ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -23%
EVGA SuperNOVA 650 G6 – Alimentation PC 100% ...
Voir le deal
77.91 €

 

 Viranu corsu?

Aller en bas 
5 participants
AuteurMessage
Circione

Circione


Messages : 2212
Date d'inscription : 27/02/2012

Viranu corsu? Empty
MessageSujet: Viranu corsu?   Viranu corsu? EmptyVen 31 Jan - 16:26

Viranu corsu? Viranu10

Eccu, i  nostri giovani sì sò mossi, sò  falati in  carrughju incù a vulintà di fà  capisce à  tutti ch'elli "eranu di  stu Paese è  ch'elli ci vulianu campà". Bravi! mi ralegru di vede  chì  ùn avemu ancu persu  tuttu è ch'ellu resta sempre una manata di giovani capaci d'impignassi, di rivultassi è chì ci credenu. Annant'à parechji punti, in particulare quellu di l'arristatu Miot, s'accorda tuttu ognunu o sguasi  à  dì ch'elli  facenu bè, perchè  si  parla  di  l'avvene  di  a Corsica è chì l'avvene, ghustappuntu, sò elli.  À u lindumane di a manifestazione urganizata da a Giuventù Indipendentista, a imprissione hè dunque piuttostu pusitiva. Malgradu a barruffa incù i CRS è  duie o trè palette brusgiate si pò parlà di una manifestazione cum'è  tutte l'altre, vale  à  dì  incù una  parte maiò di  participanti chì sò cullati  in Corti per una  marchja pacifica di prutestazione. A particularità  essendu  quantunque l'età  di  i manifestanti, una  magiurità  di giovani,  incù qualchì unu forse chì cullava dinù  – soprattuttu? – per  sfucassi. Ma  quessa hè  sempre stata,  u  fattu  ùn   hè micca novu, è  simu  stati giovani ancu noi...  suspettu     Ci  vole  dinù à addimette chì  sta mossa liceana è  studientina pare limitata  à  u  solu mondu naziunalistu è  chì  fora di i partiti naziunalisti, i giovani ùn l'hà sustinuti tanta ghjente. Hè vera dinù chì ancu sì, cume  a vi  dicia  nanzu, a maiò parte di i Corsi sò  à favore  di l'arristatu  Miot o ancu di a a  cuufficialità.  Certe  rivindicazione cum'è a cursizazione di l'impiechi  – capita  forse  da  certi nè più nè menu cum'è "I.F.F" – n'avaranu  fattu  rinculà parechji, senza parlà di  u fattu  chì  in Giuventù Indipendentista ci hè  dinù "Indipendentista"   What a Face  è  chì  s'elli  sò numarosi i Corsi à difende  l'arristatu Miot, ùn vedenu micca u  raportu incù l'indipendenza di  a Corsica... À u  cuntrariu, postu  chì à  u  fondu, u  ghjornu  chì  l'avaremu  a nostra indipindenza chì n'avaremu  da  futte  di Miot?  risa 

Infine, ùn  contu micca d'entre in  isse pulemiche, è  ùn  vogliu  ritene cà  l'aspettu  pusitivu  di stu muvimentu: a  presa di  cuscenza  di certi giovani.

Ben'intesa, e  critiche ci  saranu sempre: L'affare di  e palette è  di i p(e)neus brusgiati, i CRS feriti, u  fattu  chì i media ùn  anu  da  ritene  da a manifestazione di Corti solu  l'azzuffi incagullati contr'à CRS. Sintarete  dinù  i rimprovari cum'è :  " Ùn tocca micca  à  elli di  falà in  carrughju per l'arristatu Miot, chì l'affare  cuncerna à tutti, micca solu i  giovani o – peghju – i giovani  naziunalisti..."  . À a limita  a pensu  anch'eiu, ma tandu  ci  saria  vulsutu chì l'eletti è dinù u populu – tuttu u populu, micca solu i  giovani è micca solu i naziunalisti – si muvissinu anch'elli  è  ch'elli  falessinu tutti inseme à  difende l'idea di una Corsica chì prumette un antru avvene à  i so  giovani  cà  quellu d'esse  "sbanditi" per stà indu u  filu literariu ©️ Ghjuvanteramu Rocchi di u famosu "simu di stu paese". Ma a sapemu  chì i scuntenti ci  saranu sempre. Avà s'aspetta ch'ellu ci sia una seguita, si spera chì u sustegnu pupulare ùn si limitarà micca à a giuventù corsa naziunalista, è chì a ghjente guardarà l'interessu cumunu senza tene contu di i partiti è di i gruppi pulitichi. A sò ch'elli priparanu altre azzione, allora incuragimuli è aiutemuli, hè u nostru duvere. S'è vo ùn pudete o ùn vulete micca andà à manifistà, omancu quelli chèi site annant'à FB, spartite e so pagine annant'à i vostri muri. Ùn vi costa nulla, è per elli hè impurtante perchè a sanu chì à u vintunesimu seculu e rete suciale anu assai impurtanza.



Ghjustappuntu parlendu di facebook, un picculu rimprovaru po  u li  faraghju anch'eiu  risa :

Hè  vera  ch'elli sò  di  a generazione internet  è  chì  e rivuluzione  e  facenu dinù  à  colpi  di  statuti  è  e  misuranu à  u numaru  di  mipiace  :  "1000 mipiace in mancu duie ore. A revoluzione hè in marchja."

Hè  vera  dinù  ch'elli anu  capitu  a impurtanza di a cumunicazione, a prova  si n'hè  chì u  so  logò GI* hè  assai riisciutu  ditone . Cunnoscenu  dinù  u pesu di e parolle è anu  soprattuttu u sensu di  a  formula, quessa  ùn a li pò caccià  nimu. Anu  ancu  capitu chì  à  u terzu millesimu, a  cuufficialità  ùn basta micca,  ci vole  à  cumunicà in  trè  lingue. Wink 

Hè  vera  infine chì  à  i media  li piacenu e scurtatoghje è  i paragoni lestri.  Quand'è vo  vidite  ch'elli  paraguneghjanu Stromae  à  Jacques Brel ete capitu  tuttu...  Viranu corsu? 1390006889  È i nostri  giovani, chì  vulete, stati abbituati  cusì, allivati  à colpi  di  buzz è  di viste  annant'à  youtube. Ma quantunque... "Veranu corsu" ! Per  carità!  Cacciate  a TVA  o  zitelli!  A  capiscu  chì a  cumunicazione  hè  impurtante, ma ci vole  dinù  à guardassi  di certi paragoni!  Chì  sò duie pubelle brusgiate accantu  à  i 100 000 morti di Siria o  i  50 000 in Libia?  senza mancu parlà di l'altri Paesi. confusu  palidu 

Ma ùn  hè  custì u  più impurtante, st'affare  di Veranu  corsu ùn hè  cà  un picculu prublemu di forma,  di packaging s'è  vo  vulete. Pè  u restu  pudete puru esse cuntenti o  giuvanotti  perchè ete mustratu qualcosa di  bè marcuri.   Iè,  a pensu anch'eiu  ch'e  simu  à  u principiu  di qualcosa, in  tutti  i casi ci  vogliu crede cun  voi. Ma per  esse sinceru è senza  vulè  caccià  nulla à  a leghjittimità  di  sta lotta, malgradu  tutti i  mipiace ch'è  vo pudarete  cuntabilizà annant'à  i vostri muri  Facebook, ùn si pò ancu parlà  di  veru successu pupulare.

Sarà una strada longa è  pitricosa, tantu à u livellu  fiscale,  culturale cà suciale è, per  fà  anch'eiu una metafora,  u viranu u bramemu tutti ma da l'avà  simu sempre di capicursura.

Ma soprattuttu:

Ùn  cappiate nulla o giuvanotti!
Ne lâchez rien les  jeunes!
Don't let  go off  nothing young people!

Lotta  giuventù, l'avvene  sè  tù!
Lutte jeunesse, l'avenir  c'est  toi!
Fight youth, you  are  the  future.

 rambo

*
Viranu corsu? 52681210
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Viranu corsu? Empty
MessageSujet: Re: Viranu corsu?   Viranu corsu? EmptyVen 31 Jan - 19:32

mipiace 


anu fattu ben! omancu qualchissia hà pruvatu à fà qualcosa... postu ch'elli sò giovani a simbolica hè ancu più forte!
s'aspettemu i "nostri eletti" o a più grande parte di a populazione a situazione ùn scambierà mai...è hà bisognu di scambià.
a ghjente s'interessa pocu à l'interessi cumuni, à l'avvene. per furtuna certi anu sempre a forza di mustrà à tutti i periculi chì minaccianu a nostra sucietà è a nostra cultura.

 ditone
Revenir en haut Aller en bas
Circione

Circione


Messages : 2212
Date d'inscription : 27/02/2012

Viranu corsu? Empty
MessageSujet: Re: Viranu corsu?   Viranu corsu? EmptySam 1 Fév - 17:49

Mettu u ligame pè i Facebookiani:

https://www.facebook.com/veranucorsu

 bandera 
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Viranu corsu? Empty
MessageSujet: Re: Viranu corsu?   Viranu corsu? EmptySam 1 Fév - 22:09

Hè una bona cosa ancu s'ella mi dispiace ch'e a prima rivendicazione sembri solu ligata à cunsiderazione finanziarie, è dinù ch'e u muvimentu ripigliessi un nome chì ultimamente, ùn hà troppu viaghjatu (pensu à tutti i verani arabi, senza mancu parlà di u rindiculu è retrugratu "veranu francese").
Revenir en haut Aller en bas
http://appuntamentu-corsu.forums-actifs.net
SERRA

SERRA


Messages : 994
Date d'inscription : 25/02/2012

Viranu corsu? Empty
MessageSujet: Re: Viranu corsu?   Viranu corsu? EmptyMer 5 Fév - 21:48

oooooh  à a manif un c'eranu micca  solu giovani ma  ancu ghjente d'età più attempata  imbarazzatu   ,  u peghju ghje chi m'aghju persu à Ruclì à mezu à duie lacrimò  lacrime  ..  ci serà surtitu à ben  rambo   ? se v'avite nutizie d'ellu tenitemi à corrente ..
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Viranu corsu? Empty
MessageSujet: Re: Viranu corsu?   Viranu corsu? EmptyJeu 6 Fév - 16:03

Veni vidi vici.
Revenir en haut Aller en bas
http://appuntamentu-corsu.forums-actifs.net
Sumenta

Sumenta


Messages : 2052
Date d'inscription : 25/02/2012

Viranu corsu? Empty
MessageSujet: Re: Viranu corsu?   Viranu corsu? EmptyVen 7 Fév - 20:30

Ruclinonu Solechjari a écrit:
Veni vidi vici.

o Rucl ghjè un foru in lingua corsa  rambo 
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Viranu corsu? Empty
MessageSujet: Re: Viranu corsu?   Viranu corsu? EmptyVen 7 Fév - 21:49

Di sicuru, ma cosa risponde d'astru ?
Fiat lux ?
Revenir en haut Aller en bas
http://appuntamentu-corsu.forums-actifs.net
Lùlù

Lùlù


Messages : 774
Date d'inscription : 04/11/2012

Viranu corsu? Empty
MessageSujet: viranu corsu ?   Viranu corsu? EmptyLun 14 Déc - 8:49


‘Aviamu un sognu’ ( Martin Luther King ) ‘u ghjornu hè porgulu ‘ (film di Marcel Carné )
....mi vene a musica di ‘Rosa Pantera’ (di henry Mancini)
Revenir en haut Aller en bas
Contenu sponsorisé





Viranu corsu? Empty
MessageSujet: Re: Viranu corsu?   Viranu corsu? Empty

Revenir en haut Aller en bas
 
Viranu corsu?
Revenir en haut 
Page 1 sur 1
 Sujets similaires
-
» Ceccaldi Dumenicu "Menicu d'Osani"
» Facebook in corsu
» E piante in Corsu
» Per un naziunalisimu corsu.
» Capi Corsu

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Attualità :: Pulitica-
Sauter vers: