u mondu sarà scemu?

Tanti anni fà, un gruppu di donne avia pruvatu di fà move a sucetà corsa , u Cullettivu pè a vita . Dipoi a morte di Vittoria Canale, una donna curagiosa chì ùn avia peura di parlà altu è veru, più nunda.

Ancu tandu, m'arricordu di l'inghjurie nantu à tracts anonimi contru à ste donne (mal baisées, streghe, frà altre), m'arricordu di a ghjente indifferente in carrughju, mentre chì u curtegiu passava.

Puru ci hè statu 40 000 persone pè u prifettu assassinatu (ciò ch'e trovu nurmale, e manifestazione, vogliu dì, micca l'assassiniu eh) ma : perchè un mortu ùn ne valeria un antru? avemu l'indignazione selettiva...

ùn mi possu impedisce d'interrugammi : dumane (vennari 13) ghjunghje u Nannu di a Republica...

Tutte ste malfatte attempu, cù modi uperatoghji novi per certi, inediti, serianu un azardu?

A barbuzeria ùn esisterà sempre? ùn mi scordu ch'è no sapemu avà ch'un attentatu era statu almanaccatu da "i servizii secreti" quand'ellu hè venutu V Giscard d'Estaing in Corsica(un mortu à l'aeroportu di Campuloru)

Addisperata a écrit:

ùn mi possu impedisce d'interrugammi : dumane (vennari 13) ghjunghje u Nannu di a Republica...

Tutte ste malfatte attempu, cù modi uperatoghji novi per certi, inediti, serianu un azardu?

A barbuzeria ùn esisterà sempre? ùn mi scordu ch'è no sapemu avà ch'un attentatu era statu almanaccatu da "i servizii secreti" quand'ellu hè venutu V Giscard d'Estaing in Corsica(un mortu à l'aeroportu di Campuloru)

u to cummentu hà u donu di fà riflette è di pone qualchi questiona interessante
pudemu ancu vede in sta viulenza strema, nova, a spressione di sta nuvella sucietà induve campemu avà, una sucietà ch'ùn s'arricorda più di u so passatu è chì vole troppu seguità chjassi ch'ùn sò mai stati i soi.

a nostra sucetà hè sempre stata viulente...

Sò e forme chì cambianu.

Nanzu u Mezu corsu facia i so affari è i so asassinii fora di Corsica. Eppo in l'anni 80 anu decisu anch'elli è forse perchè perdianu u terrenu in cuntinente, di "vive è travaglià in paese" pè a nostra disgrazia (sempre cù e cunnezzione fora). Fù tandu l'epupea di a Brise de mer è una spezia di "yalta" trà i mezi di u Cismonte è u Pumonte : oghje e linee di spartera è e forze in presenza si rifacenu...

è a nostra sucetà ùn cundanna cun forza a viulenza, l'arme sò troppu numerose per un dettu...seria un fattu "culturale" : eiu à sta "cultura" li sputu addossu, cum'è à a vindetta chì certi credenu sempre esse "a nostra cultura"


Rivengu à e donne. In u 95, u Cullettivu di e donne pè a vita si truvava davanti à e griglie di l'Assemblea di Corsica. U Presidente di tandu, Jean BAGGIONI, ricusa di ricevele!
A st'epica i capimachja naziunalisti (in piena "guerra") e trattavanu di "banda di capre".

Attempu, si sà chì certi eletti di l'Assemblea ghjunghjianu armati à e sessione. Aghju vistu eiu à a buvette omi capelli rasciati è in treillis, armati sin'à i denti (si vidianu i ceppi sottu à a vesta), basgià l'omi pulitichi (di diritta "classica" cum'è altre tendanze) è arpentà a sala di i passi persi mentre chì certe deliberazione eranu prese : "survegliavanu" i voti, nè più nè menu!

s'hè rivendicatu una vindetta pulitica ùn hè tantu è l'Assemblea ùn hà cundannatu;

pè u Statu simu una spezia di spavechju per mette tutt'ognunu d'accordu è fà sminticà u restu, ne ghjoca bè, ramentemuci e malfatte di Bonnet, chì ùn sò ancu state tutte palisate : dunque oghje ù nannu hà da parlà di "Sicurità" è Aiacciu serà pienu à "check points" à ogni carrughju cum'è à Gaza.

Mi dispiace di risponde solu cù un smiley, ma ùn aghju tante cose à aghjustà fora di

Hè vera.
Eiu, aghjusteria quantunque ch'ùn ci vole à circà altri culpevuli in altrò. Ch'e s'e a Corsica và male, hè anzituttu a colpa di i Corsi elli stessi.
Noi tutti !

Tocca à noi di agisce pè scioglie o fà scioglie i nostri pprublemi ma ùn vulia micca dì chì hè SOLU colpa nostra, d'altronde eiu ùn mi sentu tantu culpevule

Ci sò dinù e cundizione ecunomiche ch'ùn dipendenu di noi, à volte mancu di a Francia, ete vistu bè sti pochi tempi chì trè "Agenze" metttenu u cumbugliu in u mondu cù e so nutazione. Nanzu era a speculazione trà e munete chì mettia u focu è chì hà fattu creà l'Eurò : ma i speculatori finanziarii trovanu sempre à fà i so affari, avà hè nantu à i Debbiti di i Stati ch'elli s'arricchiscenu ...
E lege chì favuriscenu l'immubliare speculativu (è dunque l'appetitti di u Mezu...) ùn l'emu micca fatte noi, ma a diritta di u Nannu (Hè vera chì a Corsica l'hà vutatu... :shock: )

A pulizza ùn la femu micca noi : in l'anni 80 s'hè cuncentrata nantu à i naziunalisti lascendu prusperà a Brise de mer, prima di "neguzià" cù certe reffiche naziunaliste è à rombu di solli è di "cunnexione" di mette a puzza trà di i muvimenti , ciò chì hà cuntribuitu à a "guerra", senza cuntà i tracts anonimi accusatori teleguidati da pulizzeri à quella gran'epica di a guerra fratricide,

Oghje tenenu in prigiò giuvanotti cum'è Lisandru Plasenzotti, quandu chì certi assassini sò rimessi in libertà...

e rispunsabilità sò cumplesse, ma u citadinu corsu hà u so rollu à ghjucà, si deve sveglià.

Dumè Gambini dicia sta mane : quand'è no sapemu chè una buatta hè stata acquista di modu suspettu, ùn ci duveriamu mancu mette pedi. Hè un esempiu.
Quandu si vede un elettu purtà l'inviloppi pè un Chjerchju di ghjochi pariginu...

Ùn hè solu colpa nostra ma prima fidighjemuci, simu almenu tutti culpevuli d'ùn fà nunda o micca abbastanza. Oghje, l'usu hè di circà sempre à l'altri.

Parlemu puru di Sarkozy, ma a pulitica di Hollande serà listessa. U PS oghjincu hè liberale, ancu s'ellu si pò sperà d'avè menu sviature di strema diritta è menu cumbricule.
Hè per quessa ch'o vuteraghju Eva Joly, ùn si pò dubbità nè di a so sincerità nè di a so prubità. Hà dinù sempre messu in davanti u bè cumunu è u valore murale, s'hè battuta, à spessu contru à tuttu u mondu, da difende ciò chì hè ghjustu.

Per contu meiu, ùn era ancu natu à l'epica di l'affare ELF(*) è l'aghju scuperta di manera prufonda avà, in tempu d'elezzione. Ùn capiscu ciò chì a ghjente li pò rimpruverà. Certi sbagli di cumunicazione? U so accentu? Hè tuttu quì u prublema? Poca tullerenza nò!


(*)Sò sicuru dinù chì a FranciAfrica è a suttumissione di tutti sti populi di pettu à u mondu di u soldu pienteria una volta per tuttu.

iè ùn capiscu micca cumu Eva Joly pò fà cusì pocu...Hè a sola chì mi scunvince à mè...

Addisperata a écrit:

iè ùn capiscu micca cumu Eva Joly pò fà cusì pocu...Hè a sola chì mi scunvince à mè...

A ghjente ùn vole micca sente certe verità è Eva Joly hà un parlatu schiettu.
Mughjanu tutti u so bisognu d'onestità, ma una onestità ch'ùn venerebbe micca dirangià i so prugetti è a so visione di l'avvene.
A più grande parte di a populazione aspetta solu d'esse "accarizzata in u sensu di u pelu" è di sente un discorsu chì puderebbe calmà e so angoscie: "emu da sorte di a crisa/ ùn ci sarà più viulenza/ i stranieri fora/ sarete tutti ricchi è à a ritirata à 30 anni/ averete tutti a vostre rolex à 50/ ecc.".
Eva Joly ùn accarezza à nimu. Per stà in a metafora di u pelu diceraghju ch'ella face piuttostu una spilazione à a cera calda

per contu meo ancu s'o un aghju nunda contr'à Eva Joly un ghjungu micca à esse persuasu à u livellu corsu di l'utilità d'appoghjà a so candidatura , mi ne teneraghju dunque à a pusizione tradiziunale di u naziunalisimu chi vulia chi no un ci mischiavamu micca d'elezzioni sputiche francesi ( a so chi una pusizione cunfortevule sopr'à tuttu chi ci è nentru ancu una spezie d'ippocrisia ..). m'avvecu quantunque chi nu i fatti simu di menu in menu à tene sta pratica ma pensu chi quandu omu è cunnisciutu nu i so lochi per raportu à u so ingagiamentu puliticu è megliu à un apre micca certe porte duve d'altri porebbinu entre dopu ... e forse pè u peghju .
per cio chi tocca à l'ultime disgrazie ch'hanu toccu a corsica credu chi (disgraziosamente) un ghjova à nunda di cascà nu a paranoià : certu u statu hà a so rispunsabilità da u pocu d'energia ch'ellu mette à fà piantà si sviamenti chi rodenu à nostra sucietà di poi tant'anni (allora chi a sà fà cusi ben in d'altre circustanze) ma pensà ch'ellu manipuleghja st'evenimenti mi pare un sbagliu maiò ; chi interessu averebbe avà (e cun tutti i risichi inerenti) à incoragì in sottu sti fatti quandu u muvimentu armatu un hà più che un esistenza virtuale ? o à fàllu rinvivisce in casu di fiascu ? no , circhemu piuttostu e cause intrà di noi nu i mitti e i valori (veri o falzi) chi no veiculemu : ammirazione e cumpiacenza inversu ghjente chi si so custruiti nant'à u crimine, sottumissione à un sistemu di dipendenza , disprezzu per u valore di u travagliu , razzisimu chi diviseghja a populazione in categorie (e sopr'à tuttu in sottu categorie) antagoniste ..

Eccu a cunneria di u ghjornu...Quessa po a nutizia mi pare propiu scema; s'integra dunque perfettamente in stu sugettu.
I guverni di l'Auropa dichjaranu esse inchieti videndu a crescita di u Front National in Francia. Cumu capisce allora chì in u listessu tempu Mein Kampf ùn sia più interdettu? Per contu meiu hè una aberrazione. Ùn si pò micca lascià un scrittu simile trà tutte e mani :evil:



http://www.lefigaro.fr/flash-actu/2012/04/24/97001-20120424FILWWW00623-allemagne-mein-kampf-va-etre-republie.php


http://www.francetv.fr/info/la-montee-de-l-extreme-droite-francaise-inquiete-les-pays-etrangers_86969.html

e di sta ghjente inalteriati à u postu contr'à pruggettu d'amenagiamentu d'un terrenu in Agliani per i zingari , chi ne pensate ? un sapia micca chi c'eranu tanti pulinaghji purtantu custì ...(attenti per i ghjallochji )
à aghjustà nu a seria :"plus francais que nous tu meures"

Ghjallochju a écrit:

e di sta ghjente inalteriati à u postu contr'à pruggettu d'amenagiamentu d'un terrenu in Agliani per i zingari , chi ne pensate ? un sapia micca chi c'eranu tanti pulinaghji purtantu custì ...(attenti per i ghjallochji )
à aghjustà nu a seria :"plus francais que nous tu meures"

Pensu ch'elli m'ingonfianu tutti quant'elli sò sti razzisti di paccottiglia ch'ùn anu mai fattu nunda per a so cultura è a so lingua.
Ci n'hè propiu una techja di rende l'altru sempre rispunsevule di e nostre colpe. U più chì mi frastorna hè l'assenza di discussione,l'impussibilità d'argumentà è di spiegà à certi quant'elli si sbaglianu. Quandu omu prova à dà u so parè si face spessu trattà di "bobo", spressione ch'elli ùn capiscenu mancu. Manc'unu per tene un discorsu ch'ùn ghjoca micca nant'à e paure è l'infurmazione false. L'estremisti ùn cambieranu mai a so manera di fà: propaganda, "disinfurmazione", discorsi chì facenu "écho" à l'angoscie di i più debuli...U fascisimu hè sempre quì. Aspetta a so ora.
Maroccani, tunisiani, zingari, aghju vissutu 20 anni accant'à elli. L'aghju visti in scola zitella è dopu maestra. Sarà u casu di tutti quelli chì si scatenanu contr'à l'altri populi è l'altre religione? Sò parechji à parlà senza sapè. Ci vole à ramentà si dinù ch'ùn hè tantu luntanu stu tempu quandu eramu ancu noi cunsiderati cum'è stranieri in Francia (certi pruponenu sempre di vende a Corsica )
A cunneria ùn hà micca naziunalità. Face parte di a natura umana. Sin'à avà mi paria chì a cultura corsa, a nostra storia, i valori trasmessi eranu un frenu à a spressione di sta cunneria. Ma cum'è l'ai detta "plus français que nous tu meures". À stu ritimu mi dumandu induve andemu. Averemu persu a nostra identità è à tempu a nostra umanità?


una lettura interessante
http://1000ideespourlacorse.wordpress.com/2012/04/25/idee-n93-en-rire/

u rispettu di a vita - prima parte...

http://www.goodplanet.info/Contenu/Depeche/Chine-enquete-sur-l-utilisation-d-enfants-comme-cobayes-pour-du-riz-OGM/(theme)/



u rispettu di a vita - siconda parte...

http://www.rtbf.be/info/belgique/detail_les-semences-de-varietes-traditionnelles-ne-peuvent-plus-etre-commercialisees?id=7809281

http://obsession.nouvelobs.com/potins-de-table/20120810.OBS9415/kokopelli-la-guerre-des-graines-a-commence.html


L'omu...st'animale chì hà capitu tuttu di a so piazza nant'à sta terra.

Me Antoine Sollacaro hè statu tombu stamane.

stu sugettu si chjama "u mondu sarà scemu?". mi dumandu cume aghju fattu per pone mi a questione. iè, u mondu hè scemu, puzzicu è colmu d'abruttiti
ciò chì vale per l'altri paesi vale dinù per a Corsica.


http://www.corsenetinfos.fr/2012/10/16/ajaccio-me-antoine-sollacaro-assassin%C3%A9/

http://www.lefigaro.fr/actualite-france/2012/10/16/01016-20121016ARTFIG00419-me-antoine-sollacaro-assassine-a-ajaccio.php
(mention spéciale per i cummenti...)

Ai capitu tuttu o Petra.
È cuncernendu i cummenti di u figaru, mi danu quasi invidia di riattivà u bloggu contr'à u razzisimu anticorsu.

Scappanu i sentimenti quand'omu leghje sse scimità addossu à internet. Simu à ringrazià quelli chì piglianu u tempu di risponde incù un ragiunamentu sinnatu. Un si puderà forse mai ghjunghje à vince a bestialità (cum'è a viulenza), ma ci tocca à cuntinuà à luttà contru. Osinnò ci hà da piglià a suprana.

I cummenti di u Figaro... :pale: ah ci sò i pueti ...


Aghju cumminciatu à leghje, è mi sò dettu chì certi ùn anu viramente nulla à fà
eppo' dopu mi sò dettu: " ma tù chì faci avà? leghji sti conni? ùn ai viramente nulla à fà..." :affraid:

È aghju piantatu chì ghjustappuntu avia qualcosa à fà.

ci vularia à risponde è dì ch'elli sò tutti una mansa di


ma vistu u livellu u megliu hè di ùn dalli mancu a corda.
o forse megli: dalli sugne corde.

I leghju ogni volta...sarà chì sò masò. mi dicu chì ci vole à sapè u "nivellu" è l'argumenti di l'oppunenti. ma sta volta mi sò arrestata in furia.
A morte di Antoine Sollacaro hè qualcosa chì mi tocca assai è quandu omu hà a pena hè più difficiule à supportà a cunneria è i clichés d'una mansa d'abruttiti ch'ùn sanu mancu pensà da per elli.
Aghju pruvatu à risponde parechje volte ma à chì ghjova? ci ne sarà sempre unu (o dece) à lampà inghjulie solu perchè chì ùn pensemu micca cum'è elli.
Ci vole à fà si sente ma per mè a più bella manera di dilli merda hè d'agisce ind'è mè è fà di manera à privà li d'argumenti...
ma bon sò è mi piacenu l'utopie

Pensu a stessa cosa ch'e tè.
Ma cosa fà ?

Ti piacenu l'utopie ma ghje a sola cosa à fa !!
Inquant'à risponde à sta robba scema he quant'è à zappa in l'acqua.

nanzu m'accadia di risponde nant'à Liberation ma è una perdita di tempu .. e po appressu tuttu chi ci po futte cio ch'elli pensanu di noi . u peghju so i fatti e a so trista realità :pale:

Hè d'un tempu digià chì tuttu hà pigliatu fondu, a sucietà, e mentalità...ùn sò cum'elli sò stati allevati a ghjente, eiu ùn mi veneria mai in l'idea, cumentendu un assassiniu di dì "on tourne un épisode de Mafiosa ?"...un mortu, si rispetta. Mi dumandu ancu à chì ghjovanu i muderatori.

Certe volte aghju a brama d'andà in lu paradisu biancu ch'ellu cantava Michel Berger, micca ch'o voglia "taglià mi" di u mondu , ma solu per esse luntanu d'a gattivera di l'omu, d'a so viulenza.

Ma pare chì ancu quallà... :evil:

20 ciucci morti per vi di a scimità d'un omu solu. u mondu sanu cundanna sta disgrazia. qualcosa hà da cambià? anu da impedisce d'altri carneghji?

http://www.lefigaro.fr/international/2012/12/14/01003-20121214ARTFIG00601-fusillade-dans-une-ecole-primaire-aux-etats-unis.php

http://www.lefigaro.fr/international/2012/12/15/01003-20121215ARTFIG00565-le-monde-solidaire-de-newtown.php



è questi quì? sò dinù e vittime di a scimità di stu mondu...

http://www.huffingtonpost.fr/2012/12/15/chine-homme-poignarde-22-enfants-ecole-region-henan_n_2306975.html?utm_hp_ref=international

http://blog.lefigaro.fr/chine/2012/11/cinq-petits-morts-bouleversent.html

http://www.lemonde.fr/proche-orient/article/2012/09/26/les-enfants-syriens-temoins-des-atrocites-de-la-guerre_1765698_3218.html