Per circione

O mio amicu Circione
M'avete dettu ch'eru spentu
Sò chì qualcosa hè sicura
Ùn avia micca tempu
Sè vo vulete altra scusa
Era spenta a mio musa

Forse voi a saperete
Ci hè bisognu di sta persona
Sò sempre vinutu nantu
U foru per a so canzona
Arrigistratu ùn era
Amparava a manera

A manera di pudè fà
Un bellu chjam' è rispondi
Per avà nant'à internet
Ora hè c'hè tù currispondi
Per fà chì e nostre voce
Si sentinu in li circondi

Sì subitu ùn rispondu
Annantu à l'ordinatore
Sarà assai nurmale
Chì u mo cerbellu ùn corre
Per scrive u ghjovi riflettu
È u vennari u mettu

D’avè dettu ch’è t’era spentu
A cosa mi pare inghjusta
Saparè chì mi ne pentu
Mi darè forse a frusta
Perchè vecu chì ti resta
Un suppulellu di brusta…

A m’aghju sempre pinsata
Ch’è tù vinissi à l’appiattu
A to siconda strufata
Hà palisatu u fattu
Ma per quessa ùn ti ne vogliu
Ùn emu signatu pattu

O caru Montemaiò
Risposte ùn ti ne ricusu
Postu chì babbitiò*
Era “a Voce” di Rusiu
Oghje ùn poi fà di menu:
Ti tocca mantene l’usu

Inquant'à u to ciarbellu
Ch'ellu ùn corre a sapia
Riposalu un suppulellu
Risparmialu una cria...
Ùn ai astri affari à fà
Cà di scrive in puesia?

*
Babbitiò = u to babbiò
(annant'a u mudellu di : babbitò = u to babbò; babbitu = u to babbu.)

Mo cerbellu si riposa
Mà quantunque ti rispondu
Sè ti rispondu in prosa
Ùn vale l'oru di u mondu
Di scrive in puesia
À mi dice a mo zia

Hè ziata chì a t'hà detta?
Ùn ascultà a famiglia
Piglia a to bissicletta
Eppo' collatine in Zilia
Quallà truvarè à Roccu
S'ellu ci vole ti cunsiglia...

U timpacciu ch'ellu ci hè
Ùn mi permette d'andà culà
U tempu d'andà in Zilia
E mo gambe anu da mullà
Megliu hè di fallu in vittura
chì ùn mi vogliu incruscià

S'è tù ùn vai micca in Zilia
Sappia chì quì ùn sè micca persu
Sì DIRUSIU ti cunsiglia
Accunciarà u to versu
Cun babbitu hè parente
Chì sò cugini di terzu.

U mo cuginu DIRUSIU
Nant'à u foru ùn si vede
Forse di tantu in tantu
Vene è si cunnette
Ancu s'ellu ci hè bisognu
Amparu cù ognunu

S'è tù a voli sapè
Quellu ùn hè cusì luntanu
È prestu ci hà da vulè
Ch'ellu ti dia una manu
In qualità di parente
È dinù di paisanu

Ci vole c'hè tu sapi
Ch'agju bisognu di nimu
S'ellu vole vene cù mè
U farà cù assai calmu
È dendusi a manu
Ti n'andarei pianu pianu

montemaiò a écrit:

Ci vole c'hè tu sapi
Ch'agju bisognu di nimu
S'ellu vole vene cù mè
U farà cù assai calmu
È dendusi a manu
Ti n'andarei pianu pianu

custì ùn và micca o ciù...

mancanu i pedi in lu primu versu.

calmu
è è nimu ùn rimanu inseme
sò l'ultime duie sillabe chì facenu a rima corsa

almu rima cù almu o armu à a limita amu...

ma ci vole a/ mu



à titulu d'esempiu mi permettu una piccula currizzione:


avà ci vole ch'è tù sappii
chì ùn aghju bisognu di nimu
S'ellu vole vene cun mè
Dirusiu u mio cuginu
Ma ancu per dammi a manu
Sarè sempre u supranu...

sarà fattu à a prussima volta


avà tocc'à quale di risponde?

à Dirusiu...

spergu ch'ellu hà vistu o ch'ellu sà chì ci vole rispondi

O caru monte maio u nostru amicu và male
Chi ci face vede rime à l 'usu intelletuale
Eiu chi Vengu di Rusiu mi sentu un pocu cunfusu
Chi so statu amparatu à à scola di u naturale
Li ne feremu altre e tante senza pigliassi per Dante
Per ch'ellu un si senti solu, stu zitellu di Niolu.
Sapèrà tandu o cugi, chi mai à rima un si lagna
Quandu ella ribomba fiera, dà San Petrone à Balagna...

Cunnosce u so duvere
Aiuta u so parente
Ma ùn dice cose vere
Ùn lu state micca à sente
Ùn sò un intilittuale
Chì sò un veru sapiente

Sè aghju messu u tempu
Per mandavi stu missaghju
Pinsarete chì sò longu
Cumu u mese di maghju
In roma mi ne sò andatu
Vede u nostru beatu

U nostru papa Benedettu
Ma dettu assai cose
Circione dice quand'ellu hè
In zone periculose
Sta parolla carissima
Hè dinò a santissima

Ch'è tù sè longu a sò
Ancu sì nimu ùn m'accapa
In corsu o Montemaiò
Noi chjamemu "fà ciabba"
D'andà sinamente à Roma
Senza vedeci u Papa

A campana andata à roma
è ch'ùn ha vistu u Papa
si ne volta cù a so soma
senza esse piu beata,
sì ferma cum'elle hè nata
u battagliolu in the babà .

ciocciu a écrit:

A campana andata à roma
è ch'ùn ha vistu u Papa
si ne volta cù a so soma
senza esse piu beata,
sì ferma cum'elle hè nata
u battagliolu in the babà .

Cala puru i bracci a musa ùn ha micca pistola
è ùn sia cusi bon publicu, hanu à crede ch'ò ti pagu.

Andate à arrubà u capelu chi saluta inde i smiles di Estrimei
ci manca à mezu quelli di quì .

Avà sì ch'aghju capitu
Trà Circione è Ciocciu
Inquant'à mè s'hè fattu pagà
È li hà tiratu u bracciu
St'alleanza niulinca *
Ùn vicerà a rusinca

* O ciocciu pensu chè tu sì
Di Circione un cuginu
T'hà dumantatu aiutu
Chì contr'à mè hè caninu
Dumandu à u so paese
Per chì ùn ci sò rise



Eiu so campanaru
Aghju battaghjoli in mane
Vinite in Montemaiò
Vi songu e trè campane
Quì dinò so campanaru
Voi site e campane

Zittu chì ùn sò cuginu
Di Ciocciu è di Malacella
Anu listessu razzinu
chì sò fratellu è surella
Mi pigli per Caccavichja
- Chì Quella hè so parintella - ?

montemaiò a écrit:

Avà sì ch'aghju capitu
Trà Circione è Ciocciu
Inquant'à mè s'hè fattu pagà
È li hà tiratu u bracciu
St'alleanza niulinca *
Ùn vicerà a rusinca

* O ciocciu pensu chè tu sì
Di Circione un cuginu
T'hà dumantatu aiutu
Chì contr'à mè hè caninu
Dumandu à u so paese
Per chì ùn ci sò rise



Eiu so campanaru
Aghju battaghjoli in mane
Vinite in Montemaiò
Vi songu e trè campane
Quì dinò so campanaru
Voi site e campane

Ùn scambiaraghju micca
O ciocciu mio bellu paese
Sempre mi ne staraghju
Mai saraghju calvese
Venaraghju in "MUSAMAIÒ"
Ma sò di Montemaiò