ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -48%
Robot pâtissier Continental Edison – 8 L ...
Voir le deal
77.79 €

 

 Currispundanza puetica

Aller en bas 
+3
SERRA
Sumenta
Circione
7 participants
Aller à la page : 1, 2  Suivant
AuteurMessage
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMar 16 Oct - 20:06

risa

Ognunu ghjudicarà
Di sta penna l'arditezza
Tuttu u so sapè fà
È a so dilicatezza
Ma eiu vogliu ritene
Di l'Erbaghju a finezza… risa

Sappia chì sta impinnatella
Ti purtarà prighjudiziu
Per parlà di cacarella
Scrivisti senza ghjudiziu
Ma ti siguitarà sempre
U to scrittu scrimintiziu

Stu vintisei di Maghju
U to estru t’hà traditu
Diciaranu : « Mì L’Erbaghju ! »
T’insignaranu di ditu
Di sente e scaccanate
Ùn ai ancu finitu

Di tè si n’anu da ride
Avaranu pocu stima
S’è tù voli torna scrive
Cum’è t’ai scrittu prima
Perchè per esse puetu
Ùn basta micca a rima

Avà femmula finita
È mi tocca à sarrà l'usciu
Sì a to penna hè ardita
Ne vogliu sente u strusciu
Ma per parlà d’altri affari…
Micca di caca è di frusciu.

Revenir en haut Aller en bas
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: A Cassetta, i funghi è a pantera nera. Dumenicu Barrazza, Olivier Ancey.   Currispundanza puetica - Page 2 EmptyMar 16 Oct - 20:35

Vi contu a passata :
Un amicu , Dumenicu Barrazza, m'avia prumessu una cassetta, ma avia tricatu appena nanzu di mandallami…

Era l’arrigistramentu di un cuncertu di u so gruppu I Voci di a Gravona ditone ch’avia vistu à u Kallisté in 1984 – s’e ùn mi sbagliu. Quandu dicu ch’ellu hà tricatu hè un eufemisimu chì a cassetta, a mi mandede una vintina d’anni dopu. Eiu li avia prumessu un arrigistramentu magnificu ch’e avia di "Peppetru u barbutu" chì cantava u lamentu di Fasgianu…

Un bellu ghjornu eccu chì u fattore m’arreca un pacchettu… evviva Addossu ci era scrittu « A l’attention du pseudo mycologue » bisogna à dì ch’e m’era vantatu incun Dumenicu d’andà à i funghi…1È Dumè ellu hè u veru campagnolu, allora si ne appena risu di mè… rambo

È mi scrive :

Tù ùn la poi più nigà
U me amicu Uliveriu
Ti faraghju rimarcà
Dumè hè statu sinceru
In ritornu aspettu avà
Peppetru u mulatteru


Dunque li mandu anch’eiu una cassetta incù vechje canzone corse ch’avia incù sta piccula puesia:




Risposta à Dumè

O quantu l’aghju aspittatu
L’arrivu di u fattore
Chì sta mane m’hà purtatu
Un rigalu di valore
Sè un amicu fidatu
A to parolla hè d’onore

Vint’anni ch’in lu mio core
U so ricordu risona
Ghjornu è notte à tutte l’ore
Eppo mai m’abbandona
Chì ùn ponu micca more
E Voce di a Gravona

Ti mandu anch’eiu un scagninu
Fattu à l’usu casanu
À tè l’amatore finu
Di u cantu paisanu
Sintarè cum’ell’hè lindu
U lamentu di Fasgianu

Stu mazzulu di canzone
Stallu à sente incù primura
Cù tutta a passione
È cù a fede più pura
Sò e nostre tradizione
Ci vole à piglianne cura

Quella di a miculugia
Vulinteri ti pardongu
È ancu mi piaceria
À cogliemi qualchì fungu
Pè purtattine una cria
Nu I Peri s’e ci ghjungu

Di coglie senza sapè
Hè piriculu di morte
Arricumandati à mè
S’è tù ti ne voli sorte
Ti purtaraghju o Dumè
Duie bellissime sporte

Una piena à pivarelle
Ghjallistorzi è firlini
Sprignoli è ghjallinelle
Prataroli è liccini
È s’e ne trovu buletri
Incù dui capinegri

Quill’altra sarà impiuta
Di a qualità più fina
Una spezia cunnisciuta
Chjamata vescia vulpina
Cù duie ove di cicuta
Eppo’ qualchì panterina...



Risposta

Permettimi o Olivier
Di chjamatti prufessore
Parà di funzi ghjè bè
Ma senza cummette errore
Ci vularia ancu à sapè
Cunnosciane u culore

Pè « a sporta chì ùn pardona »
Senti bè, a tastaraghju !
Puru s’ella ùn hè bona
Paura eiu ùn ne aghju
Chì l’omi di a Gravona
Anu un stomacu d’acciaghju

Falzu cum’è a cicuta
Dice u pruverbiu casanu
Hè una pianta cunnisciuta
Quandu omu hè paisanu
Ma soca ùn l’ai avuta
Una sola volta in manu

L’ovi rari è cusì belli
Nascenu in li castagneti
Pè empieni li spurtelli
T’insignaraghju i sicreti
Fà casu in li prunalbelli
Di ùn truvatti in calzunetti

À batte solu a machja
M’inchieti for di misura
E Quandu u corbu rachja
Sè pigliatu di paura
Ni cunfondi a curnachja
Cu i tacculi di l’altura

Avvezzu ùn mi pari tantu
Mi n’avvecu à l’andatura
L’avarè frustata quantu
A strada di a natura ?
Campa chì ci hè sempre un santu
Per pricattila sicura

Eccuti l’ultimi lacci
Tesi à l’usu paisanu
Mi piace à l’amicacci
Ziricalli da luntanu
Sì Diu vole à truvacci
À a fiera di Bucugnanu…

Trà a me ortograffia
È quella di i struitoni
Ùn circà mai ch’ella sia
Di truvacci paraconi
Solu ferma a puesia
In stintu di tradizioni




Machja Aiaccina

Hè un pezzu ch’e l’aghju ricivuta
A lettara ch’è tù m’avia mandatu,
Quantu tempu a mio musa hè stata muta,
Per fà risposta o quantu aghju tricatu,
È puru a sò ùn ci hè maiò fatica
Dumè quand’unu aspetta è l’altru trica.

Prima di tuttu ti filiciteghju
Chì e to rime sò schiette è ben fatte,
Ch’è tù sia puetu ùn dubbiteghju
Oramai cun elli poi batte,
T’aspittaranu in Pigna u vintottu,
S’è tù ùn ci vai solu ti ci portu !

S’è tù ùn la sai ancu a t’ampargu,
Sè un veru puetu naturale,
À dì la franca avà eiu m’intargu
S’è tù sè di I Peri o di L’Acquale !
Ci hè da cunfonde sin’à a to razza,
S’è tù sè Acquaviva o Barazza !

À un puetu di a to statura,
À cantà in disprezzu ùn li sende.
Dici ch’eiu ùn cunnoscu a natura
Ma a to puesia nun m’affende :
Babbu è mamma essendu muntagnoli
Chì voli ch’elli sianu i figlioli ?

Solu ùn ci andaraghju più pè ste machje,
Perchè i to cunsigli sò sinceri,
Ùn temu corbi nè mancu curnachje,
Ma ùn vogliu ch’è tù porti pinseri,
U to stomacu dici innacciaghjatu:
Ùn vularia ch’ellu fussi ulceratu!

È postu ch’è tù t’inchieti per mè,
Qualchì cunsigliu ti daraghju anch’eiu:
Ùn ci andà mancu tù caru Dumè
Solu in la machja è tuttu andarà megliu.
Avà hè ora di girà stu fogliu,
Daretu spiicazione dà ti vogliu…

L’Aiaccini ma chì sà s’ella hè vera ?
Anu vistu un arcefalu di ghjattu…
Paria tuttu una pantera nera2,
S’è tù a scontri stà ti puru ciattu !
Chì s’ella ùn s’hà ancu magnatu à nimu…
Ùn vularia ch’è tù fussi u primu !

Guarda o Dumè, chì tanti prunalbelli,
Sè tù chì ai da finisce in calzunetti !
Quant’è i lupi si magnanu agnelli,
Quant’è e volpe scannanu capretti,
Sappia chì a pantera l’omi si magna,
S’ella i trova soli in la campagna !

Or dunque nu u circondu d’Aiacciu
Fà casu à a pantera machjaghjola !
Ùn crelgu micca annant’à u mustacciu
Ch’ella temi un colpu di piscaghjola…
È inquanti à mè sarà ancu famita,
Dunque o Dumè, tù, ùn li circà lita !

S’è t’ai u fucile : lascia corre !
Chì mancu avarè tempu à coglie mira !
A sai ancu tù chì u cacciadore
Quand’ellu trimuleghja accantu tira.
Iè o Dumè ùn ci vole ch’è tù credi,
Ai da trimulà da capu à pedi !

Avà vogliu dà fine à sta risposta,
Stampu stu fogliu è incù mè u pigliu.
Ùn vale a pena ch’e u mandi per posta,
À u fattore ùn vogliu dà fastidiu,
U ti daraghju eiu da propia manu
S’e ti trovu in fiera di Bucugnanu.


____________________________________________________________________

(1) invece pè i funghi mancu Ghjuvan Filice pò luttà, a prova lingua :

Currispundanza puetica - Page 2 Funghi10

(2) http://tempsreel.nouvelobs.com/societe/20020902.OBS9494/une-panthere-noiredans-la-nature-corse.html
Revenir en haut Aller en bas
di sfughjita

di sfughjita


Messages : 124
Date d'inscription : 06/03/2012
Localisation : Bastia

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMer 17 Oct - 11:04

Mi campu ! Grazie tante ! ditone
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMer 17 Oct - 22:25

Oh i mei !!!! :shock:
Revenir en haut Aller en bas
http://appuntamentu-corsu.forums-actifs.net
SERRA

SERRA


Messages : 994
Date d'inscription : 25/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMer 17 Oct - 23:09

Ruclinonu Solechjari a écrit:
Oh i mei !!!! :shock:

oimè per u fornu incastratu di Circione o per u so frigò americanu ? vinu mipiace
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyJeu 18 Oct - 8:38

Per a bella racolta.
Revenir en haut Aller en bas
http://appuntamentu-corsu.forums-actifs.net
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyLun 22 Oct - 15:00

Rusignolu Rusignolu
U to versu hè rinumatu
Ogni volta ch'e ti sentu
U me core hè incantatu
Ch'ella sia in Niolu
O ancu puru à u Pratu

Rispondendu colpu à colpu
À e chjame di l'Acquale
Un acellucciu di Zilia
Purtatu da u Grigale
Hè vinutu in muntagna
Per cantà a so Balagna

Vistutu di puisia
È di l'impruvisazione
Rispittate in ogni locu
Amicu e to canzone
Ai purtatu à l'eternu
Nostra bella tradizione

Quandu d'istate a sera
Si sente e rusignulate
Un silenziu rispittosu
Rispond'à l'impruvisate
Nostre muse à l'unione
Piglianu e to lizzione

Stemu à sente u ralegru
U to cantu salutivu
Chì sarà u to sicretu
Per esse sempre à l'abbrivu ?
Rusignolu dimmi ghjà
Sarà l'oliu di l'alivu ?

Quessa a sapemu tutti
Chì l'acqua di a Balagna
A dice ancu u pruverbiu
Ch'ella caccia ogni macagna
Ma sarà forse u Libecciu
Chì t'hà fattu cantarecciu

Di un cugnome acellime
Impannatu di talentu
A to musa hè una fiara
Attizzata da u ventu
Ch'ellu tirga sempre forte
È u focu ùn sarà spentu

Sì di a Cultura Corsa
Cantà vogliu lu figliolu
Avà ti lasciu andà
Chì tù pigli u to volu
À truvacci per ste fiere
Amicacciu Rusignolu

(Sò è Erbaghju)


Currispundanza puetica - Page 2 Numari10
Currispundanza puetica - Page 2 Numari11

T'arricordi o amicu
U tempu di e mirendelle
Si sentianu i canti
Eppo dinò e paghjelle
Belle fiuriture corse
Sbucciate di e cannelle

Ma sti tempi sò finiti
È ùn turnaranu più
S'ellu ùn si face u sforzu
Di fà vene a giuvintù
Ne mandu questa prighera
À Maria è à Ghjesù

Chjamu à a risistenza
Per mantene u patrimoniu
L'anziani cù i zitelli
Femu nostru matrimoniu
È cantaremu inseme
Ciò ch'ùn sarà più un sognu

Mandà vogliu un appellu
À l'artistu Rusignolu
Chì di tutti i tarcani
Ne hè l'ultimu fighjolu
È salutà i so canti
Sussurati da i Santi

Tù chì ai cunnisciutu
Quelli pueta di razza
Cum'è u cunsidereghji
Oghje quellu spazza spazza ?
Sì n'ùn femu a trasmissione
S'hà da more a tradizione

È cusì ch'avà dumandu
À u pueta di Zilia
Di fà corre a so rima
È un versu à sciolta briglia
Chì spartemu à l'unione
Amicu stessa passione

S'ellu ùn ti scumoda micca
Di facci una furmazione
Pigliaremu in Balagna
Di l'acellu e lizzione
Una bella spuntinata
È divizia di canzone

È tandu si pò sperà
Cù u cantu indiatu
Chì dumane ellu sarà
D'un albore spiriatu
È di stu bellu ritrovu
Nascerà un ghjornu novu


Currispundanza puetica - Page 2 Numari12
Currispundanza puetica - Page 2 Numari13
Currispundanza puetica - Page 2 Numari14
Currispundanza puetica - Page 2 Numari15



Revenir en haut Aller en bas
http://erbaghju.unblog.fr/
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: E stelle di a ripa vintosa, Simone Agostini, Ghjuvan Petru Ristori.   Currispundanza puetica - Page 2 EmptyDim 28 Oct - 12:02

Currispundanza puetica - Page 2 R007

Currispundanza puetica - Page 2 R007%2520%25282%2529
Revenir en haut Aller en bas
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: Per capu d'annu. Ghjacintu Orsucci, Ghjuvan Petru Ristori.   Currispundanza puetica - Page 2 EmptyDim 28 Oct - 12:04

Currispundanza puetica - Page 2 R008

Currispundanza puetica - Page 2 R009
Revenir en haut Aller en bas
di sfughjita

di sfughjita


Messages : 124
Date d'inscription : 06/03/2012
Localisation : Bastia

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyLun 29 Oct - 10:45

Mi campu, mi campu ! ditone salutu2
Revenir en haut Aller en bas
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: L'Infernu ,Culiseu è Natalellu.   Currispundanza puetica - Page 2 EmptyMar 6 Nov - 17:01

U chjama è rispondi ch'e vinimu di fà incù u Ciocciu m'hà fattu pinsà à quelle canzone di l'Infernu ch'elli fecenu Culiseu è Natalellu.


Pè a prima vi mettu l'uriginale di A Tramuntana di nuvembre 1903 andate puru à circà i spichjetti osinnò appughjate annant'à ctrl è fate girà a rutulella di u topu Idea



Currispundanza puetica - Page 2 P1010410

Currispundanza puetica - Page 2 P1010411


Pè a siconda, vi mettu un strattu di u bellissimu Libru di Roccu Multedo cunsacratu à Natalellu Sarocchi di Rusiu, cusì pudaremu prufittà dinù di e so note.


Currispundanza puetica - Page 2 002%2520-%2520Copie



Currispundanza puetica - Page 2 003%2520-%2520Copie

Currispundanza puetica - Page 2 004%2520-%2520Copie

Currispundanza puetica - Page 2 004


Currispundanza puetica - Page 2 006%2520-%2520Copie

Revenir en haut Aller en bas
Circione

Circione


Messages : 2212
Date d'inscription : 27/02/2012

Currispundanza puetica - Page 2 Empty
MessageSujet: A pippa, Pincu, L'Orsu d'Orezza, Natalellu di Rusiu.   Currispundanza puetica - Page 2 EmptyMar 6 Nov - 17:53

Un classicu avà, sempre strattu da u libru di Roccu Multedu: "Natalellu di Rusiu" publicatu da a "Stamperia Samarcelli" p.241:

Currispundanza puetica - Page 2 005%2520-%2520Copie
(s'è tù e ci poi truvà isse dui puesie di u to paisanu o Ghjallochju... Almenu ch'ellu e ci trovi Sidussincu Rolling Eyes ? Eiu ùn l'aghju No .)


Currispundanza puetica - Page 2 007%2520-%2520Copie

Currispundanza puetica - Page 2 007

Currispundanza puetica - Page 2 008%2520-%2520Copie

Currispundanza puetica - Page 2 008

Currispundanza puetica - Page 2 009%2520-%2520Copie

Currispundanza puetica - Page 2 009
Revenir en haut Aller en bas
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyDim 28 Avr - 21:09

Currispundanza puetica - Page 2 Numari10

Currispundanza puetica - Page 2 Numari11

Puisia scritta in u 2011 da GP Ristori par a nascita di Leandru


Dernière édition par Erbaghju le Lun 29 Avr - 10:22, édité 1 fois
Revenir en haut Aller en bas
http://erbaghju.unblog.fr/
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyDim 28 Avr - 21:12

Par avelli uffertu "Da a ripa ventosa" quandu l'aghju vistu arisera, aghju prumessu à Ghjuvan Petru una risposta di Leandru  


Di l'amandulu u fiore
Ùn sò cà duie e stagione
Ma mi piace à st'albore
D'avè in manu u librone
Rigalatu cù u core
Da Ristori u puitone

Di risponde à questu amicu
Sempre a vulia fà
Ma u parlatu di Vicu
Par pudè scrive è cantà
Era calcosa a ti dicu
Prima à ammaistrà

Ch'ellu sia salutatu
Quellu di A Riventosa
Chì u tempu aghju pigliatu
Par risponde à a so improsa
Ma avà sò ingrandatu
È possu impinnà calcosa

Face un paghju d'anni fà
Chì mi cunsigliasti in rima
È di stu fattu o cumpà
Ti portu una grande stima
Chì in Corsu allettu avà
Cane, sumere è bima

Di u mio caru paese
Batte in pettu a ciccona
È ùn si passa un mese
Senza chì a mio parsona
Cù e duie arechje tese
Ùn ascolti a so canzona

Sia di babbu o di mamma
Aghju intesu e canzone
A paghjella è a nanna
Sò state e prima lizzione
Par cunnosce calchì rama
Di a nostra tradizione

Vedi bè chì i to cunsigli
I m'aghju pigliati tutti
È u chjassu chì tù pigli
Duve i versi ùn sò sdrutti
Trà i fiori è i stigli
Hà datu i più belli frutti

Incun una fede eterna
È a to penna sè mossu
Dendu a voce fraterna
Di u pueta in rinforzu
À a me vita muderna
Ma chì t'hà u stintu corsu

Par e future canzone
À a to musa diletta
Sapendu chì u me nome
Poche rime ellu accetta
Li facciu a suggistione
Di fallu rimà cù Filetta

Leandru
Revenir en haut Aller en bas
http://erbaghju.unblog.fr/
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMar 22 Aoû - 10:37

Eccu ciò ch'aghju mandatu à una manata di pueta à l'entre di u 2017.

Ùn sò micca un induvinu
L’affare ùn era privistu
À un cignale mastinu
Arruvillatu da Pristu (<= nome di u me ghjacaru  risa  )
Ci aghju persu u me funinu
Nimu di voi ùn l’hà vistu ?

Ci sò turnatu à andà
Una volta, duie è trè
Cù primura di truvà
Quellu chì cù gran piacè
Parmittia di chjamà
È dumandà “ vai bè ?”

Incù arte è virtù
Mi sò messu à ruspà
Aghju cercu tantu è più
Duva ellu pudia stà
Ma cerca inghjò è insù
Si n’hè firmatu quallà

S’hè strappatu u me core
Aghju pientu è stridatu
Eru prontu ancu à more
D’avellu abbandunatu
Ma ghjuntu in l’uparatore
L’aghju prestu rimpiazzatu

Stu matiriale cambiatu
Sempre a voce si tace
Chì u numaru sguassatu
Di truvallu ùn sò capace
Hè cusì ch’aghju impinnatu
Par divvi “salute è pace”

A più bella a vi contu
Ch’era à u mese di sittembre
In a machja cum’è un tontu
À flagillammi e membre
Branculai lestru è prontu
Ma u cignale..... corre sempre !!!!  

Pace è salute !!!
Revenir en haut Aller en bas
http://erbaghju.unblog.fr/
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMar 22 Aoû - 10:39

Tittò m'hà rispostu u prima :

Risposta à Stefanu Conca

Chì piacè quessa matina
Di riceve i t’auguri
Scritti cun rima calina
Per gradisce i futturi
Chè t’appii in sta lettarina
I mo voti i più sicuri.

Pregu à tè è à i toi
Un’annata senza uguale
Tanta saluta eppoi
Dui soldi, ch’ùn hè male
Eppo pregu centu annoi
A u pessimu cignale.

Stu cignale sempre corre
Mez’à quella Marignana
Manderaghju un cacciatore
À disturbe a so cuccagna
Per salvà u to onore
Di pettu à quessa macagna.

S’ellu ci vole a ti dicu
Viotu tuttu u canile
Eppo partu o car’ amicu
Appress’u cignale vile.
Li prumetu gran’castigu
Chì ghjè bonu u mo fucile.

In quantu à u teleffonu
A so perdita hè trista
Hè smaritu u so sonu
Attemp’a famosa lista* *(a lista di i numeri)
Quandu u capu* ùn hè bonu *(à ch’ùn hà capu…)
Ci vole l’anche è a vista.

Quandu a sorte si rivolta
Ùn ci vale a furtuna
Sè a to ragione ascolta
Per chì frachja stessi una
Per a to prussima volta
Pensa à metteci una funa.

Torna un pezzu u ti facciu
Dopu ti lagu riflette
Per tè u mio amicacciu
E mo speme ne sò scelte :
Ch’ùn t’accadi st’affaracciu
Per dui’ mille dicessette.

Abbracciu maiò à tè, Sonia è Leandru.
Revenir en haut Aller en bas
http://erbaghju.unblog.fr/
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMar 22 Aoû - 10:40

Eppo dopu Ghjuvan Petru Ristori :

CACCIA D'ORU

Mi prisentu da cinghjale :
Sò cruciatu ma mastinu,
Pè mezu porcu nustrale
Pè mezu salvaticinu
Ma l'unicu animale
Chì hà un telefuninu.

L'aghju trovu di ribattu,
In fondu di a spilonca,
È, ben' chellu fussi piattu
Sott' à una ghjemba tronca
Ci scuprii u ritrattu,
D'un certu Stefanu Conca.

Cunnoscu d'ùn bellu pezzu
U furdanu ritrattatu
In stu picculu attrezzu
Cù u quale m'hà ghjustratu.
Da trè anni s'hè avvezzu,
Furtuna ! Hè sgalabatu.

Ormai, grazia à Dìu,
Li facciu perde la faccia,
Da ch'ellu piglia l'abbrìu
Pè a so' solita caccia
Cù tuttu u so' cunvìu
U seguitu à la traccia.

Ùn pò più fà cum'è prima,
Quandu cù a so' antenna,
Pigliava posta, in cima
D'una culminante zenna.
Pensu ancu chì a rima
Ammutulita, chinchenna.

Pè diventà muntagnolu
Ùn basta mutà di pannu.
Perch'un telefunu solu
Possi fà tamantu dannu,
Vogliu porghjeli cunsolu
È dilli bon Capudannu.

Ancu si moltu mi costa
Di fà simili richjeste,
Una tregua l'hè pruposta,
S'ell' ùn ci mette prudeste,
Ch'ellu spachji ogni posta
Pè u tempu di e feste.

E tregue sò benvinute
Ancu si l'odiu tenace
E ci rende mal vivute.
Ma si questa li cunface
Li auguru Salute
S'ellu mi lascia a Pace.

È pè esce di st' intrescu
Secondu i voti mei,
Vogliu dì à 'ssu burlescu,
Cùn ottimi caladei :
U numeru cinghjalescu
Cumencia sempre per sei !!!
Revenir en haut Aller en bas
http://erbaghju.unblog.fr/
Erbaghju

Erbaghju


Messages : 466
Date d'inscription : 29/02/2012

Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 EmptyMar 22 Aoû - 10:47

Erbaghju a écrit:
Tittò m'hà rispostu u prima :

Risposta à Stefanu Conca

Chì piacè quessa matina
Di riceve i t’auguri
Scritti cun rima calina
Per gradisce i futturi
Chè t’appii in sta lettarina
I mo voti i più sicuri.

Pregu à tè è à i toi
Un’annata senza uguale
Tanta saluta eppoi
Dui soldi, ch’ùn hè male
Eppo pregu centu annoi
A u pessimu cignale.

Stu cignale sempre corre
Mez’à quella Marignana
Manderaghju un cacciatore
À disturbe a so cuccagna
Per salvà u to onore
Di pettu à quessa macagna.

S’ellu ci vole a ti dicu
Viotu tuttu u canile
Eppo partu o car’ amicu
Appress’u cignale vile.
Li prumetu gran’castigu
Chì ghjè bonu u mo fucile.

In quantu à u teleffonu
A so perdita hè trista
Hè smaritu u so sonu
Attemp’a famosa lista*             *(a lista di i numeri)
Quandu u capu* ùn hè bonu    *(à ch’ùn hà capu…)
Ci vole l’anche è a vista.

Quandu a sorte si rivolta
Ùn ci vale a furtuna
Sè a to ragione ascolta
Per chì frachja stessi una  
Per a to prussima volta
Pensa à metteci una funa.

Torna un pezzu u ti facciu
Dopu ti lagu riflette
Per tè u mio amicacciu
E mo speme ne sò scelte :
Ch’ùn t’accadi st’affaracciu
Per dui’ mille dicessette.

Abbracciu maiò à tè, Sonia è Leandru.

Dopu aghju rispostu à Tittò è li parlu di tutti quelli ch'avianu ricivutu a me prima puesia :

À l’amicu di Tavagna
Di mistieru prufissore
Cunfermu chì sta macagna
Fatta à u cacciadore
Di sittembre in Marignana
L’aghju campa cù orrore

Ma tù mi dai u curagiu
È mi sentu andà megliu
D’amparà chì u viaghju
Sin’à lu paese meiu
Sè prontu à fà di ghjinnaghju
Dunque ti rispongu anch’eiu

U cignale l’ai detta
Incù l’aiutu di Diana
Dorme sempre in a filetta
S’ellu ùn hà leccu a tartana
Inde calchì posta stretta
Di Balogna, Ota o Piana

À quellu cignale corsu
Li prumettu tanti affanni
Chì prestu à u rinforzu
Pristu avarà i to cani
È cù tè à u succorsu
Ghjà sò pronti i paisani

Passendu piglià à Francè
Chì ellu sà caccighjà
È ùn ti scurdà d’Ancey
Hè forte par scucinà
Ristori à u me parè
S’ellu vene hè par manghjà

Pocu cunfidenza aghju
In quellu chì conta male
Piglialu sempre un viaghju
Fendu u to giru stradale
Cunfonde trè è un paghju
Ellu ùn pò tumbà cignale

Sì luntanu hè Bunifaziu
Lascia corre eiu mi cansu
A possu fà senza straziu
Par amparallu innanzu
Ch’ellu ùn mi tirga di laziu
Annant’à un porcu mansu

Tù chì ai par distinu
Cum’è casa a machja corsa
Avà mi rendi u funinu
O ti femu quella mossa
È cum’è un assassinu
Ti lamparemu in a fossa

Erbaghju
Revenir en haut Aller en bas
http://erbaghju.unblog.fr/
Contenu sponsorisé





Currispundanza puetica - Page 2 Empty
MessageSujet: Re: Currispundanza puetica   Currispundanza puetica - Page 2 Empty

Revenir en haut Aller en bas
 
Currispundanza puetica
Revenir en haut 
Page 1 sur 2Aller à la page : 1, 2  Suivant
 Sujets similaires
-
» Puesie di Ruclì

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Chjama è rispondi-
Sauter vers: