Sulitudine

D'avè a chjocca pilata
Ùn faci d'un omu un spavehju,
Certi volti hè bè purtata
Sìa ghjovanu o vechju,
Ogni ghjornu allisciata
Liccichenti quant'un spechju

Nu u fior di giuventù
À e donne li piacia
È li piacciu ancu di più
Cù a chjocca luccichia
"Billezza ùn si ne compra"
Osinnò ti ne vindia

Circione a écrit:

Ciò  ch'e  facciu a  palesu
È  ùn  cercu micca scuse
Ma mi sò sempre  difesu
Cù e rime  è cù e muse:
Ch'è tù  ti  techji  di pesce
è  ingurgatti incù e  cruzie  

Faci tuttu à palesu
Ma ci hè vulsutu à ruspà
Chì l'affare ùn hè difesu
D'ùn sapè micca piscà
Ma tù a voli fà crede
À quellu chì ùn a sà

Hahaha


Vicu ch'ai u talentu
Pà cumpona é pà scriva,
Di a me chjocca ùn mi pentu
Chì di pregii ùn hè priva,
Ma sappìa chì a biddezza
Com'è u restu hè sughjittiva

Rosumarinu a écrit:

Hahaha


Vicu ch'ai u talentu
Pà cumpona é pà scriva,
Di a me chjocca ùn mi pentu
Chì di pregii ùn hè priva,
Ma sappìa chì a biddezza
Com'è u restu hè sughjittiva

Di tantu discernimentu
Ùn ti cridia capace
Spartu u to pinsamentu:
"A billezza hè per chì piace"
Dunque allora simu intesi
È femu puru e pace

A paci femula puri
A sai quantu ti stimu,
Di quissa semu sicuri
Ùn c'hè nè sicondu nè primu
chi in fatti di biddezza
Tramindui ci tinimu LOL

Voi in fatti di billezza
Site nepita è puleghju
Avà vi fate i vanti
Ma eiu cù u versu meiu
Vi dicu chì u prima hè goffu
È chì u sicondu hè peghju

Ma com'è caru Erbaghju
Ch'ùn ti ni sè statu mutu,
Ùn circà qui avantaghju
Cù u to versu acutu
Ùn parlà di certi affari
Chì ùn ai mai avutu

Allora Rosumarinu
Ti diceraghju avale
Chì in fatti di billezza
Par mè l'affare hè nurmale
Voi site amatori
È eiu prufissiunale

Prufissiunali ti dici
Ma ùn acca ùn ci capisci,
Piddi merli pà parnici
É credi chì ci struisci,
A to biddezza sunniata
Ghjunta in u spichju sparisci lol

Quì dinò troppu ne dici
Quandu pocu tù ne sai
T'assicurgu sè ghjilosu
Chì billezza ùn ne ai
Ma sì t'eri u me spechju
Ne staria inde i guai

How sè u to spechju era
Diu Santu chì sciagura,
Da a mani à a sera
Suppurta a to figura,
Chì sò certu chì ancu tù
Videnduti piddi paura

Da a mane à a sera
Fidighjendu u me corpu
Diciaria : "OH Erbà
Bellu bellu tù sè troppu
Ma cumu avarè sceltu
Un ispechju cusì goffu"

Eiu avà  sò invichjatu
Ùn sò più quellu ch'e fui
Ma boffu ùn sò sempre statu
Invece chì tramindui
Ete sempre fattu nasce
Stridi, pienti è  santavugli

Ohimè chì sentu avali
Di nò Circiò ti ni ridi,
À vedati cù u cannuchjali
Sò par nò pienti é stridi,
Chi scappa da a paura
U primu tintu chì ti vidi ! Lol

Sappia o caru Circione
Chì sempre a billezza staccia
Eiu l'aghju di natura
È tù ne cerchi a traccia
Tantu chì par sorte fora
Metti a mascara in faccia

Erbaghju a écrit:

Circione a écrit:

Ciò  ch'e  facciu a  palesu
È  ùn  cercu micca scuse
Ma mi sò sempre  difesu
Cù e rime  è cù e muse:
Ch'è tù  ti  techji  di pesce
è  ingurgatti incù e  cruzie  

Faci tuttu à palesu
Ma ci hè vulsutu à ruspà
Chì l'affare ùn hè difesu
D'ùn sapè micca piscà
Ma tù a voli fà crede
À quellu chì ùn a sà

T'ampargu l'arte di a pesca
S'è  tù veni à a mo  scola
Senza nè  amu nè esca
Nemmancu a piscaghjola
Eiu  pescu à a manuta
È  ti ne  docu a prova:

Sempre à rombu di pichjà
À le volte a petra rompe
Ma e pesce chì pigliasti
Par mè tutte eranu tonte
O allora dimmi puru
U prezzu chì l'ai compre

Quistione di billezza
È per piglià pesce in fiume
Ind'è mè tuttu hè lindezza
Ind'è voi turbidume
Sappiate chì a catena
Ùn teme micca u fume.

Allora caru Circione
Un cunsigliu vogliu datti
Tù incu Rosumarinu
Tramindui state piatti
È ùn mi parlà di pesca
Chì e to pesce sò zatti

Di pesce ùn ponu parlà
Erbaghju è Rosumarinu
È mancu a ponu fà
Ghjuvan Filice è Rappallinu
Chì eiu chjappu e pesce
Elli qualchì piscainu

"Les  grands esprits... " dice u  francese  

Quì avarè pò capitu
Chì pinsendu cum'è mè
Poi fà ciò chì tù voli
Mai mai ùn a farè
Chì tù e pigli di dece
È eiu di vinti trè

Saparè chì centu pochi
Facenu prestu l'assai
Eiu pigliu pesci chjuchi
Tù  grandi  ùn ne  pigli mai
È i  chjuchi  sò più  gustosi
Quessa po ancu tù a sai.

Allora stà puru à sente
A canzona di l'Erbaghju
Chì quandu chjappu a pescia
Ùn more di stu viaghju
Chì a rimettu inde l'acqua
Ch'ùn sò micca un carnaghju