un pruverbu à ghjornu

Apru eiu stu sughjettu, invintenduvvi a mette un pruverbu à ghjornu. Principiu eiu s'è vo' u vulete bè :

" Muli matti ùn ne nasce"

Hè u primu chi m'hè ghjuntu. Vole dì chi hè l'omu chi i rende gattivi.
Pruverbu intesu c'hè qualchi tempu, è chi m'ha marcatu. Ancu s'ellu ùn n'hè u più cunnisciutu.

Un pruverbiu aspettate ! Allora...

State à sente què :

GIUVENTU' GIUVENTU' UNA VOLTA EPPO' MAI PIU' !

Eiu n'aghju unu bellu, casanu diciaraghju, ùn s` s'è vo l'avete mai intesu, hè pocu cunnisciutu , ind'è i libri ùn si trova...

dice cusì :

" A mazza stà daretu à a porta, à chì a misura, l'hà misurata."

u sensu hè "la roue tourne"

Mi dirangia assai di passà dopu à Circione, i mei i pruverbii sò assai sculari ...sò stati racolti da u prete Saravelli
Dunque, postu chì simu u primu di marzu:


Marzu hà sette barrette
Una a caccia è l'altra a mette
Ramenta quantu u tempu pò scambià durante stu mese


Si ghjennaghju nun ghjennaghja, si ferraghju nun ferraghja, marzu mal pensa
Quandu i mesi di ghjennaghju è ferraghju sò stati belli, marzu hà da esse "gattivu"



Neve marzulina dura da a sera à a matina
A neve di marzu tene pocu


Tutta l'acqua marzulina,
Tuttu pane è tuttu vinu è tuttu casgiu picurinu
Chì hà pane, casgiu è vinu pò invità u so vicinu
L'acqua di marzu face prò à a campagna è à l'animali

Hà purtatu a balisgia di u preti
Fa un travaddu é ùn essa micca pagatu

Circione a écrit:

Eiu n'aghju unu bellu, casanu diciaraghju, ùn s` s'è vo l'avete mai intesu, hè pocu cunnisciutu , ind'è i libri ùn si trova...

dice cusì :

" A mazza stà daretu à a porta, à chì a misura, l'hà misurata."

u sensu hè "la roue tourne"

L'aghju digià intesu !

Ùn hà tortu a ghjatta sì a patrona hè matta
vindetta contru à l'animali ùn si ne face

hè un'amicu suttanacciu chì u m'hà imparatu!

"donn' è cavaddu à chi mani vinisti"

vole dì chì e donne (è i cavalli) sò in gattive mane (un pruverbiu feministu )

U vinu ùn dice nulla ma palesa tuttu
À chì beie parla

Erbaghju a écrit:

U vinu ùn dice nulla ma palesa tuttu
À chì beie parla

viaghja ancu per a vodka?

petra alta a écrit:

Erbaghju a écrit:

U vinu ùn dice nulla ma palesa tuttu
À chì beie parla

viaghja ancu per a vodka?

Ancu di più !

U sole, duv'ellu ùn vede, ùn scalda

o U sole vole scopre per scaldà

Si capisce, ma u sensu hè : "loin des yeux, loin du coeur"

Cù u sole ci hè dinù:

Sì u sole u vede u me piombu u tocca
megliu ch'ellu si piatti...

U sole hè a cuverta di u povaru
i disgraziati si ne stanu à u sole per iscaldassi

sidussincu a écrit:

U sole, duv'ellu ùn vede, ùn scalda

o U sole vole scopre per scaldà

Si capisce, ma u sensu hè : "loin des yeux, loin du coeur"

Chì si dice dinù : " Ochju ùn vede, core ùn sente"

Avà dui altri :

- "In lu dolce entre u vermu"
- "À chì pensa è à chì hà pensatu !" per dì listessu "À chì a ficca a ficca !"

Scialàtevila è chì vistuvi un Sole Caru vi scaldessi !

Postu chì s'avvicina a San Martinu qualchi pruverbiu nant'à a bivanda

- chì manghja è nun beie, u buccone li resta à meza gola
- chì beie sempre acqua finisce per avè e granochje in corpu

- bei u vinu in pianura è l'acqua in muntagna
- u vinu innacquatu hè per quelli chì volenu mantene a so ragione, u vinu forte hè per quelli chì volenu perdela

- u Corsu ùn hè briacone
- à forza di beie a botte canta

Qualcosa averete bedu di poì u 3 nuvembre !
Hè megliu à beie ch'à sputà(o stupà)
hé megliu à beie dopu avè manghjatu apprunttatu che di sputà
a roba lazza o goffa.
Tuttu vole u vinu for di a pulenta ch'ùn vole micca acqua !
Chi hà bedu u fiume pò beie u ghjargalu= chi pò u piu pò u menu
Omu di vinu ùn vale un quatrinu = ùn si pò cuntà nantu e vinette
à a nostra listessu !
Conta da Prete STRA :
Quessu hè vinu di purgatoriu !
-"se babbone hà stu vinu in purgatoriu:in paradisu ùn ci colla ma'piu !"

ciocciu a écrit:

"se babbone hà stu vinu in purgatoriu:in paradisu ùn ci colla ma'piu !"

dumenica emu da festighjà à San Martinu

Martinu hè natu versu l'annu 316 à a fruntiera ungarese. A' l'età di 15 anni, era un suldatu di a Guardia imperiale. Contanu chì, un ghjornu, hà datu a medità di u so mantellu à un poveru spillaccheratu è chì, a notte, hà sunniatu à Ghjesù immantellatu dicendu à u Babbu: "U mantellu, hè Martinu chì u m'hà datu". Allora si hè fattu battizà, hà lasciatu l'armata è hà fattu u rimitu.
A' l'età di 44 anni, ghjunghje in Pictavi (l'attuale cità di Poitiers), scontra à santu Ilariu, è facenu un munasteru. Serebbi u primu munasteru fattu in e Gallie. A' 54 anni, hè fattu vescu di Turone (l'attuale cità di Tours, in l'Indre-et-Loire).
More à 81 annu, l'8 nuvembre 397, dopu à avè evangelizatu una grande parte di a Gallia. Oghje, in Francia, Martinu hè u santu patrone di 3600 chjese è 485 paesi.
Martinu hè u santu patrone di i bottai, di i militari fantacini è di i pedoni.

Martinu hè u santu di a divizia. Quandu omu passava davanti à ghjente chì cuglia uva, biade o frutta, per salutalla si dicia: "San Martinu!"
A i giovani sposi, si dicia: "San Martinu è figlioli maschji".

Un pruverbiu dice: "San martinu, mostu vale vinu"
Vole dì chì l'11 nuvembre si passanu e botti per tirà u vinu s'ella ùn era digià fatta pè i Santi.
(infurmazione ADECEC)



Noi, in a pieve di Lota, tastemu sempre u vinu novu u ghjornu di a San Martinu...è u tastemu ben
ùn emu micca bisognu d'aspettà a serata di u beaujolais nouveau per sapè ciò ch'ella vale a pruduzione di l'annu



A ghjesa di San Martinu di Lota (17esimu seculu) cù a riprisentazione di u santu:

Dunque tuccheraghju à a to salute !

è "San Martinu in casa toia"!

Bellu sugettu o Petra !

<= Da cunsumà cun muderazione quantunque...

Sperenza a écrit:

Bellu sugettu o Petra !

<= Da cunsumà cun muderazione quantunque...

tu dici cusì ma si dipende cio ch'omu hà manghjatu nanzu ..

Sperenza a écrit:

Da cunsumà cun muderazione quantunque...

cun muderazione, circione, ghjallochju, tittolu è tutti l'altri ancu

(iè a sò: Petra Alta un puntu di menu )

Per San Martinu ogni botte tira vinu.

Vene li Santi chì inchjarisce u vinu ; à l’undici risplende San Martinu.

Pè i Santi si vestenu i fanti, à San Martinu, grandi è piccini.

Pà San Martinu u boiu piscia sangu è a butti piscia vinu.

San Martinu, ch’ellu venga, incù a pala è u bacinu !

San Martinu, l’acqua face vinu.



è per quelli ch'ùn guardanu micca télématin per sapè a data di u ghjornu :

Di trenta o di trent’unu, San Martinu hè l’ondici.



Salute!

Per u pruverbiu simu à ghjornu : à bisa a vechjaghja !

Prima tutte e stagione eranu belle
Ci vole esse vechju per sapè
ch'ùn simu più fatti che per u veranu !!
Era ora! Ma chì peccatu !

S'ell'ùn hè pruverbiu,pocu ci manca
a provu eù ogni matina !

ciocciu a écrit:

Per u pruverbiu simu à ghjornu : à bisa a vechjaghja !

Chì vole dì : à bisa...?

ciocciu a écrit:

Prima tutte e stagione eranu belle
Ci vole esse vechju per sapè
ch'ùn simu più fatti che per u veranu !!
Era ora! Ma chì peccatu !

Forse ma ùn si dice chì : "ghjallina vechja face bon brodu"

ciocciu a écrit:

S'ell'ùn hè pruverbiu,pocu ci manca
a provu eù ogni matina !