Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Petrusantu Guelfucci

Voir le sujet précédent Voir le sujet suivant Aller en bas 
AuteurMessage
Circione

avatar

Messages : 2189
Date d'inscription : 27/02/2012

MessageSujet: Petrusantu Guelfucci   Lun 12 Mar - 18:47




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Isulanu

avatar

Messages : 228
Date d'inscription : 03/03/2012

MessageSujet: Re: Petrusantu Guelfucci   Mar 13 Mar - 16:07

Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Petrusantu Guelfucci   Lun 3 Aoû - 10:34

Hè surtitu u discu di Petru Santu Guelfucci! Una maraviglia!
Ci truverete e parolle di Jean Yves Acquaviva, Simon Agostini, Olivier Ancey, Stéphane Ancey, Dumè Barazza  è e musiche di Olivier Ancey, Dumè Barazza, Michel Cacciaguerra, Jean François Leschi è Sauveur Valentini.
Senza smiticà i musicanti chì l'accompagnanu nant'à a scena è chì sò propiu tremendi: Ange Bianchini, Jean Castelli, Celia Picciochi è Fanou Torracinta! Ghjè un piacè à ascultà è à vede!








Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Petrusantu Guelfucci   Mar 4 Aoû - 7:14

Ci sò dinù Jean-Luc Geronimi è Mathieu Maestrini à mette voce.

È, per esse cumpletti :

Aostu : Stéphane Ancey/Olivier Ancey

Un altru mondu : Jean Yves Acquaviva/Michele Cacciaguerra

Universale : Olivier Ancey (parolle è musica)

Di rime sciolte : Jean Yves Acquaviva/Sauveur Valentini

Sant'Alesiu : Dumenicu Barazza (parolle è musica)

Natura : Olivier Ancey/Jean François Leschi

Trà muntagna è marina : Jean Yves Acquaviva/Sauveur Valentini

L'infame siere : Jean Yves Acquaviva/Michele Cacciaguerra

Trè voce : Jean Yves Acquaviva/Jean Castelli

L'ultimu ghjornu : Dumenicu Barazza (parolle è musica)

Cavallu corsu : Simon Agostini/Michele Cacciaguerra

À l'occasione, publicaremu i scritti.
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Petrusantu Guelfucci   Mar 4 Aoû - 18:52

Troppu niulinchi nantu à 'ssu discu
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Petrusantu Guelfucci   Mar 4 Aoû - 20:33

@u ghjudice a écrit:
Troppu niulinchi nantu à 'ssu discu

È ùn sai forse micca chì Sauveur Valentini hè di ceppu curscincu...
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Petrusantu Guelfucci   Mar 4 Aoû - 23:46

@Rappallinu a écrit:
@u ghjudice a écrit:
Troppu niulinchi nantu à 'ssu discu

È ùn sai forse micca chì Sauveur Valentini hè di ceppu curscincu...
. Ah simu belli...
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Petrusantu Guelfucci   Mer 5 Aoû - 6:41

@u ghjudice a écrit:
@Rappallinu a écrit:
@u ghjudice a écrit:
Troppu niulinchi nantu à 'ssu discu

È ùn sai forse micca chì Sauveur Valentini hè di ceppu curscincu...
.                                            Ah simu belli...

Iè, soprattuttu eiu...
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Petrusantu Guelfucci   Mer 5 Aoû - 9:36

emu quantunque un talentu speziale nant'à stu foru, quellu di cumincià nant'à un sugettu è di finisce nant'à ...n'importa chè basgiu
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: petru santu guelfucci   Lun 10 Aoû - 0:22


Mi paria avè lettu che v’aviete à stampà e parulle ?
Infame Sighere aghju già scrittu cio ch’ò ne pensava

Buccate puru l’altre ! e senteremu megliu
Cusi puru ch’ùn u e sentu …ùn mi moreraghju micca baullu lù !
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Petrusantu Guelfucci   Mer 19 Aoû - 18:48

a prima canzona di u discu...è postu chì simu in a tematica di u mese d'aostu (cf. publicazione di Michela  ditone )...


Aostu

Stéphane Ancey


L'ansciu caldu di a tarra azzeca a cardiccia
Purtendu si e voce di e tribbiere antiche
è l'aghja intornu à quale maturavanu e spiche
Dorme nu u so lettu di filetta russiccia

è dorme a mio tarra chì suleone asseta
sò l'ultimi vardiani lamaghjone è vitalba
ad alzà capparoni per mantene la salva
ad aspittà l'acquata chì a vita disceta

ma subitu u celu s'ammanteghja à l'intornu
'ss lume chì accicava in un frombu si spegne
aostu si ritene eppoi mette à piegne
è mancu un si sà più s'ell'hè notte o ghjornu

u fiume eri asgiatu fala più furiosu
è mi pare di sente qualchi stranu lamentu
u fiatu di un mulinu ch'omu cridia spentu
macina torna l'ore in versu laziosu.
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Petrusantu Guelfucci   Jeu 20 Aoû - 7:47

Eccune trè, senza rispitta l'ordine di u discu chì sò un scemu eiu !  scemu  lingua

Universale

Olivier Ancey


E mio cunfine
Sò sponde inturniate
D’onde turchine,
Fole è sunniate…
È u ghjornu sbuccime
Ci sparghje e so ale,
Sentu l’universale.

Una furtezza
Chjerchju di a mio ghjente,
Un’aghja tralucente,
Nidu dulcezza,
Ci nascenu e rime
À parolle nustrale,
Scrivu l’universale.

E mio cunfine
Sò di rena è di mare,
Voce latine,
Manduline è ghitare,
Eternu sussurime
Di versu naturale,
Cantu l’universale.

Una furtezza
Un reame di vita,
Muntagna intimurita,
Fonte purezza,
Muvra di l’alte cime
Ritta nant’à un sciappale,
Temu l’universale.

E mio cunfine
Sò bracce spalancate,
Albe marine
Date à e cavallate
È à mezu spulime,
Di lacrime è di sale,
Campu l’universale.

Una furtezza
In brama d’orizonti
Un’armata di monti,
Isula altezza,
Necu l’assugittime
À lege culuniale
Sfidu l’universale.


L’ultimu ghjornu

Dumè Barazza

Si tacenu i fiumi in core di l’arestu
È a machja à l’intornu more dissuchjulata
In fondu à u disertu brusgia una vampata
Suminendu sciagure, malanni è bisestu

Sò lacrime amare sottu à isulleoni
Da a fame chì rode i scheletri sbandati
Ma quale hè chì n’hà cura di issi malavviati ?
Ùn ci vole à scumove i tratechji ricconi !

Issu mondu d’uni pochi ch’ammansanu i prufitti
Calcichendu ogni ghjornu a miseria spugliata
L’aboccu di u soldu a corsa indiavulata
Da impistà i mari è i nivaghji infitti

Ma venerà issu ghjornu di collara feroce
Allora celu è terra tandu s’appaghjeranu
Scatenerà i venti, i monti è l’oceanu
Quellu ch’insanguinò u legnu di a croce



Trè voce

Jean Yves Acquaviva

Una voce è un’antra è un’antra è u cantu
Chì ci piglia è ci ammanta è ci porta à l’incantu
Cum’un fiume trascina, da azzicà u mare,
L’imbuleghju di rime arrubatu à e sarre

Sei filari à tesse di seta puesia
Da veste u silenziu à robbe d’armunia
È versi savuriti per daccile à sente
Quelle voce mimorie intinte d’oriente

Trè voce intricciate
À e stonde landane
Eppuru arradicate
À l’ore di dumane

Una voce è un’antra è un’antra è u cantu
Chì ci piglia è ci porta à viaghju tamantu
Cum’è muse chì vanu appese à u ventu
Da fà nasce sistine una volta eppo centu

Di siconda è di bassu è di terza addunite
Per cuntacci l’amori, l’esiliu o e lite
E ferite, e gioie cù u più fine arte
È dà vita è ribombu à ogni cosa à sparte

Trè voce intricciate
À e stonde landane
Eppuru arradicate
À l’ore di dumane
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: petru santu guelfucci   Ven 21 Aoû - 18:54

à ringraziavi ch’aghu piacè di ste scritture !
scopru avà Dumè Barazza è mi trica di leghjene di più

Stefanu Ancey adopra : ‘u fiume asgiatu’ un dettu cumunu ch’ùn si sente più tantu
Cù e trè voce di J y Acquaviva ci’hè una bella unità… è beatu à Petru Santu

Ancu puru per ùn more …mi sentu listessa baulLulù !
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Petrusantu Guelfucci   Ven 28 Aoû - 14:21

eiu seguiteghju l'ordine lingua


Un altru mondu

Jean Yves Acquaviva


Qui sò nate à millaie e billezze infinite
Quì canta l'armunia di e voce addunite
E ognunu s'impreme di e più ghjuste lite

Quì sò i vardiani di e cose sicrete
Quì sò i fiumi scemi è e funtane chiete
E ognunu ci stancia e so prufonde sete

Quì và la vita
Pare infinita
Quì và la vita
Infinita

Quì e stagione sò cum'è quattru viaghji
Quì u sole cumpone canti cù i so raghji
E ognunu sà sente tutti i so missaghji

Quì u tempu hè ligeru, l'ore sò fatalelle
Quì a notte s'accende à u focu di e stelle
E ognunu ci campa e stonde e più belle

Quì và la vita
Pare infinita
Quì và la vita
Infinita

Quì ci sò l'emuzione, e passione palese
Quì i sguardi sò chjari è e mani sò tese
E ognunu di l'altri ne piglia e pratese

Quì si ne và lu ghjornu abbracciendu a sarra
Quì l'acquatu carezza è prufuma a terra
E in core d'ognunu ci brusgia una fiara

Quì và la vita
Pare infinita
Quì và la vita
Infinita...



Di rime sciolte

Jean Yves Acquaviva


Scrive ghjorni, notte è stagione
Luce o bughjicone
Dì l'umbrie o puru e sulane
Friscure o caldane

Fà canzone d'ogni stundarella
Tinta d'oru o ancu mischinella
Scrive l'ore passate o à vene
A rime serene

Scrive, cantà, dì
In puesia cusì...

Piaghje, monti è fureste prufonde
Stelle è luna bionde
Celu, mare è immensi rinaghji
Sole di mille raghji

Fà canzone d'ogni paisaghju
Culuritu à dicembre o à maghju
Scrive l'ore bianche o verdicante
Di rime tamante

Scrive, cantà, dì
In puesia cusì...

Rise, surrisi è carezze sincere
Alma è mente ligere
Zerga, brioni è core à timpurale
Missoghju fatale

Fà canzone d'ogni gestu umanu
Un cuntrastu, una strinta di manu
Scrive l'ore di Pace o rivolta
D'una rima sciolta

Scrive, cantà, dì
In puesia cusì...
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Petrusantu Guelfucci   

Revenir en haut Aller en bas
 
Petrusantu Guelfucci
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Musica :: Per isse sponde-
Sauter vers: