pesta nera

à forza d'impiecà a parolla "fascistu" e "fascisimu" for'di raggionu si ne perderebbe guasi u veru sensu . per contu meo aghju sempre pensatu chi u muvimentu puzzicu chi cunnosce tantu succesu in francia e tamantu ribombu in corsica (in particulare in tempu d'elezzioni presidenziali) un è micca ideologicamente di sta natura ma serebbe piuttostu un mischiu incertu di populisimu e di zenoffobbia (ancu puru ch'ellu cumporti nentru à u so inseme autentichi elementi d'estrema diretta) . per contru , e appoghjendusi nant'à un discorsu naziunalistu corsu ma in lea cun elementi esteriori ("bloc identitaire" , "l'economistu" michel drac ..) si sviluppa un discorsu propiu neo fascistu auropeu chi trova a so spressione qui nant'à certi blogghi :

http://corsicapatrianostra.over-blog.com/

o zitelli c'è da ch'ellu vi ghjunga u spaventu ..
ps : per u "soprovivalisimu" à une pochi a li pregherebbi bona

N'aviamu digià parlatu di stu blog , era à l'uccasione di e prisidenziale :
https://isula.forumactif.com/t206-pulitica-strangera

U megliu saria di ùn parlanne mancu, perchè li demu a corda è hè tuttu ciò ch'elli volenu... Ma hè vera chì ùn si pò micca sempre chjode l'ochji è a banalizazione di u razzisimu è di a cunnaria annant'à Internet ci hè...

Quand'è tù vedi ciò ch'elli scrivenu certi di Limelette dicendu ch'ellu si pò stimà filice d'essesi fattu ghjustu minà invece inde i tempi "l'avarianu tombu è dopu avarianu brusgiatu a so salma " ai capitu tuttu... A campa ch'e simu in 2012 chì osinnò quessi custì in tempi di guerra n'avarianu spalittatu qualchì unu... :affraid:


Dopu s'è tù li faci a rimarca ch'elli ùn sò micca affari à dissi ti diciaranu ch'elli dicianu in burla...

A virità hè ch'elli ùn anu micca faccia, a prova si n'hè ch'elli leccanu u culu à a ghjente per davanti dopu avelli vituparati in la so sizzione privata...

ch'ellu un ci voglia à fàlli a publicità è un fattu ma custì ci tocca à piglià cuscenza ch'un simu più di fronte à un razzisimu cumunu o u fattu di qualchi dicerbellatu di u net ma di pettu à a riprisentazione d'un estremisimu chi trova e so lee in altrò nu un ideologia strutturata .

Circione a écrit:

A virità hè ch'elli ùn anu micca faccia, a prova si n'hè ch'elli leccanu u culu à a ghjente per davanti dopu avelli vituparati in la so sizzione privata...

peccatu ch'ellu un ci sia qualchi "cattura di screnu " .... :shock:

À dìlla franca, eiu sò per a libertà di spressione è a libertà d'opinione.

Puru, quandu vecu cpn (micca laziu di scrive u nome sanu, o in maghjuscule), mi dicu ch'e tocchemu quì à e limite di a libertà.
Aghju pensatu intervene quallà, cummentà l'articuli per insultàlli, ma u mio tempu, preferiscu passàllu incù i mio amichi ch'e incù i mio nemichi (sopra tuttu nemichi cusì puzzichi).
Aghju ancu pinsatu dinuncià stu bloggu à l'amministrazione centrale d'over blog, ma u prublemu hè ch'ùn sò micca eiu una bilancia, è chì a delazione ùn face micca parte di a mio cultura.

Allora avete a raghjone. U megliu hè d'ignuràlli.

Ma tandu quantunque, pensu ch'e u mio core si rallegrerà u ghjornu duve stu bloggu serà in cendare, è ch'e u sale serà suminatu anant'à e so ruvine.

Circione a écrit:

N'aviamu digià parlatu di stu blog , era à l'uccasione di e prisidenziale :
https://isula.forumactif.com/t206-pulitica-strangera

U megliu saria di ùn parlanne mancu, perchè li demu a corda è hè tuttu ciò ch'elli volenu... Ma hè vera chì ùn si pò micca sempre chjode l'ochji è a banalizazione di u razzisimu è di a cunnaria annant'à Internet ci hè...

u fattu di parlà di stu generu di bloggu li face effettivamente una publicità. ma u silenziu hè qualcosa di più periculosu. quandu omu decide di lascià passà idee simile, pensendu chì menu si ne parla menu si sparghjenu, piglia u risicu di participà à u sviluppu d'una ideulugia fascista. qui ne dit mot consent dice u francese...s'omu aspetta troppu per denunzià certe devianze u travagliu à fà per cunvince quelli tocchi da stu discorsu sarà ancu di più longu è difficiule...sti mullizzi elli facenu avanzà e so idee pianu pianu, appughjendu si nant'à l'inazzione di l'oppunenti è a debulezza/ e paure di a populazione...ci vole sempre à denunzià subitu l'estremisti è smuntà poca à pocu l'argumenti ch'elli provenu à dà.

stu bloggu, facebook...st'idee puzzicose si leghjenu di più in più. hè finitu u tempu di e parolle colme d'oddiu lampate di manera confusa o aggressiva. avà adupranu a lingua di quelli chì cunvicenu cù dulcezza...l'idee sò terribile ma u discorsu si lascia ascultà cum'è una canzunetta ch'omu "sussura" à l'arechja...facenu scrive riprisentanti chì sanu parlà (ancu si certe volte ùn maneghjanu tantu l'ortograffia ), cercanu profili "propres sur eux", donne, ghjovani o prufessione "respettabile" chì ponu rassicurà...à mè mi facenu a paura...

aghju di più in più l'impressione chì u populu hè fattu d'una mansa di pecure...pecure chì in più di què pensanu solu à guardà si u billicu

Ghjallochju a écrit:

Circione a écrit:

A virità hè ch'elli ùn anu micca faccia, a prova si n'hè ch'elli leccanu u culu à a ghjente per davanti dopu avelli vituparati in la so sizzione privata...

peccatu ch'ellu un ci sia qualchi "cattura di screnu " .... :shock:

voli dì catture di i discorsi di certi cù i nomi è l'avatar quand'elli imbruttanu a ghjente?
cù a data è l'ora ancu?

Sta terra a nostra terra cusì cara hè in periculu! a terra di i nostri antenati, di l'ossi di i nostri antenati! porca miseria!!!



uppsss scusate mi! mi cridia altrò

petra alta a écrit:

Sta terra a nostra terra cusì cara hè in periculu! a terra di i nostri antenati, di l'ossi di i nostri antenati! porca miseria!!!



uppsss scusate mi! mi cridia altrò

pfffff prima ampara à fà u brocciu .. :pale:

petra alta a écrit:

voli dì catture di i discorsi di certi cù i nomi è l'avatar quand'elli imbruttanu a ghjente?
cù a data è l'ora ancu?

A data è l'ora ?

Ghjallochju a écrit:

petra alta a écrit:

Sta terra a nostra terra cusì cara hè in periculu! a terra di i nostri antenati, di l'ossi di i nostri antenati! porca miseria!!!



uppsss scusate mi! mi cridia altrò

pfffff prima ampara à fà u brocciu .. :pale:

guarda chì essendu corsa sò spellà un caprettu...allora un ghjallochju!

petra alta a écrit:

guarda chì essendu corsa sò spellà un caprettu...allora un ghjallochju!

sappia chi Ghjallochju era partuta à liberà a Grecia di i turchi ma nu u piglià micca per cio ch'ellu un è ...

Ghjallochju a écrit:

sappia chi Ghjallochju era partuta à liberà a Grecia

ùn mi stona manc'appena ch'ellu sia andatu à fà si vede ind'è i grechi

petra alta a écrit:

ùn mi stona manc'appena ch'ellu sia andatu à fà si vede ind'è i grechi

iè ma sappia chi Ghjallochju ch'era un omu coracciosu un hà mai giratu u spinu à u nemicu ..

Ghjallochju a écrit:

iè ma sappia chi Ghjallochju ch'era un omu coracciosu un hà mai giratu u spinu à u nemicu ..

chì ne socu eiu s'ellu era actif domi o passif soumis

Cunnoscu una ricetta di "poule au pot"...

Tittolu a écrit:

Cunnoscu una ricetta di "poule au pot"...

ti pigli per u re Henri (u terzu .. ) ?

petra alta a écrit:

chì ne socu eiu s'ellu è actif Domi

en tout cas il est petit :oops:

Ghjallochju a écrit:

petra alta a écrit:

chì ne socu eiu s'ellu è actif Domi

en tout cas il est petit :oops:

:affraid:

sai ben ch'ùn hè micca a taglia chì conta. guarda ciò ch'ella dice a canzona Domi nique nique nique... :oops:

petra alta a écrit:

sai ben ch'ùn hè micca a taglia chì conta.. :oops:

è cio chi si dice quand'omu un hà d'altra scelta ... :shock:

quellu di Limelette paria bellu accozzatu ellu , avà aghju capitu a caggione di tant'oddiu ... :suspect: (o Dominique si tu nous lis )

Ghjallochju a écrit:

petra alta a écrit:

ùn mi stona manc'appena ch'ellu sia andatu à fà si vede ind'è i grechi

iè ma sappia chi Ghjallochju ch'era un omu coracciosu un hà mai giratu u spinu à u nemicu ..

Parli di Ghjallochju, quellu chì tumbò 45 persone... :affraid: chì a so prumessa si n'era andata cun un certu Negroni ??

Si dice chi Denis luciani he statu messu fora di a lista naziunalista in aiacciu. Ellu dice di no nant'à u blog di l'apc.
Ma ciò chi he sigura ghje ch'ellu ha scrittu articuli per patria nostra, ch'ellu averebbe participatu à u "cercle Petru rocca" ...è ch'ellu he dinu presidente di l'apc è porta voce di u cullettivu contr'à a droga.
E candidatu femu a Corsica un he tantu

Da riflette !

henry smart a écrit:

Si dice chi Denis luciani he statu messu fora di a lista naziunalista in aiacciu. Ellu dice di no nant'à u blog di l'apc.
Ma ciò chi he sigura ghje ch'ellu ha scrittu articuli per patria nostra, ch'ellu averebbe participatu à u "cercle Petru rocca"  ...è ch'ellu he dinu presidente di l'apc è porta voce di u cullettivu contr'à a droga.
E candidatu femu a Corsica un he tantu

Da riflette !

aghju circatu à capisce ciò chì si passa è quale hè Denis Luciani ma ùn aghju trovu nunda. Qualchissia mi pò spiegà?   

hè u presidente di l'APC (serà sempre ?) e hà cunfabulatu appena à un mumentu datu cun femu a  corsica ma un ci hà mai esercitatu ch'o sappia  a minima  rispunsabilità .. hà scrittu dinò un libru nant'à l'origine di a bandera  corsa .avia lettu un pezzu fà ch'ellu avia rispostu à  un "intervista" nant'à u bloggu di patria  nostra ma   e so dicchjarazioni un impegnanu che à ellu e ch'o sappia quelli chi so nentru à Patria Nostra so piuttostu vicinu à Corsica Libera  e  sopr'à tuttu u Rinnovu .