ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  RechercherRechercher  S'enregistrerS'enregistrer  ConnexionConnexion  
-27%
Le deal à ne pas rater :
Apple AirPods Pro
205 € 279 €
Voir le deal

 

 Salamone

Aller en bas 
AuteurMessage
Circione

Circione

Messages : 2212
Date d'inscription : 27/02/2012

Salamone          Empty
MessageSujet: Salamone    Salamone          EmptyMar 13 Mar - 22:27

A fola di Salamone


In Niolu, i vechji contanu ch’ellu hè Salamone  chì hà amparatu u mistieru à u primu pastore…

Dopu avè passatu una bella stonda cun ellu ind’è u compulu incù u tinellu, per amparalli à munghje,  Salamone li fece vede cum’ellu ci vulia à fà per culà u latte incù a filetta secca, per fallu caghjà incù l’aredu, per rompe u caghjatu, eppo' una volta cacciatu u seru, li mustrò cum’ellu ci vulia à empie incù a cochja di ghjinneparu e casgiaghje (chjamate dinù fattoghje in certi lochi) messe annant’à a scaffa, à appiccià i casgi freschi, eppo' ben’intesa ancu à fà u brocciu…

Per fà u brocciu bisogna à fà scaldà u seru inde u paghjolu,  quand’ellu hè caldu abbastanza u seru, ci si mette appena di latte frescu (u puricciu) è s’accatizza  u focu. Dopu avè cacciatu a sciuma si pò mette u brocciu ind’è e casgiaghje è infine, incù un gestu pricisu, ci vole à accuppià duie casgiaghje per fà un brocciu. À a fine di l’affare inde u paghjolu ùn ferma più cà u seru cottu, si chjama a ciabba. Di a ciabba ùn si ne face nulla, ghjova solu à richjarà  e casgiaghje. Ci hè ancu una sprissione : « fà ciabba », quandu si dice à qualchissia ch’ellu hà fattu ciabba  vole dì ch’ellu ùn hè micca riisciutu à fà ciò ch’ellu vulia, hè fiascatu è hà persu u so tempu per nulla…

Salamone amparava dunque tutti issi gesti à u primu pastore ma s’eranu arrizzati à l’alba tramindui… in più bella à u pastore li vense a penciula è ùn stede tantu à chjinassi à dorme … Dopu una bella alluppicata, u pastore aprì l’ochji è vide chì mentre ch’ellu durmia, Salamone incù a ciabba avia fattu un pane di cera  !


Da a tradizione urale.

_________________
Spunsurizatu  da l'UNESCO


Dernière édition par Circione le Mer 29 Avr - 16:30, édité 1 fois
Revenir en haut Aller en bas
Ruclinonu Solechjari

Ruclinonu Solechjari

Messages : 518
Date d'inscription : 27/02/2012
Localisation : Casinca

Salamone          Empty
MessageSujet: Re: Salamone    Salamone          EmptyMer 14 Mar - 7:41

Certi rè, sò feneanti è orgugliosi. Ma Salamone ùn l'era, à a lettura di stu racontu.
Revenir en haut Aller en bas
http://appuntamentu-corsu.forums-actifs.net
di sfughjita

di sfughjita

Messages : 124
Date d'inscription : 06/03/2012
Localisation : Bastia

Salamone          Empty
MessageSujet: Re: Salamone    Salamone          EmptyMer 14 Mar - 11:19

mipiace Ma poi chì ne hà fattu Salamone di quellu pane di cera ? L'hè ghjuvatu à qualcosa à lu pastore tandu :?:

salutu2
Revenir en haut Aller en bas
Circione

Circione

Messages : 2212
Date d'inscription : 27/02/2012

Salamone          Empty
MessageSujet: Re: Salamone    Salamone          EmptyMer 14 Mar - 11:26

custì po mi ne dumandate troppu... :pale:

_________________
Spunsurizatu  da l'UNESCO
Revenir en haut Aller en bas
Caparrittu

Caparrittu

Messages : 169
Date d'inscription : 29/02/2012

Salamone          Empty
MessageSujet: Re: Salamone    Salamone          EmptyMer 19 Sep - 20:23

Salamone in Niolu
Lacatu hà parechje tracce
Affilatu hà li pastori
Fendu gesti cù e so bracce
S'hà apertu ancu un caffè
In paese d'Alibertacce
Revenir en haut Aller en bas
Circione

Circione

Messages : 2212
Date d'inscription : 27/02/2012

Salamone          Empty
MessageSujet: Re: Salamone    Salamone          EmptyLun 22 Oct - 8:39

Ci era più di un omu fieru
Indu u nostru cantone
De Paoli è Sampieru
Vinianu à l'uccasione
È in Sidossi u risturante
Hè toccu à Napuleone

_________________
Spunsurizatu  da l'UNESCO
Revenir en haut Aller en bas
Contenu sponsorisé




Salamone          Empty
MessageSujet: Re: Salamone    Salamone          Empty

Revenir en haut Aller en bas
 
Salamone
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: À u fucone...-
Sauter vers: