Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Ceccarelli Marcu

Voir le sujet précédent Voir le sujet suivant Aller en bas 
AuteurMessage
Sumenta



Messages : 2050
Date d'inscription : 25/02/2012

MessageSujet: Ceccarelli Marcu    Jeu 8 Mar - 9:22

L'omu


Un omu era pusendu annantu à u so zuddu
U so cappeddu in manu asciuvaia u sudori
Chì misciava da u fronti chì eramu di luddu
Staghjoni a piu cruda d'annoiu è di calori

In i so mani frusti, da u soli brusgiati
Stringhjia è turcia u tintu cappiddacciu
Com’è s’idd’era statu causa di piccati
È di u so addisperu u solu paganacciu

È po l'omu allisciava u so capu sbiancatu
Da l'anni, da u stentu è da tanti pinsera
Di tutt'una ciucciata solu era firmatu
In a casa paterna par viva à so manera

Tutti li so fiddoli si n'erani andati
À stintà pani fora cussì hè u distinu
In 'ssa tinta campagna indu' quiddi chì sò nati
Ni francani u mari chì l'avvena hè mischinu

Solu u so ghjacareddu spartia a so induzza
Circhendu di parlà trinnicaia a coda
Com’è par dì sò quì ùn lampà pur sugnuzza
Chì sò u to amicu, ancu senz’ ossa à roda

Ma u so capu biancu, più biancu duvintaia
Videndu di i so chjosa i muraddi sfraiati
Tristu è pinserosu u tintu suspiraia
Parlendu da par sè ramintaia u passatu...

" Qual sarà mai più ch'arrizzarà 'ssi mura
Pisati ùn si sà quandu da i me antinati
Parchì i me fiddoli ùn hè mancu sicura
Vinarani d'un saltu à vedami 'ss'istati...

È quidda casaredda induva tanti ziteddi
Sò nati, sò crisciuti, ani risu è po pientu
È dopu tanta gioia, com’è un bolu d'aceddi
Ni sò tutti fughjiti in un buffulu di ventu...

Chì ci aghju più da fà in 'ssi rughjona cari
À posta chì più nimu mi teni cumpagnia
È ch'ugnunu hè andatu à godasi u mari
Com’è si a campagna hè tarra d'arasia

È l'omu addispiratu da a so sorti crudeli
Stringhjia u so cappeddu par impidì l'angoscia
Chì li spizzaia u pettu, pisendu l'ochja in celi
Prigaia u Signori di tenali a coscia



Una canzona magnifica cantata da Natale Valli chì pudete ascultà quì:
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Ceccarelli Marcu    Jeu 8 Mar - 9:24

Sò lingua



Eiu sò a lingua corsa, ùn voddu micca mora,
Sò a lingua materna di li vosci antinati
Parchì à tempu d'oghji vulemmi tena fora ?
O Corsi senza mè, sareti sbattizati !

M’aveti ghjà spuddatu di i paroli antichi,
M’aveti infrustiritu è m’aveti ingannatu
Di ciò ch’eiu sò stata, ferma pochi vistichi
Parch’aveti vargugna di tena u me parlatu….

Eiu sò la lingua Corsa, di li vosci maiori
Chì hè stata aduprata frà i seculi sani
Quidda par dì « o mà », quidda par dì « dulori »
Quidda chì hè stata sempri in bucca di l’Anziani

Eiu sò a santa lingua chì dopu à u culombu
Ni chjamaia à l’aiutu par salvà u paesi
Sò quidda chì chiria a pulvara è u piombu
Pà stirpà Sarracini, Grechi o Ginuvesi ...

Sò a lingua di quiddi chì oghji sò spariti
Chì ghjacini in sta tarra di dolu è di pientu
È vo, i so fiddoli, firmeti russuriti
Sì in ghjiru à vo, in corsu, vi si canta un lamentu !

Sò la lingua materna di i vosci minnanni
Chì cuntaiani foli in ghjiru à u fuconu
Chì cantaiani gioii, chì cuntaiani affanni
In l’unicu parlà di tuttu un rughjonu ...

Sò quidda chì, luntanu, chjamaia u rispettu,
Frà a ghjenti amica, è ancu più frustera
Sò quidda chì sincera, sbuttaia da u pettu
Di dui corsi spersi in un fundu di galera

S’é voi perditi à mè, perditi a voscia razza
Ùn s’ammintarà più, nè cippu, nè casata
Ni sareti in ’ssu mondu una rubbaccia lazza
Chì ùn saraghju più chè lingua tralasciata
Revenir en haut Aller en bas
Voir le profil de l'utilisateur
OZZI



Messages : 9
Date d'inscription : 02/03/2012

MessageSujet: Re: Ceccarelli Marcu    Jeu 8 Mar - 18:15



U scumpientu per mè hè chì a nostra VERA lingua, quella di u mo Clanu, hè sparita da 2000 anni : allora hè bastatu ch'elli scalinu sti Rumanacci è ete abbandunatu tuttu?

Avà ricumenciate cù i francesi...Ahù : u vechju stintu hè mortu. Noi à tutti i ghjunghjiticci ùn lasciavamu u tempu di ànscià... fughje
Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Ceccarelli Marcu    Jeu 8 Mar - 20:23

Un hè micca Ceccarelli chì hà scrittu a canzona " L'emigrante " cantata da I Muvrini.
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ceccarelli Marcu    Jeu 8 Mar - 21:25

Iè hè ellu.

ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
OZZI



Messages : 9
Date d'inscription : 02/03/2012

MessageSujet: Re: Ceccarelli Marcu    Sam 7 Avr - 22:05



Si n'hè andatu Marcu Ceccarelli, un omu di cultura prufonda è un pueta di valore, di grande semplicità. Rispettu. Ch'ellu riposi in pace.
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ceccarelli Marcu    Sam 7 Avr - 23:24

M'hà sempre toccu à mè a puesia di Marc Ceccarelli, l'aghju scuparta tant'anni fà incù e prime canzone di I Surghjenti.

Ziu Antò, U lamentu di i Palavisani, U caffè, L'omu, Stà à senta o paisà dumani... è quella vindemia cantata da u giovanu Felì...

s'e trovu u tempu vi mittaraghju canzone di M.Ceccarelli di i dui primi dischi di Surghjenti - chì sò dui giuvelli -
annant'à Isulamatre.

L'omu quant'è a so puesia eranu pieni d'umanità è di dulcezza.

salutu2

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Ceccarelli Marcu    Sam 7 Avr - 23:26

@OZZI a écrit:


Si n'hè andatu Marcu Ceccarelli, un omu di cultura prufonda è un pueta di valore, di grande semplicità. Rispettu. Ch'ellu riposi in pace.

Ghjè una nutizia propiu trista. Ùn cunniscia micca l'omu, solu u puetu. Ma quandu leghju i so scritti mi pare di sente, di capisce ciò chì l'omu hè (era).
Avia i so anni, è certi diceranu ch'ella hè inde l'ordine di e cose... Hè forse vera, ma quand'elli partenu l'ultimi puntelli di sta generazione, ogni volta, à ogni disparizione, ghjè un pocu di noi chì si ne và.
Revenir en haut Aller en bas
Voir le profil de l'utilisateur
Ghjuvan Filici



Messages : 194
Date d'inscription : 25/02/2012

MessageSujet: Re: Ceccarelli Marcu    Dim 8 Avr - 13:22

Vuliu metta quì "Sò lingua", è m'avvigu chì Petra Alta ci hà pinsatu. Li ni ringraziu.

Marcu hè partitu pà l'ultimu viaghju, è ci hà lacatu tantu. Hè vera chì a so puisia era liata in tuttu à a ricchezza, a billezza di a so anima : umana è ginarosa.

In i so testi, i so canzoni, discrivia un tempu ch'iddu avia vistu cù i so ochja, è un Portivechju ch'ùn esistarà più. Pensu ch'iddu si porta cun iddu tutti sti capituli di a noscia stodia.

Era bè iddu l'ultimu gran pueta pupulari di u rughjonu, un omu dinò di valori altu, risistenti à vint'anni, chì hà resu sirviziu à tant'aienti quand'era pulizzeri, com'è in Algeria, in tempu di guerra, capaci di piddà i risichi pà tenda una mani salvatrici, quissa a m'ani conta è a tinaraghju à menti... Si sapia fà dinò un ligamu di riffarenza trà i diffarenti generazioni, ùn era micca ingurdu di a so sapienza, vi pudia aspittà in paesu pà rimettavi un bigliettu cù scrittu annantu tutti i numignuli anziani di i famiddi di a rigioni, t'avia sempri una stodia à ramintà, ricivia in casa cù piaceri.

Hè prima di tuttu un omu di bè chì si n'hè andatu, è un omu bè.

È avali capiscu parchì u celi abbughjatu sunitaia arimani nant'à i pasciala di a noscia muntagna, ci arricaia tristu a so nova.

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ceccarelli Marcu    Dim 8 Avr - 21:09



DUMANI

Hè brusta 'ssa manata di versi paisani
Scritti in un linguaghju di Corsica suttana
Fatti par ramintà i scossi di l'anziani
In un mondu crudeli di quissa nova andana !

A brusta hè un focu ch'ùn voli micca mora
Com'ùn pudarà mora 'ss'isula tant'amata
S’è tutti i so fiddoli da drintu è da fora
L'aiutani à sfrancà si da 'ssa dura imbuscata !

Dumani suffiarà à nantu à quissa brusta
Un ventu d'aria pura vinutu da u cori
Chì darà nova fiamma à una zidda frusta
È chì farà pisà un'alba di splendori !

Dumani quissi casi chì oghji sò sfraiati
Sarani dinò pieni di risa zitiddina
Quissi chjosi è 'ssi prati fin'avà tralasciati
Ùn timarani più d'andà à a ruvina !

Dumani a ghjuventù chì oghji s'addispera
Fighjularà l'avvena cantendu a so spiranza
È ni suminarà un'amicizia vera
Da induva nasciarà ghjustizia è fratiddanza !

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Ceccarelli Marcu    Lun 9 Avr - 22:40

Sò eiu l'emigrante chì và à la pidiccia
A l'orlu di u stradonu à meza pulvariccia

Sò eiu u spaisatu cusi voli u distinu
Chì tocc'à i fiddoli d'un populu mischinu

Mà so prontu a stintà senz'alcuna rincori
Pa pascià la me ghjenti à colpa di sudori
A colpa di sudori

Vengu da isse pianuri indù u soli si strascina
Natu in'una casetta culori di calcina
Culori di calcina

Sò di li facci neri ò di li musgincati
Di quiddi chì par vo in guerra sò cascati
In guerra sò cascati

È chì ci possu dì chì ci possu fà èiu
Sì di lu vosciu Dìu ùn possu fà u mèiu
Ùn possu fà u mèiu Ùn possu fà u mèiu

Sò chì quandu a sorti in lu mondu hè crudeli
Pisemu tutti l'ochji ver di u stessu celi
Ver di u stessu celi

Ma intantu postu chì dite chi seti umani
Stringhjitil'ancu vò purghjimuci una manu
Purghjimuci una manu
Purghjimuci una manu
Purghjimuci una manu
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Re: Ceccarelli Marcu    Mer 11 Avr - 8:49

À veghja
·
Si campava dinò à l'antica manera
A sola vicinanza paria parintia
In issi tempi crudeli si pocu asgiu c'era
U pocu ch'era pocu,tra tuttu si spartia!!

Da sutt'à i muradona,sarrati in'i purcila
I mannarini grassi natavan'in a fanga
U stizzu di u lozzu intria in'i nasila
Ùn sì facia casu...Sì pensava à i sanga!

È sì pò aghjustà,senz'essa scrianzati,
Ch'in quissu santu locu in più di a purcaria
Quandu calava a notti falav'i vasati
Attuschendu a jenti....si à tempu ùn fughjia

In issu luddu u soli era chjudatu in celi
'ni stagna limicosi indù s'era aguatata
A zinzala arrabiata appruntava u so feli
Par andà à lampallu in cursu di a nuttata!

'ni ciottuli d'acquaccia piena di pistulenza
Indù tintu juncu pudia campà solu
Raneddi è ranocchji stavan'in privirenza
Senza temma u bolu di u falcariolu...

A puzza di i stagna assaltava u paesu
Cù l'aiutu suttanu di i venta liventona
Assaltu ch'ùn pudia mancu essa difesu
Malgradu a vardia fida di i cinqui bastiona.

Marcu Ceccarelli,A veghja,istatini sminticati
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Lamentu di i Palavisani   Mer 11 Avr - 9:34

Una billissima puesia annant'à i so lochi - è dinù una canzona magnifica di i Surghjenti.


Lamentu di i Palavisani

Addiu à tè furesta cara
Boscu di li Palavisani
Addiu, l’omu ti pripara
U to sfatteghju di a so mani…
Dici chì hè par dà l’acqua in piaghja
Chì tù pineta, devi raghja !

Addiu pini maestosi
È larici d’alta statura
Addiu fiori muscatosi
Chì adurnavati a pianura...
Dici chì hè par dà l’acqua in piaghja
Chì tù natura devi raghja !

Addiu à tè, arba barona
Chì imbalsamavi u cuntornu
Ani svultatu i cantona
È tribulatu u to sughjornu...
Dici chì hè per dà l’acqua in piaghja
Chì tù barona, devi raghja !

Addiu a tè o bianca nocca
Rusulaghju di l’inguirnata
Addiu, addiu aval ti tocca
Anc’à tè d’essa starminata…
Dici chì hè par dà l’acqua in piaghja
Chì tù o nocca, devi raghja !

Addiu belli spassighjati
In ’ssa furesta tant’umbrosa
Addiu cari innamurati
È d’Agnaronu è di Cardosa...
Dici chì hè par dà l’acqua in piaghja
Chì tù amori, devi raghja !

Addiu Corbu è Pinzalonu
È cantunicci inarghjintati
Ch’avete intesu u brionu
Di quissi lochi casticati
Dici chì hè par dà l’acqua in piaghja
Chì tù muntagna, devi raghja !



_________________
Spunsurizatu  da l'UNESCO


Dernière édition par Circione le Ven 16 Nov - 8:29, édité 1 fois
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: L'uspidali   Ven 13 Avr - 21:31

L'Uspidali

Scudu d'arghjentu finu postu à meza virdura
Eternu vardianu di a piaghja serena
Opara d'omu mischia à quidda di a natura
Balconu sbalasgiatu supr'à u mar di Tirena!

Dopu à l'alzà di l'alba u soli ti saluta
Po pianu s'avvicina, ti scopri cù dulcezza
Scalda di u so basgiu a machja pampanuta
Chì anch'idda si sveghja è bramma a so carezza...

Par unurà l'invitu sparghji la to furesta
Dilarici, di pina, di filetta è di nocca
L'albitru è a scopa facini sempri festa
À quiddu chì, beatu, Và versu l'Alta Rocca!

Insitatu à a teghja, l'anticu Miridianu
Porghji l'ora à chì passa senza nisciun prighera
È quandu u soli stancu si chjina pianu pianu
S'addurmenta anch'iddu, stancu à a so manera!

Si taci cù a notti a risa di i ziteddi
In celi i stelli d'oru sò quì cusì vicinu
Sò simuli, accesi, à tanti fiacculeddi
Appiccati un'ad una in cima d'ugni pinu!

Casi di l'Uspidali strinti in a currintina
Da u Pin di Curatu, fin'à u Pinu Tortu
Locu caru è sacratu di a me zitiddina
Ricordu chì par mè ùn sarà mai mortu!!!


Scossi, 1976.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Istatini sminticati   Dim 16 Sep - 8:34


Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Re: Ceccarelli Marcu    Dim 18 Nov - 1:23

STÀ À SENTA O PAISÀ

Stà à senta o paisà
Tù chì ti teni sticchitu
Ch'a' scambiatu di vistitu
Ch'ùn ti lasci più andà
Ùn porti più a barretta
È vicu chì a to ghjacchetta
Hè à fattoghja d'avà

Stà à senta o paisà
Tù chì t'a' a stacca piena
È dinari com'è rena
Lasciati avvicinà
A' la to calzetta pretta
Di muneta è di buglietta
Mà ùn n'a' più pruprietà...

Stà à senta o paisà
A' vindutu à ghjunghjiticci
I pureti è i prunicci
È ùn sa' più indu' andà
À fatti una caccighjata
O qualcosa più sacrata...
Ùn sa' più indu' passà

Stà à senta o paisà
Di issu sangu chì hè cascatu
Pà issu chjosu o pà issu pratu
Tù ùn ti ramenti più?
Ma issu sangui è ssu sudori
Erani di i to maiori
È chì pinseri n'a' tù?

Stà à senta o paisà
Par tè u solu pinseri
Hè di passà i to seri
À vighjà è spassighjà
Allora ti ni sta' fora
Chì ti s'arriguarda l'ora
Ind'ì tù t'a' d'arrizzà...

Stà à senta o paisà
Tutti i fiumi vani à mari
È cussì sò i dinari
Chì accuzzatu tù a'
Quandu saranu finiti
Ti murzicarè i diti
È u pientu ti scapparà
Stà à senta o paisà...

MARCU CECCARELLI - CARULU MARCELLESI




http://www.surghjenti.com/
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ceccarelli Marcu    Dim 18 Nov - 18:13

à ringraziatti o Michela salutu2
mi sò permessu di currege dui o trè picculi sbagli è di rimette e strufate in l'ordine di u libru:



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Re: Ceccarelli Marcu    Dim 18 Nov - 19:49

@Circione a écrit:
à ringraziatti o Michela salutu2
mi sò permessu di currege dui o trè picculi sbagli è di rimette e strufate in l'ordine di u libru:



Ai fattu bè! ditone Eiu,ùn aghju fattu chè "copier-coller",u scrittu chì ghjè nant'à u situ di Surghjenti....Ma aghju da andà à sente per vede l'ordine,forse,l'anu cambiatu per mette a puesia in canzona scratch
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Ceccarelli Marcu    Ven 22 Mai - 10:24


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Ceccarelli Marcu    Aujourd'hui à 9:07

Revenir en haut Aller en bas
 
Ceccarelli Marcu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Femme de Marcus....
» LES 7 GLADIATEURS REBELLES-SETTE CONTRO TUTTI-1965-Michele LUPO
» Requiescant (Tue et fais ta prière) - Requiescant - Carlo Lizzani - 1967
» Dillinger est mort - Marco Ferreri
» "Impastughjata" Ghjuvan Marcu Leca

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: