Ùn aghju da fà una critica literaria ch'ùn sò micca abbastanza capace, ma vulia fà un picculu cumentu nant'à stu libru.
Eranu parechji mesi ch'ùn avia più lettu literatura vera (vogliu dì ch'ùn sia micca un articulu di matematiche) è l'aghju ingullitu in quattr'è trè sette. M'hà resu a passione di leghje.
Mostra a miseria suciale, intellettuale è ancu sessuale cum'ella hè. Ci dà a forza d'alzà u capu è di rivultacci contr'à tutte l'inghjustizie di stu mondu, ma senza e mitolugie belle è prufumate chì ghjovanu à ingannà, senza circà eroi è intricciendu bè è male cum'elli sò intricciati in a vita. Face un'analisi senza guanti di u nostru paese ma sbarazzata di u sguardu sdegnosu di quelli chì si credenu sopr'à a massa.
Unepoche di nuvelle l'avia digià lette nant'à Mirvella ma ùn mi n'arricurdava più. Rendenu contu cun realità di ciò chì ci hè di peghju in l'omu. Per divvi, aghju fidighjatu una videò d'Arte, guasi à tempu ch'o leghjia, nant'à The Cleaners, l'omi è donne chì sbarazzanu u web di e peghju videò è ritratti, è parechje videò parianu sorte di u libru.
Accueil 
