Ti scrivu à tè, fratellu paisanu Per ditti quantu hè tristu lu me core, Ti mandu assai suspiri è ti porgu la manu Ma dammi torna tù un segnu d'amore Voltati versu mè, t'aspettu à lu veranu Ùn lascià più, fratellu, u tempu corre Avvicinati à mè, ùn stà luntanu
Ùn dorme più tranquillu è spenseratu Quandu si chjode a porta di a prigiò Digià fratellu nostru hè imprigiunatu Per avè solu dettu è cun ragiò: "Vogliu stà in terra corsa, induve sò natu È per fà piazza à l'altri ùn mi ne vò Chì vive è more corsu, mi sò ghjuratu!"
Avveniti a dulcezza di a nostra mamma È lu so core sempre in alegria Oghje di tanti strazi ella si lagna Elli dicenu: "Ame è cusi sia!" Tù ùn poi lascialla more cum'è una cagna Falla per cumpassione, torna una cria Chì per l'ultima volta ella ti chjama
Ma s'è t'ùn faci prumessa è quì ùn ritorni Ùn sunerà chè dolu u campanone Ùn viderai mai più fumà i forni A panca serà nuda, spintu u fucone Truverai strangeri in li cuntorni È senza fiori in manu ma lu bastone Pensu ch' averai capitu i mo frastorni
Circione
Messages : 2212 Date d'inscription : 27/02/2012
Sujet: Re: I Muvrini Mer 16 Mai - 16:59
Vince per ùn more
Eri curria un fiume quindi Ùn si ne scordi mai nimu Quant'ellu carriava à limbu Omi in dinochje è capighjimbi
Babboni zimbi d'oppressione Travagliadori li sfruttati È giovani sparamundati Cun quelli senza stentapane
Oghje corre oghje corre U fiume chì và Vince per ùn more, hè fiume unità Vince per ùn more, hè fiume unità
U nostru fiume corre unu A sbuccà in li ghjorni più chjari D'omi è di donne core pari Uniti in lu vulè cummunu.
L'avvene ci aspetta bramosu Di populi senza catene Cun elli ci seremu à tene Un mondu ghjustu è generosu.
Oghje corre oghje corre U fiume chì và Vince per ùn more, hè fiume unità Vince per ùn more, hè fiume unità
Parolle: GT Rocchi Musica: GF Bernardini
Erbaghju
Messages : 482 Date d'inscription : 29/02/2012
Sujet: Re: I Muvrini Mer 16 Mai - 21:33
Venite incu me
Vi ne vurria parlà Di 'ssu paisolu Appesu à e cime,
Cum'è un agrottu di furtuna Cun sempre l'aghja testimone Duve famiglia un hè chè una Di notte pagna à lu lampione Straziendu vita à tutte l'ore Sai l'angoscia à dorme fora
Dai fiatu più chè pena Sì marinu chi sumena
Cum'è un paese clandestinu Tu si rifughju di l'alpana Ai rumenzulu mal caminu Un stagnarone per funtana Ci campa omu ma perche Ci campa omu d'ùn so chè
Dai fiatu più chè pena Sì marinu chi sumena
Cum'è un paese citadella Cum'è un paese ricanfortu A l'infinita faci stella Chì d'esse compru megliu mortu Ma lu to raggiu trova via Cù la to ghjente in armunia.
Dai fiatu più chè pena Sì marinu chi sumena
Cum'è un paese muritoghju Si paradisu purgatoriu In lu caminu sudatoghju Prima sunatu lu murtoriu Cun tè fratellu petre in manu Per l'inghjustizia è lu furdanu.
Chi diceranu i lindumani i nostri cori paisani cumu faranu e cuscenze à tuvà d'altre pacienze chi lascieremu à i figlioli e nostre pene i nostri doli
A notte porta u penseru è ci disceta l'addisperu cumu faranu i nostri amori à suminacci d'altri fiori chi truveremu cum'è scusa à u presente chi ci accusa a vita qui hè digià dura oghje ci vene a paura
Si stanu zitte e ferite e soca voi ùn le sentite chi ci tumbate tante brame chi fate pienghje e nostre Mamme un ghjornu eo è I'altru tù i nostri sogni à corpu insù i nostri cori ùn ponu più un ghjornu eo è l'altru tù
ci amparavete la strada è lu gestu aggalabatu a sera ci addurmintava a vostra parulla brava ci amparavete l’onore u curagiu è lu duvere à lu fronte lu sudore è tutte le cose vere è u tempu và è u tempu và è u tempu sà s’è la mancava una spera mezu à faccende è bisognu truvavete la manera d’un calpighjacci lu sognu cusì campavete ritti u vostru viaghju umanu fermanu l’amori scritti in lu libru paisanu è u tempu và è u tempu và è u tempu sà
Babbu chittava l'ortu per fà u mulatteru Era mille faccende u soiu lu mistieru E' Mamma di noi altri avia lu penseru
A soia a richezza era di pudè dà Un basgiu una carezza per a felicità Ùn c'era tanti vezzi chì ci vulia à cuntà...
Si natu paisanu, è eiu cum'è tè I strazi l'ai in manu à campà male è bè À campà male è bè
E' quelli di dumane, eo li laziu Lu venga lu veranu più prestu chè cusi più prestu chè cusi
Era sempre zitellu è mi n'andava à corre Appressu l'animali facia lu pastore E' Mamma mi dicia ch'eo era u so fiore
Un ghjornu tramindui sò partuti in viaghju Ùn hè mai vultatu più u mese di maghju E' solu i ricordi mi detenu u curagiu
Aghju cercu l'avvene è ùn l'aghju truvatu Ancu ellu di noi altri appena s'hè scurdatu E' puru campà di più ùn hè micca peccatu
Si natu paisanu è eiu cum'è tè I strazi l'ai in manu à campà male è bè À campà male è bè
E' quelli di dumane eo li laziu Lu sia lu veranu più bellu chè cusi più bellu chè cusi
Sumenta
Messages : 2052 Date d'inscription : 25/02/2012
Sujet: Re: I Muvrini Ven 13 Juil - 9:06
Senti u Niolu
Una chjesola Un campusantu A vechja scola Stà chjosa à cantu A vitriola Ci nasce nantu
Una casetta À a sulana Una vechjetta À a funtana Face una arretta A meridiana
Veni o figliolu Andemu à veghja Senti u Niolu Chì trimuleghja Hè Pampasgiolu Ch'impruviseghja
Un chjassitellu Una vadina Di pancastrellu Crosciu à mullina Corre un zitellu Pè a chjarina
L'aghja impetrata I so baroni U tribbiu guardia Si stà pensoni Hè muta a piaghja Senza patroni
Veni o figliolu Andemu à veghja Senti u Niolu Chì trimuleghja Hè Pampasgiolu Ch'impruviseghja ...
MV Acquaviva/GF Bernardini
Sumenta
Messages : 2052 Date d'inscription : 25/02/2012
Sujet: Re: I Muvrini Ven 13 Juil - 9:18
Inseme
Simu ingrandati inseme Cum'è matina è sole Duve ch'o ci era eiu ci ere tù Quand'hè venuta l'ora Di diccilu l'amore S'hè apertu lu fiore giuventù
Dumane ti ne vai Ne trincanu e to strade I toi l'anu decisa cusì A nostra vita ormai Averà stonde amare Anch'ella e so ferite à guarì
Ùn ci ne vale pienti Ne ricumandazioni A luntananza tomba ogni vulè Morenu in li silenzii E più grandi passioni Ùn torna ch'è fulena u piacè
Si n'hè vistu digià Innamurati à bastanza Si n'hè vistu digià Maladì a spiccanza
Ma simu sempre à tempu Di metteci à palesu U nostru amore tandu ingrandarà Li daranu accunsentu À ciò ch'era difesu Quelli chì ci anu vulsutu spiccà
Sò torna celu immensu Quelli ochji ammachjati I to basgi mi dicenu di sì I ci femu stasera I più belli viaghji Demu vita à u sognu natu quì
Quand'è no vultaremu Coppiu di fughjiticci U paese addunitu cantarà I toi cù i mei Senza più fà caprici Si metteranu anch'elli à festighjà Emu da campà Emu da campà Emu da campà Inseme...
G.ROCCHI G.F.BERNARDINI
Sumenta
Messages : 2052 Date d'inscription : 25/02/2012
Sujet: Re: I Muvrini Ven 13 Juil - 9:26
Amareni
A mezu à tutti i fiori d'amore Quand'elli s'aprenu fattu l'albore Era quellu annacquatu d'un licore Mandatemi una mane per favore
Mi fece sbuccià in capu e centu vite E dede un altru sensu à le mio lite Fù per mè cum'è un anellu à le dite E lu balsamu di e mio ferite
E mio ferite E mio ferite
Ma quant'elli ci portanu di guai U sintimu prumessu e l'oramai È cum'ella he greve la veritai Ne la sapie ne forse la sai
U sente ancu oghje u to calore in pettu Quellu chì s'hè fermatu a core obbiettu Quellu chì ti tuglia ogni difettu È chì ùn capia ch'è l'amore schiettu
L'amore schiettu L'amore schiettu
Sarà stata scritta in qualchi locu Chì un ghjornu piantereste lu to ghjocu Ch'ellu si spinghjerebbe lu to focu Fermerebbe una storia è cusì pocu
Ma d'altri cum'è me ti diceranu Quant'ellu scalla u sole luntanu Quant'ellu pienghje u ventu veranu E face trimulà u core umanu
U core umanu U core umanu
Contenu sponsorisé
Sujet: Re: I Muvrini
I Muvrini
Page 1 sur 1
Permission de ce forum:
Vous ne pouvez pas répondre aux sujets dans ce forum
Accueil 
