I messageri

una di e canzone chì riesce u megliu à dì u dulore ch'ella pruvuchechja sta spiccanza.
un testu è una musica chì mancavanu à quelli ch'ùn ponu micca sprime stu dulore.
(un ringraziu tamantu à Capicursina per sta scuperta)





Manc'un addiu

Un aghju manc'appena durmitu
Sentu qualcosa d'indefinitu
Eppo issa chjama m'hà feritu
L'oimè in casa s'hè fattu nidu

Lu mio core hè marturitu
Chì di lenzolu sì ingutuppatu
In una stonda sì partutu
O tù figliolu, u mio solu meritu

È ti ne sì andatu
È ti ne sì andatu

Mancu un addiu, ghjustu pienti è caternu
Ch'aghju lasciatu partendu à l'eternu
È tù o Bà, amore à sempiternu
Mi mandi basgi da distrughje l'infernu

Pettu di Babbu, senu di Mamma
Cari di voi, erate la mio fiamma
La mio anima è la mio brama
Si cunsumanu ind'una lacrima

Ma mi ne sò andatu
Ma mi ne sò andatu

Cum'è isse stelle fiurite
A long'à isse strade indulite
Piengu accantu à isse sculpite
Ricordi di giovane vite

Ma dimmi perchè tù ?
È l'altri dinù ?
È ti ne sì andatu

A mio lettera
(Marc Ventura / Fabrice Andreani)



Dopu tant'anni ti vogliu scrive
Da cuntà ti lu mio viaghju
Dà ti nutizie da l'altre rive
È l'ora quandu vulteraghju

Hè statu longu u caminu
Ma sempre listessa pena
Pare stampatu u destinu
Mi n'arricordu di a to lena


A mio lettera hè d'inchjostru
Dui filari d'amore nostru
Pè dì ti ch'o ti tengu caru
À chjar' di luna à celu chjaru


Ti vogliu scrive dopu tant'anni
Da cunfessà mi una volta
Sò crosci intinti li mio panni
Po a vita a m'anu tolta

Ùn sò più s'ella gira l'ora
S'ellu hè l'invernu o lu veranu
Ma face sempre u fretu fora
In fon'di core dà mi una manu

È s'ell'ùn c'era lindumane
(Henri Olmeta / Fabrice Andreani)


Per ditti o bà quantu sò fieru
Di ciò ch'è tù m'ai amparatu
Per ùn cunosce l'addisperu

Cume spiecatti à tè o mà
Chì tutte le mio stonde strane
Mi l'ai fatte supranà
È s'ell'ùn c'era lindumane

Per divvi tuttu lu mio amore
U trimuleghju di le mio mane
A pena amara di lu mio core
È s'ell'ùn c'era lindumane

Figliola à sparte cun tè
È asciuvanne le to lacrime
Da ch'è tù ridi à più pudè

Figliolu per esseti à fiancu
È appaccià li to affanni
I ghjorni chì eiu ti mancu
È s'ell'ùn c'era lindumane

Per divvi tuttu lu mio amore
U trimuleghju di le mio mane
A pena amara di lu mio core
È s'ell'ùn c'era lindumane

Cume dittila franca è chjara
Sì l'acqua di le mio funtane
Sempre ti vogliu tene cara

È isse stonde à sparte cun tè
À cunghjurà ogni malanni
Per fà chì ognunu campi bè
È s'ell'ùn c'era lindumane

Per divvi tuttu lu mio amore
U trimuleghju di le mio mane
A pena amara di lu mio core
È s'ell'ùn c'era lindumane

U figliolu innamuratu
(Yannick Gerin / Fabrice Andreani)



Sò un figliolu innamuratu di tè, a mio terra
Ti mandu un aiutu, un abbracciata

Tutti i to pienti, i to dulori sò cum'è muti
Tanti lamenti chì sò stati vani


Ti porghju a manu è a mio canzona
Chì sentu i to guai à mez'à a calmana
A mio libertà si chjama Corsica


Vogliu varcà i sunniacci di a mio terra
Tante cunfine chì sò ferite

Mi balla in core la filetta a l'inspensata
Cum'è un sonniu di speranza


S'ellu hè peccatu di teneti cara
Tandu a sorte ùn hè troppu amara
A mio libertà si canta Corsica