u cuncorsu di a più grossa bilancia

lettu nant'à u blogu "scherzosu" , u più interessante custì un serà micca l'articulu stessu e di u quale ognunu apprezzierà (o no ) u tonu ma piuttostu i cumenti di i lettori . un so s'ellu è simptomaticu di su novu "spiritu corsu " (forse allora quellu ch'ella lodava oghje Marine in aiacciu dopu mezighjornu .. ceci explique cela) o solu di e sviature d'internet chi diventa u locu di sfocu u più puzzicu .

http://www.apiazzetta.com/Perdite-a-vostra-panza-nanz-a-l-estate-grazie-a-a-JIRS_a1288.html

Aghju lettu è m'addispera.
Puru, deveriamu principià à avè l'abitutine, avà.

a più bella prova chi e rumenzule di a Corsica un finiscenu tutte in Tallone , e custì un vale mancu à tuppàssi u nasu

Chì voli fà? eccu cìo ch'ellu hè diventatu u net corsu, un spaziu induve a ghjente lampa e so ghjasteme è reguleghja i so conti. Trà l'inghjulie, e bugie è quelli chì s'inventanu una vita è una identità ci hè quantunque qualcì persona chì prova à sparte a so passione o u so amore per a cultura corsa. Ma accant'à què, fiure minuritarie, quantu sò à ghjuvà si di stu mezu per imbruttà à l'altri è fà ciò ch'ùn emu mai fattu?
M'arricordu di l'epica quandu Le Pen babbu ùn pudia mancu falà di l'aviò in Puretta. Avà a so figliola empie una sala sana, face cantà u Diu vi salvi Regina è omu pò leghje cummenti à prò di sta conna nant'à parechji siti...cummenti fatti da certi chì mettenu a bandera o a fiura di Paoli in image perso. Eccu ciò ch'ella hè in traccia di diventà a Corsica: una regione più francese ca a Francia...

e u peghju è chi si riclamanu di principii e di valori antichi di i quali un hanu mancu a più piccula idea . per furtuna so questi chi si chjamanu "o fratè ..!" (femine cumprese :shock: )

Ghjallochju a écrit:

e u peghju è chi si riclamanu di principii e di valori antichi di i quali un hanu mancu a più piccula idea . per furtuna so questi chi si chjamanu "o fratè ..!" (femine cumprese :shock: )

cume quelli chì anu circatu à ghjustificà e so parolle o i so atti contr'à Limelette...in nomine patris et filii et spiritus sancti amen...
cumu si dicerà in corsu "ils ont bon dos les vieux porca miseria"?

Puru, ùn pensu micca chì a delazione, ch'ella sia vera o falsa, sia una cosa nova. Pensu ch'ella hè sempre stata, ancu ind'e noi.

À mè ciò chì mi stona u più ùn hè tantu u fattu di vituparà a ghjente per daretu, o allora à palesu ma di manera anonima, dunque sempre à l'appiattu... Quessa avà hè divintata una spizialità per certi chì vi darianu sguasi lizzione annant'à ciò ch'ellu hè u spirdu corsu ...

innò ciò chì m'hà stumacatu lighjendu sti cummenti hè sta fiumara di fele... u fattu chì a maldicenza fussi generalizata è micca u fattu d'unipochi...
Eppuru una voce s'alza, sola contr'à tutte l'altre: quella di u corbu.com...

stu poveru Limelette (ch'hà da finì per diventà celebre , infine s'ellu ci sorte à ben ..)l'altra mane à u forum d'RCFM hà avutu dirittu à a so festa : à chi li vulia ripassà una "seconda cuscia", à chi "u vulia scunfinì" , ancu una brava vecchja :suspect: chi ella si serebbe cuntentata di sciaccàlli dui scapocchji (ghjesù ellu stessu un avia cacciatu i mercanti di u Tempiu à staffilate ..?) ..un antru rimettia in causa ancu a veracità di l'agressione (un pianu di com?)
. cio chi m'hà rassicuratu è chi unu chi serebbe statu d'accordu per una "piccula frusta" hà cundannatu l'impiecu di e cagule ,ufffffffffff i nostri valori un so ancu morti ..

Circione a écrit:

Eppuru una voce s'alza, sola contr'à tutte l'altre: quella di u corbu.com...

nu u cunnoscu micca ma mi pare chi quessu ( u benedica) un è micca di quelli chi cappianu subitu u casgiu ..

Quellu era corbu di francia...

hè per via di i cumenti ch'e ci vò di menu in menu nantu à a piazzetta...L'anonimatu permette à certi di cappià tuttu u so fele, hè un stumacheghju.

E vulintà streme, essendu più accanite, piglianu sempre a suprana nant'à a raghjone, disgraziamente.
A voce di a saviezza ùn sì pò fà sente quandu i lupi mughjanu cusì forte.

Ci sò l'inghjulie chì stumacanu a ghjente eppò ci sò ancu i cummenti chì si volenu dolci, senza una parolla più alta ca l'altra: parlendu di Marine Le Pen eccu ciò ch'aghju lettu stamane: "en tout cas c'est la seule qui sait aimer , femme d'honneur sincère , épris de justice et de liberté , je crois en elle !". Mi spaventa forse ancu di più chè certi discorsi viulenti... a vera viulenza si trova forse quì

A ghjente hè duvintata scema.

Addisperata a écrit:

hè per via di i cumenti ch'e ci vò di menu in menu nantu à a piazzetta...L'anonimatu permette à certi di cappià tuttu u so fele, hè un stumacheghju.

tre o quattru anni fà c'era u foru di u rinnovu : in principiu ci si pudia raggionà e in pocu tempu è diventatu un locu di d'insulte e di fele (era à quellu chi ne lampava u più) , u risultatu è chi stu foru è smaritu . in quant'à a Piazzetta qualchi volta mi dumandu s'ellu un è micca l'articulu stessu chi à colpi d'affirmazioni sbrette e più fondate nant'à raggionamenti di contuari che nant'à inchieste giurnalistiche chi apre a porta à i cumenti chi seguitanu dopu .. serebbe un peccatu ch'ellu seguitesse a listessa strada che u foru di u rinnovu (e cu a listessa fine)

petra alta a écrit:

eccu ciò ch'aghju lettu stamane: "en tout cas c'est la seule qui sait aimer , femme d'honneur sincère , épris de justice et de liberté , je crois en elle !".

l'amore rende cecu , ne :pale: ? (o allora era solu carità cristiana )

Ghjallochju a écrit:

petra alta a écrit:

eccu ciò ch'aghju lettu stamane: "en tout cas c'est la seule qui sait aimer , femme d'honneur sincère , épris de justice et de liberté , je crois en elle !".

l'amore rende cecu , ne :pale: ? (o allora era solu carità cristiana )

l'amore rende cecu, l'amore rende connu certe volte à un puntu tale chì omu si mette à crede e più grande bugie...
mi dumandu s'ellu si tratta d'amore quì o di a vulintà di truvà una soluzione à e so angoscie, à i so prublemi. l'omu hà un donu per circà si sempre un salvadore o un rispunsevule. pò esse ancu di manera più semplice a spressione di una stupidità latente, d'una incapacità à riflette nant'à un discorsu, e cunsequenze d'una ideulugia, à ricurdà si di a storia...

Socu andatu à veda 'ssi cumenti. Hè vera chì ci hè di chì rocia, ma l'affari ùn hè mancu novu. Uni pochi d'anni fà c'era ghjà statu un sughjettu annant'à Orsoni, cù cumenti anonimi è accusatori chì faciani a paura. Tandu l'avia ditta, micca pà piddà a pratesa d'un omu ch'ùn cunnoscu micca, ch'ùn la so s'iddu hè nocenti o culpevuli, ma parchì mi disgustaia 'ssa manera di fà, di dinnuncià senza sapè, è di fà nascia, o rinfurzà, un ambienti malsanu chì suventi basta ind'è no di lighjitimazioni à i peghju stremità.

Ma l'affari di i dinnunci anonimi, di a delazioni gratisi, ùn hè mancu novu. è mancu in Corsica. Aghju vistu l'altra sera un' emissioni chì parlaia di st'affari mentri a siconda guerra mundiali, in Francia : cintunar di millai - forsa miglioni - di lettari anonimi, pà dinnuncià i Ghjudei o i risistenti à l'autorità d'occupazioni. È mi scusareti ùn credu micca chì a Corsica sighi passata accant'à sti fatti. Ùn hè micca tuttu à fattu ghjustu di dì chì i Ghjudei di Corsica ùn sò micca stati dinnunciati. Oghji a sapemu chì unu o mancu hè partitu da Aiacciu, pà andà in i campi. È dopu ci vularia à intarrugassi un ghjornu pà sapè ciò ch'iddi ci faciani in Ascu i Ghjudei di Corsica : erani riligati pà aspittà un trasferu pussibuli... ùn hè micca tuttu à fattu una prutizzioni. Ùn sò micca mossi parchì ci hè statu a libarazioni, in 43, ma sì di nò a stodia saria stata diffarenti.

Vi pudariu ancu dì chì u me missiavu era statu arristatu in 43 dopu à una dinnuncia, d'aienti di u rughjonu. Iddu nemmancu ùn hè micca statu fucilatu parchì ci hè statu a libarazioni. Hè un casu parsunali, forsa ùn ni duvaria micca parlà quì è mettalu in paragonu cù straghji monda più duri, ma moscia quantunca chì i bilanci esistiani ghjà. Po' mi dubbitu ch'ùn sarà statu u solu.

Infini, ghje' ciò ch'e' credu hè chì no semu esattamenti com'è l'altri. I valori chì ci duvariani scantà da certi vituperii, ùn semu mancu i soli à avelli, è à vedali calcicati tutti i ghjorna.

Ghjuvan Filici a écrit:

Infini, ghje' ciò ch'e' credu hè chì no semu esattamenti com'è l'altri. I valori chì ci duvariani scantà da certi vituperii, ùn semu mancu i soli à avelli, è à vedali calcicati tutti i ghjorna.

A nostra identità, a nostra storia o a nostra cultura ùn ponu micca scambià u fattu chì simu esseri umani è ch'avemu dunque i listessi vizii è debulezze ca l'altri. A sfarenza ùn si truvuva micca in a natura di i Corsi ma in a manera forse di regulà a nostra sucietà. Tempi fà quelli chì avianu una certa forma di "saviezza" ùn temianu micca di risponde o d'agisce contr'à certi. avà ci vole à ricunnosce chì quelli chì si facenu sente u più sò l'omi chì veiculeghjanu idee puzziche. L'accaniti anu pigliatu l'abitudine di mughjà più forte ca l'altri... l'emu lasciati fà...oghje vedimu e cunsequenze nant'à u net o à a radio per un dettu

Forse dinù chì tandu l'accaniti eranu di l'altra parte.

À contu meiu, sò cunvintu ch'ùn ghjova à nunda d'idealizà u tempu scorsu. Di sicuru ch'e quandu si campa stonde chì ci parenu penose, hè sempre bè di dì "era megliu nanzu". Ma spessu ùn hè vera, chì nanzu, a ghjente era maghjoritarmente povara, era vechja à quarant'anni, è, di sicuru muria ancu più spessu di malatie chì oghje ùn esistenu più in i nostri paesi.
Di a stessa manera, dì ch'e pudemu felicitàcci di u fattu ch'ella ùn ci sia statu nisun dipurtazione di Ghjudei in Corsica mi pare d'esse falsu. Ch'ellu ci ne fussi statu pocu, hè solu perchè a Corsica ùn fù occupata da l'Allimagna ma da l'Italia, chì riccusava a dipurtazione. Eiu sò cunvintu ch'e s'e l'Occupazione s'era passata cume in altrò, dinunciazione ci ne serianu state quante in altrò.
Basta u cultu di u passatu è u kyrnoangelisimu !

Sicura, sò fole... U mo caccaru era in Marseglia surante a guerra è mi cuntava e malfatte di i Corsi chì eranu in e milizie, chì dinuciavanu i resistenti...ancu i so paisani...

U peghju hè ch'ùn mi surprende mancu !