L'ascinzione hè celebrata quaranta ghjorni dopu à pasqua. Casca sempre un ghjovi.
L'ascinzione"U ghjovi di l'ascinzione ùn si travaglia micca in Francia (è ind'è parechji paesi auropei fora di a Spagna, l'Italia, a Grecia, u Purtugale è l'Ungria.
L'ascinzione hè u ghjornu induve u Signore hè culatu in lu celu sottu à u sguardu di i discipuli.
In Corsica ci sò parechje cridenza in giru à l'ascinzione.
A pratica a più spartuta hè quella di l'arba di l'ascinzione, chjamata l'arba santa. L'arba santa hè un'arba chì cresce in i lochi umidi. Deve esse colta cù a so radica a mane di l'ascinzione nanzu chì u sole si sia pisatu o nanzu chì un raghju di sole l'abbii tocca. Dopu hè messa in casa (senza tarra ne acqua) è fiurisce! S'ella ùn fiurisce micca hè gattivu segnu per a famiglia, annuncia una malatia, un mortu o una disgrazia nanzu à u prossimu annu.
Si dice dinù chì l'ovu fattu u ghjornu di l'Ascinzione ùn merza micca. Si pò tene iss'ovu sin'à l'annu dopu, si secca mà ùn merza micca.
Pò si dice chì issu ghjornu ùn si deve fà nunda di particulare. Ùn si travaglia micca, manc'à pena, ne travagliu in casa, ne fora. È pò ùn si deve micca cosge parchì si dice chì i mazzeri ponu vede u filu cusgitu à l'Ascinzione è ch'elli ci s'appitticanu pà piglià l'anima di quellu chì u porta."(A.M Altieri)
L'ARBA DI L'ASCINZIONE - L'ERBA DI L'ASCINZIONE
"St'arba hè chjamatà ancu : risu o uva canina.
A mane di u ghjornu di l'Ascinzione innanzu ch'ellu surtissi u sole, e donne andavanu à coglie l'arba di l'Ascinzione. Iss' arba vene in li muri, annantu à i
scogli.
"L'arba secca era brusgiata u Sabatu Santu incù l'ovu di l'Ascinzioni, i rami
d'alivu è i palmi. A mani à nov' ori s'accindia u focu accantu à a casa, si mittia tuttu in drentu è si ni facia trè volte u giru" (Taravu)."
(© "Arburi, arbe, arbigliule", Savoirs populaires sur les plantes de Corse)
Accueil 
