Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 A Santa di u Niolu in Casamaccioli

Voir le sujet précédent Voir le sujet suivant Aller en bas 
AuteurMessage
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: A Santa di u Niolu in Casamaccioli   Lun 12 Mar - 11:23

In fatti, st'articulu hè a riscrittura oghjinca d'un testu più anzianu, scrittu à un epica duve ammaestravu assai menu bè a lingua.

Citation :
L’articulu oghjincu serà dedicatu sanu à parlàvvi d’un abbenimentu assai impurtante in a cultura corsa tradiziunale è ancu puru oghjinca, serà dedicatu à parlàvvi di a celebrazione di a Madonna in Casamaccioli (Niolu) l’ottu di settembre. Per quessa, v’aghj’à fà un picculu contu resu senza buffa di i mio ricordi di l’annu 2007, quandu ci cullaiu per l’ultima volta.

Tandu, l’ottu di settembre era un sabatu, è fra i trè ghjorni chì durava a Fiera, aviu sceltu di cullà stu ghjornu precisu. Partutu versu ott’ore di i mio lochi, ghjunghjiu quassù un pocu nanzu à ondec’ore.
In fattu, u più chì mi pigliò u mio tempu fù ben intesu di francà a magnifica, a strasurdinaria Scala di Santa Regina. Passendu davanti à sti magnifichi paesaghji cusì carchi d’una simbolica ascosa, aghju avutu u piacere di truvà dui carri ghjustu davanti à mè. Nant’à una strada tale, nant’à a quale duie vitture ùn si crucianu generalmente ch’e incù mille difficultà, ci campemu di risa quandu si scontra un carru ! Puru, u peghju ferma quantunque di vede dui carri cruciàssi ! Ùn ne finisce più è simu quì à dumandàssi cumu s’hà da pudè compie quell’affare ! À più forte raghjone chì quessi i carri, si bloccanu à ogni girata un pocu stretta, cosa ch’e avemu à buzzeffu nant’à a Scala !

Ghjuntu quassù dopu à tanti strazii, sò firmatu un picculu mumentu à fighjulà e muntagne luntane, cume in cuntemplazione davanti à una bellezza tale, ma dinù per pruvà à identificàlle. Cusì, identificaiu di manera sicura u Caput Tufunatu, incù a so forma cusì strania, u Paglia Orba, rossu è dirittu, è a Punta Minuta, cun e so cime multiplice.
Ghjustu appena più luntanu, assai più largu ch’e tutti l’altri, si trova a più alta cima di a Corsica, u maestosu Monte Cintu. 2710 metri di splendori è di putenza, anzianu vulcanu esplusivu di i tempi antichi.
Per evucà ste magnifiche è mitiche muntagne, ben ch’e perdendu di a so superbia spruviste di neve, ùn bastanu e mio parole, è solu l’emuzione vere di a scuperta, di a visione, pò arrecà à l’anima.

Pò dopu, abbandunendu cun rigretti a mio cuntemplazione, caminaiu, in a dulcezza settembrina, fin’à a chjesa di Casamaccioli.
Culà, a messa era dighjà principiata, ma da pocu. Ghjunghjendu incù u cantu di u Kyrie, a mio prima visione fù quella d’una calca impurtante di ghjente, assai troppu per a piccula – ma magnifica – chjesa di Casamaccioli, à tal puntu chì a messa ùn sì pudì dì nentru, ma fora, nant’à a piazzetta davanti à quella chjesa, chì era dinù, paria quasi troppu chjuca per l’affluenza umana.

Per l’uccasione, a messa fù prununciata da parechji preti adduniti, à u capu di i quali era Munsignore Brunin, u vescu d’Aiacciu, cullatu apposta per una di e celebrazione e più impurtante di a cultura corsa. L’uffiziu ellu stessu fù assicuratu da tutti l’ecclesiastichi prisente, celebrendu ognunu à u so giru, è sublimatu da i canti di e Cunfraterne di u Niolu, alzendu di più u livellu di a messa, cume per fàlla ghjunghje fin’à u celu.
Pò, quandu si compiì l’uffiziu sensu stricto, fù a prucessione fin’à a piazza di u paese, qualche centianie di metri più luntanu, arrechendu cun elli a famosu statua santa di a Vergine di Casmaccioli. Malgratu a curtezza di u caminu, u catenacciu, assicuratu da un’ottantita di cunfratelli, fù un incantu d’organisazione è di fede.
Ci tocca à sapè ch’e a celebrazione di a Natività in Casamaccioli hè cusì famosa dapoi u rigalu di a statua da u marinaru napolitanu, parechji seculi fà, in ringraziamentu à a Vergine d’avèllu salvatu in pienu mare. Tandu i Niulinchi, incapace di decide, di manera obbiettiva, chì paese puderia riceve u rigalu, l’appicconu à un sumere, chì piantò u so caminu… in Casamaccioli. Da stu ghjornu, hè firmatu a tradizione di celebrà a Natività in stu paese.

Puru a Santa di u Niolu ùn hè solu una fiera religiosa, ma dinù una festa tradiziunale è cummerciale. Di fattu, in tuttu u paese, è più particularmente nant’à u caminu seguitatu da a prucessione, da a piazza di a chjesa à quella di u paese, eranu stallati assai padiglioni. À mezu à quelli religiosi, si vedianu dinù quelli cummercianti, duve si pudia cumprà assai robba industriale, tale ch’e panni, ghjuvelli di fantesia, libri o dischetti. Ci eranu dinù qualchi padiglioni più tradiziunali, chì vendianu oghjetti fatti manu, di legnu o d’altri materiali, vendidori di casgii, è ancu di frutti. Ancu u Cumitatu Contr’à a Ripressione tenia un padiglione di sustene à i prighjuneri.
S’eranu dinù aperti bivette è caffè impruvisati nant’à u stessu caminu, accumpagnati di vendidori di pannucii ripieni, di bigliticcie, di fritelle, è d’una manera più generale, di produtti à manghjà sopra locu.
In pienu centru di a piazza, si rimarcava sopra tuttu a presenza d’una tavula di ghjocu, cun carte è rutulella, in gira à a quale si pudianu vede assai ghjucadori. A cosa m’hè rivenuta in mente ch’e in i tempi, assai ghjenti cullavanu à a Fiera prima di tuttu per ghjucà soldi à ogni sorte di ghjochi, fin’à a notte, è certe volte, fin’à u lindumane matina. Si dicia ancu chì certi paesani spendianu in qualchi ghjorni tutti i soldi di l’annu !
D’un altru ghjenaru, si vedianu ghjochi per i ciuccii, chì averianu pussutu truvà u tempu longu.


Dopu à avè participatu à l’offiziu, dopu à avè manghjatu, dopu à avè visitatu i padiglioni, à avè scuntratu almenu una trentina di personne ch’o cuniscia à un livellu o à un altru, mi ne sò andatu u core allegru ben ch’e stancu, è sò rivenutu in i mio lochi, scuntrendu, cume prima, carri davanti à mè in a Scala di Santa Regina.


Puru, malgratu stu parè generale di benestà, fui statu assai frasturnatu di vede u statu di a natura, davanti à a vista di a sicchia settembrina. Ùn avia tandu, più piuvitu dapoi parechji mesi, è e piante ne patianu à bastanza. A terra era secca secca è ancu arburelli è arbusti principiavanu, pianu pianu, à more. Più ch’e mai, per sti lochi quante in altrò, a venuta d’un timpurale era bramata !
Di a stessa manera, fui dinù monda feritu in core di vede, in Niolu quante in altrò, i vechji castagni à l’abbandonu. Da veru, m’afflige assai di vede chì st’arburoni venerabile, parechje volte centenarii, moressi pocu à pocu d’ùn esse intrattenuti, d’ùn esse più intrattenuti. Di sicuru, ci sò e malatie, u cancaru è l’inchjostru, contr’à e quale sì pò pocu o nunda, ma a morte di i castagni ùn si ghjustificheghja micca solu da st’addisperu. A causa hè più cumplicata, più intricciata à parechji fattori.
Cume sempre, nunda ùn hè simplice.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Circione

avatar

Messages : 2189
Date d'inscription : 27/02/2012

MessageSujet: Santa di Niolu 2012   Mer 12 Sep - 23:10

Eiu ci era, è ancu s'e sentu dì ch'ella ùn hè più a fiera di i tempi, s'e leghju annant'à internet o annant'à Corse Matin chì a Santa di Niolu ùn vale più nulla, ch'elli si lagnanu ch'ellu ùn ci sia mancu più chjama è rispondi :shock: ecc. vularia dà quantunque un picculu parè.

A fiera ùn hè più ciò ch'ella era perchè a Corsica ùn hè più quella ch'ella era, oghje avemu un Décathlon festa , dui Quick banana banana2 , ùn sò quantu Leclerc eviva , un Leroy Merlin ci campemu , ecc. è aspittemu tutti o sguassi tutti l'apartura d'Ikéa*... Infine, tuttu cambia è quelli chì collanu à sente impruvisà à Pampasgiolu si sò sbagliati di seculu...

Allora chì femu piantemu tuttu ? ùn ci andemu più ?

Eiu ci era, cù unipochi d'altri, sempre fidi à a Santa, ghjente cum'è C.Orsucci o i fratelli Moracchini, Dumenicu Leschi, Lucianu Giordani, Petrusantu Guelfucci, Camellu Albertini, Ghjuvan Petru Sabiani è dinù paghjillaghji tavaninchi cum'è Alain Vesperini è Tumasgiu Cipriani è tanti altri chì ùn li possu mancu cità tutti...

Senza scurdammi di u piacè di cantà paghjelle è canzone incù giovani cum'è Sylvain Giannecchini (emu ancu impruvisatu appena) o Stefanu Murucciu, Bartulumeu Amidei è Dumenicu Casalonga, tutt'à trè di u gruppu Dopu Cena.

Allora hè vera, ùn hè più a fiera di i tempi
mancu quella di trenta anni fà


ma vale sempre a pena di cullacci, eppo' ci sò dinù iniziative bone cum'è u travagliu cunsiquente di l'amichi di l'associu di u Cavallu Corsu o ancu quelli di l'associu di a morra...


Allora a vi dicu o ghjente, ùn state micca à sente u giurnale... (iè a sò risa )
è quist'annu chì vene, cum'è tutti l'anni, s'è vo tindite appena l'arechja sintarete paghjelle, canti è chjama è rispondi in Casamaccioli. cheers



*o Isulanu lingua

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: A Santa di u Niolu in Casamaccioli   Jeu 13 Sep - 16:37

Quistione di paghjelle ci pudemu pente di l'assenza di J.D Cesari... chì i dui altri di a squadra chì fece trimà u campu di fiera annu ci eranu...

:tongue:

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 16:46

eo quist'annu devu ricunnosce chi so collatu appena forzatu e precuratu da circione( rambo ) chi vulia per tutti i conti u remake di nanz'à annu .. per sfurtuna mancava u terzu protagonista ma avimu circatu quantunque d'esse a l'altura di a nostra riputazione Rolling Eyes ancu se u rimpiazzante (jj colonna) avia duie o tre ottave di menu che l'originale (jean do) .. aspettu dunque cun impacienza a surtita di u nostru prussimu clip nant'a iù tubbu ( :affraid: )
devu dì quantunque chi mi so propiu campu cheers , ghjustu aghju un picculu rigrettu tristu : d'un avè scontru à Ruclinonu e dino una critica : per vince à a tavula di ghjocu ci vole à esse niulincu confusu ?
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 16:47

Circione a écrit:
Quistione di paghjelle ci pudemu pente di l'assenza di J.D Cesari... chì i dui altri di a squadra chì fece trimà u campu di fiera annu ci eranu...

:tongue:

era in traccia di scrive à tempu à te ma ci è chi i grandi spiriti si scontranu sempre .. a prova risa
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: A Santa di u Niolu in Casamaccioli   Jeu 13 Sep - 17:12

iè, cum'è tù dici risa ...
ma a Santa senza a "dream team of 2010" ùn hè più a Santa tristu
intantu, alloccu à quist'annu chì vene ci cuntintaremu di a videò:


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 17:40

Ghjallochju a écrit:

devu dì quantunque chi mi so propiu campu cheers , ghjustu aghju un picculu rigrettu tristu : d'un avè scontru à Ruclinonu e dino una critica : per vince à a tavula di ghjocu ci vole à esse niulincu confusu ?


è l'altri ùn contanu micca? rambo
ai ancu fattu a cunniscenza di un amicu à tè risa
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 17:41

Circione a écrit:

intantu, alloccu à quist'annu chì vene ci cuntintaremu di a videò:



mipiace risa
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: A Santa di u Niolu in Casamaccioli   Jeu 13 Sep - 22:07

Grazie mille o Ghjallochju per u to missaghju. Sò assai cummosu (in bè) da ellu.

Grazie à tutti ch'aghju vistu quassù è chì m'anu fattu passà una ghjurnata è una serata d'incantu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
SERRA

avatar

Messages : 981
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 22:11

Circione a écrit:
iè, cum'è tù dici risa ...
ma a Santa senza a "dream team of 2010" ùn hè più a Santa

ti sbaglii quessa a dream team era per a fiera 2009 ,l'annu scorsu un c'era micca e fubbe una vera catastroffa per a santa .. è statu jean fè chi ci hà richjamatu à u soccorsu , pensu chi grazi'à a nostra animazione ittinerante a fiera hà propiu ricollatu a pendita evviva
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: A Santa di u Niolu in Casamaccioli   Jeu 13 Sep - 22:22

Eiu o Ruclì ùn sò micca pussutu stàà tantu cun tè è mi ne scusu
ma u ghjornu di a Santa l'avarè vista ancu tù ùn aghju tantu tempu, ci vole ch'e vochi sempre à cantà pè ste baracche



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 22:27

petra alta a écrit:
Circione a écrit:

intantu, alloccu à quist'annu chì vene ci cuntintaremu di a videò:



mipiace risa

grrrr à mumenti mi ne voltu nant'à u sforu corsu , custì omancu sanu mette i veri artisti in valore . e po ci so i debattiti passiunanti cume per esempiu una discussione di primura nant'à a piazza di u corsu à a radiu e à a televisiò .. un intervenzione di sinapsa chi s'interrogheghja nant' a piazza di a religione nu i media , etc ... un è micca qui ch'omu leghjerebbe cumenti d'un livellu tale ..

http://www.forucorsu.com/t75-A-RADIU-E-A-TELEVISIO-e-forse-i-ghjurnali.htm?start=60#p31829
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: A Santa di u Niolu in Casamaccioli   Jeu 13 Sep - 22:43

petra alta a écrit:
Ghjallochju a écrit:

devu dì quantunque chi mi so propiu campu cheers , ghjustu aghju un picculu rigrettu tristu : d'un avè scontru à Ruclinonu e dino una critica : per vince à a tavula di ghjocu ci vole à esse niulincu confusu ?


è l'altri ùn contanu micca? rambo
ai ancu fattu a cunniscenza di un amicu à tè risa

un si parla mai di i treni chi ghjunghjenu à l'ora Rolling Eyes . e po un solu essere vi manca e ghje u mondu interu chi pare spopulatu :cry:
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: A Santa di u Niolu in Casamaccioli   Ven 14 Sep - 8:31

Circione a écrit:
Eiu o Ruclì ùn sò micca pussutu stàà tantu cun tè è mi ne scusu
ma u ghjornu di a Santa l'avarè vista ancu tù ùn aghju tantu tempu, ci vole ch'e vochi sempre à cantà pè ste baracche



Ùn ai micca bisognu di sfalurizàtti cusì. À u cuntrariu, sò statu assai assai felice di vedetti, è dinù di sentetti !
Avà, ti vurria dì ch'e canti bè è ch'e ai un veru talentu di cantatore è d'impruvisatore, ma postu ch'ùn vogliu micca passà per un laccaculu, ùn a diceraghju micca.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: A Santa di u Niolu in Casamaccioli   

Revenir en haut Aller en bas
 
A Santa di u Niolu in Casamaccioli
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» A Santa di u Niolu in Casamaccioli
» Santa Cars, Mater, Luigi, Guido, Fillmore guirlandes (Mater Saves Chistmas)
» North Pole ou Santa wonderland :-)
» "L´étrange Noël de Mr. Jack "figurine Sci-Fi Revoltech 017 Santa Jack 18 cm
» Une question de bagages et de navette - Santa Fé :)

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: À u fucone...-
Sauter vers: