Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Riintrata di i pueti 2017

Voir le sujet précédent Voir le sujet suivant Aller en bas 
AuteurMessage
Circione

avatar

Messages : 2189
Date d'inscription : 27/02/2012

MessageSujet: Riintrata di i pueti 2017   Mer 30 Aoû - 13:32

À Caparrittu u prima
Mandu sti dui filari
Per dumandalli in rima
Di priparà i s'affari
Chì s'avvicina u ghjornu
Di ritruvà i sculari.

S'avvicina lu mumentu
Di ripiglià issa stradaccia
Li vene sguasi u pientu
Pinsendu à sta ghjurnataccia
Addiu belli mumenti
Passati à a Ghisunaccia

Sidussincu ellu stessu
Appronta la so cartina
È nentru ci hà digià messu
Qualchì pezzu di calcina
Mine, penne è calamaru
incù l'inchjostru di China.

Chì vulete ch'e vi dichi
Ellu hè sempre à l'anticogna
A li dicendu i s'amichi
Ma per quessa ùn si vargogna
Cù a so  cartina in coghju
Arreca à  tutti picogna.

Ghjuvan Filice anch'ellu hè  tristu
È  a riintrata teme
Ci vole  à  dì chì  u capiscu
–Emu cuminciatu inseme.
Quandu lenta tristi pienti
Quandu fulmina ghjasteme.

U Buglittinu Ufficiale,
I fori di discussione...
Nantu à  e  rete suciale
S'hà ancu postu a quistione
Di parte à a ritirata
O pone a demissione...

O chì ghjornu maladettu
Quellu di a riintrata,
Ci vole à  sorte da u lettu
Appena l'alba spuntata,
Mancu  u  tempu di beie
Nè  caffè  nè  cicculata.

Ghjustu u tempu d'ingolle
Un pizzacciu di brioscia
Eppoi  sguasi di corre
Si parte incù l'angoscia.
Addiu impaghjillate
È nuttate di bamboscia.

Tittò a so  riintrata
A  face  cù u  surrisu,
A  ghitara hè  accurdata
È parte bellu dicisu,
Ma anch'ellu cum'è  noi
Prestu cambiarà d'avisu.

Da l'avà s'ellu ùn  s'inchieta
Hè perchè ùn hè  ancu frustu
Ma ùn  ghjornu s'ella capeta
Li  vinarà  u disgustu,
Tandu po  capisciarà
Ch'e era indu u ghjustu.

Postu ch'e simu imbarcati
Nantu à a listessa galera
À  risponde o camarati
V'invitu à la mio manera
Eppo' cantaremu l'ottu
S'è  no  ci  truvemu in fiera.

Chì quelli chì ùn  sò maestri,
Prufissori o insignanti,
Fianu mostra di u so estru
À l'anziani statinanti:
Rispundite o Rappallinu,
Erbaghju è tutti quanti!

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Erbaghju

avatar

Messages : 466
Date d'inscription : 29/02/2012

MessageSujet: Re: Riintrata di i pueti 2017   Mer 30 Aoû - 15:43

À a chjama chì tù festi
Una risposta si deve
Ch'elli ponu cambià l'estri
Ma ùn cambianu e lege
Quandì tù sempre manteni
Ciò chì u pueta fece

À a manera di prima
Ai chjamatu ognunu
Cù u stintu è cù a rima
Prufissori unu à unu
Da ch'elli sianu pronti
Francu d'aostu u trent'unu

Avale sì tù parmetti
Aghjustà vogliu un ditagliu
Chì mi pare in li to detti
Di leghje cum'è un isbagliu
Dicendu chì u maestru
Teme l'ora di u travagliu

O Circiò falla finita
Di parlacci di cartina
Sai bè ch'ùn cercu lita
Ma u feltru è a mina
Ùn sò a vostra primura
Arresta a to pantumina

Soca scimisci o Circiò
Quandu parli di "galera"
Mi dumandu cù ragiò
Sì tù parti pà a guerra
Dimmi ghjà a to cumedia
S'ella hè finta o s'ella hè vera ?

U travagliu chì vo fate
Sicondu à u mio parè
Binadettu da e fate
Cum'è quellu ùn ci ne hè
Ciò ch'e' facciu ind'un ghjornu
Voi altri u fate in trè

Mancu appena ùn sò ghjilosu
Di a vostra istituzione
È sta vita fatta à oziu
A vi lasciu in cumpassione
Chì à chì nasce cicala
Ùn sente u furmiculone

Troppu avale vi ne dicu
À tè è à u to stolu
Cusì ti lasciu o amicu
Chì à travaglià sò solu
U me stantu ellu ùn cumencia
Cà daretu à u Niolu

Ma u ritrovu hè pigliatu
Incù stu piacè tamantu
Dopu avè betu è manghjatu
Di pudè sparte u cantu
Nu paese di a Santa
Eiu vi saraghju accantu
risa
Revenir en haut Aller en bas
Voir le profil de l'utilisateur http://erbaghju.unblog.fr/
meziornu

avatar

Messages : 6
Date d'inscription : 06/03/2012
Localisation : vicinu à i piazzili

MessageSujet: Re: Riintrata di i pueti 2017   Mer 30 Aoû - 22:34

Vecu chi la puesia
un hé piu affare d'estru
chi d'accuppià ne la rima
sia pianu sia lestru
he un arte chi si sprima
per prufessor'è maestru

soca per fa le canzone
ci vole à fàne l'alta scola
esse di l'educazione
e cunnosce l'algaghjola
avè l'estru sapientone
è musa arrutaghjola

oghje lu nostru vaghjime
un vi ramenta piu l'odore
di u primu latticime,
e voci di cacciadore,
di capr'u stintinnulime,
u passu di u pastore...

solu a son' di sirena
pensate la rientrata
ne fate la cantilena
chi si n'hé mortu l'estate
ripigliate ammalapenna
a vostra via tracciata

a me quessa la stagione
mi face sperà l'acquata
pensu à staccà lu muntone
quandu pecura hé figliata
sonnieghju l'agnellone
è la prima tinellata

or duncque la to chjamata
ghjé intesa è capita
quist'annu per l'inguernata
appruntatevi à a lita...
a tutti sti prufessori
si stipparà u pastore

quant'à truvacci in Niolu
in tempu di l'impiaghjera
un seraghju micca solu
nantu a lu campu di fiera
apressu a circione l'imbrascu
u mi lampu so ci cascu
Revenir en haut Aller en bas
Voir le profil de l'utilisateur http://viacampagnola.blog.mongenie.com/
Circione

avatar

Messages : 2189
Date d'inscription : 27/02/2012

MessageSujet: Re: Riintrata di i pueti 2017   Mer 30 Aoû - 22:47

evviva evviva cheers cheers evviva evviva

Noi astri li prufissori
Emu una vita canina
Micca quant'è i pastori
– Soprattuttu d'istatina –
O quant'è i funziunarii
Di a merria aiaccina. risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò

avatar

Messages : 51
Date d'inscription : 09/05/2012

MessageSujet: Re: Riintrata di i pueti 2017   Jeu 31 Aoû - 0:19


Sè a m’amica a chitara
Hè nant’à corde eppo pronta
A mo rima a v’ampara
In trè salti a vi conta
A rientrata hè amara
Eppo cun mè si cunfronta.

A mo brama hè tutta guizza
E mo forze ùn sò più vive
Chì u sole chì s’arrizza
Mi s’arreca troppu sfide
Ùn hè nè rabbia o stizza
Ma ùn sò micca à surride.

Emu da riparte tutti
Di sott’un calore immensu
Mez’à i pughjali asciutti
À circà un certu sensu
Digià i sogni sò strutti
Oimè quandu ci pensu…

Emu da riparte torna
Trà quaterni è duveri
U dittatu chì frastorna
I cuntrolli è i penseri
Dunque hè finita a forma
Ch’eiu avia sempre eri.

Cun u ministru chì ghjunghje
È chì scambia i prugrammi,
Di pett’u tempu chì punghje
Di più chè mille essami,
Attaccatu aghju l’unghje
Chjappu chì sò mez’à l’ami.

Dumanderaghju à a ghjente
Ch’ella fia tandu un gestu
Per incende e voglie spente
Perse in u spaziu celestu
Fate preghere putente
Per chì tuttu volti prestu.

A sò chì u santu laziu
Ben’intesa ùn si sumena
Nè per Ota o Bunifaziu
Nè per monte nè per rena
Per tutti hè u stessu straziu
Per tutti a stessa catena.

Dicerete senza sforzu
Ch’à la fine di u mese
Veneranu à u rinforzu
Una paga ancu curtese
Dicerete chì u Corsu
U si paga u francese.

Ùn mi garba u sugettu
Chì mi ghjunghje u batticore
Ma hè cusì è l’accettu
Cun in fronte u sudore
Chì a sò chì l’aghju sceltu
D’esse un certu prufessore.

Cun a mo manera stragna
Qualchì rima è simpatia
Da la mea la muntagna
Aghju dettu ciò ch’avia
C’era assai macagna
Eppo sempre cusì sia.
evviva evviva evviva
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Riintrata di i pueti 2017   

Revenir en haut Aller en bas
 
Riintrata di i pueti 2017
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Riintrata di i pueti!
» [Nouveau] Star Tours : L'Aventure Continue (le 26 mars 2017)
» [Comic Con] Superman / Batman pour 2015 et la Justice League pour 2017 ?
» [Rumeur] Star Wars II & Star Wars Land à Discoveryland (2017)
» [DreamWorks] Les Croods 2 (3 novembre 2017)

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Chjama è rispondi-
Sauter vers: