Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Bernardini Ghjuliu

Voir le sujet précédent Voir le sujet suivant Aller en bas 
AuteurMessage
Sperenza



Messages : 1140
Date d'inscription : 28/02/2012
Localisation : quassù

MessageSujet: Bernardini Ghjuliu   Dim 21 Juin - 21:55

http://m3c.univ-corse.fr/omeka/items/show/709

Ghjuliu BERNARDINI dettu U Paghjellaiu Tavanincu
(1916-1977)


Anni cari

Sò cusì belli l’anni
Sposti nantu à quella panca
Quandu, frusti li so panni
E a bavella in barba bianca,
Portanu l’incantu in l’ochji
Cùn risaltu di fiori colti.

Cum’elli sò cari l’anni
Quand’elli stanu à lu sole
Maestosi, senz’affanni,
U core pienu di fole,
Aspettendu ch’ellu chjami
Da u celu lu signore.

Quantui sò leggeri l’anni
Scorsi duv’elli sò nati,
Berculati da i lagni
E i suspiri mammaghji
Chì, per sempre, in core stanu
Di l’anni chi si ne vanu.

L’anni sò cum’è i fiori :
Sò colti senza misura.
Di furtuna li s’odori
Innalzanu a natura
Ma e carezze ch’elli danu
Un duranu che un veranu.

Ricacciatu da BERNARDINI Ghjuliu, Caru di mamma, Nucariu, Cismonte è Pumonti, 1990, p. 56.


Beata funtanella

Un circava furtuna nè destinu,
M’incaminava solu à l’acqua fresca
Cun l’ombra di a luna pe’ vicinu,
In manu bilancendu a miò giaretta
Quandu scuntrai à tè indu caminu,
In capu, à l’usu anticu, la to sechja.

Quessa ùn hà vistu sole, o damicella !
E mi feste un surisu viziosu.
Di poi fusti per mè cum’è la stella
Chi sà guidà l’amanti à locu oscosu
È sempre à listess’ora la più bella
Di quella funtanella fui amurosu.

Un mi mancaste mai, o Chjara Stè !
Chi fuste tù per mè u primu amore.
Di sechja è di giaretta più n’ùn ci hè,
Ma sempre per te batte lu miò core,
Beata funtanella di San Pè
È a so acqua fresca senza sole.

Ricacciatu da BERNARDINI Ghjuliu, Caru di mamma, Nucariu, Cismonte è Pumonti, 1990, p. 47.


Fiaccule di sperenza…

Da Tagliu tantu amatu santuariu
Eiu mi ne stò pensedu à la me sorte
U vintidiu aostu al calindariu.

Mi par’ di sente geme anime Corse
E forte cresce in core u miò calvariu
Chi sonniu eppur ùn hè, vegu la morte.

A morte d’un fratellu insanguinatu,
Rimori d’armi à focu mi par’sente.
D’Aleria vecu un celu infiacculatu.

Frà fulmin’è spaventu, Corsa ghjente
Si vede truncà l’osse, imprigiunata
Da patrignu Francese u sceleratu.

Se fusse stat’un sonniu averia pientu
Cridendu ch’ellu fussi u mio destinu.
O santa verità che vecu è sentu !

M’anu impiumbatu l’osse è m’era chjinu
E quì di Ponte Novu mi ramentu
Di tantu sangue Corsu in un gaglinu.

Mai più si scurderà la razza Corsa
D’Aleria insanguinat’à tradimentu
Cum’è bestiame chjosu indù la chjostra.

Populu Corsu mai nùn serà spintu
Perchè u so pettu nudu hè la so forza
E dirittu à libertà vole dì stintu.

Ricacciatu da BERNARDINI Ghjuliu, Caru di mamma, Nucariu, Cismonte è Pumonti, 1990, p. 34.


Lettera à fratellu

Ti scrivu à tè, fratellu paisanu
Per ditti quantu hè tristu lu mio core.
Ti manda assai suspiri, ti tendu la manu ;
Ma dammi torna, tu, un segnu di amore ;
Voltati versu me : t’aspettu, à lu veranu.
Ùn lascia più, fratellu, u tempu corre ;
Avvicinati a me, ùn stà luntanu.

Un dormu più tranquillu è spenseratu,
Quandu si chjode a porta di a prigiò.
Digià fratellu nostru hè imprigiunatu
Per avè solu dettu, è cùn ragiò :
Vogliu stà in terra corsa inde so natu ;
È per fà piazza à l’altri un mi ne vò,
Chi vive e more corsu mi sò ghjuratu.

Avveniti a dulcezza di nostra mamma
E u so core sempre in allegria.
Oghje di tanti strazi ella si lagna,
Elli li dicenu: Amen è cusì sia !
Tù ùn poi lascialla more cum’è una cagna :
Falla per cumpassione, torna una cria,
Chì per l’ultima volta ella ti chjama.

Ma se ùn faci prumessa, è quì ùn ritorni,
Un sunerà chè dolu u campanone ;
Un viderai mai più, fumà i forni,
A panca sarà nuda, spintu u fucone.
Truverai strangieri in li cuntorni,
E senza fiori in manu, ma lu bastone.
Pensu ch’averai capitu i miò frastorni.

Ricacciatu da BERNARDINI Ghjuliu, Caru di mamma, Nucariu, Cismonte è Pumonti, 1990, p. 24.
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2156
Date d'inscription : 27/02/2012

MessageSujet: Re: Bernardini Ghjuliu   Dim 28 Juin - 8:43

Paghjella di Tagliu

Vuleria chì u mio cantu
Trapanassi ogni muntagna
Francassi u mare in saltu
È fà nasce amore è brama
Pè a virdura di Fiumaltu
È a paghjella di Tavagna

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
 
Bernardini Ghjuliu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Bernardini Ghjuliu
» Bon anniversaire Bernardini
» 1er Trophée Amical du Sud 1/5emTT 4x2 & 4x4 Le 5 & 6 FÉVRIER
» Bouchons a moteur !!!!!
» Ghjuliu era chjamatu - The Duke of Liria

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: