Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Puesie di Caparrittu

Voir le sujet précédent Voir le sujet suivant Aller en bas 
AuteurMessage
Caparrittu



Messages : 166
Date d'inscription : 29/02/2012

MessageSujet: Puesie di Caparrittu    Ven 28 Fév - 10:31

Ziu Anghjulu Ghjuvanni


U tempu sfila è trascorre
Trà i ghjorni, i mesi, è l'anni
Ma ùn sfassa mai l'amore
Ch'omu porta senza inganni
À i soi, è oghje occorre
Di dilla à Ziu Anghjulu'Vanni

Quandu in paese à l'imbrocu
U tempu mi vene largu
Ùn trovu più bellu locu
Chè la panca induv'è mi calgu
Cù i mio vechji à lu focu
Più ci stò è più n'ampargu

Guardu è ascoltu à Ziu
Chì mi spanna a so mente
È mi face turnà vivu
U passatu à u presente
Tandu sì ringraziu à Diu
D'avemmi datu sta ghjente

Cù e so mani mi tesse
U so mondu cum'ell'era
Tante vistighe trasmesse
Nù l'affettu è a spartera
Chì mi permettenu d'esse
Ciò ch'e sò nant'à sta terra

Quand'atteppu cun ardore
I chjassi di a so vita
Aghju la so voce in core
Chì mi guida, mi seguita
È m'insegna à tutte l'ore
I passi di a so imbestita

Mi pare d'esse cun ellu
In tempu di muntagnera
U sentu cantà zitellu
À u stazzu di Leccia Nera
Quandu cù u so fratellu
Impruvisavanu a sera

Mi parla d'un antru seculu
È ogni usu mi tramanda
Temp'esciutu da u veculu
Pasturellu sempre in anda
Ziu cunniscia l'eculu
D'ogni schilla di a banda

Vecu e mule,i boi in l'aghja
È girà l'anticu tribbiu
A casa di a Vaccaghja
Cum'ell'era à u principiu
Da la muntagna à la piaghja
Girgu e pagine d'un libru

Un libru di mille veghje
Da quant'ellu ci ne conta
Tanti lochi ci si leghje
Tanta ghjente ci si scontra
Una storia ch'ùn s'arreghje
È ch'ùn serà mai compia

Guardianu è testimoniu
D'un stintu ch'ellu trattene
Ammenta un patrimoniu
Chì ci corre indù e vene
Chì per esse omu hà bisognu
Di sapè d'induv'ellu vene

Quandu lu mio sguardu volghje
Versu a strada di li mei
Capiscu quale sò oghje
È induve mettu li pedi
È ch'ellu mi tocca à porghje
Sta lascita à li mio eredi

Francescu Luciani [/i]
Revenir en haut Aller en bas
Voir le profil de l'utilisateur
Lùlù



Messages : 719
Date d'inscription : 04/11/2012

MessageSujet: puesie di Caparrittu   Ven 28 Fév - 14:10

@Caparrittu a écrit:
Ziu Anghjulu Ghjuvanni


U tempu sfila è trascorre
Trà i ghjorni, i mesi, è l'anni
Ma ùn sfassa mai l'amore
Ch'omu porta senza inganni
À i soi, è oghje occorre
Di dilla à Ziu Anghjulu'Vanni

Quandu in paese à l'imbrocu
U tempu mi vene largu
Ùn trovu più bellu locu
Chè la panca induv'è mi calgu
Cù i mio vechji à lu focu
Più ci stò è più n'ampargu

Guardu è ascoltu à Ziu
Chì mi spanna a so mente
È mi face turnà vivu
U passatu à u presente
Tandu sì ringraziu à Diu
D'avemmi datu sta ghjente

Cù e so mani mi tesse
U so mondu cum'ell'era
Tante vistighe trasmesse
Nù l'affettu è a spartera
Chì mi permettenu d'esse
Ciò ch'e sò nant'à sta terra

Quand'atteppu cun ardore
I chjassi di a so vita
Aghju la so voce in core
Chì mi guida, mi seguita
È m'insegna à tutte l'ore
I passi di a so imbestita

Mi pare d'esse cun ellu
In tempu di muntagnera
U sentu cantà zitellu
À u stazzu di Leccia Nera
Quandu cù u so fratellu
Impruvisavanu a sera

Mi parla d'un antru seculu
È ogni usu mi tramanda
Temp'esciutu da u veculu
Pasturellu sempre in anda
Ziu cunniscia l'eculu
D'ogni schilla di a banda

Vecu e mule,i boi in l'aghja
È girà l'anticu tribbiu
A casa di a Vaccaghja
Cum'ell'era à u principiu
Da la muntagna à la piaghja
Girgu e pagine d'un libru

Un libru di mille veghje
Da quant'ellu ci ne conta
Tanti lochi ci si leghje
Tanta ghjente ci si scontra
Una storia ch'ùn s'arreghje
È ch'ùn serà mai compia

Guardianu è testimoniu
D'un stintu ch'ellu trattene
Ammenta un patrimoniu
Chì ci corre indù e vene
Chì per esse omu hà bisognu
Di sapè d'induv'ellu vene

Quandu lu mio sguardu volghje
Versu a strada di li mei
Capiscu quale sò oghje
È induve mettu li pedi
È ch'ellu mi tocca à porghje
Sta lascita à li mio eredi

Francescu Luciani [/i]

Salut’ò Francè : t’aghju lettu nant’u colpu di meziornu è quandu voltu
ùn si già più in capu di screnu !
ti facciu ricullà à lume per rispondeti
Bella à spessu aghju di e to nutizie in direttu di a casa di a vaccaghja
Ci’hè po da dì d’Anghjulughjuvani chi tempu ch’o l’aghju intesu l’aghju cugnomatu a Memoria
Chi saria u dettu senza a prisenza è ùn ti si scurdatu di mentuà e so mani spinate è tonde di munghjitore chi Pasquale u so discipulu pastore n’hà pigliatu arte è manere .
tantu à leghje ch’à risponde ritrovu l’ambiente di quassu( rinfrescatu di pocu ch’aghju chjamatu prima di scriveti)
S’ell’ùn era statu per ellu è per tè ùn seria ghjuntu in fondu chi l’hai scrittu quant’ellu ne sà è quant’e so faccende !
ma ùn hè a prima ne l’ultima voltu ch’o passu per stranu !

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di Caparrittu    Ven 28 Fév - 16:00

Hè magnifica sta puesia o Francè, BRAVU  salutu2 

Spergu ch'è tù a li avarè letta!

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Caparrittu



Messages : 166
Date d'inscription : 29/02/2012

MessageSujet: Re: Puesie di Caparrittu    Sam 19 Sep - 13:51

À Babbone Fransuanellu...

Ghjorni scorsi quandu era
À la Santa in cumpagnia
Fatt'aghju la mio prichera
À la Vergine Maria
Eppuru in campu di fiera
M'hè mancatu qualchissia

A mente ùn era tranquilla
Soca parla la passione
Cumprendumi una schilla
Aghju pensatu à Babbone
Chì tempi fà ci vole à dilla
Era prontu à st'occasione

Boi, cavalli, sumeri
È fere purtendu some
Quella Santa di l'altr'eri
Ùn hà più listesse forme
Ma a m'hà conta vulenteri
Ch'aviamu listessu nome

Un nome di gran’valore
Dapoi ch’e sò zitellu
Per mè ghjè statu un onore
Di chjamammi cum’è ellu
Chì stu mudestu pastore
Fubbe in tuttu u mio mudellu

In paese li fù messu
Per cugnome "Caparrittu"
L'aghju intesu tantu spessu
Ch'in capu mi ferma scrittu
Di purtanne u listessu
Anch'eiu n’aghju dirittu

Diplomi ellu ùn avia
Ma d'usi era riccu mensu
C'insignava a mudestia
A pacienza è u bon'sensu
À la so filusuffia
Ogni ghjornu ci ripensu

Di stalvatoghji è di fole
Ne sapia una furtuna
Noi eramu lu so sole
Per quale dava la luna
Quantu deria per gode
St’ore d’intesa cumuna

Da u Piatese à u Cimone
Da Monte Astu à Baghjolu
Ci cuntava cun passione
A so vita di campagnolu
Fieru di pudella spone
À u so caru puffigliolu

Ogni tantu in un sognu
U ritrovu chì m’aspetta
In Tenda sott’à un carognu
Cù la so sprissione schietta
Hà un mantellu verdognu
È in capu a so barretta

Oghje seranu cinque anni
Ch’ellu hè partutu è dipoi
Malgradu i nostri affanni
Sò ch’ellu hà trovu li soi
E ch’in l’aghja di San Ghjuvanni
Cantu daretu à li boi

Ci firmarà in la mente
È sopr’à tuttu in lu core
U so ricordu prisente
Ogni ghjornu à tutte l’ore
Ch’un Babbò di stu talente
Per noi ùn pò mai more…

F.L

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di Caparrittu    Lun 21 Sep - 15:49

Cappellu bassu salutu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Puesie di Caparrittu    Ven 25 Sep - 20:56

@Circione a écrit:
Cappellu bassu salutu

tantu pè a forma che pè u fondu salutu2
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Puesie di Caparrittu    Aujourd'hui à 23:02

Revenir en haut Aller en bas
 
Puesie di Caparrittu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Puesie per a festa di e mamme
» Puesie di Ruclì
» Puesie di Sippuccia
» Puesie di l'annu novu
» Puesie di ciocciu

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: