Chì vole dì?

Chì vole dì "latiatu" in l'infrasata "latiati à parcheghji smisurati"?

Salute à tè o Isulà

Ùn ne sò sicura sicura, ma pensu quantunque chì 'ssa parolla puderebbe vene da a parolla "latu" chì dà "à làtere = laterone = in lateroni" = sur le côté è dinù "latighjà" = longer, caboter

In cunsequenza eccu ciò ch'eo prupongu pè l'infrasata pruposta :
'latiati à parcheghji smisurati' vulerebbe dì à pocu pressu : flanqués, longés de parkings aux contours démesurés

Ma mi possu ancu sbaglià ! :oops:

Ghjurnata bella bella

cunnoscu "alatatu" ma ch'un hà micca listessu sensu , secondu tutta logica deve esse cume tu dici .

À ringraziavvi tutti i dui! À bona sera!

cunniscite sta parolla : a sciondara? (sciòndara)

un amicu niulincu m'hà dettu chì quand'ellu era giuvanottu una vechja zia li dicia "voli vene à piglià una sciondara?" parlendu di u caffè.

"a sciondera" a dimu ancu noi ma è impiecatu piuttostu cu un sensu peggiorativu (o in tuttu casu ironicu), serebbe un "succhju di calzetta" ..

Dice Infcor :

sciòndera o sciòndara = acqua di a bucata di cènera - fig. : beienda senza sapore

ha ha dunque a zia avia una gattiva upinione di u so talentu à fà u caffè?

In Currà (Taravu) contanu chì in tempi di azzuffi contru à i "Mori" u paese di Zevacu avia chjamatu u paese vicinu Currà à u succorsu cusì : " attraghjiti o Currà chì Zevacu ùn ni pò più"

cunniscie sta parolla?

Addisperata a écrit:

In Currà (Taravu) contanu chì in tempi di azzuffi contru à i "Mori" u paese di Zevacu avia chjamatu u paese vicinu Currà à u succorsu cusì : " attraghjiti o Currà chì Zevacu ùn ni pò più"

cunniscie sta parolla?

"attraghje" vole dì : accorre (accourir). Tandu vene più chjaru u sensu, vene ùn hè ?

Per oghje scialàtevila è guardàtevi ch'ellu ùn vi movi spenseratu u ventu à gratu soiu chì in Bastìa stamane hè pròpriu scatinatu l'ambrascu, piombu hè !!!

di sfughjita a écrit:

Addisperata a écrit:

In Currà (Taravu) contanu chì in tempi di azzuffi contru à i "Mori" u paese di Zevacu avia chjamatu u paese vicinu Currà à u succorsu cusì : " attraghjiti o Currà chì Zevacu ùn ni pò più"

cunniscie sta parolla?

"attraghje" vole dì : accorre (accourir). Tandu vene più chjaru u sensu, vene ùn hè ?

Per oghje scialàtevila è guardàtevi ch'ellu ùn vi movi spenseratu u ventu à gratu soiu chì in Bastìa stamane hè pròpriu scatinatu l'ambrascu, piombu hè !!!

vi ringraziu. l'avia capita cusì


ma hè aduprata sta parolla, oghje?

Avà chì si parla di muneta corsa, cunniscite è aduprate quessa : "i sghei" ? (les sous, l'argent)
in chì rughjoni?

quandu dici "hai i sghei ?" è per parlà d'una manera un pocu "triviale" di i soldi . ma mi pare ch'elli a dicanu ancu in talianu , forse à l'origine designava una muneta precisa .

Ghjallochju a écrit:

quandu dici "hai i sghei ?" è per parlà d'una manera un pocu "triviale" di i soldi . ma mi pare ch'elli a dicanu ancu in talianu , forse à l'origine designava una muneta precisa .

à mè_ m'anu dettu ch'ellu vene da u genuvese... (?)

Addisperata a écrit:

cunniscite sta parolla : a sciondara? (sciòndara)

un amicu niulincu m'hà dettu chì quand'ellu era giuvanottu una vechja zia li dicia "voli vene à piglià una sciondara?" parlendu di u caffè.

Cunnoscu subratuttu a sciòldara, ma vi lacaraghju truvà u sensu...

Salute à tutti

chi vole di a parolla polloni per piacè ? ùn aghju micca trocu nantu à u situ di l'infcor è vene di una puesia di Versini chi mi piace assai : " I polloni mirondonu e so rame ", M'innamoru


à ringrazià vi

ghjiseppa a écrit:

Salute à tutti

chi vole di a parolla polloni per piacè ? ùn aghju micca trocu nantu à u situ di l'infcor è vene di una puesia di Versini chi mi piace assai : " I polloni mirondonu e so rame ", M'innamoru


à ringrazià vi

Sò i castagni, quandu sò ghjovani, ma hè rilativu. Par mè hè un castagnu (puddonu, vinarà da puddu, pollen in francesu ).

........ So una baulla, ùn aghju capitu o vistu .... eiu dicu u pullone ... Era faciule à capisce ... chi vergogna !


AHAHAHAAH, à ringrazià ti !

Ghjuvan Filici a écrit:

Cunnoscu subratuttu a sciòldara, ma vi lacaraghju truvà u sensu...

un cunniscia micca sta parolla ma pensu d'esse ghjuntu à localisàlla geografficamente (e senza GPS)

In a canzona di Dèdè Nòbili chjamata "A ballata di Mattea", ci hè a parolla 'murnaghje' :

[... Ùn farei più sunate à u sole di e murnaghje ... ].

Chì vole dì ?

A signu ghjornu e so dumande , eccune duie :

- chì vulerebbe dì :

# "capelli pettinati à chjuchjùrullu"

# "Ci era sanguinelli è buzzò, cotti à focu dolce."

di sfughjita a écrit:

A signu ghjornu e so dumande , eccune duie :

- chì vulerebbe dì :

# "capelli pettinati à chjuchjùrullu"

# "Ci era sanguinelli è buzzò, cotti à focu dolce."

esse pettinata à chjuchjurullu vole di fà un torchjulu cù i capelli.
noi in Capicorsu dimu "ciucciurullu"

Chì sensu date à a parolla CATTULU ?

Per me, quandu una persona passa senza fà rimore, senza parlà, si dice ch'ella passa cattula cattula.

Invece INFCOR dà cume definizione à CATTULU : "réceptif, sujet à"...

Sperenza a écrit:

Chì sensu date à a parolla CATTULU ?

Per me, quandu una persona passa senza fà rimore, senza parlà, si dice ch'ella passa cattula cattula.

Invece INFCOR dà cume definizione à CATTULU : "réceptif, sujet à"...

cunnoscu "scatulitu" , ma un mi pare avè olcun raportu ...
altrimente per passà senza fà rimore noi dimu "ciattu ciattu"

Hè ghjusta, in certi lochi dicenu "ciattu ciattu".

Ci hè dinù a spressione "mutu è ciattu" : "Eiu mi stava mutu è ciattu/è sentendu la so voce fiera/
di più ch'un lagnu era preghera/perchè dicia : ch'avete fattu ?" (canzona Dispacci di l'altru mondu).

Ind'è noi dimu, quandu unu ùn ci garba : ma da induve serà scatulitu quessu ?