangatu à l’acqua senza riposu
invechju ancu in furia frustu’è rughjinosu
è ne vegu piu stelle calucinate
à fà è sculisciate per ste ricciate.

Poca disgrazia per un farru’à cavallu !

À chjodi crucifissatu in zòcculu,
pagata a vita di u farrachjolu,
ùn possu mai avè u capu à l’appossu
cù stu cavallacciu chi mi piscia à dossu
ùn pigliate è mio corne per a diccia
ghjè sempre a scumùnica chi m’inticcia.

Poca disgrazia per un farru’à cavallu !

M’anu arricoltu mortu per stradone
per ficcami in pettu d’u so muraglione,
stò cum’un pernu per prisacca è pilone
à disanochjà a casa è u reghjone,
da u tonu é a saetta fulminatu
moreraghju in u focu duve so natu .

Per a diccia di u farru à cavallu
vi pregu salute !

§





Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Faccende, arte è robba di prima   Ven 21 Fév - 8:53

@Lùlù a écrit:
a Tribulata di u Tribbiu

Sò u tribbiu penitente
chi facia u catenacciu
à cincinoni per l’aghja,
cundannatu à u farniente,
rughjinosu di l’occhjacciu,
per fà scola stò di guardia.

Da l’omu incatinatu
eru tandu furtunatu,
era festa a mo stagione
à corre di musu in pianu
per dà vita à u granu,
Stantaratu per testimone
adopratu per pisone
ùn tribbiu più ch’à l’anghjone.

À u m'amicu pueta
aghju chersu limòsina
d’una rima per muneta,
un nunda, una cosina,
di scrive qualchi spiga
ch’ o mi possu sottu dente
sbuchjà l’utima sumente
perch’un zitellu a dica .

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Facende,arte è robba di prima   Lun 3 Mar - 22:25


Vistu che site bravi per dà capu à ‘ssi conti rimati
di quandu mi facia a manu à a scrittura :

« Da spavecchju, imbastiu, è diccia
scusa di stinzà a funa
postu ch’a musa hè di luna
di novu l’estru mi piccia,
di stu spetu per penna
ne scrivu a cantilena » :

U SPETU

Mamma era un’asta,
in mani à stazzunari
hà parturitu, ‘or basta!’
sò natu cù i farri!
incudinatu à chjoccu
è temperatu à freddu
sò battisatu “spetu”
o ancu puru “broccu” .

Furcutu o dirittu
infiaratu è suffritu
quantu piengu à l’arrostu,
lacrime, suchju,è mostu
à quandu per figatellu
sia per tordul’o merlu
o per u pane’incasgiatu,*
tantu in casa che fora
spuntinu o merendella
dà veghja à prima ora
sò fiaccu di fiacculella.
Di manu in manu pigliatu
à chi mi torce è mi striglia
m’aghjust’una riviglia.

Ùn sò fattu ben intesa
per coce à roba minuta,
per pesciu o merghesa
a ratella m’aiuta,
Sumentre mi riposu
ùntu è rughjinosu
ch’avà per e brustate
u sgiò ‘barbicottu’
hè sempre di focate .
Avezzu à sente Aisa!
di ‘Addiù!’vegu l’incisa,
finiscu in burdigottu
o per qualchi catagnu,
buleghju à ramu è stagnu
mi chjappu un ‘acqualisa’(= idrolisa )
Un bellu ghjornu voltu,
ricordu penciul’è toltu
mez’à l’incrochji è l’arnesi
di’e fiere di paesi
per fà u mo riacquistu
in mani à un turistu !.
§

*prima tutti quanti,per u più i zitelli
arrustianu una fetta di pane cù u casgiu
frescu per cacciassi u bughju in corpu!
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Faccende, arte è robba di prima   Aujourd'hui à 11:42

Revenir en haut Aller en bas
 
Faccende, arte è robba di prima
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Faccende arte
» ARTE, Leptis Magna
» Soucis de réception sur ARTE samedi soir...
» ARTE SD toujours en 4/3
» Arte HD

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: