Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Rappallinu

Voir le sujet précédent Voir le sujet suivant Aller en bas 
AuteurMessage
Sumenta

avatar

Messages : 2050
Date d'inscription : 25/02/2012

MessageSujet: Rappallinu   Mar 27 Mai - 21:39

l'emu digià messu stu vechju scrittu?  pumate 



U RITORNU DI U CAPITANU


U Capitanu Ghjuvan’Filici era à l’addisperu. Eranu oghje duie simane ch’ellu avia fattu a so pruposta di sugettu è, nimu ùn scrivia nulla. Da crede chì u so ritornu ùn avessi cumossu mancu una cria ‘ssi furisti ingrati è senza mimoria. Cumu sarà ? Ellu chì, cridendu ch’ella possi cambià qualcosa, si n’era andatu à sulcà d’altri oceani, à visità d’altri mondi. Lascendu li asgiu à vultulà si nu i prati fiuriti di e puesie dolce, trapiene à albe nove è à surgente fresche.

Ma, dopu à un esiliu cusì longu, li era vinuta in corpu quella curiosità chì omu ùn pò parà. « Chì sarà turnatu ‘ssu locu senza e mio spine, senza chì u mio estru scemu venghi à stuzzicà u latu neru di l’imaginazione d’ognunu di ‘ssi pritini chì si credenu tocchi da e muse divine ? ». Era vultatu dunque, à passighjà per a furesta di i culi strittiti da l’assenza d’una licenzia cusì nicissaria à u so spannamentu. E, ciò ch’ellu ci scurbia ùn li garbava manc’à pena. Una furesta pulita, pulita. Alburi tamanti, chì parianu circà à caccià ogni traccia di fulena nant’à un celu turchinu è spurgulatu. Un dicoru c’ùn pudia pate u minimu difettu. Ciò chì saria per l’omu niscentre chì crede à un mondu spugliatu di miseria è di buffezza un paradisu, à ellu li si paria l’infernu.
Avia giratu u locu in ogni sensu, pisatu ogni petra, s’era arrappagatu à ogni alburu da buscà qualcosa chì li puderia arrigà a voglia di rende. Si saria ancu cuntintatu d’una piccula paura, da fà li riminà una cria e trippe. Ma nulla. Ci vulia à arrende si, quì ùn c’era più c’à zuccaru è mele. « Iscia ! ». Era a prima parolla ch’ellu cappiava dopu à trè ghjorni di girandulime senza appiccià l’ochji una siconda. È dorme, mancu pinsà la. Era troppu impinseritu da u risicu di sunnià à cose lisce, fiori sbucciati o amori sparti da giuvanotti nucenti è puri.

Circava, cù a spiranza in core di cascà, daretu à qualchì scogliu nant’à u baschicciu di qualchì sia d’ imprudente chì si saria persu in ‘ssa furesta à usu Disney world.
Iè una salma fracica, ma micca troppu. Ne mancaria un pezzu, un bracciu o un anca, pocu importa. Ghjustu da fà nasce u dubitu nant’à a prisenza d’un animale à bastanza salvaticu per magnà si un pocu di carne umana. E mosche l’avarianu digià fattu qualchì rigalu è, i varmi à millaie li darianu l’impressione strana chì a vita era sempre à move ‘ssa parsona. Saria una bella zitella, bionda cum’è un campu di granu maturatu da u sole ardente, vistuta di biancu. U so sangue avaria impiciatu e so robbe è a so faccia ùn palisaria c’à u ricordu trapassatu d’una billezza senza paragone. Ma, quessa era un sognu.

S’era messu à pusà, l’ochji persi nu e so pinsate. O chì tamantu piacè saria, in fine pudè gode d’una cosa boffa è puzzulente. Una puzza di quelle chì nimu ùn puderia suppurtà. Ellu, si n’impieria u pettu cù ingurdizia. Una puzza chì viniria à addibbulisce à pena tutti ‘ssi muschi, unu più dolce c’à l’altru, chì li stuzzicavanu e narre. Da l’amacu chì vulichjava indu l’aria è chì scimia l’ape, à u profume d’ogni fiore sbucciatu, u so ciarbellu bullia. Parianu avè un adore ancu e petre. « Inquant’à mè ùn puzza mancu a merda quì ». Avia cappiatu ‘sse parolle senza mancu pinsà ci, à voce alta. « Perchè parli cusì ? ». U capitanu avia pisatu u capu, soca era a mancanza di sonnu, soca a so ragione l’avia abbandunatu. Di punta à ellu si tinia una giuvanotta bionda, bella cum’è l’albore principiante nant’à una marina chieta chì l’estate accarezza di i raghji dolci d’un sole culor’d’oru…(scusate). Dunque, una zitella chì li parlava. U Capitanu avia cappiata un sonu, una spezia di stritu in lingua cignalina da dì a so suspresa. A vardava è a stava à sente. Quella, li dicia chì ùn ci avia più a so piazza nu ‘ssu mondu rinnuvatu, tranquillu, libaratu di tutte e fiure boffe ch’ellu ci vulia tigne. Ci vulia ch’ellu vultessi nu a so pieve, à pate a sulezza di quelli chì anu vultatu u spinu à a cridenza in un mondu puru fattu d’acelli bianchi è di fureste muscante. È parlava, parlava è parlava torna. E so parolle minavanu U Capitanu cum’è palle d’argentu avarianu feritu u Conte Draccula in parsona. Fiore, acellu, pratu verdicante, furesta chieta, fiume simatu, sole appaciatu…. Era troppu, l’omu lasciava cullà in ellu a bestia ch’ellu avia riisciutu à tene à sin’à avà, bavacciulava è li si paria chì i so denti allungavanu. È, d’un trattu, si lampò nant’à a giuvanotta. Ùn era durata tantu, una sannata è a gola bianca è dolce era ciduta. U sangue zirlava, a vita si n’andava lascendu piazza à l’oddiu scatinatu di U Capitanu. Quellu minava, strappava, stracciava, tumbava.

Avà, vardava a so opara. A giuvanotta ghjacia, viota, morta, boffa cum’ellu ci vulia. U so bellu vistitu era più rossu cà biancu. Ùn puzzava ancu ma da quì à una pochi di ghjorni…
U Capitanu era saziu, à l’accordu di carne fresca, tratechju di sangue è di gattivera. Avà pudia dorme è sunnià. Era di ritornu è e cose avianu da cambià. Finita a billezza fina, a tranquillità sirena di un mondu lisciu, lisciu è senza spine.
« Trimate, trimate voi chì vi site lasciati andà à u lussu di a rima parfetta, di a fiura lucicante. Oghje U Capitanu ripiglia u timone è u nostru battillacciu hà da sulcà torna i mari timpistosi di a creazione senza cunfina ».
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Rappallinu   Mar 27 Mai - 21:52

o Rappallinu ùn dici nunda?
a dulcezza di u ricordu ti face stà mutu?  risa 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Rappallinu   Mar 27 Mai - 21:54

Popopopo ! Cumu si dice "exhumation" in corsu ?  spiegà 
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Rappallinu   Mar 27 Mai - 22:01

Rappallinu a écrit:
Popopopo ! Cumu si dice "exhumation" in corsu ?  spiegà 


forucorsu  risa 
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: rappallinu   Mar 27 Mai - 23:52

Sumenta a écrit:
Rappallinu a écrit:
Popopopo ! Cumu si dice "exhumation" in corsu ?  spiegà 


forucorsu  risa 

Quessa a Sumenta hà un mantellu ch'o cunnoscu
Ò zitelli :pianu à e fette! ùn scruchjate micca per u pocu chi vi porta è u più chi vi caccia
ùn 'dissuterrate' micca a piola guerriera, mi fate pensà à quelli ch'anu cacciatu una cascia di morte per i so fratelli in un locu duve ci so stati i morti à vera !
ùn v'imbruttate tantu chi a lingua ùn marca mai u sette !
eccu a dissuterrata di u mo pessimu estru !
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Rappallinu   Mer 28 Mai - 6:52

O Lulù, hè un testu ch'ellu avia scrittu Rappallinu annant'à u vechju Foru Corsu, hè dunque ghjusta di parlà d'esumazione.

Ùn si caccia a "piola di guerra " di tarra ma solu u scrittu di Rappallinu.  Wink 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: rappallinu   Mer 28 Mai - 9:36

Circione a écrit:
O Lulù, hè  un  testu ch'ellu avia  scrittu Rappallinu  annant'à  u vechju Foru Corsu, hè  dunque  ghjusta di parlà  d'esumazione.

Ùn si  caccia a "piola di guerra " di tarra ma solu u scrittu di Rappallinu.  Wink 

senza cuntrastà u tastu aghju rispostu à u dettu è a so scimia mascarata
è ùn mi sbagliu di segnu senza prufanà nunda !
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Rappallinu   Mer 28 Mai - 11:37

chì si passa? ci hè l'interdizzione d'impiegà a parolla forucorsu?
ciò ch'aghju publicatu era u primu scambiu trà u Capitanu è Rappallinu, à un'antra epica, nant'à un antru foru induve emu tutti scrittu assai, induve (per parechji) ci simu cunnisciuti.
era un bellu ricordu. u "forucorsu" chì si pò sempre leghje nant'à a tela ùn mi riguarda micca. quellu ch'ammintemu hè statu sguassatu.


alè, mi facciu piacè per u colpu:


FORU CORSU ...FORU CORSU... FORU CORSU... FORU CORSU... paura  risa 
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Rappallinu   Mer 28 Mai - 12:10

iè hè vera chì noi simu sguasi tutti anziani soci di u Foru Corsu storicu.

Ma quand'elli anu criatu u Foru Corsu canale abbituale anu cacciatu u storicu.


ma sia storicu sia uriginale parolle tabbù annant'à Isula ùn ci n'hè. risa 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Rappallinu   Mer 28 Mai - 12:29

Circione a écrit:
iè hè  vera  chì  noi  simu  sguasi  tutti  anziani  soci  di u  Foru Corsu  storicu.

Ma quand'elli anu criatu u  Foru Corsu  canale abbituale  anu cacciatu u storicu.


ma sia storicu  sia  uriginale parolle  tabbù annant'à  Isula ùn  ci n'hè. risa 


Micca parolli tabù ???

Salami!!!


Dernière édition par Ghjuvan Filici le Mer 28 Mai - 12:30, édité 1 fois
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Rappallinu   Mer 28 Mai - 12:30

Ah merda, era ghjustu par veda. Allora hè vera, ùn ci hè più parolli tabù... imbarazzatu 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Rappallinu   Mer 28 Mai - 12:37

Circione a écrit:
iè hè  vera  chì  noi  simu  sguasi  tutti  anziani  soci  di u  Foru Corsu  storicu.

Ma quand'elli anu criatu u  Foru Corsu  canale abbituale  anu cacciatu u storicu.


ma sia storicu  sia  uriginale parolle  tabbù annant'à  Isula ùn  ci n'hè. risa 

Micca parolle tabbù è soprattuttu quand'omu parla di i nostri proprii scritti...

Quessu hè un ricordu trimendu per mè, a prima volta ch'aghju lasciatu corre appena di sangue è di sciaru... paura 

Dunque à ringrazià à u foru corsu è soprattuttu à u Capitanu  ditone 
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Rappallinu   Mer 28 Mai - 12:43

Rappallinu a écrit:

Quessu hè un ricordu trimendu per mè, a prima volta ch'aghju lasciatu corre appena di sangue è di sciaru... paura 

Dunque à ringrazià à u foru corsu è soprattuttu à u Capitanu  ditone 


ùn ai micca l'impressione di sminticà qualchissia?  rambo colpu 
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: rappallinu   Mer 28 Mai - 12:43

Circione m'hà tagliatu a strada è ùn ci'hè più arte di dissuterrà u mo scrittu!
mi tocca à ripiglià tuttu:
Hè statu scrittu:"cumu si dice exhumation in corsu":-'Foru Corsu'
cumu ci vulia capì a cacciata ?
L'aghju pigliata per cio ch'ell'era scritta è pensata
ùn hè micca interdettu di dìlla altrimente ma u megliu hè d'interràla torna è d'ùn parlàne più.
ùn femu micca cum'è i puliticanti chi cappianu i 'boomeranghi per zappà in l'acqua
senza sapè cum'elli voltanu è chi colp'à colpi facenu un passu è dui in daretu!
 
à senteci à a prossima, chi simu belli capaci di cascà pari
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Rappallinu   Mer 28 Mai - 12:47

Lùlù a écrit:
Circione m'hà tagliatu a strada è ùn ci'hè più arte di dissuterrà u mo scrittu!
mi tocca à ripiglià tuttu:
Hè statu scrittu:"cumu si dice exhumation in corsu":-'Foru Corsu'
cumu ci vulia capì a cacciata ?
L'aghju pigliata per cio ch'ell'era scritta è pensata
ùn hè micca interdettu di dìlla altrimente ma u megliu hè d'interrala torna è d'ùn parlàne più.
ùn femu micca cum'è i puliticanti chi cappianu i 'boomeranghi per zappà in l'acqua
senza sapè cum'elli voltanu è chi colp'à colpi facenu un passu è dui in daretu!

à senteci à a prossima, chi simu belli capaci di cascà pari


nanzu di parlà di guerra ci vulia forse dumandà u perchè di sta risposta
hè sempre megliu chè d'imaginà cose ch'ùn esistenu micca Wink 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Rappallinu   Mer 28 Mai - 12:51

Lùlù a écrit:
Circione m'hà tagliatu a strada è ùn ci'hè più arte di dissuterrà u mo scrittu!
mi tocca à ripiglià tuttu:
Hè statu scrittu:"cumu si dice exhumation in corsu":-'Foru Corsu'
cumu ci vulia capì a cacciata ?
L'aghju pigliata per cio ch'ell'era scritta è pensata
ùn hè micca interdettu di dìlla altrimente ma u megliu hè d'interràla torna è d'ùn parlàne più.
ùn femu micca cum'è i puliticanti chi cappianu i 'boomeranghi per zappà in l'acqua
senza sapè cum'elli voltanu è chi colp'à colpi facenu un passu è dui in daretu!
 
à senteci à a prossima, chi simu belli capaci di cascà pari


Forse ch'ùn era capiscitoghja per quelli ch'ùn avianu lettu stu scrittu nant'à u "vechju" foru corsu ma ferma chì nimu ùn hà da interdiscesi di fà rifarenze o ancu d'aduprà un entica di macagna o Lulù  surrisu 

I boomeranghi i pigliu à u volu eiu, ne facciu cappii scurzosi è i mi tengu in casu di scaristia  risa 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Rappallinu   Mer 28 Mai - 12:55

Sumenta a écrit:
Rappallinu a écrit:

Quessu hè un ricordu trimendu per mè, a prima volta ch'aghju lasciatu corre appena di sangue è di sciaru... paura 

Dunque à ringrazià à u foru corsu è soprattuttu à u Capitanu  ditone 


ùn ai micca l'impressione di sminticà qualchissia?  rambo colpu 


Ah iè, è à Sumenta :  culu 
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: rappallinu   Mer 28 Mai - 13:07

Rappallinu a écrit:
Lùlù a écrit:
Circione m'hà tagliatu a strada è ùn ci'hè più arte di dissuterrà u mo scrittu!
mi tocca à ripiglià tuttu:
Hè statu scrittu:"cumu si dice exhumation in corsu":-'Foru Corsu'
cumu ci vulia capì a cacciata ?
L'aghju pigliata per cio ch'ell'era scritta è pensata
ùn hè micca interdettu di dìlla altrimente ma u megliu hè d'interràla torna è d'ùn parlàne più.
ùn femu micca cum'è i puliticanti chi cappianu i 'boomeranghi per zappà in l'acqua
senza sapè cum'elli voltanu è chi colp'à colpi facenu un passu è dui in daretu!
 
à senteci à a prossima, chi simu belli capaci di cascà pari


Forse ch'ùn era capiscitoghja per quelli ch'ùn avianu lettu stu scrittu nant'à u "vechju" foru corsu ma ferma chì nimu ùn hà da interdiscesi di fà rifarenze o ancu d'aduprà un entica di macagna o Lulù  surrisu 

I boomeranghi i pigliu à u volu eiu, ne facciu cappii scurzosi è i mi tengu in casu di scaristia  risa 

Scarsia è scaristia ? ghjè listessa ?
hè vera,ùn capiscu micca tuttu.
Ò Rappallò teneti sempre u capiscursoghju per andà à piscà cù u 'rappallà'
chi volta anc'ellu ma micca à u volu ..à gallu
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Rappallinu   Mer 28 Mai - 13:18

Lùlù a écrit:
Rappallinu a écrit:
Lùlù a écrit:
Circione m'hà tagliatu a strada è ùn ci'hè più arte di dissuterrà u mo scrittu!
mi tocca à ripiglià tuttu:
Hè statu scrittu:"cumu si dice exhumation in corsu":-'Foru Corsu'
cumu ci vulia capì a cacciata ?
L'aghju pigliata per cio ch'ell'era scritta è pensata
ùn hè micca interdettu di dìlla altrimente ma u megliu hè d'interràla torna è d'ùn parlàne più.
ùn femu micca cum'è i puliticanti chi cappianu i 'boomeranghi per zappà in l'acqua
senza sapè cum'elli voltanu è chi colp'à colpi facenu un passu è dui in daretu!
 
à senteci à a prossima, chi simu belli capaci di cascà pari


Forse ch'ùn era capiscitoghja per quelli ch'ùn avianu lettu stu scrittu nant'à u "vechju" foru corsu ma ferma chì nimu ùn hà da interdiscesi di fà rifarenze o ancu d'aduprà un entica di macagna o Lulù  surrisu 

I boomeranghi i pigliu à u volu eiu, ne facciu cappii scurzosi è i mi tengu in casu di scaristia  risa 

Scarsia è scaristia ? ghjè listessa ?
hè vera,ùn capiscu micca tuttu.
Ò Rappallò teneti sempre u capiscursoghju per andà à piscà cù u 'rappallà'
chi volta anc'ellu ma micca à u volu ..à gallu

Listessa à cunfondele  Wink 

Tengu tuttu è ùn cappiu nulla osinnò sò ind'a nassa chì da filare à filettu ci hè pocu à falla bella  geek 
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Rappallinu   

Revenir en haut Aller en bas
 
Rappallinu
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: