ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -29%
PC portable Gamer ERAZER DEPUTY P60 – ...
Voir le deal
999.99 €

 

 Valentini Saveriu

Aller en bas 
AuteurMessage
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Valentini Saveriu   Valentini Saveriu EmptyDim 27 Sep - 16:55

À tè pratendu

Dimmila tù, omu di a tarra,
Tù radica annudata dimmila,
U farru di a sottumissioni
Chì pesa in coddu à tè.
Tù chì ha' campatu
Forti, com'è una petra bianca
Povaru com'è povara hè a miseria,
Mutu com'è u povaru hè mutu
Ma Corsu com'è u Corsu ùn hè più.

Dimmila, tù omu di a tarra
Causa di a me lotta, dimmila
U farru di a sottumissioni
Chì pesa in coddu à tè.
À tè pratendu,
Forti com'è una petra bianca
Povaru Nò ! Morghi oghji a miseria,
Mutu, più, oghji parlu pà tè
Corsu, si !
Com'è Corsu ùn hè più
Iè, libaru, quant'eddu si pò essa.



Una puesia  piena di  forza è  di dulcezza à  tempu – un capi d'opara.

Eccula quì detta da l'autore :



Dernière édition par Circione le Dim 27 Sep - 17:06, édité 2 fois
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 16:58

QUAND'EDDI M'ACCURDARANI

Quand’eddi m’accurdarani chì sta terra hè a meia
Quandu avaraghju ancu eiu u me paesi à mè,

Quandu mi rispitarani senza marchjammi in coddu
Quandu saraghju dinù patronu di i me lochi,

Quand’a me lingua anch’edda sarà para di a soia
Quandu eiu dinù avaraghju a me scola,

Quand’eddi m’accurdarani chì sta terra hè a meia
Tandu saremi amichi parchì saremi pari,

Quandu saraghju dinù fighjolu di i mei
Senza vergogna più d’essa inferiori à eddi,

Quandu eiu vultaraghju ind’è mè à campacci
Quandu ùn mi mucarà più u so sapè supranu,

Quand’eddi m’accurdarani chì sta terra hè a meia
Quandu avaraghju ancu eiu u me paesi à mè.
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 17:09

Lampedusa

Ci aghju cridutu in l'amori
ma ci vularia à fanni viaghji
par veda
par capiscia
par credaci dinò

i ziteddi
eddi
ani trovu un paesi
ani trovu un paradisu
in a sciuma bianca di l'adisperu
in u bughju di a spiranza

ni ghjunghjarà i bateddi carchi
carchi di risa di penti è di canti
fin' a tarra ch'ùn l'aspetta
a tarra senza sonnii

chì beddu ghjornu par nascia
chì beddu ghjornu par mora
chì beddu ghjornu
i so amichi
d'arrimani
d'oghji
i so surisi
i so sguardi smaravigliati

poni cundannà
i ghjudici
poni cundannà
assicurà l'ordini
u so' ordini

eiu
aghju tanti cosi à divvi
forsa ancu tropu
cosi novi
carchi d'amori
s'eiu  truvessi i paroli
tanti cosi da davvi
ch'eiu ùn vi possu dà

lighjareti sottu à i chiapeddi
ciò chì firmarà
u turchinu di l'orizonti

è induva voglia ch'eddu i sponghi
stu viaghju
stu mondu hè un dulori
u nostru dulori
è quandu tutti i bateddi sarani ghjunti
chè u mari i ci spunarà
chì mi firmarà
chì ci firmarà da dalli
chè a nostra firita umana
è sì ancu
ci ni ferma parpena


Dernière édition par Circione le Dim 27 Sep - 17:19, édité 1 fois
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 17:11

Straccioni frusteri


Neva à più pudè
in i cimi i più alti di l'essa d'ind'è no'
È mi sentu affucà

Ma a nevi ridoppia
Di straccioni fristeri
È ghjaccia a me parsona
Di u polzu di a morti

Di u me populu
Caru
Si ni scegli a scarpata
In u nivonu pagnu
Chì sbianca u me paesi

È in i piani maiori
U vulè campà nostru
Pari tacca di sangui
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 17:17

Tarra

Mimoria scunnisciuta tù
Viculu pà nascia
È pà mora dinò
A nostra tarra
Sè locu chì dà vita
A mimoria nostra
Sè tù

Corsi

Semu di tè
Tarra
Di petra rossa
È di petra turchina
Chì murani a mimoria
Di monti più cà alti
Di musica di fiumi
Semu
È di voci marini
Semu di tarra
no'
Di tarra corsa
Semu


A me voci
Hè da quì ch'edda esci
Hè ventu di'ssi monti
Neri
Prufondi
Quant'è a storia passata
Hè ventu d'ind'è no'
Stroppiu
Firitu
In i scogli di a storia eterna
Ma vivu
Alegru di vulè campà

U to muscu mi basta à mè
Pà nascia un'antra volta
Pa mettami à campà
Iè campà
Una volta almenu
Da corsu
Quì
ind'è no'
Eiu ch'ùn sò più

A musica di u me viulinu rottu
I passi pà baddà dinò
I paroli di u me cantu novu
I culori di me sorti
Di a me spiranza
I circaraghju quì
I circaremu quì
No'
In i to solchi antichi
Tarra


Sò millaia d'anni ch'è sò natu èiu
È di quì
È 'ssu ventu chì soffia
Ùn u sentani l'altri
È mai u sintarani
Chì hè in a nostra parsona
In no'

A me tarra
Hè a nostra tarra quissa
A me tarra buddenti
Brusgiata da i soli rossi
Hè edda
Greva di i nostri corpi
Di a carri di l'omini intarrati pà semptri
Umula di sudori anticu quissa
Ancu à siccà in menti
A me tarra
A nostra tarra
Impitrata di paroli
Di voci scanneddati
Appena nascitoghji
Sè a nostra

T'emu tantu cercu no'
Sottu a celi senza steddi
Senza tè
Chì saremu po più
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 17:22

Libartà bramata


N'avaraghju fattu
È ni faraghju dinò passi
Passi cerchi
Dicisi
Passi timiconi
In a notti pisenti
Intrampulatu tantu è più
In i sepi di l'ordini

N'avaraghju invintatu
È n'invintaraghju dinò
Paroli da tè
Paroli persi
Paroli d'amori
paroli spaventu è paroli di focu

Mi n'avarè datu spiranza
Forza à più pudè
Scunvintu dinò
È m'avarè fattu sunnià

Ad abbraccianni i steddi
Parchì di tè
Sò innamuratu è più

Ma
Quantu volti
Stancu

Stancu com'un ghjagaru
Mi sariu piantatu
Quì
À l'adisperu
Impauritu
Braccimozzu
Senza forza più
Scunvintu d'ùn pudè
D'essa troppu chjucu
Vintu

Quantu volti

Ma appena t'avvicini

Cù u to visu ziteddu
Chì mi punti dinò
È m'impettu in a storia
Dinò
Eiu ch'ùn so' nudda
Chè brama di campà
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyDim 27 Sep - 17:26

Scusi



Mi scusaraghju
Mi scusaraghju pà u me mondu
U più luntanu
Pa i bevuli di i mei
I più cari
Pà sti zocculi stacchittati
Pà sti voci tarrazzosti
Pà tutti i nostri vargogni

Mi scusu sè vo vuleti
Pà sti briona d'altrò
Umani
Sti dulori
Di Homs
Di a piazza Tharir
È a Banda di Gazà

Mi scusaraghju ancu pà l'armunia di u celi
Pà l'ordini di i steddi
Pà a forza di a vita di me loca

Ma a me testa mora
A me testa mora

Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptySam 2 Jan - 16:32

Annu Novu

Ancu s'eddi m'anu firitu
I so atti tuntini
A so bava
U so disprezzu scemu

Ancu s'eddi m'ani affesu
I so paroli astuti
I so inghjugli
I so ghjudizii tonti

I scusaraghju

Scusaraghju
i so tuntii
parchì
u me avvena
Pò essa dinò soiu

È li docu i me sogni
i nostri spiranzi
U nostru celi
A nostra brama tamanta
Par dumani
Revenir en haut Aller en bas
Circione

Circione


Messages : 2212
Date d'inscription : 27/02/2012

Valentini Saveriu Empty
MessageSujet: Re: Valentini Saveriu   Valentini Saveriu EmptyJeu 12 Mai - 19:32


Suldatu di u populu và


A Corsica tomba, iè, tomba
Ma senza sipultura
In lu cimiteriu umanu
Di i cuscenzi luzzinosi
Si sceta.

È tremani di paura
I rapaci sanguinosi è culpevuli
Chì bulani à corpu pienu
Sopra a so agunia
Di i seculi passati.

Chì morta nò !
A Corsica ùn hè morta,
A Corsica maiori
À i porti di l'orienti,
A Corsica di l'Eroi,
Quidda di a libertà,
Di a spiranza scitata...
È u mondu a fighjula...

Da la fumaccia pagna
Di a storia addurmintata
Di a storia incarciarata.
In i carciari oscuri
Di quidda chì hà vintu
I fucili rughjinosi
Di Corsica rinata
Sortini,
Culpitteghjani da veru
In a memoria cumuna
Intricciata ma viva
Di u populu chì và.

È tirani in Aleria
È tombani in Bastia

È l'unità si faci
Daretu à ogni colpu.

Suldatu di u populu
A libertà si sà
Costa a vita di l'omu.
U populu minò
Mucatu da i cateni
Ti porta in pesu in pesu
Cù Corsica, finu ad oghji
È dumani sempri.

Iè i prighjò si chjudini
È si chjudarani dinò
Nantu à curaghju di l'omini…
Finu à quandu ?
Iè finu à quandu ?

Ma ogni porta chì si chjudi
Da u bughju
Centu ni caccia torna
È a me penna s'infiara
A meia, a toia
È tanti è tanti dinù,
Com'è a mescia chì brusgia
Incesa da a to manu.

Saveriu Valentini


Revenir en haut Aller en bas
Contenu sponsorisé





Valentini Saveriu Empty
MessageSujet: Re: Valentini Saveriu   Valentini Saveriu Empty

Revenir en haut Aller en bas
 
Valentini Saveriu
Revenir en haut 
Page 1 sur 1
 Sujets similaires
-
» Luciani Saveriu

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: