ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le deal à ne pas rater :
Soldes d’été 2024 : trouvez les meilleures promos !
Voir le deal

 

 I fratelli Mikhalkov-Kontchalovski

Aller en bas 
4 participants
AuteurMessage
Circione

Circione


Messages : 2212
Date d'inscription : 27/02/2012

I fratelli Mikhalkov-Kontchalovski  Empty
MessageSujet: I fratelli Mikhalkov-Kontchalovski    I fratelli Mikhalkov-Kontchalovski  EmptyMer 21 Mar - 1:07

I fratelli Mikhalkov-Kontchalovski  220px-Vintage_Potemkin

Ùn  si pò micca parlà  di  sinemà russiu  senza dì nanzu  una parolla annant’à   « U Curazzeru Potemkim », filmu  mutu di 1925 rializatu da Sergueï Eisenstein. Hè  di stu capu d’opara di u  sinemà  suvieticu ch’ellu  s’ispirede  Brian de Palma  in  « l’Incurruttibuli » ripigliendu  quella scena cunnisciuta da tutti  di u  landò chì fala inde e scale :







Ma ghjugnemune  à  u  sugettu principale  di  sta cronaca, i dui  genii di u  sinemà russiu d’oghje: Andreï kontchalovsky è Nikita Mikhalkov.



I fratelli Mikhalkov-Kontchalovski  Andrei10

Andreï Kontchalovsky




D’Andreï Kontchalovsky - rializatore di Runaway Train o  di  Tango & Cash per  ùn cità  cà  i so successi più pupulari - hè  soprattuttu Maria’s Lovers ch’e  no ritinaremu. U  filmu conta  u ritornu  in paese di l’eroe lucale Ivan Bibic (John Savage), un suldatu amiricanu,  fattu prigiuneru da i  Giappunesi.  In li  campi giappunesi, Ivan s’azzingarà à u ricordu di un prim'amore  di zitillina, Maria (Nastasja Kinski).  Avia  quindeci anni Maria quand’ellu  s’ingagede indu l’armata u nostru suldatu, st’ amore chì crisciarà  mentre  a so cattività, divintarà  pianu pianu una dea fissa pè u prigiuneru : quella di vultà sanu  è  salvu  ind’è  ellu è di spusà  à Maria. Hè  ciò  chì si passarà,  ma à Maria, Ivan  a  tene troppu  caru, l’hà  idealizata  troppu, è  ùn  riesce micca  à dalli a prova  fisica  di l’amore  tamantu ch’ellu li porta. Ùn  accunciarà nulla l’affaccata in la piccula  cità di Pennsilvania di una spezia  di crooner vagabondu,  Clarence  Butts (Keith  Carradine)(1) chì si cugliarà a virginità  di a giovana sposa tralasciata da u maritu.  

Quella affaccata à mottò  di Clarence  incù  a  so  ghitara è  u so  cane, cantendu  Don’t get  around  much anymore - un  standardu  di Duke  Ellington -  è Making  whopee - un antru  standardu,  ferma per noi una di  e scene  d’antulugia di u  filmu :



Eccu  una  piccula « banda annunziu » per dà  u tonu  :





Un  billissimu  filmu annant’à e muche  psiculogiche  lasciate da  a  guerra  è  da a cattività è  dinù annant'à a redenzione è  u pardonu. Un filmu pienu di sinsibilità è di puesia,  un  filmu forte, dimula puru : un filmone, sirvutu da  attori di prima  trinca,  una  NASTASSIA KINSKI magica, un  KEITH CARRADINE  magnificu,  è  JOHN SAVAGE  cummuvante, senza scurdacci  di  u babbu, ghjucatu  da Robert Mitchum... Un  bellu casting. salutu2


I fratelli Mikhalkov-Kontchalovski  Deer.universal-shotI fratelli Mikhalkov-Kontchalovski  Deerhunter_still

U corciu JOHN SAVAGE,  ùn hà micca avutu l’ascianza inde  i so  filmi,  chì  dopu (2) s’hè  fattu piglià da i Vietconghi in  Deer Hunter (Voyage au bout  de l’enfer) u  capu  d’opara  di  Cimino - ma  di  què  u filmu sò sicuru ch’ellu  vi ne parlarà megliu cà mè Ghjuvan Filice...







I fratelli Mikhalkov-Kontchalovski  Sans_t38
Nikita Mikhalkov


Fratellu d’Andreï Kontchalowsky, Nikita Mikhalkov hè  dinù  ellu un rializatore di prima trinca, si fece cunnosce incù  « L’ochji negri »  incù Marcello Mastroiani, è  dinù incù « Urga », Lione  d’oru in  Venezia in 1991 è  ben’intesu incù « Sole ingannatore » grande premiu di  u ghjuratu di u  festivale di Cannes 1994 è  Oscar  di u  filmu Strangeru 1995.







Ma  hè  soprattuttu  di  « U  barbieru  di Siberia » ch’è no  vulariamu parlà, per prisintà un  filmu di  trè ore, una storia  d’amore, in  la  grande  tradizione di l’affrescu  storicu, una  spezia  di duttore Jivago mudernu.



A storia  saria troppu longa  à  cuntalla, hè un scenariu assai uriginale attempu comicu è tragicu, incù qualcosa  di  frescu nun sia  cà  per via  di u  fattu ch’elli ùn sianu micca cunnisciuti  l’attori.
Cambia appena di  tutte  ste  chjocche amiricane abbituale,  è  face prò, permette  ancu  d'entre  ancu di più inde  u filmu.
Un  bellissimu  filmu, da veru.

Eccu u  principiu, a campa per quelli chì ùn  capiscenu micca l’inglese ch'elli ci  sianu i  sottutituli in  russiu… risa  lingua



Dui  fratelli, dui  rializatori  à  scopre  per  quelli  chì ùn li  cunnisciarianu  ancu, incù un puntu cumunu, onnipresente in li so  filmi : a puesia,  nulla di  stunante  quand’ellu si sà  ch’elli  sò figlioli  di puetu -  u babbu Sergueï Mikhalkov, hà  scrittu l’innu russiu.
Inquant’à  e  fiure, ci hè dinù  u  razzinu postu ch’elli sò puffiglioli  di  pittore ( Piotr Kontchalovski). ditone  salutu2


__________________________

note:

(1) Chì   spartia  l'affissu incù  Harvey  Keitel in Duellist, un veru  capu d'opara  di Ridley  Scott – vi ne parlarà Ghjuvan Filice s'ellu  vole.
(2) O nanzu  sicondu ch’omu parli di  sinemà o  di  storia, u  filmu di Cimino essendu di 1978 è quellu di  Kontchalovsky di 1984.


Dernière édition par Circione le Ven 30 Sep - 18:46, édité 1 fois
Revenir en haut Aller en bas
SERRA

SERRA


Messages : 994
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyMer 21 Mar - 12:04

bella e documentata a to cronaca o circiò ditone , so i nostri "quaterni di u sinemà" (cun video in più).
quella di u Potemkine , certu era propaganda ma cusì espressiva . è sempre un piacè di rivedellu .
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyJeu 22 Mar - 0:53

Una bella cronica da veru. Quì mi campu.

Iè, s'e' t'aghju u tempu parlaraghju di i filmi chì tù dici, di Cimino è di Ridley Scott.

Deer Hunter, li rindiu umaghju à a me manera in un rumanzu... s'e' ritrovu u passaghju u mittaraghju quì.

https://isula.forumactif.com/t152-the-deer-hunter-mickael-cimino#974
Revenir en haut Aller en bas
Circione

Circione


Messages : 2212
Date d'inscription : 27/02/2012

I fratelli Mikhalkov-Kontchalovski  Empty
MessageSujet: "L'amanti di Maria", Maria's lover in VO incù i sottutituli in corsu.   I fratelli Mikhalkov-Kontchalovski  EmptyJeu 22 Mar - 8:30

Eccu, per quelli chì ùn capiscenu micca l'inglese, si pò vede avà a scena di l'affaccata di Clarence incù i sottutituli in lingua nustrale. cheers




(traduttore traditore? lingua )
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyJeu 22 Mar - 17:26

Circione a écrit:








Hè propiu interessante ciò ch'ai scrittu. Sò belli documenti quelli ch'ai messu sopra tuttu u primu (per mè ben intesa). Al di là di a dimensione linguistica* a to cronica hà a qualità d'amparà parechje cose à baulle di u mo generu. Facciu dunque a pruposta d'accurdà ti u titulu bramatu di Petru Cernia di u net corsu Rolling Eyes cyclops 👅
U primu strattu hè una maraviglia per quelli chì s'interessanu à i vechji filmi o simplicemente à u sinemà. Ci hè una forza è una bellezza in ogni fiura, un sensu di a fotografia chì m'hà stunatu assai, sopra tuttu quandu omu pensa ch'ellu data di u 1925. Senza mezi, senza una parolla ci hè una emuzione tremenda in sta scena.


*Forse a to scelta ùn hà da micca piace à tutti per via di stu mischju trà lingua corsa è un sugettu ch'ùn tratta micca di a nostra cultura. per contu meiu ghjè quandu leghju scritti cum'è u toiu o quelli di Ghjuvan Filici chì a sentu campà ancu di più a nostra lingua...


Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyJeu 22 Mar - 17:35

Circione a écrit:




traduttore traditore è ancu appena mittò risa
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyJeu 22 Mar - 17:57

risa

Mi so abbuchjatu tutta sta scena parchì mi dubbitaiu d'un affari cussì.

O Cernia, t'abbracciu ! A siccu !

A cernia in corsu, ùn hè u "merù" ? :suspect:
Revenir en haut Aller en bas
Circione

Circione


Messages : 2212
Date d'inscription : 27/02/2012

I fratelli Mikhalkov-Kontchalovski  Empty
MessageSujet: Chjamatemi Petru Cernia.   I fratelli Mikhalkov-Kontchalovski  EmptyJeu 22 Mar - 19:34

Iè hè vera chì sò statu ublicatu à mudificà una passata chì ùn si sintia micca troppu bè

Ma s'è vo capite ciò ch'ellu dice quand'ellu parla incù a bocca piena cambiu u sottutitulu di i donnuts risa .

Pè u restu mi pare d'esse statu fidu assai à u spirdu d'Andreï Kontchalovsky.
salutu2



(PS: sta Nastassja era un colpu d'antulugia Wink )


Missagiu privatu per tè o Ghjuvan Filì:
Ciò chì mi face piacè hè chì da l'avà ùn ai ancu a tecnica per appiccicà i sottutituli...
dunque aspettu incù serenità e to prossime cronache. 👅
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  EmptyJeu 22 Mar - 20:44

MP to a Cernia :

O spezia di alien è di porcu appaghjatu à un salutu missu da un banana chì suchji i elephant è chì di notti ti vesti da basgiu sunniendu di fatti smuntà da quissu afro ... nò, hè vera, ma aghju da truvà un altru mezu, ùn t'inchiità ! musica
Revenir en haut Aller en bas
Contenu sponsorisé





I fratelli Mikhalkov-Kontchalovski  Empty
MessageSujet: Re: I fratelli Mikhalkov-Kontchalovski    I fratelli Mikhalkov-Kontchalovski  Empty

Revenir en haut Aller en bas
 
I fratelli Mikhalkov-Kontchalovski
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Cultura :: Sinemà-
Sauter vers: