pesca à a murena

Pà i tradizioni ùn cunteti troppu annant'à mè, ma pà a natura, a caccia o a pesca, ugnitantu vi pudaraghju caccià calchì resu contu d'una surtita.

D'altrondi certi volti, u fattu ch'e' sii u più gran braccunieri di a Tarra, t'avarà calchì raportu cù i pratichi anziani.

Par esempiu chì hè u sicretu pà chjappà à colpu sicuru una murena cù una lenza morta ? Vi lacu rifletta è sì nimu dici nudda, daraghju a suluzioni...

A docu a suluzioni, parchì a socu bè chì i trè quarta di i membri di 'ssu foru ci capiscini in i mureni quant'è ghje' ci capiscu in i granituli (ùn ci hè chè à veda a fottò di prisintazioni par sapè, quì, l'attichju generali di u mari ).

Dunca : pà piscà una murena,ci voli di metta una lenza morta in i scoddi. À l'amu u meddu hè di metta un pezzu di pulpu. Ma par essa sicuru di u so colpu, u pulpu ci voli à fallu brusgià un pocu annant'à un focu di muredda.

Iè, di muredda. Brusgiata. È quì a socu ch'e' m'attirgu l'odiu di tutti i fanatichi d'ogliu iscinziali.

ùn dumandu micca ciò chì si ne face di sta murena :suspect:
innò ùn dumandu micca...

Muzzucanu a écrit:

dumandu quantunque :affraid: ...si manghja sta mullizzeria? è cume?

In Mirvella, ni facini un altru usu chè a cucina, a sapemu.

Ma puri a murena hè un pesciu famosu, hè simpliciu à scucinà.

Ci voli à taddalla in parichji fitti, micca troppu spissi, è passalla tali è quali in a farina.

A peddi ùn si caccia micca, chì sì di nò hè unu sprupositu.

È dopu in a padedda, in l'oliu buddenti, com'e' facciu eu pà i truiti, esattamenti.

Sali è pevaru è basta.

Certi aghjunghjini a salza di i pumati, ma à mè ùn mi piaci micca, po' trovu ch'hè più nicissaria pà u gruncu, ch'hè menu finu chè a murena.

Eccu...

Un' altra volta vi cuntaraghju com'è i tumbu 'ssi purcarii, quandu i cacciu vivi da l'acqua... ma sarà quandu Ruclinonu Solechjari hè chjinatu. :affraid:

Muzzucanu a écrit:

In Mirvella, ni facini un altru usu chè a cucina, a sapemu.

Ma puri a murena hè un pesciu famosu, hè simpliciu à scucinà.

Ci voli à taddalla in parichji fitti, micca troppu spissi, è passalla tali è quali in a farina.

A peddi ùn si caccia micca, chì sì di nò hè unu sprupositu.

È dopu in a padedda, in l'oliu buddenti, com'e' facciu eu pà i truiti, esattamenti.

Sali è pevaru è basta.

Certi aghjunghjini a salza di i pumati, ma à mè ùn mi piaci micca, po' trovu ch'hè più nicissaria pà u gruncu, ch'hè menu finu chè a murena.

Eccu...

Un' altra volta vi cuntaraghju com'è i tumbu 'ssi purcarii, quandu i cacciu vivi da l'acqua... ma sarà quandu Ruclinonu Solechjari hè chjinatu. :affraid:

Mi dumandu, sinceramente, cosa si puderia dì quì, di ancu più "trash", ch'e in Mirvella.

Per avè un'idea di u gustu, s'assumiglia à quellu di l'anguilla?

u ghjudice a écrit:

Per avè un'idea di u gustu, s'assumiglia à quellu di l'anguilla?

Innò... ghje' prafiriscu l'anguidda, ma a murena ùn la so à chì s'assumidda... t'hà forsa calcosa di u baccalà - frittu - o di 'ssu pesciu chjamatu u "colin" in francesu.

Ma hè dura di paragunà.

una volta, u mio babbu ha pescatu una murena per furtuna dentru un nassone ..pe' tombà la, ha piantatu un curtellu (opinel!!!) in collu.
A bestia era deliziosa!

Muzzucanu a écrit:

Ma par essa sicuru di u so colpu, u pulpu ci voli à fallu brusgià un pocu annant'à un focu di muredda.

Ùn vengu micca qui par fa cacà unipochi di piscadori di bigonzuli, ma par di chi u dentice di 6 Kg ch'è frappò ultimamenti era cu un pizzateddu di porpu affumaticatu à a scoppa fresca. (à chi mi senti l'hà 'ntesa!)

A fottò ! A fottò di u denticiu o allora ùn la credu !

Piripì a écrit:

Muzzucanu a écrit:

Ma par essa sicuru di u so colpu, u pulpu ci voli à fallu brusgià un pocu annant'à un focu di muredda.

Ùn vengu micca qui par fa cacà unipochi di piscadori di bigonzuli, ma par di chi u dentice di 6 Kg ch'è frappò ultimamenti era cu un pizzateddu di porpu affumaticatu à a scoppa fresca. (à chi mi senti l'hà 'ntesa!)

bravu o Piripì!
u dentice hè altru cà a murena


Eiu a murena a lasciu à Muzzucanu.

Muzzucanu a écrit:

A fottò ! A fottò di u denticiu o allora ùn la credu !

Tè, ùn hè micca un cazzu marinu quissu mi...

Mancu ci credu. Ha fattu ruzà à Google !

Ti pararà...

Pà piscà a murena, andeti in i scoghji, apritivi i veni è lasceti corra u sangui. A murena hà da vena.

CazzuMarinu a écrit:

Pà piscà a murena, andeti in i scoghji, apritivi i veni è lasceti corra u sangui. A murena hà da vena.

o Piripìmarinu rimetti puru u to avataru ti andava propiu ben

Tutti l'avatari di u mondu ùn puderanu micca caccià l'amori ch'aghju par tè.

venendu d'un cazzu marinu mi tocca assai