À mez’Aostu u mo amicu Paulumaria, ortulanu di rinoma, hè statu operatu
è s’hè statu dece ghjorni senza più chjamà ne risponde ?
Eccu quì,chi sta mane…Paulumaria :
« Eù mi trovu à l’ospidale,
incu l’ortu à l’abbandonu, i m’affare vanu male,
Se tu senti u mo mesaghju, rispondimi per piacè,
Sinceru in amicizia, eu aghju fidanza in tè
Simplice è naturale, a m’hai fatta sapè . »
-Lulù :
« T’hanu chjosu à caternu, n’aghju u penseru in pettu
chi mi chjami dà l’infernu, senza nimu in affettu,
ma ti mandu frettu, frettu,‘stu ver’aiutu fraternu . »