Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 FRINGHELLU

Voir le sujet précédent Voir le sujet suivant Aller en bas 
AuteurMessage
Lùlù



Messages : 721
Date d'inscription : 04/11/2012

MessageSujet: FRINGHELLU   Sam 17 Mai - 13:47

U m’amicu Fringhellu s’hè fattu sbuttinà u so ordinatore cù tuttu a so memoria !
Quellu ch’hè statu sbuttinatu a si sà, a fenice si ferma à mente !
 
Mi piace u so estru è a so scrittura, fatti per sparte :  
 
FRINGHELLU hà scrittu
 
         Abbacinu
 
S’anu arrubatu a bertula mea
cù tutte e mo parolle stonde
s’anu arrubatu a cartula mea
è messa in mane vagabonde
 
Pigliatu anu per fosse fonde
senza lagnassi nè signuzzà
e sentu corre in baraonde
e pedimozze di l’aldilà
 
Avale e sò e tribizonde
a trista sorte da ùn parà
u sò u viotu d’e nove sponde
piccula morte da imparà
 
                                 Fringhellu
 
(( RIBOMBU (( : di un sconciu hai fattu un acconciu, fasciatu à a stretta, colmu di vucabulariu è di fiure, in un corsu ch’ùn scriveraghju mai .
 
à l’usu di :
 
A fenice à mente s’attonde
tempu  per lingua di fà  riviglia,
sbuccianu torna fiure è fronde
chi musa vera, sempre spampilla
 
Bertula persa, piccula morte
solu per tempu sò corcie stonde,
capu per zanu, detti per sporte
e cacci fresche,piccu è tonde !    
                                                       Lùlù
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: FRINGHELLU   Mar 13 Jan - 22:00

Un altra manera di vede l’attualità


« ùn’hè chi vole FRINGHELLU "






Viulenza

U focu cova sottu a brusta
Scrizzanu scatizzuli accesi qua è là
A pazzia di l’omi ùn hè frusta
Mancu ci hè bisognu d’accatizzà

Qualsiasi a causa difesa
A più ghjusta è a più santa
Nunda pò ghjustificà l’offesa
Fatta à u nucente ch’u scempiu inguanta

Tristi capivani di ‘stu mondu
Chì vi n’appellate à a ghjustizia
Tenendu in manu vittima è bomba

Andatevine tutti à u sprufondu
È purtatevi ancu a tristizia
Di u vostru viaghju chì tomba.



                     §


                                      Fringhellu
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: FRINGHELLU   Lun 25 Jan - 21:58


A morte di u pastore

Per istrada, a soia, era u pastore. Arresu, frustu, s’era arrimbatu à una petra pusatoghja chì u cunniscia à a so ansciata. Di zerga inguantò u so barbazzale ch’ell’ùn avia più spuntatu dapoi parechji ghjorni è u stinzò forte per dassi di rimenu. Ma sta volta capì chì e so forze si n’andavanu. Si inghjuttì una tasa d’acquavita è piense, assai, appughjatu à u so bastone. Cume pienghje un zitellucciu intravanatu appughjendu u so capu à u senu di a so mamma. Chjamò a soia mamma chì vense subitu, aprenduli e so bracce è u so core. « Sò quì, cun tè, a sai, nèh ! ». U core di una mamma hè infinitu amore. Pisendu l’ochji voltu u celu, visse e rondine in altu vulà. Veranu si spannava. Si arriquiò una cria è si vultò versu a so banda per dassi capu s’ella era accumpulata. Micca troppu. « Li ci vole un antru pastore chì li dia a bella investita nova ! », cusì pensò. Funu stonde benedette quelle passate, dopu, à l’assolu, incù u maestru Supranu ch’ellu servì, cun fede, durante a so vita sana d’omu, dunque di pasta frolla. Li ricumandò l’anima soia è li cherse, sinceru, u so perdonu. Poi ripigliò a so ardente prighera, appinzendu l’ochji nantu à a so banda chì trapughjava : « Un antru pastore, un antru pastore, un... antru… »

FRINGHELLU
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: FRINGHELLU   Aujourd'hui à 11:41

Revenir en haut Aller en bas
 
FRINGHELLU
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: