Dipoi parechji ghjorni pudemu leghje è sente u ministru di l'Educazione Naziunale Vincent Peillon cumunicà à prupositu di i ritimi sculari.
u scopu hè di fà passà a settimana in scola di 4 ghjorni à 4 ghjorni è mezu (travaglià u mercuri o u sabbatu matina), sminuisce l'ore passate in classa durnte a ghjurnata per finisce à 3 ore è mezu. infine volenu accortà e vacanze d'estate di 15 ghjorni è settorizà sta perioda cum'è l'anu fatta per e vacanze di ferraghju è di Pasqua.
oghje u
Figaro publicheghja l'ultima pruposta di u guvernu: finisce a ghjurnata à 4 ore è dunque guadagnà una mez'ora
...tuttu què per què... i zitelli farebbenu i duveri in scola cù u maestru trà 15h 30 è 16h.
eiu mi pongu parechje questione:
- à chì nivellu aghjustà una matinata di scola à i zitelli, caccià a sola possibilità ch'elli anu di dorme è di taglià appena a settimana li pò fà prò?
- ùn rispettà micca i ritimi biologichi di i zitelli è u funziunamente di a memoria umana mettendu i duveri à 3 ore è mezu à chì ghjova?
- sceglie u sabbatu cum'è l'emu cunnisciutu tene veramente contu di l'evoluzione di a sucietà, di i divorzii è di e famiglie ricumposte?
- fà finisce a ghjurnata nanzu pone u prublemu di l'ore à occupà sin'à u ritornu in casa. cumu fà per mette in piazza l'attelli culturali o l'attività spurtive precunizate da l'Educazione Naziunale? toccherebbe à e merrie di finanzà sti prugetti? cumu fà quandu omu hà pochi mezi?
- accortà e vacanze d'estate è settorizà le per quale? i ciucci, i parenti o i prufessiunali di u turisimu? ci vole à sapè ch'elli sò elli à avè dumandatu sta riforma di e vacanze.
- l'associi chì travaglianu cù i zitelli u mercuri matina cumu anu da fà?
- è noi prufessori un ghjornu ci pigliaranu in contu?
una riforma ùn pò micca fà male ma questa quì mi dumandu veramente...
http://www.lepoint.fr/politique/rythmes-scolaires-cannabis-les-couacs-de-vincent-peillon-15-10-2012-1517116_20.php
http://www.lefigaro.fr/actualite-france/2012/10/18/01016-20121018ARTFIG00753-rythmes-scolaires-peillon-en-difficulte.php
http://www.lemonde.fr/ecole-primaire-et-secondaire/article/2012/10/11/vincent-peillon-aucun-enfant-ne-sera-hors-de-l-ecole-avant-16h30_1773476_1473688.html
http://educationdechiffree.blog.lemonde.fr/2012/10/16/lannee-scolaire-dans-le-primaire-est-elle-trop-chargee-en-france/
Accueil 
