Buuummmm!

Ai riscrittu tuttu in furia, in più di què.

Ruclinonu Solechjari a écrit:

Ai riscrittu tuttu in furia, in più di què.

"Ce que l'on conçoit bien s'énonce clairement,: Et les mots pour le dire arrivent aisément."
Nico Beielacqua*




* simu nant'à un foru in lingua corsa quantunque

petra alta a écrit:

Isulanu a écrit:

Lasciu da cantu u sughjettu di l'utilità di u pacchettu, di a so legittimità oghjinca o puru passata, avemu u tempu di riparlanne.


Ma sta volta ùn spartu u vostru parè mancu appena.
Ci hè una vera scelta di sucetà à fà in Corsica è stu FLN (postu ch'elli sò parechji, è hè forse un bè ch'ella sia cusì), senza vultà nant'à a so legittimità o nò à falla, l'hà fatta.
O si vole sveglià i paesi, sorte di una cultura di u parè, di a sbacca è di a "beaufitude" ; o si vole ricusà l'acconciu centralistu di u nostru paese, mette in ballu una autunumia alimentaria, parà una logica cunsumerista è di sottumissione à u soldu (diventatu u scopu ultimu), ricusà d'esse i schiavi di u capitalisimu mundializatu è di l' "oligopoles", inventà una ecunumia nova fatta di pruduzzione, allenà a strinta chì asservisce (è chì certe volte face ancu vutà), scaccià fora maffie è clani. O allora si pienghje Michel-Edouard Leclerc è i so magazeni, simbulu supremu di a decadanza di u nostru populu.

Questu Fronte, ellu, hà sceltu.
Allora, ùn sciaccamaneghju micca, ma ùn aghju da pienghje u mondu di u centru cumerciale.

capiscu u to parè, a logica cunsumerista, l'oligopoles, a brama d'autunumia alimentaria è u spartu ancu d'una certa manera.
pensu chì quandu omu tene cara i so lochi è a so ghjente ci vole à luttà contr'à tuttu què. hè ciò chì vulerebbemu tutti, sta forma d'indipendenza. duverebbe fà parte di una manera di cuncepisce a vita, di una "filosoffia" ch'ùn anderebbenu micca in u sensu scemu di stu capitalisimu mundializatu cum'è u chjami.
ma ci sò i sogni è ci hè a realità. simu mignoculi noi (cf. sezzione fottò ) in st'ecunumia mundiale. pudemu ricusà certi di i so aspetti ma micca tutti. ci vole à campà. pudemu fà saltà quant'è no vulemu Leclerc, casino, decathlon è quick, elli anu da campà è cuntinuà e so attività è noi emu da esse in a merda...solu noi.

a suluzione ùn hè micca di pruvà à fà scambià cumplettamente u sistema. solu u 21.12.2012 a puderà fà
simu schjavi è per un mumentu torna emu da esse schjavi perchè chì tutta sta manera di campà ci hè piaciuta sin'à avà. l'emu scelta. aprimu l'ochji hè vera, ma micca tutti è appena troppu tardi...u sistema ùn puderà micca splusà, dunque ci vole à utilizà lu. deve diventà un appoghju per limità u so putere è sta cumedia generale.

ci sò i decathlon è i leclerc in Corsica => impiegati corsi è prudutti corsi (bon per u decathlon hà da esse appena dilicatu )
e scole dipendenu di u statu francese => ghjuvemu ci ne per fà cunnsoce a nostra lingua è a nostra storia à a nostra ghjuventù.
ecc.


una ultima cosa: parechji sò i conni nustrali à avè un cummerciu ch'ùn porta micca un nome pinzutu o stranieru, ma chì ci piglianu à a cannella pratichendu prezzi scemi per parte dopu à fà u ski in Courchevel, brunzà si e cule in Bali è spende i so nostri soldi in cuntinente per e soldes.




eccu
(valia u colpu nò? :affraid: :oops: )

Prima, l'independenza alimentaria o l'ubligazione di u corsu à a scola ùn ponu vene chè da una vuluntà populare è pulitica, l'una quant'è l'altra. È per contu meiu, ùn sceglieraghju trà l'una o l'altra, sò per e duie è basta. Aghju u ricordu di JC Adami (iè torna ellu ) chì dicia : "a lingua hè un attracciu di spressione ma hè dinù u riflettu d'un modu di riflette è di campà, salvalla senza u restu hè salvalla a metà", d'altronde dicia dinù chì a lingua ùn hè chè una piccula parte di a cultura.

Allora hè vera, riaccuncià u teritoriu hè appena più longu o difficiule chè risanà a lingua (almenu in teuria), è cambià a sucetà l'hè ancu di più. Ma ùn ci vole à lascià l'unu o l'altru, ch'osinnò a lingua, tuttu u mondu l'averia abbandunata à u principiu di u seculu passatu.

Sò sicuru anch'eiu ch'ùn hè fenduli saltà chè no surteremu di stu sistema è d'altronde quelli chì l'anu plasticati a sanu anch'elli. Pensu chì era piuttostu una azzione d'addisperu da ottene certe avanzate cum'è a priurità à i pruduttori corsi è à l'impiegati corsi.
Ma à dilla franca, ùn pensu mancu chì serà più faciule di ghjuvassi di a sucetà di manera toia, nimu ùn vole u corsu ubligatoriu è i patroni di i centri cumerciali ùn anu nisunu interessu à cumprà corsu.

Tandu chì femu? Speremu sempre o lasciemu corre?

Isulanu a écrit:

Tittolu a écrit:

Per acquistà l'indipendenza alimentaria, ùn vecu ch'una sola manera : pruduce... È per pruduce ùn vecu ch'una sola manera : travaglià a tarra...

Mi si pare chì e vucazione sianu poche for'di quelli abbagliulati da a prima à a vacca...

Per pruduce ci vole chì a ghjente compri, è chì u Carrefour ùn ti pigli 7€ nant'à i 20€ di u to chilò di casgiu. Ci vole à avè dinù a terra, iè quella duve si face golf... è Leclerc.

A tarra ci hè o Isulanu, sò i bracci chì mancanu. Sicura, ci sò i guai per certi, i lochi micca spartuti, i prumutori à prupone prezzi scemi... Ma ind'è mè, Leclerc ùn ci n'hè nemancu golf è ùn vecu à nimu chì lavora è sumena.

Tittolu a écrit:

A tarra ci hè o Isulanu, sò i bracci chì mancanu. Sicura, ci sò i guai per certi, i lochi micca spartuti, i prumutori à prupone prezzi scemi... Ma ind'è mè, Leclerc ùn ci n'hè nemancu golf è ùn vecu à nimu chì lavora è sumena.

ci è a terra ma dinò une poche di bracce s'elle fussinu accumpagnate da un cerbellu per dumandàlli qualchi sforzu .. cio chi ci manca infatti è a cultura di u travagliu e u laziu d'intraprende per u so paese (e per sè) .

Isulanu a écrit:

Prima, l'independenza alimentaria o l'ubligazione di u corsu à a scola ùn ponu vene chè da una vuluntà populare è pulitica, l'una quant'è l'altra. È per contu meiu, ùn sceglieraghju trà l'una o l'altra, sò per e duie è basta. Aghju u ricordu di JC Adami (iè torna ellu ) chì dicia : "a lingua hè un attracciu di spressione ma hè dinù u riflettu d'un modu di riflette è di campà, salvalla senza u restu hè salvalla a metà", d'altronde dicia dinù chì a lingua ùn hè chè una piccula parte di a cultura.

Allora hè vera, riaccuncià u teritoriu hè appena più longu o difficiule chè risanà a lingua (almenu in teuria), è cambià a sucetà l'hè ancu di più. Ma ùn ci vole à lascià l'unu o l'altru, ch'osinnò a lingua, tuttu u mondu l'averia abbandunata à u principiu di u seculu passatu.

Sò sicuru anch'eiu ch'ùn hè fenduli saltà chè no surteremu di stu sistema è d'altronde quelli chì l'anu plasticati a sanu anch'elli. Pensu chì era piuttostu una azzione d'addisperu da ottene certe avanzate cum'è a priurità à i pruduttori corsi è à l'impiegati corsi.
Ma à dilla franca, ùn pensu mancu chì serà più faciule di ghjuvassi di a sucetà di manera toia, nimu ùn vole u corsu ubligatoriu è i patroni di i centri cumerciali ùn anu nisunu interessu à cumprà corsu.

Tandu chì femu? Speremu sempre o lasciemu corre?

o isulanu piuttostu che di parlà d'indipendenza alimentaria pensu chi serebbe piu realistu di parlà di produzzione e d'equilibriu trà esportazioni e impurtazioni , o à vulècci privà di cicculata , caffè , zuccheru e altri big macchi .. (innò cacciu i macchi chi in quessa a materia è un bellu pezzu ad avà chi n'avimu sviluppatu u made in corsica :pale: )
per cio chi tocca avà à l'evenimenti di i ghjorni passati(buuuum) credu chi ci vole à spiccà e duie problematiche chi so quelle di a grande distribuzione in corsica e quella di a viulenza pulitica chi deve esse pigliata cume un inseme .
trattendu di a grande distribuzione un vale à lampàlli tanti fiori : certu ci so l'impiecati corsi (ancu di grazia) ma ci vole à sapè chi per dui impiechi strutti nu u cumerciu dettu tradiziunale ci n'è menu di unu creatu creatu in rimpiazzamentu nu u grande cumerciu . si porebbe parlà dino di a pressione fatta per calà i prezzi nant'à i produttori e piculli distributori . ancu tantu se u risultatu di sta pressione si ritrovava nu u caddy .. resta chi è un modu di cunsumazione mudernu chi cunvene à u piu grande numeru e s'omu un vulia micca ch'elli viaghjessinu a piu bona di e soluziuni (al dillà di tutti i belli discorsi ..) serebbe d'un andàcci micca à fà e so corse .. e andà à a piazza nu i picculi cumerci , ma per quistione di prezzi aghju ben peura chi u risultatu sia ben pocu favorevule à u cunsumatore ... (a l'aghju provata in corti , m'è ghjuntu u spaventu ..)
per cio chi è di l'ultimi plasticaggi temu ben ch'ellu un s'asgisca che d'un focu di paglia destinatu à marcà i spiriti in qunt'à l'arrivata nant'à u "mercatu" d'un gruppu clandestinu novu e chi sa mossa notturna un averà che pochi lindumani (à parte forse e seguite ghjudiziarie ch'o un li pregu micca..) , altrimente perchè un avè micca struttu cumplettamente sti stabilimenti s'elli riprisentavanu veratimente un periculu maio per a nostra economia (ghjustu i vetri di a porta d'entrata ?) . perchè dinò essesi attaccatu guasi esclusivamente à i leclerc e micca (solu unu per marcà u colpu ..) à i casino chi so i piu numerosi in corsica (forse un vecchju ricordu di quandu certi andavanu à empie i so caddy di rigalu nanzu di maritàssi .. :pale: ) ma custì c'era forse a peura d'avè a rende i conti à d'altri (ma seraghju malpensu :oops: ) ..

à Petra Alta :

pè u fattu à u to bummmm... caccialli puru dui o tre m , sicome

hè vera ch'elli eranu piuttostu picculi buuumm buuumm buuumm buuumm...

Ghjallochju a écrit:

Isulanu a écrit:

Prima, l'independenza alimentaria o l'ubligazione di u corsu à a scola ùn ponu vene chè da una vuluntà populare è pulitica, l'una quant'è l'altra. È per contu meiu, ùn sceglieraghju trà l'una o l'altra, sò per e duie è basta. Aghju u ricordu di JC Adami (iè torna ellu ) chì dicia : "a lingua hè un attracciu di spressione ma hè dinù u riflettu d'un modu di riflette è di campà, salvalla senza u restu hè salvalla a metà", d'altronde dicia dinù chì a lingua ùn hè chè una piccula parte di a cultura.

Allora hè vera, riaccuncià u teritoriu hè appena più longu o difficiule chè risanà a lingua (almenu in teuria), è cambià a sucetà l'hè ancu di più. Ma ùn ci vole à lascià l'unu o l'altru, ch'osinnò a lingua, tuttu u mondu l'averia abbandunata à u principiu di u seculu passatu.

Sò sicuru anch'eiu ch'ùn hè fenduli saltà chè no surteremu di stu sistema è d'altronde quelli chì l'anu plasticati a sanu anch'elli. Pensu chì era piuttostu una azzione d'addisperu da ottene certe avanzate cum'è a priurità à i pruduttori corsi è à l'impiegati corsi.
Ma à dilla franca, ùn pensu mancu chì serà più faciule di ghjuvassi di a sucetà di manera toia, nimu ùn vole u corsu ubligatoriu è i patroni di i centri cumerciali ùn anu nisunu interessu à cumprà corsu.

Tandu chì femu? Speremu sempre o lasciemu corre?

o isulanu piuttostu che di parlà d'indipendenza alimentaria pensu chi serebbe piu realistu di parlà di produzzione e d'equilibriu trà esportazioni e impurtazioni , o à vulècci privà di cicculata , caffè , zuccheru e altri big macchi .. (innò cacciu i macchi chi in quessa a materia è un bellu pezzu ad avà chi n'avimu sviluppatu u made in corsica :pale: )
per cio chi tocca avà à l'evenimenti di i ghjorni passati(buuuum) credu chi ci vole à spiccà e duie problematiche chi so quelle di a grande distribuzione in corsica e quella di a viulenza pulitica chi deve esse pigliata cume un inseme .
trattendu di a grande distribuzione un vale à lampàlli tanti fiori : certu ci so l'impiecati corsi (ancu di grazia) ma ci vole à sapè chi per dui impiechi strutti nu u cumerciu dettu tradiziunale ci n'è menu di unu creatu creatu in rimpiazzamentu nu u grande cumerciu . si porebbe parlà dino di a pressione fatta per calà i prezzi nant'à i produttori e piculli distributori . ancu tantu se u risultatu di sta pressione si ritrovava nu u caddy .. resta chi è un modu di cunsumazione mudernu chi cunvene à u piu grande numeru e s'omu un vulia micca ch'elli viaghjessinu a piu bona di e soluziuni (al dillà di tutti i belli discorsi ..) serebbe d'un andàcci micca à fà e so corse .. e andà à a piazza nu i picculi cumerci , ma per quistione di prezzi aghju ben peura chi u risultatu sia ben pocu favorevule à u cunsumatore ... (a l'aghju provata in corti , m'è ghjuntu u spaventu ..)
per cio chi è di l'ultimi plasticaggi temu ben ch'ellu un s'asgisca che d'un focu di paglia destinatu à marcà i spiriti in qunt'à l'arrivata nant'à u "mercatu" d'un gruppu clandestinu novu e chi sa mossa notturna un averà che pochi lindumani (à parte forse e seguite ghjudiziarie ch'o un li pregu micca..) , altrimente perchè un avè micca struttu cumplettamente sti stabilimenti s'elli riprisentavanu veratimente un periculu maio per a nostra economia (ghjustu i vetri di a porta d'entrata ?) . perchè dinò essesi attaccatu guasi esclusivamente à i leclerc e micca (solu unu per marcà u colpu ..) à i casino chi so i piu numerosi in corsica (forse un vecchju ricordu di quandu certi andavanu à empie i so caddy di rigalu nanzu di maritàssi .. :pale: ) ma custì c'era forse a peura d'avè a rende i conti à d'altri (ma seraghju malpensu :oops: ) ..

hè cio chi mi dicu ...

forse certi anu "pagatu" è d'altri nò?

forse chì tene à ...altru affare...

Cumu sapè ?
Ùn sì pò.

Tittolu a écrit:

Isulanu a écrit:

Tittolu a écrit:

Per acquistà l'indipendenza alimentaria, ùn vecu ch'una sola manera : pruduce... È per pruduce ùn vecu ch'una sola manera : travaglià a tarra...

Mi si pare chì e vucazione sianu poche for'di quelli abbagliulati da a prima à a vacca...

Per pruduce ci vole chì a ghjente compri, è chì u Carrefour ùn ti pigli 7€ nant'à i 20€ di u to chilò di casgiu. Ci vole à avè dinù a terra, iè quella duve si face golf... è Leclerc.

A tarra ci hè o Isulanu, sò i bracci chì mancanu. Sicura, ci sò i guai per certi, i lochi micca spartuti, i prumutori à prupone prezzi scemi... Ma ind'è mè, Leclerc ùn ci n'hè nemancu golf è ùn vecu à nimu chì lavora è sumena.

I bracci mancanu, à quessa tuttu u mondu accunsente, ma per i dui o trè pasturelli chì si volenu stallà, à spessu terreni ci n'hè pocu è micca. Ùn sò cum'ella si passa ind'è tè, ma ind'è mè i terreni sò scarsi, cari o ùn ghjovanu à nunda.
Sentu dì certe volte da i fanatichi di a speculazione chì ùn ci hè ch'una piccula parte di i terreni agriculi chì sò aduprati è chì, tandu, vole dì chì l'agricultori ne anu troppu. È po chjodenu u so ragionu cusì : hè nurmale chì i terreni agriculi diventinu custruttibili. Ma tandu, s'elli volenu fà golf o Leclerc ch'elli si pigliinu i terreni à cullera à mezu à a machja!

D'altronde, t'aghju da dì, per contu meiu sò sempre statu passiunatu da a vita paisana è da u travagliu di a terra, aghju ingrandatu nentru. Ma sè babbu ùn era pastore è ch'ellu ùn avia terreni, animali è casgile, ùn sò mancu sicuru ch'o brameria di diventallu ancu eiu dopu à i studii ch'o facciu.

Ghjallochju a écrit:

Isulanu a écrit:

Prima, l'independenza alimentaria o l'ubligazione di u corsu à a scola ùn ponu vene chè da una vuluntà populare è pulitica, l'una quant'è l'altra. È per contu meiu, ùn sceglieraghju trà l'una o l'altra, sò per e duie è basta. Aghju u ricordu di JC Adami (iè torna ellu ) chì dicia : "a lingua hè un attracciu di spressione ma hè dinù u riflettu d'un modu di riflette è di campà, salvalla senza u restu hè salvalla a metà", d'altronde dicia dinù chì a lingua ùn hè chè una piccula parte di a cultura.

Allora hè vera, riaccuncià u teritoriu hè appena più longu o difficiule chè risanà a lingua (almenu in teuria), è cambià a sucetà l'hè ancu di più. Ma ùn ci vole à lascià l'unu o l'altru, ch'osinnò a lingua, tuttu u mondu l'averia abbandunata à u principiu di u seculu passatu.

Sò sicuru anch'eiu ch'ùn hè fenduli saltà chè no surteremu di stu sistema è d'altronde quelli chì l'anu plasticati a sanu anch'elli. Pensu chì era piuttostu una azzione d'addisperu da ottene certe avanzate cum'è a priurità à i pruduttori corsi è à l'impiegati corsi.
Ma à dilla franca, ùn pensu mancu chì serà più faciule di ghjuvassi di a sucetà di manera toia, nimu ùn vole u corsu ubligatoriu è i patroni di i centri cumerciali ùn anu nisunu interessu à cumprà corsu.

Tandu chì femu? Speremu sempre o lasciemu corre?

o isulanu piuttostu che di parlà d'indipendenza alimentaria pensu chi serebbe piu realistu di parlà di produzzione e d'equilibriu trà esportazioni e impurtazioni , o à vulècci privà di cicculata , caffè , zuccheru e altri big macchi .. (innò cacciu i macchi chi in quessa a materia è un bellu pezzu ad avà chi n'avimu sviluppatu u made in corsica :pale: )
per cio chi tocca avà à l'evenimenti di i ghjorni passati(buuuum) credu chi ci vole à spiccà e duie problematiche chi so quelle di a grande distribuzione in corsica e quella di a viulenza pulitica chi deve esse pigliata cume un inseme .
trattendu di a grande distribuzione un vale à lampàlli tanti fiori : certu ci so l'impiecati corsi (ancu di grazia) ma ci vole à sapè chi per dui impiechi strutti nu u cumerciu dettu tradiziunale ci n'è menu di unu creatu creatu in rimpiazzamentu nu u grande cumerciu . si porebbe parlà dino di a pressione fatta per calà i prezzi nant'à i produttori e piculli distributori . ancu tantu se u risultatu di sta pressione si ritrovava nu u caddy .. resta chi è un modu di cunsumazione mudernu chi cunvene à u piu grande numeru e s'omu un vulia micca ch'elli viaghjessinu a piu bona di e soluziuni (al dillà di tutti i belli discorsi ..) serebbe d'un andàcci micca à fà e so corse .. e andà à a piazza nu i picculi cumerci , ma per quistione di prezzi aghju ben peura chi u risultatu sia ben pocu favorevule à u cunsumatore ... (a l'aghju provata in corti , m'è ghjuntu u spaventu ..)
per cio chi è di l'ultimi plasticaggi temu ben ch'ellu un s'asgisca che d'un focu di paglia destinatu à marcà i spiriti in qunt'à l'arrivata nant'à u "mercatu" d'un gruppu clandestinu novu e chi sa mossa notturna un averà che pochi lindumani (à parte forse e seguite ghjudiziarie ch'o un li pregu micca..) , altrimente perchè un avè micca struttu cumplettamente sti stabilimenti s'elli riprisentavanu veratimente un periculu maio per a nostra economia (ghjustu i vetri di a porta d'entrata ?) . perchè dinò essesi attaccatu guasi esclusivamente à i leclerc e micca (solu unu per marcà u colpu ..) à i casino chi so i piu numerosi in corsica (forse un vecchju ricordu di quandu certi andavanu à empie i so caddy di rigalu nanzu di maritàssi .. :pale: ) ma custì c'era forse a peura d'avè a rende i conti à d'altri (ma seraghju malpensu :oops: ) ..

Hè vera chì independenza alimentaria ùn hè forse a spressione bona è sò d'accunsentu cun tè trattendu di i centri cumerciali.

D'altronde, si sà avà chì ùn sò azzioni di u gruppu novu ma di u FLNC UC chì hà rivendicatu. Ramentu dinù un dettu di l'ultimu gruppu : "impositi revuluziunarii ùn ci ne serà è ùn feremu usu di a viulenza chè per sustene l'associ di difesa di l'ambiante quand'elli ùn ghjunghjeranu più à fà rispettà a lege".

Pensu chì a ragiò hè semplice, fà saltà i centri sani averia fattu di più male chè bè, avà ch'elli ci sò è chì u male hè fattu, hè difficiule di vultà in daretu. Allora serà statu piuttostu un avertimentu, per ch'elli piantinu di fà crece i prezzi da empiesi e stacche sempre di più, è ch'elli danu a priurità à i pruduttori corsi è à l'impiegati corsi. L'altre ragiò, cum'è a dice Ruclinonu, ùn e pudemu cunnosce.

L'altri raghjoni, ùn li pudemu cunnoscia, ma i pudemu forsa induvinà. Com'è par esempiu fà una bella uparazioni pupulista pichjendu - cù dui fulgari compri à GIFI - ind'è ch'iddi esistini i simbuli faciuli di a cunsumazioni*.

N'emu vistu d'altri in u stessu gennaru, à tutti i mumenta di a Stodia ricenti : plasticà i prufissori pinzuti mentri l'anni 80, tumbassi certi volti du' o trè dealer magrebini par "luttà" contr'à a droga, buffittassi dui casi di vechji pinzuti troppu povari par pacà l'impositu (rimarchevuli par esempiu tutti sti nuits bleues chì intrunighjani a Corsica senza ch'ùn buffittonu splusessi mai in u Stremu Meziornu, purtantu u locu u più impurtanti di a spiculazioni...), racchittà i impresarii purtughesi par piddassi i marcati è fà a piazza à l'amici maccareddi, ecc. ecc.

U prublemu ùn hè micca di i sibbuli, di i simbuli, o di i raghjoni. U prublemu hè chì - daretu à tutti st'uparazioni tonti o tuntini ch'ùn ani par iscopu chè di sbaglià l'opinioni o di manipulà i più baulli, i più persi o i più balordi di i mistichi - l'eroi ùn esistini micca. È ch'iddu ci n'hè una tichja di nutriscia sempri 'ssu mitu chì i nosci libaratori ani da affaccà un ghjornu da u bughju, l'armi in manu, par facci veda a luci.

U prublemu ùn hè micca d'avè l'idei, ghjusti, lighjittimi, belli o beddi, u prublemu hè di vulè cuntinivà à fà creda à a noscia ghjuvantù, tribbulata è zuffa di viulenza, di tumberi, di maneddi sutt'à tutti i so formi, ch'ùn muvimentu chì s'appoghja - sempri - annant'à a viulenza, a minaccia è u racket, li pò prupona un avveniri qual'iddu fussi.

È ùn parlu mancu di u razzismu è di a xenofubia chì nutriscini sti belli libaratori dipoi dighjà uni pochi d'anni. Basta à buffittà un Leclerc par fà sminticà tutta a pantaniccia svultata dipoi tantu tempu ?

*À prupositu di cunsumazioni, qual'hè chì credi chì i Corsi vidini a cunsumazioni com'è un mali ? U mali saria piuttostu... d'ùn pudè cunsumà.

Ghjuvan Filici a écrit:

U prublemu ùn hè micca d'avè l'idei, ghjusti, lighjittimi, belli o beddi, u prublemu hè di vulè cuntinivà à fà creda à a noscia ghjuvantù, tribbulata è zuffa di viulenza, di tumberi, di maneddi sutt'à tutti i so formi, ch'ùn muvimentu chì s'appoghja - sempri - annant'à a viulenza, a minaccia è u racket, li pò prupona un avveniri qual'iddu fussi.

Hè vera chì quand'è tù vedi inde u giurnale u ritrattu di stu giovanu Moltifincu in tinuta di ballò è ch'è tù vedi cum'ellu hà finitu , ti poi dumandà s'ella hè a minaccia M.E.Leclerc a più chì si deve teme pè a sucetà corsa.

Ghjuvan Filici a écrit:

L'altri raghjoni, ùn li pudemu cunnoscia, ma i pudemu forsa induvinà. Com'è par esempiu fà una bella uparazioni pupulista pichjendu - cù dui fulgari compri à GIFI - ind'è ch'iddi esistini i simbuli faciuli di a cunsumazioni*.

N'emu vistu d'altri in u stessu gennaru, à tutti i mumenta di a Stodia ricenti : plasticà i prufissori pinzuti mentri l'anni 80, tumbassi certi volti du' o trè dealer magrebini par "luttà" contr'à a droga, buffittassi dui casi di vechji pinzuti troppu povari par pacà l'impositu (rimarchevuli par esempiu tutti sti nuits bleues chì intrunighjani a Corsica senza ch'ùn buffittonu splusessi mai in u Stremu Meziornu, purtantu u locu u più impurtanti di a spiculazioni...), racchittà i impresarii purtughesi par piddassi i marcati è fà a piazza à l'amici maccareddi, ecc. ecc.

U prublemu ùn hè micca di i sibbuli, di i simbuli, o di i raghjoni. U prublemu hè chì - daretu à tutti st'uparazioni tonti o tuntini ch'ùn ani par iscopu chè di sbaglià l'opinioni o di manipulà i più baulli, i più persi o i più balordi di i mistichi - l'eroi ùn esistini micca. È ch'iddu ci n'hè una tichja di nutriscia sempri 'ssu mitu chì i nosci libaratori ani da affaccà un ghjornu da u bughju, l'armi in manu, par facci veda a luci.

U prublemu ùn hè micca d'avè l'idei, ghjusti, lighjittimi, belli o beddi, u prublemu hè di vulè cuntinivà à fà creda à a noscia ghjuvantù, tribbulata è zuffa di viulenza, di tumberi, di maneddi sutt'à tutti i so formi, ch'ùn muvimentu chì s'appoghja - sempri - annant'à a viulenza, a minaccia è u racket, li pò prupona un avveniri qual'iddu fussi.

È ùn parlu mancu di u razzismu è di a xenofubia chì nutriscini sti belli libaratori dipoi dighjà uni pochi d'anni. Basta à buffittà un Leclerc par fà sminticà tutta a pantaniccia svultata dipoi tantu tempu ?

*À prupositu di cunsumazioni, qual'hè chì credi chì i Corsi vidini a cunsumazioni com'è un mali ? U mali saria piuttostu... d'ùn pudè cunsumà.

L'uperazione populista hè piuttostu di struce e case di un banchieru pariginu chì ùn rispetta a lege litturale, quessa sì.
Ma plastichendu i tempii di a cunsumazione, i lochi di cultu di u populu corsu, si mettenu tuttu u mondu addossu, è tutti l'altri esempii chè tù amenti ne sò a prova.
È po e vere ragione, ùn contanu chè per quelli chì li cercanu una legittimità. Eiu ùn li ne docu alcuna, dunque ùn ghjudicheghju chè i fatti. Difendenu a lege litturale? Accunsentu. Tombanu un omu? Ùn accunsentu più. Di listessu modu, mi ne infuttu pocu di sapè perchè Giacobbi hè diventatu più naziunalistu chè Simeoni in 2 anni, ùn aghju da ricusà una avanzata per a nostra lingua per dispiaceli, dicu di sì à u prughjettu micca à e so ragione di fallu.

S'o rivengu à u sughjettu, ùn era in tracciu di lodà a bellezza di u fronte, ma di spiegà ch'eiu i supermercati ùn li piengu.
Ma postu chì si ne ghjunghje sempre à sapè s'ella hè bè o male, aghju da prisentà u mo ragionu anch'eiu.

À sente à tutti, i resistenti eranu eroi. Dunque l'eroi esistenu. Omi sinceri ne cunnoscu, è ci n'hè statu à u principiu è ci ne serà sempre avà. Fà generalità cum'è per a zenufubia, ùn ghjova à nimu. Allora, iè hè vera, seranu sempre i listessi chì facenu è l'altri chì capitaneghjanu, si manderà giovani incuscenti à mette e cariche. Ma ciò chè no chjamemu incuscenza o cuneria di mettesi in periculu, di piglià u risicu di passà 20 anni in prigiò, elli a chjamanu curagiu. È ancu sè per contu meiu ùn ci vegu chè incuscenza, hè appena più cumplicatu chè di sapè quale hà ragiò o nò.

U mitu di a liberazione, mancu quelli chì sustenenu a lotta armata ùn ci credenu più. Ci vedenu piuttostu un associu trà l'azzione publica è quella clandestina, una complementarità.

Per a viulenza, hè dinù un affare di puntu di vista. Sò in guerra, o in resistenza. I boni sò sempre in u to campu, chè tù sia nazi o resistentu, ma ùn ci hè chè quelli chì vincenu chì sò ricunnisciuti.

Ùn mi piace u paragone cun a resistenza, ma certe volte sò ubligatu à cacciallu.

Ma ùn li sustengu mancu eiu, vulia solu mustrà chì a legittimità di un muvimentu clandestinu hè una quistione chì dà da riflette. Forse chì u veru prublema hè ciò ch'elli ne anu fattu, un muvimentu senza umanità chì tomba omi cum'è animali, un cultu di l'arme è di a guerra quand'elli deverianu fà cultu di pace, senza parlà di e sviature maffiose, per riassume un muvimentu da rende. O forse chì a clandestinità hè una sviatura in sè. È ùn aghju a paura di dì ch'ùn sò micca, sopratuttu chì hè mezanotte, è chì à rombu di riflette sò capace di rispondemi solu solu è di liticammi cun mè stessu.

PS : NOI VULEMU IKEA!

Innò chì ùn sè micca una croce o Isulanu
mi pari ancu un tippu bellu sinnatu

Emu capitu ch'è tù ùn ti facia micca l'avucatu di quelli chì anu fattu saltà i Leclerc è dinù ch'ella ùn t'impidia micca di dorme ch'elle avissinu saltatu duie vitrine di sti magazini.

A meia a riazzione era nanzu per dì ch'ella ùn mi paria micca ch'ella fussi a priurità di fà saltà à Leclerc è a Décathlon, sò cuscente dinù chì à tutti i livelli di l'ecunumia corsa: agriculutura, bastimentu, turisimu o cummerciu a logica di sviloppu sfrinatu chì vole chì di più in più u grande si magna u chjucu( per aduprà un terminulugia propiu tecnica degna di un anzianu studiente di scenze ecunumiche :oops: ) hè quella chì vale è à dilla franca ùn mi piace mancu à mè.

Ma chì fà? cum'ella a dice Petra Alta i grandi ci sò! è s'elli ùn venenu chì s'hà da passà? per parechje cose a ghjente anu da cummandà annant'à internet... è un cambiarà tanti affari pè i chjuchi.

Allora eiu mi dicu ch'ella hè forse megliu per l'ecunumia nustrale di vede nasce un Décathlon in Mezavia cà micca, è hè listessa per Leclerc, Quick o Ikea.

Dopu ci hè l'affare di a fiura, di ciò ch'ella riprisenta l'insegna, custì mi pare dinù un prublemu di "cultura" o d'identità... Annant'à u web ci hè appena di quessa... À certi li pare un tradimentu à a patria d'andà à cumprà una vesta Quechua ind'è Décathlon o di sciaccassi un Giant ind'è Quick (sò i listessi chì vestenu u Millet è i Mendl). St'insegne sò tanti simbuli di a mundializazione è hè capita ch'ella hè a nostra nimica a mundializazione...

Allora aghju vulsutu difende appena u puntu di vista di un omu mudernu (è nurmale?) cum'è mè chì và à cumprà a so robba ind'è Leclerc (ciò chì ùn l'impedisce micca d'andà ind'è i pastori à cumprà casgiu o ind'è i vignaghjoli à cumprà vinu) chì vene di cumprassi un pantalone di marchja Quéchua (chì li stà cum'è a sella à u porcu) ma chì in listessu tempu compra sempre e so calze ind'è Lana Corsa chì hà cumandatu u so Canon 550 ind'è C-discount è chì l'hà pacatu sguasi u listessu prezzu cà u picculu lumix di merda ch'ellu avia chjappu ind'è un magazinu di u corsu napuliò, ecc.

U colpu di e calze di Lana Corsa era una macagna ben'intesa.