ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-20%
Le deal à ne pas rater :
-20% sur le Lot de 2 écrans PC GIGABYTE 27″ LED M27Q
429 € 539 €
Voir le deal

 

 Luciani Saveriu

Aller en bas 
AuteurMessage
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Luciani Saveriu   Luciani Saveriu EmptyLun 28 Sep - 22:13

Cavallu

Orfanella di stu mare
T'anu chjamatu Cavallu

E strade di lu mio mondu
Ti tenenu da cunfina
Sì à l'orlu di l'infernu
O principessa turchina
Nant' à lu to mare malatu
Oghje u ventu hà cantatu

Orfanella di stu mare
T'anu chjamatu Cavallu

Banditu st'incettadore
Chì scurticheghja u to visu
Scalatu da mare in là
In cerca d'un paradisu
Ma sulchighjata hè la to rena
Trà Bunifaziu è Maddalena

Orfanella di stu mare
T'anu chjamatu Cavallu

Maladì vogliu à lu strettu
U marosulu isulanu
Chì sbatticciulava tantu
È s'ammansa pianu pianu
Chì ùn bastanu e to ghjasteme
Per parà ciò chì omu teme

Orfanella di stu mare
T'anu chjamatu Cavallu

L'onde ingorde di u terranu
Ponu annigà e to brame
Quì firmerà una voce
À palisà e cundanne
Nant' à lu to mare malatu
Oghje u tonu hà cantatu.


parolle è musica S. Luciani ( 1979)


Dernière édition par Circione le Ven 2 Oct - 17:59, édité 1 fois
Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyLun 28 Sep - 22:17

O tù (à l’amicu Alain Nicoli)

È San Ghjisè chì canta è chì sona
Cum’un ricordu chì volta è ci cunsola

O tù
Di e lumere incese
In st’ultimu paese
quassù

Ma tù
Nant’u mare a vighjola
Da sopr’à Ficaghjola
dinù
U core apertu
O tù sanghjisippanu
Ai purtatu a bandera
E to paghjelle
A l’orisonte vanu
Per dì oghje ciò chè tù era

O tù
U sguardu cunfraternu
Oghje hà scontru l’eternu
Quassù

O tù
Per Cristu o per amore
Nantu u tempu chì corre
Dinù
U core apertu
O tù sanghjisippanu
Ai purtatu a bandera
E to paghjelle
A l’orisonte vanu
Per dì oghje ciò chè tù era

O tù
Da e prime canzone
à l’ultime passione
Quassù

Dinù
Nant’à e strade nove
In stu cantu chì move
Sì tù
E to paghjelle
A l’orisonte vanu
Per dì oghje ciò chè tù era
U core apertu
O tù sanghjisippanu
Porti sempre a bandera

Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyLun 28 Sep - 22:21

Dì, quandu vulterai ? (Adattazione di « dis quand reviendras tu ? » di Barbara)

Sò ùn sò quantu ghjorni tante notte dinù
Hè una bella stonda chì quì ùn ci si più
M’ai dettu sta volta per sempre eiu partu
Chì per li nostri cori hè l’ultimu trasaltu

Viderai di veranu seraghju dinù quì
Veranu hè propiu bè per parlacci è cusì
Anderemu à girà per sti giardini in fiore
Da rifà tramindui i passi di l’amore

Dì, quandu vulterai
Dì, omancu a sai
Chì stu tempu chì corre
Mai più ùn si ripiglia
Chì per stu tempu immersu
Tuttu u lasciatu hè persu

Hè partutu veranu ch’hè un pezzu ad avà
Fin di vaghjime a sai, quì s’attacca à brusgià
Di vedeli cusì belli i nostri paesi
Sunnieghju à trimà cent’anni è centu mesi
Pichju, inciampu, cascu, è po mi vultuleghju
Passu, vengu è girgu è cuntinueghju
Quandu mi veni à l’ochji, ch’è tù parli cù mè
Mi vene u mal d’amore, mi ghjunghje u mal di tè

Dì …

Aghju modu à amà è à teneti caru
ùn avè chè per tè lu mio amore amaru
s’è tù ùn capisci ch’ellu ti ci vole à vultà
Serà per noi dui un bellu ricurdà
A terra hè cusì bella, piglieraghju u mo volu
Anderaghju à scaldammi prestu à un antru sole
Sappia ch’ùn sò più quella chì d’amore si more
È chì a mo pacienza ùn aspetterà l’ore

Di …


Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyLun 28 Sep - 22:22

Si ne vulia andà


Si ne vulia andà
Senza aspettà à nimu
Cù saccu funa è fera
È sempre ellu lu primu
Ma quì s’era scurdatu
D’un abbracciu sinceru
È di l’ultimu mottu
À quellu furesteru
È po di u nostru amore

Si ne vulia andà
Per ùn fà più ritornu
Scruchjà ver l’aldilà
Sin’à l’ultimu ghjornu
Ma qui s’era scurdatu
Di e parolle appese
Nant’à li sogni vani
Muntagnati in paese
È po di u nostru amore


Si ne vulia andà
D’aprile o di maghju
Per i chjassi secreti
Di u più bellu viaghju
Ma quì s’era scurdatu
Di u cantu di u ventu
Di u sole di l’estate
Ch’asciuva ogni pientu
È po di u nostru amore

Puru si n’hè andatu
À batte d’altre sponde
À maghjerà l’eternu
Da rinuvà e stonde
Ma quì forse hà lasciatu
U soiu l’anc’à fà
U sguardu luminosu
Versu a libertà
Per stu tempu chi corre

Ma quì forse hà lasciatu
U soiu l’anc’à fà
U sguardu luminosu
Versu a libertà
Cum’un segnu d’amore
Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyLun 28 Sep - 22:24


FRUNTIERE

Ver di l’ultima maghjera
Di a Terra di u Cumunu
L’umbrie di a memoria
Ùn le batte più nisunu
For ch’a to giuventù

Ver di l’ultima tribbiera
In paese d’una volta
Viaghja l’omu à passu stancu
À sogni sazii di rivolta
Voga a to giuventù

Ver di l’ultima tundera
Sona una schilla latina
À impastughjà e stonde
Corre a to zitellina
È a to giuventù

Ver di l’ultima impiaghjera
In paese di tante volte
Di u tempu e so sfiere
Anu francatu e porte
Cù a to giuventù

Ver di l’ultima miseria
Di pane biancu in bundanza
Pienghje quell’anima persa
Per le strade di scurdanza
O la to giuventù

Ver di l’ultima chì spera
In paese d’oramai
À mezu à tutti l’inforsi
U rigiru ùn pianta mai
Move a to giuventù
Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyLun 28 Sep - 22:26



CHEB HASNÌ

Mediterraniu fieru era zergosu
U tempu di quì trist’affannosu
Ancu lu sole paria bramosu
Senza tè

Quì si n’andava un sognu à bughju
È mancu un zittu è mancu un mughju
Ma tutta sta ghjente in carrughju
Ingiru à tè

L'omi, e donne, a terra è lu mare
Ti portanu oghje à locu amare
Duve le stonde sò tuttu pare
À l’oimè

U so cantu parla di centu paesi
Di e so stagione di centu mesi
Di e so spere à bracci tesi
Ingiru à tè

Senti l’Uriente t’hè di tondu
Puru s’ellu ùn sà mancu chì mondu

L’amore ùn li sà risponde
Senza tè

Sta musica chì corre in li carrughji
Serà la to anima chì fughje
Cù i nostril pienti è i nostril mughji
È l’oimè


Basteranu i nostri ghjorni
À vultulà tanti frastorni
È tramandà i nostri sogni
Senza tè ?

Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyMer 30 Sep - 13:27

È SPARTE  L'OGHJINCHERA                
À Salvadore Allende



Da e pruteste ferite in core di Santiagò
À tante notte argentine chì ballavanu u tangò
A to lotta ùn hè finita.

Da granitule sfiatate in quella Piazza di Maghju
À u tempu di l'esiliu persu per longu viaghju
A to lotta ùn hè finita.

Da stu paese à turisti chì piatta a so vergogna
À favelle di Gianeru ch’anu a so cuscenza in sborgna
A to lotta ùn hè finita.

Da l'altu pianu andinu chì sona l'indianità
À stu ballò di miseria chì move l'ultima sambà
A to lotta ùn hè finita.

Da quelli chì vanu scalzi versu orisonti di guerra
À paisanu chì chere mezinate di sta terra
A to lotta ùn hè finita.

Da u fondu di e minere di Bulivia suprana
À u fondu di e prigiò, sole sì è tramuntana
Chì a to lotta ùn hè finita.

Di un pueta manimozzu ch’hà impinnatu a to ruvina
Ti ferma sempre a parolla, canta America Latina
Chì a to lotta ùn hè finita.

Companero presidente da a memoria landana
A to morte martelleghja a fattoghja americana
Chì a to lotta ùn hè finita.

Da tutte e nostre sumiglie à a prima diferenza
Sò tante è tante e bandere ch’anu listessa sperenza
A to lotta ùn hè finita.
Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyMer 30 Sep - 15:47

Cantu

Per  sti  cimoni  spartiventi
À u  cantu  eiu  t'invitu
Da fà ribumbà  mari è mondi
È l'orizonti  à l'infinitu

Chì  sò canti di u cumunu
In l'aghjasole di u  ritrovu
È  canti  vechji di  rivolta
À u  fà di u  ghjornu novu.

À  nome  di e  speranze  nostre  cantu
U  tempu  vivu di e mosse  cantu, cantu.

Cantu per l'eterne  ferite,
Silenzii amari  è mughjjipienti
È per esilii è per battelli
È per sti maricuntinenti.

Cantu sì ! cantu in la  to voce
L'idea  chì  ùn  si  vole more
Quand'ella vene svegliamondu
À u chjoccu di u mio core.

À  nome  di e  speranze  nostre  cantu
U  tempu  vivu di e mosse  cantu, cantu.

Cantu à l'avvene incaminatu
È cantu  scemu  di l'amore,
Fiorpuesia innamuratu
In  bocca  à l'eternu pastore.

Attu  à  fratellu luntanu
È  cutate  à l'inghjustizia,
Parolle sfocu per  viaghju
È versi  fiumi d'amicizia.


À  nome  di e  speranze  nostre  cantu
U  tempu  vivu di e mosse  cantu,
U  tempu  vivu di e mosse  cantu.

Parolle S.LUCIANI, musica C.Mac Daniel.


Dernière édition par Circione le Ven 2 Oct - 17:57, édité 1 fois
Revenir en haut Aller en bas
Circione

Circione


Messages : 2212
Date d'inscription : 27/02/2012

Luciani Saveriu Empty
MessageSujet: Re: Luciani Saveriu   Luciani Saveriu EmptyVen 2 Oct - 17:56


Musichella

Bella farfalla cun tè vogliu ballà
Fà una ronda trè giri è po scappà,
Fà una ronda trè giri è po scappà.

Bella muvrella cun tè vogliu saltà
Per la muntagna trè notte è po scappà,
Per la muntagna trè notte è po scappà.

Bella surgente cun tè vogliu cantà
La to canzona trè versi è po scappà,
La to canzona trè versi è po scappà.

Bella ciccona cun tè vogliu sunà
Tutte le mane trè chjocchi è po scappà,
Tutte le mane trè chjocchi è po scappà.

Bella stagione cun tè vogliu campà
Trà mez'i fiori trè mesi è po scappà,
Trà mez'i fiori trè mesi è po scappà.

Bella zitella cun tè vogliu parlà
D’amore dolce trè ghjorni è po scappà,
D’amore dolce trè ghjorni è pò scappà.

 O bellu sognu cun tè vogliu arrubbà
 À la mio vita trè ore è po scappà,
 À la mio vita trè ore è po scappà.

Chjami Aghjalesi 1979 (nant'u solcu di a storia)

(Saveriu Luciani Parolle è musica)
Revenir en haut Aller en bas
Contenu sponsorisé





Luciani Saveriu Empty
MessageSujet: Re: Luciani Saveriu   Luciani Saveriu Empty

Revenir en haut Aller en bas
 
Luciani Saveriu
Revenir en haut 
Page 1 sur 1
 Sujets similaires
-
» Valentini Saveriu
» Canti corsi tradiziunali
» CASAMACCIOLI
» Settimana di a lingua corsa

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: