Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Andreotti Dumenicu "Minicale"

Voir le sujet précédent Voir le sujet suivant Aller en bas 
Aller à la page : Précédent  1, 2
AuteurMessage
Circione



Messages : 2157
Date d'inscription : 27/02/2012

MessageSujet: Re: Andreotti Dumenicu "Minicale"   Dim 28 Fév - 16:08

à ringraziatti o Tittò

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Andreotti Dumenicu "Minicale"   Dim 28 Fév - 17:20

È eccu, aghju compiu un altru. Quessu hè appena longu. Ci hè una parulla ch'ùn aghju micca trovu in u dizziunariu : "pruterbu" (str. 12).
Pruveraghju in ogni tantu, o piuttostu quandu u sgiò Tempu a mi permette, di riscrive qualchì scrittu di A Muvra o d'altri vechji libri.

Lagnanze

Sentu un gridu populare
Chì si lagna ogni matina
Suminendu angosce amare
Da lu monte à la marina.
Questi sò li vechji Corsi
Cuperti di bianca crina.

Volenu la libertà
Di lu so anticu rughjone,
Sò invechjati senza guai
À fruttu di lu pullone
In la patria di de Paoli
Di Sampieru è Napulione.

Stanu abbandunati è soli,
Genitori addulurati,
Privi di li so figlioli,
A guerra i l’hà pigliati ;
È di lu so vechju dolu
Nun sò mai ricumpensati.

Chjama Rocca u bè di tutti,
In vista di tanti mali
Chì si sò sempre prudutti
Frà noi miseri murtali,
Aspittemu cun pacenzia
Chjuchi è grandi in generale.

Oghje hè tempu di li ladri, Ùn ci hè più benefattori ;
Sò turnati stanchi è magri
I più ricchi prudettori :
Nun bastanu più i frutti
Per pagà i parcettori.

Si lagna u pruprietariu,
I prudutti sò finiti :
Vanu à lu statu precariu
Cum’è munarchi eremiti ;
Sò in tempesta notte è ghjornu
E moglie cù li mariti.

Si disdegnanu le piante,
È u patrone ùn hà più cura ;
Anu cambiatu sembiante
Cum’è u vechju di figura ;
Ùn si guarda più raccolta
S’ella hè aciarba o matura.

Da l’umbriccia à la sulana
Si sparghje lu lamaghjone ;
Nasce a scopa in la Marana
È la murza in Liamone ;
Ci s’ascondenu e curnachje
Per passacci e stagione.

Si ne secca la verdura,
Torna sculurita è mesta ;
Da la valle à la pianura
Si sparghje l’ombra funesta ;
Nascenu le machje dense
Cum’è l’alburi in furesta.

Da Bastia à Bunifaziu,
In la Costa orientale
Cantanu l’altu prefaziu
E granochje è le zinzale ;
Sonu inferme le pianure,
È le piante tutte frale.

O patria senza guvernu !
Di li Corsi abbandunati
S’hè persu l’amor’ maternu
Da li techji à l’affamati.
Semu noi quell’urfanelli
Da matrigna accazizzati.

Cusì si lagna lu servu
Par fà sente lu patrone ;
Quellu hè rigidu è pruterbu
È ùn hà mai cumpassione,
S’ellu rachja fame è sete
Quandu hè più calda a stagione.

Ogni diputatu corsu
À u so bisognu pruvede ;
U si porta tutt’addossu
U bè chì li si cuncede ;
In presenza à l’abitanti
Sò degni di poca fede.

Si lagna lu prutettore,
Quellu ch’hè dottu è mudestu ;
Grida lu legislatore
È face longu prutestu,
Pudaranu fà per noi
Quandu Francia n’hà di restu.

Minicale in A Muvra di u 1936.



Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Andreotti Dumenicu "Minicale"   Dim 28 Fév - 17:29

ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Andreotti Dumenicu "Minicale"   Dim 28 Fév - 22:46

Torna pigliatu ind'è a Muvra di u 1936. Un sugettu (cum'è u titulu a dice) hè quellu di u tempu. Ramenta appena a canzona di i mesi d'Agostini.

U tempu

Si n’hè passatu dicembre
Fendu sole ogni matina
Hà imbiancatu le so membre
Di ruggiata cristallina ;
Scappa nanzi à i freti venti
Ogni acellu à la marina.

Ghjennaghju hà ghjitatu pesta
Facia tempu micidiale
Suminava aspra timpesta
Nott’è ghjornu tempurale
Paria ch’ellu fussi in aria
U dilluviu universale.

U mulinaghju hè cuntentu
Chì ghjornu è notte macina
Ne stà pienu lu palmentu
Di la più bianca farina,
Coce indentr’à lu so focu
Una torta castagnina.

Si pienghje lu pecuraghju
Ogni pecura declina
L’hà trafurate ghjennaghju
In le coste di marina
Cambiaranu di pilame
Quandu vene l’istatina.

U vechju si tene ascosu
Sott’à un ampiu linzolu
Si ne stà à lu riposu
À lu so fucone solu
Per ùn esse maculatu
Da lu ventu di Niolu.

Ferraghju lu chjuculellu
Hà imbizncatu la campagna
Solu cum’un urfanellu
Turnò l’aria oscura è pagna
È lu rè di Carnavale
Contru stu tempu si lagna.

Ùn hà cunnisciutu frutti
Di a so festa curpurale
Si n’hè andatu à denti asciutti
U ghjirnu di Carnavale
Cun lu so biancu mantellu
È lu bastone fatale.

Vene Marzu tracambiatu
Cù la so nera suttana ;
Da li venti circundatu,
Soffia neve è tramuntana ;
Ogni acellu si ne scappa
In la più calda sulana.

Face tempu chjaru è nettu
Cù le calfate berette ;
Par fà più bellu l’aspettu,
Una caccia è l’altra mette,
Tutte ind’è listessu ghjornu
Si ne scambia sei è sette.

Hà cessatu la timpesta
Da lu monte à la marina.
Tantu più bella si presta
A stagione marzulina ;
U spechju di l’oriente
S’imbellisce ogni matina.

Vene a dolce primavera,
Tutta la campagna in fiora
Vene l’alba messagera
E piu bella hè l’aurora ;
Si sente cantà lu cuccu
Ch’in le valle s’innamora.

Ritorna pumposu Aprile,
Sò di Pasqua le ribotte ;
Cun quell’amurosu stile
Cantanu le giuvanotte,
Fendu li bianchi migliacci
Di ghjornu cum’è di notte.

Maghju pruduce lu fiore
È rinasce la verdura ;
Vene à pasce lu pastore
A so più bella pascura ;
Si sente lu rusignolu
Cantà sinu a notte scura.

Minicale in A Muvra di u 1936.
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Andreotti Dumenicu "Minicale"   Dim 28 Fév - 23:11

à ringraziatti! era assai forte Minicale. ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Andreotti Dumenicu "Minicale"   Dim 28 Fév - 23:19

@Circione a écrit:
à  ringraziatti! era assai forte Minicale.  ditone

U pueta Minicale
Si sbrugliava propiu bè
Sapia dì u nustrale
Incù arte è sapè
Ma puru a so rima ùn vale
Quella d'u grande Ancey Cool Cool Cool
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: andreottu dumenicu minicale   Lun 29 Fév - 10:46

LAGNANZE di MINICALE
TITTÒ hà scrittu : Quessu hè appena longu.
Ci hè una parulla ch'ùn aghju micca trovu in u dizziunariu : "pruterbu"

Un sò tantu amatore di e rime affunate à e longue

"Par fà sente lu patrone ;
Quellu hè rigidu è pruterbu"

Rìgidu  ùn mi garba tantu ma ùn si pò capi che cù l’aletta nantu à u primu ì
Pruterbu ma più sicuru PrutArbu in u sensu di bestiale…senza carità ...ma ùn aghju mai intesu prutarbità ?
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Andreotti Dumenicu "Minicale"   Mar 1 Mar - 0:51

I puliticanti

Urfanella abbandunata
Cù la to matrigna addossu,
Di tuttu fusti privata
Patria antica di lu Corsu,
Oghje li puliticanti
Ti scavanu un’ altru fossu.

Viniranu à dumandacci
Sì noi semu risoluti
Dopu avè tesu li lacci
Per esse più ricivuti ;
S’elli anu da fà per noi
Sò cum’è culombi muti.

Persone di contrabandu,
Vanu sempre di rapina,
Ci faranu per cumandu
A rugiata ogni matina
È lu sole biancu è rossu
Da lu monte à la marina.

Ci prumittaranu à tutti
Ancu più carne cà pane ;
Curraranu i fiumi asciutti,
Latte è vinu à e funtane ;
Faranu scappà l’insetti
In le piaghje più malsane.

Faranu cascà la manna
Ch’ella imbianchi la campagna ;
Cusì la ghjente s’inganna,
À chì grida, à chì si lagna ;
Pudaranu stà li topi
Notte è ghjornu à la cuccagna.

Prumittaranu sicuri
Di fà piove ogni furtuna ;
Quandu li frutti maturi
Saranu indrentu la luna,
Cullaranu, per piglialli,
Cù la scala è cù la funa.

Cunuscemu i nostri danni
Corsica dolce è diletta,
Sè cambiata à negri panni,
Sottumessa, stai sugetta,
Ùn sè mai ricumpensata,
Chì ti chjama è chì t’alletta.
Tù sè quella viduvella,
Sempre sola è abbandunata,
Fusti tù pumposa è bella,
Patria ricca, invidiata,
Tutta la to famigliola
Stà luntana, spatriata.

O Corsica, li to affari
Vanu sempre à la ritrosa,
I puliticanti avari
T’anu ghjuntu à poca cosa ;
È cusì, tù ti ne stai
Nè maritata, nè sposa.

Minicale in a Muvra di u 1936.
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Andreotti Dumenicu "Minicale"   Aujourd'hui à 11:43

Revenir en haut Aller en bas
 
Andreotti Dumenicu "Minicale"
Voir le sujet précédent Voir le sujet suivant Revenir en haut 
Page 2 sur 2Aller à la page : Précédent  1, 2
 Sujets similaires
-
» Andreotti Dumenicu "Minicale"
» [Orsu-Dumenicu Solechjari]L'integrale
» Carlotti Dumenicu (Prete) "Martinu Appinzapalu"
» FAUSSE MOUETTE
» Dumenicu Guerrini, "Minnellu"

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: