Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 L'ultimu basgiu

Voir le sujet précédent Voir le sujet suivant Aller en bas 
AuteurMessage
Sperenza



Messages : 1142
Date d'inscription : 28/02/2012
Localisation : quassù

MessageSujet: L'ultimu basgiu   Dim 13 Mar - 18:56

Settembre di u 2004

Era ghjunta a prima ind’è i Patterson. Sonia è Antò, un coppiu d’amichi, eranu in ritardu. Capatoghju d’ultimu minutu, ingorgu stradale... pensai. U locu era firmatu quellu, cun a lellera in giru à i pilastri, fiori rusulini è malbi nantu à ogni scalinu, a vechja ringhera sculurita, u purtò rughjinosu . Cum’è i so patroni, a casa tenia anch'ella e so muche.
L’estate ùn avia unancu messu da cantu i so forni. M’era messa à rifiatà à l’ombra d’u tigliolu, u tempu d’accendemi una sigaretta. Ad ogni sbuffulata, si ne cullava per aria una fiura : corse à perdifiatu cun Tumasgiu, spuntinu à pane è cunfittura, ghjochi zitelleschi, un manganiolu fattu cun un pezzacciu di tavula è duie corde appese à u peru, cascatoghje, scaccanate…ricordi di zitellina fatata chì spessu venenu à chjamà quandu a vita face da pessima. Cun Tumasgiu eramu stati vicini di casa prima di diventà amichi di scola, eppo u destinu fendu è disfendu , ognunu avia seguitatu u so chjassu. Quindeci anni ch’ùn c’eramu più visti ; avia amparatu a so morte, à casu, leghjendu u giurnale in un caffè. C’era mancata pocu pè ch’ùn l’avessi mancu sapiuta chì e nutizie, e leghju pocu è micca, è in ‘ssu caffè, ùn avia mai messu i pedi ; mi c'era  cansata per via d'a calmana, da beie un bichjeru di menta fresca.
In l'estate di u 71 Richard Patterson, passiunatu ch'ellu era da e storie di banditi è i scritti di Mérimée, avia lasciatu i so Highlands scuzzesi per un viaghju in u centru d'a Corsica. Di settembre, à a Santa, avia scontru à Luisa, una giuvanetta di quassù, turnata a so moglia un mese dopu, incinta ch'ella era.

I Patterson l'aghju sempre visti purtà i negri panni. Pienghje tante volte.Troppu volte.
Vint' anni in daretu avianu digià persu una figliola di ott'anni, tomba da una vittura scema, arrente strada, mentre spassighjava. Vicinu à u locu di l’accidente, ci hè un arburu cun un mazzulu di fiori in giru à u troncu, fidu, strintu cum’è un abbracciu è scambiatu ogni settimana da a mamma.
Dopu à a morte d’a ciuccia, u babbu di Tumasgiu era diventatu cum’è mutu. À dìlla franca, ùn aghju micca ricordu d’avè intesu una volta u sonu d’a so voce ; quandu andava à vede à Tumasgiu si ne stava in futtogliu, s’arrizzava ogni tantu per andà à fidighjà fora aspettendu ùn si sapia cosa o circàssi una sigaretta. "Isabella ùn serà mai nè sposa nè mamma...", cusì ripetia sempre à a moglia. D'una certa manera era statu culpitu da un doppiu dolu : a perdita d’a feminuccia è u dolu di 'ssa vita ch’ella ùn cunnoscerà.  
Una parte di Luisa Patterson si n'era morta cun Isabella ma avia circatu di dàssi curagiu per Tumasgiu u figliolu è per u maritu. Aspessu eramu parecchji zitelli à truvàcci in casa è c’era sempre appruntata per noi una torta o pacchittelli di bombò da sparte, cum’è un sprichju d’allegria à mezu à tamanta sciagura, da ch’ella ripigliessi capu sù a vita.

Quante volte da zitella l’averaghju cullate currioni ‘sse scale, ma più m’avvicinava d’a porta più l’angoscia fatta tanaglia mi stringhjia u pettu. È a ghjente chì cuminciava à affaccà, cun parulle in soprappiù…"l’aghju vistu un mese fà, cumprava u so pane…era bè…u corciu..."
Era à bughju u curridò ma i mo ochji avianu ricunnisciutu à u muru ritratti visti tant'anni in daretu : un Natale felice à quattru, a fotograffia d'una ghjumente salvatica -i cavalli, a grande passione di Tumasgiu- una maghjina d'u Cristu nimbatu in a so mandorla azura. Cun l’odore di 'ssi prufumi chì pichjanu in capu ch'avianu messu duie donne mi sentii guasi male. Pensava à Patterson u vechju. D'u fruttu di 'ss'amore natu in e muntagne corse, à millaie di chilometri d'e soie, ùn firmava oramai più nunda. Solu ricordi impressi ch'avianu da turnà mele o fele, secondu i ghjorni, fotograffie d'anniversarii, di merendelle, di scola è ferite ch'ùn si richjuderanu mai.
Ciò chì settembre danciu avia offertu un ghjornu, settembre camonchju avia ripigliatu.
Nantu à u libru di cunduleanze, scrissi "curagiu !" Scrivu sempre cusì…"Curagiu !", chì curagiu li n'avia da ci vulè, à tramindui, per appettà a furlana di Falcinella. Una volta dinù.

A ghjente s'azzittò. Cullavanu i biccamorti per e scale. Era ora di chjode a cascia.

Di l’ultimu basgiu. À crepacore.

Da a cameruccia tetra un mughju stracciò u silenziu.


http://isulana.blogspot.fr/
Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Dim 13 Mar - 21:00

un  bellu  testu o Sperenza , c'hè a  ricchezza  di  vocabulariu ma à tempu una  scrittura  linda  e naturale (hè  scarsu oghje) ,  a  t'avereste à provà anc'à opere  più longhe à m'avisu chi ne  si  capace   mipiace  .
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Lun 14 Mar - 5:59

Ci pensu ci pensu...Serà vultata a passione ?? felice

E to parulle mi facenu veramente piacè , ti ringraziu . salutu2
Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Mar 15 Mar - 20:38

@Sperenza a écrit:


E to parulle mi facenu veramente piacè , ti ringraziu . salutu2


aaaaaah di  sapè  parlà à  e  donne  un hè  micca  datu à  tutti  Rolling Eyes basgiu risa
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: L'ultimu basgiu   Mer 23 Mar - 10:24

Ti filiciteghju anch'eiu.
Aghju siguitatu u ligame di u to blogu ditone

(ti pudia esse chjamata "Isulana" ancu quì!)

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Lun 28 Mar - 7:03

Ti ringraziu. surrisu

Sperenza hè u primu nome chì m'hè venutu in mente... surrisu
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: L'ultimu basgiu   Lun 28 Mar - 9:41

Sè sempre à tempu per cambiallu s'è tù voli
ma dopu anu da crede ch'è tù sè a moglia d'Isulanu. paura

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Lun 11 Avr - 15:59

Aiò! Tutt'ognunu sà chì Isulanu hè u mo paisanu . ride
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: L'ultimu basgiu   Mar 12 Avr - 13:33

allora sè libara di cambià
evviva
ma dumanda nanzu à u to paisanu
risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Dim 17 Avr - 21:26

@Sperenza a écrit:
Aiò! Tutt'ognunu sà chì Isulanu hè u mo paisanu . ride


ah  bon  ti  si maritata  in paese  allora  ?  cheers pumate  Isulanu  dinò  a  ci pudia avè  detta  ditone
e  mancu   avite  invitatu i  foristi  lacrime
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Dim 17 Avr - 21:51

Ùn perdi nunda à ùn cullà micca in 'ssu paese ! "A ghjente hè azeza, clanista è paranoiacca è l'aria hè pisiva" ,dixit Isulanu. risa
Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Mar 19 Avr - 20:55

@Sperenza a écrit:
Ùn perdi nunda à ùn cullà micca in 'ssu paese ! "A ghjente hè azeza, clanista è paranoiacca è l'aria hè pisiva" ,dixit Isulanu. risa

uba palidu  se  vo  vi fate  un  figliolu  allora  torna contu à  prevedeli digià u  psicolocu  confusu  paura fughje
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Jeu 21 Avr - 22:28

I cugini ùn si maritanu nemancu facenu figlioli.lol!

O Serra sì sicuru chì tuttu và bè? vinu
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: L'ultimu basgiu   Ven 22 Avr - 17:14

In Pianellu accade, ma ùn dicu nulla chì l'endugamia esiste ancu in Niolu, è chì da l'endugamia à a cunsanguinità...

paura

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Ven 22 Avr - 21:26

A cunsanguinità era presente assai in e sucietà rurali di a prima metà d’u vintesimu seculu.
D’appressu à un studiu fattu da u Duttore Sutter et J.M Goux u departimentu d’a Corsica presentava u più altu cuefficiente di cunsanguinità.

Evolution de la consanguinité en France de 1926 à 1958 avec des données récentes détaillées
[article]
Jean Sutter   Jean-Michel Goux  
Population Année 1962 Volume 17 Numéro 4 pp. 683-702
Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Dim 24 Avr - 20:30

@Sperenza a écrit:
I cugini ùn si maritanu nemancu facenu figlioli.lol!

O Serra sì sicuru chì tuttu và bè? vinu


hè Circione chi  m'hà  induttu in  errore risa  ,  e po  un  so micca  sensatu  di  cunnosce  tutte  e  parentie  di Prunelli eo Rolling Eyes
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: L'ultimu basgiu   Dim 24 Avr - 20:36

@Sperenza a écrit:
A cunsanguinità era presente assai in e sucietà rurali di a prima metà d’u vintesimu seculu.
D’appressu à un studiu fattu da u Duttore Sutter et J.M Goux u departimentu d’a Corsica presentava u più altu cuefficiente di cunsanguinità.

Evolution de la consanguinité en France de 1926 à 1958 avec des données récentes détaillées
[article]
Jean Sutter   Jean-Michel Goux  
Population Année 1962 Volume 17 Numéro 4 pp. 683-702

i matrimonii tra di cugini carnali un eranu micca cusi scarsi e cuntrariamente à cio ch'omu porebbe crede eranu spessu u fattu di famiglie ricche ch'un trovavanu micca à maritàssi cun ghjente di u so livellu e chì li rincrescia d'imbolighjàssi cu a populaia .. era dinò una manera di tene i lochi nu a famiglia .
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: l'ultimu basgiu   Dim 24 Avr - 21:47

@SERRA a écrit:
@Sperenza a écrit:
A cunsanguinità era presente assai in e sucietà rurali di a prima metà d’u vintesimu seculu.
D’appressu à un studiu fattu da u Duttore Sutter et J.M Goux u departimentu d’a Corsica presentava u più altu cuefficiente di cunsanguinità.

Evolution de la consanguinité en France de 1926 à 1958 avec des données récentes détaillées
[article]
Jean Sutter   Jean-Michel Goux  
Population Année 1962 Volume 17 Numéro 4 pp. 683-702

i  matrimonii  tra  di  cugini carnali un eranu  micca  cusi  scarsi e  cuntrariamente  à  cio  ch'omu  porebbe  crede   eranu   spessu  u fattu di  famiglie ricche ch'un  trovavanu  micca  à  maritàssi cun  ghjente  di u  so livellu e  chì  li  rincrescia  d'imbolighjàssi cu a  populaia .. era  dinò una  manera  di tene i  lochi nu a  famiglia .

hai ragiò : l'hè stalvatu à Capicursinu ! a facianu per mantene u casale ! è nascianu i sconcci !
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: L'ultimu basgiu   Jeu 28 Avr - 11:38

Scopru avà u sughjettu. Site tutti macucchi risa

Brava o Sperenza! Ste poche frase, pare ch'è tù l'appii scritte per un veru dolu. E parolle di a ghjente, i prufumi chì danu a capaghjina, mi si pare d'esseci.
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: L'ultimu basgiu   Jeu 28 Avr - 11:41

@Sperenza a écrit:
Ùn perdi nunda à ùn cullà micca in 'ssu paese ! "A ghjente hè azeza, clanista è paranoiacca è l'aria hè pisiva" ,dixit Isulanu. risa
risa
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: L'ultimu basgiu   Sam 30 Avr - 19:00

@Isulanu a écrit:
Scopru avà u sughjettu. Site tutti macucchi risa

Brava o Sperenza! Ste poche frase, pare ch'è tù l'appii scritte per un veru dolu. E parolle di a ghjente, i prufumi chì danu a capaghjina, mi si pare d'esseci.

Ci hè appena (assai) di vissutu persunale, micca solu à u nivellu di a descrizzione (decoru, ghjente…) ma dinù di l’emuzione.

Ùn sò micca e più allegre ma ‘sse stonde facenu parte di u campà d’ognunu: quale hè ch’ùn hà cunnisciutu un ghjornu a tristezza è l’affannu à l'ora di l’ultimu basgiu ?

Ringrazii à tè per l’affaccata è u messaghju. surrisu
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: L'ultimu basgiu   Aujourd'hui à 13:31

Revenir en haut Aller en bas
 
L'ultimu basgiu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» L'ultimu basgiu

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: