Auturnu

petra alta a écrit:

mansa di ***  

sapete leghje???
http://www.psychologies.com/Moi/Moi-et-les-autres/Relationnel/Articles-et-Dossiers/13-novembre-journee-de-la-gentillesse

ma dimm'appena tu un simu micca u primu marzu   :

http://www.journee-mondiale.com/319/journee-mondiale-du-compliment.htm  

Circione a écrit:

sta  fottò mi  face pinsà  à una  vechja  paghjella  

a sai quessa o   Ghjalluchjò?


"Sempre mamma mi  dicia
D'andà  fora  alegra è  techja
È d'avè  u  capu  plattu
Per pudè purtà  la  sechja
Eppo' fammi  grattulà
L'orlu di a patanechja "

 

un era quella (di circustenza ) chi no cantavamu à u mumentu di  a fottò  

avà chì tuttu u mondu sà chì sò una bomba bionda è chì portu ben u stringu turchinu possu vultà à publicazione più di stagione  

fottò di Vezzani...
ps: i dui più belli stadii di u mondu: Lozzi è Vezzani  (ben intesu stu ps ùn hà nunda à chì vede cù l'auturnu è a fottò  )

Circione a écrit:

chì  si pò  dì  dopu à què?

hè puesia pura o Petra Alta, filicitazione.

Iè puesia visuale, magnifica!!! ci campemu.

Addisperata a écrit:

Circione a écrit:

chì  si pò  dì  dopu à què?

hè puesia pura o Petra Alta, filicitazione.

Iè puesia visuale, magnifica!!! ci campemu.

ti ringraziu! mi tocca assai o Francesca  

Fottò di fronde trimende

(pè l'accordu di l'agettivu vi lasciu a scelta )

a sò l'aghju digià fatta a cacciata ma quì hè megliu à falle duie volte s'e vogliu avè i mo punti à u cuncorsu di a piu pella cacciata, osinn`m'anu da arrubbà torna cum'è per quella di Johnny Rep è di u cinipide di u castagnu d'Anne Franck...  

Circione a écrit:

'Ci chì  u "cinizzu "  o u "cinipide" – per  chjamallu  cum'è  i  Taliani – l'anu  arricatu  quì incù  l'insetu di u  castagnu  d'Anne  Franck...

A terza ultrasonica  di  Ghjallochju  l'avaria fattu scappà subitu in Castagniccia  induv'ellu  s'hè  stabilitu.  


inseti di  l'alburu  d'Anne Franck  ùn  ci  n'era micca per  tutti,  è mi pare  chì  s'emu  avutu " l'ascianza"  d'avenne unu fù per  via  di una  famiglia  ullandese,  amichi  di a Corsica è amatori  di i Muvrini...


 

Spergu chì Marilena ùn hè  micca inde u  colpu  

 

ghjè quessa a cacciata chì merita un puntu?   

Aiò o Pè, mettine una in prima pagina di ISULA. 

À me piacenu assai quelle di i ghicci.

In piaghja a vigna tene sempre a so pampana verde è in muntagna senza i so quarci
ingialliti ne i sorbi è i fovi rossi frundati Nuvembre ùn hè ancu quellu.

Nuvembre rossu inciapatu
pare un preseppiu apertu,
di culore s’he cupertu
è a tutti a rigalatu
l’incantu è a vistura
di bella donna matura
    « NATURA »
              §

aghju pruvatu digià à mette e prime fottò ch'aghju pigliatu di l'auturnu ma ùn viaghjava micca.
sta volta mi pare ch'elle si vedenu di manera abbastanza curretta.  

e prime fronde di u 2014

sta volta sò fottò di u carognu, arburu magnificu chì si deve in Ascu è in Niolu (è sicuramente altrò). si ricunnosce abbastanza ben per via di i culori ch'ellu piglia durante l'auturnu (aranciu, giallu, rossu). ghjè avà, durante u mese di nuvembre ch'ellu hè assai rimarchevule.

magnificu

l'ultima è a prima seria  sò quelle chì mi piacenu u più !

ci n'hè in balagna?

in Niolu ci n'hè
ma in Balagna ùn la sò

Circione a écrit:

in  Niolu ci n'hè
ma in Balagna  ùn  la sò

versu Ponte Leccia dinù. ma per u restu ùn la sò manch'eiu. simu dui amministratore en bois cum'ellu dice u francese

l’Erable :

L'écarlate s'épand et le rubis s'écoule
De sa large ramure au bruit frais d'eau qui coule. ( Albert Lozeau)

Quandu vegu che tu si sempre vestuta d’un pilone umbrosu quandu ci mandi tante visture spoliate di vergine natura !
Ò chi piace di scopre ‘ssi straveculi
Lebii è sottile intinti di sensualità sti ritrati di puesia schietta… sò veri basgi !

Dopu à què ùn vecu micca cio ch’o mi scimiscu à scrive

« Fronde è fraschette
di danci carogni
sò culori à fette
di nostri sogni ! »

Dopu u suleone è a sichia d’Ottore, l’acquata di Nuvembre hà mossu u ‘Vaghjime’ è i susini salvatichi è leghjitimi fiuriscenu à contrastagione !
Per e stese aperte di a piaghja e vigne braganate stendenu i ritrati impressionnisti
sin’à i pughjali è i monti verdifrundati ….si valeria qualchi ritratu d’un’amatore !

Sumenta a écrit:

ci n'hè in balagna?

un m'hai micca  dumandatu s'ellu  ci n'era ancu in  Pianellu    ma ti risponderaghju capu nanzu chi  quì n'hè  propiu  pienu , ghje  un  arburu chi nasce ancu nu e zenne e  à mezi scoglii e noi u  chjamemu "oppiu" (un  so  micca  perchè  d'altronde  postu  chi in  tutti l'altri  paesi à u  giru dicenu "acherognu" ,  ma parleremu  corsu in pianellu ? )

SERRA a écrit:

Sumenta a écrit:

ci n'hè in balagna?

un m'hai micca  dumandatu s'ellu  ci n'era ancu in  Pianellu    ma ti risponderaghju capu nanzu chi  quì n'hè  propiu  pienu , ghje  un  arburu chi nasce ancu nu e zenne e  à mezi scoglii e noi u  chjamemu "oppiu" (un  so  micca  perchè  d'altronde  postu  chi in  tutti l'altri  paesi à u  giru dicenu "acherognu" ,  ma parleremu  corsu in pianellu ? )

cumu si dice in corsu "faire un impair"? (ùn aghju micca dettu mette un imper...preciseghju ùn si sà mai dopu à tutti sti mesi in Bagheera   )

intantu ti ringraziu per st'infurmazione! fora d'Ascu è di a Scala aghju sempre avutu difficultà à truvane abbastanza per fà fottò!

qualchi fottò d'una spassighjata in Vizzavona
sta volta micca carognu ma u faiu, una bellezza à vede durante l'auturnu...

ancu a ciriola piglia i culori di u veranu