Naziunalisimi

S'o apru stu sughjettu novu hè ch'ùn mi ritrovu in un certu naziunalisimu chì colla, assai spartu in a ghjuventù, è chì puzza a zenofubia. S'ellu hè què u naziunalisimu, naziunalistu ùn sò più.
Per contu meiu, ùn avia mai vistu u naziunalisimu corsu cum'è un naziunalisimu di strema diritta à l'usu francese è ùn ci era ragiò di fà u paragone trà di elli. Ma devu cuncede ch'ognunu hà a so manera di pensà u naziunalisimu o i naziunalisimi corsi.
Dunque invitu à ognunu à dacci a so visione propia.

Eiu, sò à contu meiu u cuntrariu d'un zenofobu, è sò ancu menu razzistu.
Cuncernendu u naziunalisimu francese, pensu chì certi, Corsi o micca, sì sò scurdati un pocu troppu prestu di e posizione partigiane di a sentenza di morte di i so capimachji, partigiani d'una forma forte di ghjacubinisimu, è eiu tengu sempre in mente u fattu chì parechji dirigenti di u FN anu, anni è anni, resi ommagiu nant'à a tomba di Jacques Doriot (ma hè vera chì monda ghjente ùn si ricorda più di quale era). Pensu ch'ùn c'hè bisognu d'argumenti supplementarii, mi pare...

Cuncernendu u naziunalisimu corsu, pensu è ne sò cunvintu ch'e a parolla di "naziunalisimu" deveria esse abbandunata, perchè, prima puzza troppu a diritta strema, è dopu, manca di precisione. Pensu chì quelli chì sò per l'autonomia deverianu esse chjamati autonomisti, è quelli partigiani di l'indipendenza, indipendentisti. È basta ! Cusì, seria più chjaru per tuttu u mondu, pensu.

nant'à "l'altru foru" allora chi unu s'interrogava nant'à a disferenza chi ci pudia esse trà un naziunalistu corsu e un naziunalistu francese un certu tale li rispose: " u paese" ...
à me di raggionà u sessu di l'anghjuli e di sapè se l'aggettivu "naziunalistu" è u più adattu à u nostru cumbattu d'oghje è cosa chi m'interssa pocu . certu , po prestà à cunfusione e serebbe forse più ghjustu di parlà di "patriotti" o di "forze patriotiche" ma sti termini so stati scelti quarant'anni fà e di rimettelli in causa oghje derebbe forse l'occasione à une pochi d'andà più luntanu nu una spezie di rinegazione . s'asgisce dunque piuttostu d'esse fermi e chjari nant'à i nostri principii : u naziunalisimu di l'origine (cacciatu u primu regionalisimu chi era nu un antra logica) si vulia fundamentalmente di manca (e ancu di l'estrema) e si rivendicava di l'umanisimu (sinnò nu i fatti omancu nu u discorsu), u fattu si stà chi oghje i valori di a partita a più dura di u muvimentu (si sente assai duv'e i militanti di basa) frisgia piuttostu a zenoffobia e c'è una porosità trà i dui elettorati c'un era mancu imaginevule qualc'annu fà tantu c'era antinomia . bast'à à osservà i risultati di u FN à e territoriali duv'ellu è guasi inesistante à mette in bilancia cu u scoru ch'ellu face à e presidenziali duv'ellu trapassa i diciottu per centu (CQFD). u prublemu un è dunque micca nu a parolla (o à un vede a disferenza trà un naziunalisimu di difesa e di ricunniscenza e da l'altra parte un naziunalisimu d'oddiu e d'oppressione) ma di lottà contr'à a banalisazione d'un discorsu (e peghju d'un cumportamentu)chi diventa un cancaru per a nostra sucietà , ben intesu chi u naziunalisimu per via di i temi ch'ellu sviluppa e chi ci mettenu spessu nant'à u filu di u rasoghju deve esse ancu più attentu che l'altri à un trapassà sta cunfina e mostrà chi i nostri valori so quelli di l'emancipazione (per u populu tantu ch'à livellu individuale) e micca di l'inghjulia e a sottumissione ..

U peghju hè ch'elli sò belli numarosi quelli chì pensanu ch'e per esse elli stessi, devenu odià à disprezzà à tutti l'altri.

Quessi, si scordanu cumplettamente ch'ùn si sceglie micca di nasce quì è ch'elli ùn anu nisun meritu d'esse di quì è micca d'altrò.


Quante volte aghju intesu sta frasa cusì famosa "Sò Corsu è ne sò fieru !". Quessa ùn vole dì nunda, perchè ùn si sceglie micca di nasce corsu, è per quessa, ùn sì pò esse fieru ch'e de cose da e quale simu rispunsevuli. Si pò esse fieru d'un opera, d'un travagliu, ma micca di a so nascita.

Ghjallochju a écrit:

u naziunalisimu di l'origine (cacciatu u primu regionalisimu chi era nu un antra logica) si vulia fundamentalmente di manca (e ancu di l'estrema) e si rivendicava di l'umanisimu (sinnò nu i fatti omancu nu u discorsu)

Iè ma cum'è l'ai detta, parechji cursisti di u frà duie guerre sò cascati in l'irredentisimu, è avianu digià una visione "naziunalista". Dunque l'argumentu storicu, ùn pò circà più luntanu chì a leva di u settanta.
Ma hè vera dinù chì s'elli sò cascati in u fascisimu di Mussolini, anu dinù imbruttatu tantu e rivendicazione naziunaliste ch'ùn si n'hè più intesu parlà mentre vint'anni.
Sè sta volta, ci pudiamu parà di u fascisimu, seria bè.

Ruclinonu Solechjari a écrit:

U peghju hè ch'elli sò belli numarosi quelli chì pensanu ch'e per esse elli stessi, devenu odià à disprezzà à tutti l'altri.

À u liceu, avia un certu prufessore di Corsu, chì dicia : "quandu omu sà qual'ellu hè, ùn hà paura di l'altru".
È hè quessa chì si passa. Per indettu, (ùn diceraghju in chì cità ch'ùn sò quì per spudà fele) ci sò parechji figlioli di naziunalisti ch'ùn sanu parlà corsu, è chì ùn anu a leia culturale è suciale ch'elli anu (o duverianu avè) quelli di i paesi. Per esiste, è per fà valè a so identità, ùn anu trovu ch'à disprezzà quella di l'altri.
A ghjuventù si cerca radiche da custruissi, è ci vole à dì chì certi ne anu lasciatu poche.

ùn sò micca quale ellu hè statu u to prufissore, ma sicuramente un omu sinnatu.

Hè vera chì u razzisimu vene spessu da ghjente chì si sentenu debbuli in la so identità.

Quellu chì sà ch'ellu hè corsu, ancu per vede cresce u numaru di i strangeri, ùn s'hà da micca da sente minacciatu in la so identità propia.

U fattu di sapè qual'è tù sè, è dinù di cunnosce à l'altru è digià un passu fattu contr'à u razzisimu.

Osinnò si custruisce omu in lu righjettu di l'altru.

Hè appena u sbagliu ch'elli fecenu certi naziunalisti imbulighjendu cursisimu è naziunalisimu... Vogliu dì ch'elli ùn anu mai capitu chì per esse naziunalisti ci vulia à esse cursisti nanzu...

Eppuru ùn era tù, ma sò sicuru chè tù dici a listessa cosa à i to elevi

Più và, è più mi pare ch'e a parola "naziunalisimu" puzza l'infamia.

Leghjite què, è sopra tuttu u seiesimu cummentu :
http://www.corsenetinfos.fr/2012/03/17/marine-le-pen-à-ajaccio-la-corse-terre-d-identité-d-honneur-et-de-liberté/

sarà chì u to prufissore hè un anzianu elevu ...
è avarà ripigliatu u discorsu di u so maestru...

Ùn sapia micca ch'elle si sparghjianu e mio idee in la sucetà soprattuttu di leva in pulleva...

Eccu, facia un pezzu ch'o circava quale avia spartu l'idea di tulerenza in Corsica

À mè, ùn mi dirangia mancu appena u termine "naziunalistu". Li docu una definizione linda : u fattu di spirà per a Corsica l'accessu à u statutu di nazione. Ancu s'è ùn ci credu più tantu, ancu s'ella mi pare 'ss'idea un pocu "accantu" à a realità di u mondu d'oghje, sò una cosa, s'ella accadessi chì a Corsica sia indipendente, u mio naziunalismu si spignaria à a siconda. Esse naziunalistu nant'à una tarra ch'ùn hè micca una nazione sprima per mè solu a brama di vedela cambià in megliu, esse naziunalistu in un paese custituitu cum'è a Francia hè un antru affare. Una cosa chì chjama idee scure è boffe, chì palesa a vuluntà d'esse disprizzendu à l'altru, cridendusi sopra. Hè forse custì ch'ella ci hè a cunfusione a più periculosa, custì chì a perdita di l'identità risicheghja di fà di u naziunalismu corsu tuttu à fattu u cuntrariu di ciò ch'ellu vulia esse à principiu, di ciò ch'o ci vecu eiu.[b]

Eccu quì una definizione chì mi garba assai, ma più và è più mi dumandu s'e a Corsica pò veramente duvintà indipendente un ghjornu, è in chì cundizione. Ci vole à vede dinù cumu serà, perchè, nant'à un isula cusì chjuca, cusì pocu populata, è incù tante ghjente chì volenu cummandà, pronte à tuttu per imponessi è à annientà tutti l'altri, un isula curotta da l'assistenatu, u clientelisimu, è a venerazione di a legge di u più forte, mi dumandu da veru cosa diventerà a Corsica s'ella diventa indipendente da veru.

Dighjà chì oghje, i più minimi parè di putere rende a ghjente scema, allora cosa seria s'e u putere hè più forte.

dicu cume te ma u prublemu è chi per un spaventà una partita di l'eletturatu certi muvimenti naziunalisti eviteghjanu oramai d'opponesi di fronte à u FN accittendu u fattu chi certi porebbinu votà per esempiu naziunalistu à un elezzione e FN à un antra (è un calculu quessu duv'elli si porebbinu ancu brusgià e dite ..) u fattu di lascià oramai i Le pen and co sprimesi in terra di Corsica ne è u più bellu segnu . amusatevi dinò à fighjà i cumenti nant'à certi fori ( :shock: ..) e leghjerete a cumpiacenza d'une pochi per un discorsu d'oddiu assumatu , per d'altri (chi si devenu sente incoragiti ) si leghgje ancu l'evoluzione guasi d'una pagina à l'altra ..

Ghjallochju a écrit:

dicu cume te ma u prublemu è chi per un spaventà una partita di l'eletturatu certi muvimenti naziunalisti eviteghjanu oramai d'opponesi di fronte à u FN accittendu u fattu chi certi porebbinu votà per esempiu naziunalistu à un elezzione e FN à un antra (è un calculu quessu duv'elli si porebbinu ancu brusgià e dite ..) u fattu di lascià oramai i Le pen and co sprimesi in terra di Corsica ne è u più bellu segnu . amusatevi dinò à fighjà i cumenti nant'à certi fori ( :shock: ..) e leghjerete a cumpiacenza d'une pochi per un discorsu d'oddiu assumatu , per d'altri (chi si devenu sente incoragiti ) si leghgje ancu l'evoluzione guasi d'una pagina à l'altra ..

o Rucli , rispondia à Tittolu ma nu u mentre ch'o scrivia hai lampatu u to messagiu .. bon so d'accordu ancu cun te ma guarda chi un ci vole micca non più à cascà per eccessu cuntrariu in una spezie d'auto flacellazione chi c'impediscerebbe d'andà più luntanu nu a presa di responsablità e d'emancipazione per u nostru populu . ci vole à esse cuscenti chi simu nu una lotta pulitica longa e nu u casu prisente sapè idenficà u nemicu (e fàlla sapè) .

Podasse ch'o sò un pocu eccessivu in e mio parole, ma certe volte a Corsica m'addispera tantu, è i Corsi mi stumacanu à un puntu ch'aghju quasi invidia d'abbandunà tuttu è d'andà à fà a mio vita in altrò, fora di Corsica.

Ghjallochju a écrit:

dicu cume te ma u prublemu è chi per un spaventà una partita di l'eletturatu certi muvimenti naziunalisti eviteghjanu oramai d'opponesi di fronte à u FN accittendu u fattu chi certi porebbinu votà per esempiu naziunalistu à un elezzione e FN à un antra (è un calculu quessu duv'elli si porebbinu ancu brusgià e dite ..) u fattu di lascià oramai i Le pen and co sprimesi in terra di Corsica ne è u più bellu segnu . amusatevi dinò à fighjà i cumenti nant'à certi fori ( :shock: ..) e leghjerete a cumpiacenza d'une pochi per un discorsu d'oddiu assumatu , per d'altri (chi si devenu sente incoragiti ) si leghgje ancu l'evoluzione guasi d'una pagina à l'altra ..

Soca hè cusì quandu un populu smarisce, u sbagliu si face regula, nasce 'ssu bisognu d'esse contru à tuttu ciò ch'omu crede "sfarente", tuttu ciò chì li face a paura. Ùn capiscu (è mancu ùn vogliu capisce) ciò chì porta certi à scurdassi chì l'omi sò tutti pari. Ma, cum'è a ripetu à spessu à u mio figliolu, conni ci n'hè di tutti i culori...

Ruclinonu Solechjari a écrit:

Podasse ch'o sò un pocu eccessivu in e mio parole, ma certe volte a Corsica m'addispera tantu, è i Corsi mi stumacanu à un puntu ch'aghju quasi invidia d'abbandunà tuttu è d'andà à fà a mio vita in altrò, fora di Corsica.

o Ruclì statti qui cun noi (vedi un è micca tuttu fracicu nant'à sta terra ) , ma bon in casu chi tu ti ne varghe spergu chi cuntinuerai à fàcci prufittà di e to estre .. ma chi serebbimu senza te

Sopra tuttu chì a mio partenza, una sfughjime in fatti, ùn riprisenteria nunda d'altru ch'e a prova ultima di a mio infama vigliacchezza.

Mentre st'elezzione avemu vistu dui visi di u naziunalisimu. Quellu di Quastana chì, benchì i giurnalisti s'incurnavanu à dumandalli a sferenza ch'ellu ci era trà i dui naziunalisimi, rispondia chì era u paese. È quellu d'Antolini, di Tomasi è di Leonetti chì marcavanu bè a so sferenza.
Mettu quì a risposta d'Antolini à Cardi chì dicia chì facianu u listessu cumbattu :
"A nuzione di naziunalisimu hè sfarente secondu chì a nazione hà un statu o nò. U vostru naziunalisimu vole esaltà a nazione francese chì hà un statu. U nostru naziunalisimu s'oppone à u vostru, ùn hè un naziunalisimu d'oppressione, hè un naziunalisimu di resistenza, di tullerenza micca quellu d'odiu chè vo prupunite oghje à a ghjente."

Hè à pocu pressu a definizione di Ghjallochju è di Tittolu.

Ie, aghju vistu chi Quastana un avia poca voglia di definisce e sfarenze tra u FN è ellu, fora di dì chi u FN pigliava l'ordine in Parigi.
U fascisimu ch'ellu venghi da Parigi o da qui , chi Po fa ? He da cumbatte listessu !

Certi anu a mimoria corta.

henry smart a écrit:

Ie, aghju vistu chi Quastana un avia poca voglia di definisce e sfarenze tra u FN è ellu, fora di dì chi u FN pigliava l'ordine in Parigi.
U fascisimu ch'ellu venghi da Parigi o da qui , chi Po fa ? He da cumbatte listessu !

finiscenu puru une pochi à mostrà u so veru visu , infine per quelli chi nu u vulianu vede ... s'ellu un pudia quastana definisce a disferenza tra i dui naziunalisimi è solu chi à i so occhji un ci n'è micca (da ricurdàcci nant'à un "antru foru .." à unu chi dumandava sta disferenza :"u paese .." rispose un antru) . quandu pensu chi simu stati affiancati à quessa a ghjente durante tant'anni , ne vengu à dumandàmmi oghje quale è chi si sbagliava (o chi sbagliava l'altru). tutti cumportamenti chi si ponu ligà à a so riazzione quandu i giurnalisti li dumandetenu cio ch'elli contavanu di fà per u secondu giru , quella d'antolini m'è parsa a più puzzica (ma ben à l'altura di i so risultati meritati). è vera chi cinqu'anni fà sti capizzoni maestri di strategia fumicosa eranu stati belli piu sbretti à mostrà u so sustegnu à u candidatu di ...l'UMP . da ricurdàcci dino u basgiu appoghjatu di GGT à Gandolfi à l'anunziu di i risultati .
ma da quessa à pensà chi sti puri e schietti preganu a vittoria di i nostri nemici pulitichi un andemu micca sinn'à custì quantunque ... pfffffffff ci vorebbe à esse veramante malpensu .

Ie he vera. Un m'arricurdava di quellu basgiu !
Ci vulerebbe chi G.S fussi appena più gattivu ava cu Gandolfi , chi d'allisciallu un porta scianza !

ci vole à vutà frederic Hantz cumu in Volpajola

in tuttu casu (ognunu si cunsola cum'ellu po) antolini à tenutu à ringrazià tuttu particularamente l'elettori di ... luri per a seconda piazza accordata à CL , cume per fà rimarcà a trafalata in altrò . un fanale à meza timpesta ?
m'hà fattu pensà anni fà quandu GGT s'era smeravigliatu una sera d'elezzione municipali di i risultati di Loretu "une victoire pour le Front" (dixit) , si vide a seguita ..