Trattu da:"Tanti paesi,tanti usanzi",ernestu Papi,ed Clementine
Aostu :
« Ùn ci hè mai tantu mostu ch’ell’ùn sia scarsu à l’agostu. »
« Agostu entra in ghjovi, ogni coppia dumanda trè boi. »
« Quandu d’agostu entre un ghjovi, per lavurà ci volenu trè boii è se t’hai pecure, vendele se tu poi. »
« Acqua d’austu, tina piena di mustu. »
« Acqua d’austu, oliu è mustu. »
« Agostu matura, sittembre vindemia. »
«« Buriana d’aostu è tempera di settembre. »
« Chì vole mostu, zappi d’aostu. »
« D’agostu bolle u mare com’è u mostu. »
« San Larenzu gran calore (10 /08), Sant’Antone gran fridura (17 /01), l’unu è l’altru pocu dura. »
“I sulioni (i caldamona) di San Larenzu.”
"A rinfriscata di Santa Maria (15 /08). »
« A tempera di Santa Maria. »
« In Santa Maria, acqua per ogni via. »
« Maritassi o pagaria… si face in Santa Maria. » (15/08)
« T’aghju da fà veda à San Roccu in u stagnalonu. » (16 /08) (v. cattiva educazioni)
« Ch’elli ti scurticani com’è San Bartulumeu. » (v. ghjastimi)
« San Bartulumeu scurticatu in celu è in terra ghjova per avucatu. » (24 /08)
« Chì voli un bon lupinaghju, pà Sant’Austinu sia natu. » (28 /08)
« In Sant’Austinu, a castagna hè com’è u lupinu. » (28 /08)
« Ni faci quant’è Sant’ Austinu. »
« Sant’ Austinu, dui capa annant’à un cuscinu. » (28 /08)
Sant Austinu ùn pari micca avè tanta bedda numata in a tradizioni urali, particularmenti in ciò chì tocca à i so azzioni pocu beddi fatti duranti à so ghjuvintù.
« Se tù voli un bellu pullinaghju, per Sant’Austinu ch’ellu sia natu. » (28 /08)
« Scrive quant’è Sant’Austinu. »
Si dici di calchissia chì scrivi monda. Rifarenza fatta à i scritti numarosi di Sant Austinu.
Accueil 
