Marina ci tene caru

custì dinò u più interessante so i cumentarii di i lettori .. per u restu sta dichjarazione d'amore di a bionda ferà sicuramente piacè à assai di i nostri cumpatriotti :pale: . in più dopu meziornu aghju intesu chi Dupond Aignant (u lepenistu "dolce") criticava à Marine per avè lodatu e nostre "virtù" e chi sacrificherebbe a republica "una e indivisibule" à l'aquistu di qualchi votu .. cusì nu u quatru di a diritta estrema averanu a scelta trà u giacobinisitu e a corsista ...cun ghjente chi capiscenu cusì ben a nostr'alma simu cafiuriti .


http://liberation.fr/politiques/01012396674-marine-le-pen-fait-corps-avec-l-ame-corse

Mi pare propiu inutile di precisàllu, ma ùn mi piacenu ne l'unu ne l'altru.
Pensu d'altronde ch'e s'e i Corsi rifflettianu un pocu di più, vederianu bè ch'e u so intaressu ùn hè quallà.
Infine... hè solu u mio corciu parè.

Cum'ellu puzza st'articulu : "Marine Le Pen adhère au Front. Celui des cagoulés insulaires, le Front National de Libération de la Corse (FLNC)". Primu filare è anu dettu tuttu...
Cumu serà chì sò sempre quelli chì ùn cunnoscenu nunda chì parlanu u più?

À què, rispundaraghju ch'e "a ghjente di qualità sà tuttu senza avè mai amparatu" (Molière, Les Précieuses Ridicules).
Ch'e un ghjurnalistu di Liberation a dicessi, hè una cosa (rilativa), ma u peghju hè ch'elli ci sò Corsi chì ci credanu, ancu puru i "naziunalisti" corsi chì s'approntanu à vutà a diritta strema perchè si sentenu una vicinanza ideologica.
Chì scumpientu !

Ùn m'ai capitu, ciò chì mi stumaga u più, hè chì un ghjunalistu ch'ùn ci capisce nunda possi fà una leia dubbitosa trà ciò chì serebbe statu dettu da MLP cuncernendu l'identità corsa (ma ch'ellu hà sunniatu) è u FLNC. Cum'è sè e rivendicazione naziunaliste eranu pruibite, è purtate chè da "terruristi" (à parè soiu).
Eccu l'apertura d'un giurnale chì si dice di manca : un etnocentrisimu degnu di Mélanchon.