ghj invece di g

Di una  certa manera si pò  dì  ch'elle sianu l'intricciate spezie di portabandera di a nostra lingua. Ùn  esistenu cà in corsu  è  sarà  sicuramente per quessa ch'elle piacenu  tantu à a nostra giuventù. Avarete rimarcatu  cum'è  mè  ch'ella  hè  capitaticcia  à ghj in  parolle  chì  in  certi lochi  di  Corsica suprana u so sonu hè   [dj]

giovanu, giurnale, giuventù, missagiu, ecc.

A scrittura  ghj s'impone  di più  in più  è  forse chì a prununcia  hà  da siguità. Mi diciarete ch'ella  hè l'evuluzione nurmale  di una lingua, và bè , ma  quantunque... S'ella hè  di parlà  cum'è  i  Suttanacci l'evuluzione di a lingua

Eccu, era solu un picculu parè  annant'à un mendu  ch'omu  piglia di più in più, quellu di  circà  sempre  ciò chì li pare  a  forma più  curretta  ma ùn  hè, si  tratta  d'ipercurrizzione o – s'è vo vulete – tracurrizzione. Si  sente o  si leghje  di più in più  forme chì parenu forse più  corse o menu  francese ma  chì bell'aspessu  sò ancu sbagli.

pensu  sopr'à  tuttu  ch'ella  vene  da   ghjente  chi  scrivenu a  lingua  ma infatti a  pratecanu pocu à  l'orale  e  da  u fattu  ch'elli  n'hanu  una  visione  guasi  "fantasmata"  volenu fà  "più  corsu  che  corsu" ..  ne  ghjunghjenu  certi  à  pensà  chi a versione  pumontinca  serebbe un  corsu più  anticu  o più  ghjustu (per  via  di  che ?) , tandu  per  esse  logichi  li  cunsiglierebbi  dinò  di rimpiazzà i  dui  "L"  da  dui  "D" (ziteddu , cavaddu..)  ma  tandu  li  feraghju  rimarcà  chi  ghje  una  mutazione  ch'esiste in  tutta  l'italia  meridiunale  e  a  sicilia ...  
ma  se  veramente  persistenu à  vulè  parlà  à  usu  aiaccinu  u  megliu  serebbe  ancu  ch'elli  si  mettissinu à  u  francese

Hè un gattivu mendu... insignatu da certi prufessori. È i giovanu ùn si ne ponu micca avvede s'elli ùn capiscenu a sferenza trà i dui soni è s'elli ùn anu l'arechja per senteli.