Da Sant' Alesiu à San Cervone

una passighjata buzinca...

Hè bellu !

Ùn hè micca solu bellu, hè magnificu.

face vede chì a muntagna corsa ùn hè micca u spaziu vergine ch'elli pensanu certi, era tuttu suminatu à granu custì inde i tempi.

"Era una muntagna maiò, scarpillinata di parolle vechje
Era una muntagna svirghjinata da l'amori antichi
Era muntagna penetrata

(...)

Era una muntagna antica ingarmigliata di strade fatte
È sempre a infurcatura sumiglia misurava u palmu listessu
Muntagna strinta di ripe è larga di tarrenu
Muntagna adatta à u ben fà "

"
Ghj.Ghj. Franchi.

Hè dinù un locu impurtante per via di a festa di sant'Alesiu chì addunisce tutti i 17 di lugliu Rusinchi è Sermanacci.

http://www.repertorium.centreculturelvoce.org/details/messa-di-sant-alesiu.html

è ci hè dinu u 6 d'aostu mi pare i rusinchi collenu nant'à u san cervone

In quant'è à mè o Zifranu vi ringraziu assai chì per vìa di u vostru riguardu acutu quant'è amurosu, stamane aghju fattu cusì quasì in un lampu una spassighjata maravigliosa quant'è inaspettata !

È in più avà cunnoscu megliu u sensu veru di a parolla chì vi ghjova di fiura, vogliu dì Zifranu, è tandu per contu meiu hè a vostra scelta astuta astuta da tantu ch'ella hè bella è soprattuttu segnu bonu ista pianta benedetta datu ch'ella ci dà da sperà a ghjunta vicina vicina d'un veranu fermentu di molte speranze !

U più chì mi surprende, aldilà di a bellezza di i lochi, hè di vede sti pozzi d'acqua, chì, s'o mi ramentu bè cio ch'aghju amparatu, i grandi lachi corsi ùn si trovanu micca tantu in u Boziu.

caru zifranu chi tu sie ringraziatu,
so mi possu permette, e senza fà scarzu a i mio amichi (possu ancu di parenti) Buzinchi, a più parte di i to ritratti so stati pigliati indè a pieve di e Valle Rustie, chi al dilà di à capella di san alesiu, quandu omu piglia a tramuntana versu Rusiu, entre tandu indè a nostra pieve. In tantu aghju vistu chi parechji hanu scupertu lochi chi un so tantu cunisciuti, è so possu aghjustà qualcosa, dicèraghju a u nostru amicu, chi " u puzzale" di "Levina, un hè micca un lavu, hè una pozza annacquata dà duie funtane mà dinù dà una tuvalia giulogica.
Eccu felicitazione pe sti ritratti colmi di passione spartuta a sai bè.
So possu circhèraghju di fà un omagiu in "Prezzuna" o in l'acquale...
anima

Ti ringraziu o Dirusiu... quandu aghju scrittu "buzinca" mi sò dumandatu eppo aghju pinsatu chì, forse, era Boziu sin'à a bocca (duve c'è l'aghja), è Valle Rustie di l'astra parte... a saparaghju per a prossima volta, spergu di cullacci prestu, torna

per fammi pardunà sciaccu un "panorama" da punente à livante pigliatu da e Creste di San Cervone.

Ne prufittu per dumandatti s'è vo dite Cervone o Cerbone (?)

eccu :

u panorama sanu (180°)


Pianu Maiò è l'Ernella (mi pare) daretu c'è "a Traunata" (les "Aiguilles de Popolasca") :


à manu manca, à u sicondu (o terzu) pianu, u puntucciu biancu mi pare Sant'Anghjulu, trà Omessa è Aiti... e muntagne ti Tenda in fondu... :


San Petrone è e Caldane :


eccu !

di sfughjita a écrit:

In quant'è à mè o Zifranu vi ringraziu assai chì per vìa di u vostru riguardu acutu quant'è amurosu, stamane aghju fattu cusì quasì in un lampu una spassighjata maravigliosa quant'è inaspettata !

È in più avà cunnoscu megliu u sensu veru di a parolla chì vi ghjova di fiura, vogliu dì Zifranu, è tandu per contu meiu hè a vostra scelta astuta astuta da tantu ch'ella hè bella è soprattuttu segnu bonu ista pianta benedetta datu ch'ella ci dà da sperà a ghjunta vicina vicina d'un veranu fermentu di molte speranze !

:oops:

Ruclinonu Solechjari a écrit:

U più chì mi surprende, aldilà di a bellezza di i lochi, hè di vede sti pozzi d'acqua, chì, s'o mi ramentu bè cio ch'aghju amparatu, i grandi lachi corsi ùn si trovanu micca tantu in u Boziu.

aghjustaraghju à sò ch'ell'hà dettu Dirusiu chì toccu u mese di lugliu acqua ùn ci n'hè più tantu...