Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Furiani, Manchester, una sera di maghju...

Voir le sujet précédent Voir le sujet suivant Aller en bas 
AuteurMessage
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Furiani, Manchester, una sera di maghju...   Lun 29 Mai - 23:03

Vogliu cuntà i malanni

di dui lochi in u mondu

u primu hè Furiani

fierezza d'u so circondu

spaziu di ghjocu è di cantu

Manchester hè u secondu.



In pettu un’ardente fiamma

a ghjuventù passiunata

mossa d’una stessa chjama

 à a festa era andata

conti eranu i so passi

giuventù disgraziata.



Tempu ghjuntu l’abbrucatu

in u celu di Furiani

u dimoniu spietatu

da ùn mutà i so piani

l’operata principiò

cun i so più negri panni.



In a Manchester Arena

s‘inalzavanu e canzoni

è a stella nantu à a scena

incantava i zitelloni

cumu sapè chì a pena

appruntava i so galloni ?



Un rimore acciunchente

segnu di pace finita

è u sangue d’u nucente

scorre à tempu à la so vita

 cusì inghjusta sintenza

  nisunu a si merita.



Si ne stà spenta Diana

quandu a parca hà chjamatu

è rottu u filu d’Ariana

per un fatu sugellatu

batte batte Falcinella

da tene l’usciu serratu.



Aghju in core un lamentu

è di maghju li taglioli

cagioni di tantu pientu

mamme senza più figlioli

quandu l’orizonte scuru

ammanta e case di doli.




Revenir en haut Aller en bas
Voir le profil de l'utilisateur http://isulana.blogspot.com
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Furiani, Manchester, una sera di maghju...   Mar 30 Mai - 6:09

A tragedia ch’hà culpitu a cità di Manchester m’hà fattu fà un tristu saltu in daretu di 25 anni, pensendu à quella di Furiani. Ùn hè micca per via di e cause di a morte di tante persone, chì sumiglia ùn ci n’hè micca (u crullamentu di una tribuna in un cantu è a barbaria in l’altru) ma u paragone vene fattu quandu omu guarda u sbucinà di i mumenti nanzu (è ancu dopu) à l’orrendu : quanta ghjente, giovana per u più, partuta u core allegru, spenserata quant’ella pò esse una ghjurnata veranile, ver di un locu festosu (scontru di ballò, cuncertu) per ùn vultà più in casa soia o cun ferite à vita, in a so carne o a so mente.

Una sera di maghju, l’allegria, a festa eppo…
Un rimore.
I mughji, u sangue, i pienti è e stonde di suffrenza chì s’avvianu.

Furiani…Manchester…
Era una sera di maghju, ch’ùn si vole chjinà.
tristu
Revenir en haut Aller en bas
Voir le profil de l'utilisateur http://isulana.blogspot.com
Erbaghju

avatar

Messages : 466
Date d'inscription : 29/02/2012

MessageSujet: Re: Furiani, Manchester, una sera di maghju...   Mer 31 Mai - 9:31

Bella puisia è sugettu originale di a morte chì pare ancu più crudele quand'ella vene à fà tace a festa salutu2


Dernière édition par Erbaghju le Ven 2 Juin - 15:02, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Furiani, Manchester, una sera di maghju...   Mer 31 Mai - 15:50

Ogni morte vole scusa, si dice...ma quand'ella mena cusì à a cechesca, giovani è zitelli, chì serà po a so scusa ?
Ditemila ! tristu

Ringrazii per u cummentu. salutu2
Revenir en haut Aller en bas
Voir le profil de l'utilisateur http://isulana.blogspot.com
Erbaghju

avatar

Messages : 466
Date d'inscription : 29/02/2012

MessageSujet: Re: Furiani, Manchester, una sera di maghju...   Ven 2 Juin - 14:06

Sò eiu à ringraziatti chì senza sapella a to puisia m'hà datu un'idea da scrive calcosa ! risa
Revenir en haut Aller en bas
Voir le profil de l'utilisateur http://erbaghju.unblog.fr/
Contenu sponsorisé




MessageSujet: Re: Furiani, Manchester, una sera di maghju...   

Revenir en haut Aller en bas
 
Furiani, Manchester, una sera di maghju...
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» QUE SERA LA TERRE APRES LES HUMAINS De la fiction ? Pas si sûr !...
» [J'ai lu] Et le jour pour eux sera comme la nuit d'Ariane Bois
» 1/7 Sera Victoria - Hellsing (Version 2)
» QUAND LA NUIT SERA COUVERTE DE JOUR, JE SORTIRAIS DE L''HOPITAL de Gaëlle de Malglaive
» SERA-CHAN DIORAMA WIP

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: