L'affissu per mimoria

Dice Farandu Ettori in lu prifaziu di "l'Affissu per memoria" chì a parte maiò di l'afissi francesi sò publicità, quandu in Corsica l'affissu hè indiatu in u nostru muvimentu naziunale è nasce da e nostre lotte.

Lighjarete sottu sta prisintazione fatta da Ghjiseppu Orsolini è Ghjuvan Ghjacumu Albertini in lu so libru ciò ch'ellu riprisenta l'affissu: "hè rivolta, hè passione, hè animu, hè trasaltu, hè focu, hè surgente, hè radica, hè vita, hè messagiu, hè rumpitura, hè scossa, hè palesu, hè stampu, hè minacia, hè fiura, hè signale, hè simbulu." È oghje più cà mai hè mimoria.

Ghjiseppu Orsolini hè l'autore di u libru "l'Affissu per mimoria" hè dinù unu di quelli chì anu lasciatu u so stampu in lu duminiu di l'affissu.

I so affissi "stilizati" marcanu, a scelta di a simplicità rende u missagiu limpidu ma sempre incù a primura di l'estetica, basta à vede st'affissu magnificu di a cuprendula di u libru per essene cunvinti.


(1980)



Tonì Casalonga dinù ellu, face parte di quelli chì i so affissi si cunnoscneu subitu. Eccune dui magnifichi quì:








Un affissu di u ben di Niculaiu Carlotti - chì avia fattu i disegni di Grossu Minutu - :


(1976)



per finisce, una selezzione d'affissi indiati - autori anonimi.



(1979)


(1981)

Canta u Populu Corsu, I Muvrini, I Chjami Aghjalesi... in Aiacciu à l'Empire... Saranu 33 anni dumane... Un bellu affissu innò?



Quellu chì ferma per mè unu di i nostri più belli affissi, di Battì Manfruelli,


Battì hè dinù l'autore di parechji affissi stampati annant'à i muri ma dinù in la nostra mimoria cum'è u famosu " o mà parlami corsu! ":




i Chjami Aghjalesi:



A Filetta:



quellu di i Muvrini ùn l'aghju micca, u pigliu annant'à internet:



hè bellu ancu quellu di i Muvrini, a prova si n'hè ch'ellu hè sguasi sempre u listessu dipoi tanti anni.



per compie a seria di i gruppi vi ne mettu unu collector...


un gruppu chì per disgrazia ùn hà mai arrigistratu dischi ma chì avia u mustratu qualcosa d'interessante incù belli scritti di ceccè Lanfranchi è a voce maravigliosa di u prossimu Goncourt .



infine u nostru teatrinu, Mascone:



duie fiere avà...

Niolu 1978:



È quella di a Gravona - piccatu ch'elli ùn la fianu più.

ci ai fattu un bellu rigalu o circione!!certi, ben intesu, i cunniscia ma per d'altri hè propiu una scuperta.
ci mostri cù e to scelte l'illustrazione di ciò ch'ai datu cum'è citazione parlendu di l'affissi: "hè rivolta, hè passione, hè animu, hè trasaltu, hè focu, hè surgente, hè radica, hè vita, hè messagiu, hè rumpitura, hè scossa, hè palesu, hè stampu, hè minacia, hè fiura, hè signale, hè simbulu." si sente tuttu què in sti disegni stilizati, appurati. si sente ch'elli sò d'una antra epica...

Ulà ! Quant'hè vechju tuttu què !
Mi pare d'esse inghjovanitu assai, à un epica ch'ùn aghju mancu cunnisciutu.

petra alta a écrit:

ci ai fattu un bellu rigalu o circione!!certi, ben intesu, i cunniscia ma per d'altri hè propiu una scuperta.
ci mostri cù e to scelte l'illustrazione di ciò ch'ai datu cum'è citazione parlendu di l'affissi: "hè rivolta, hè passione, hè animu, hè trasaltu, hè focu, hè surgente, hè radica, hè vita, hè messagiu, hè rumpitura, hè scossa, hè palesu, hè stampu, hè minacia, hè fiura, hè signale, hè simbulu." si sente tuttu què in sti disegni stilizati, appurati. si sente ch'elli sò d'una antra epica...

iè ci hè assai forza in li nostri affissi, ci sò chì sò putenti
cum'è questi quì:




inquant'à l'aspettu spessu stilizatu di l'affissi hè vera chì un affissu hà dinù a particularità d'esse fattu per esse vistu è capitu da luntanu:




mi sò scurdatu di parlà di l'appicicatoghju di a Cunsulta di i Studienti Corsi chì hè dinù di Ghj. Orsolini, soca l'affissu era strapatu è l' avaraghju sciaccatu annant'u, ùn mi n'arricordu più...

7 anni: 7 morti Giscard fora
omancu à l'epica ùn temianu micca di dì e cose direttamente...
trova tù l'affissu induve c'era scrittu Sarkozy fora


ci hè quantunque qualcosa chì s'assumiglia à l'affissi di una antra epica







sarà chì 20 o 30 anni fà i corsi eranu cunviti chì ci era sempre qualcosa à fà per a lingua, a cultura...chì ci vulia à "cumbatte"...

Iè o Petra, sò cambiati i tempi...

in lu genaru simplice è efficace:

Quessu, u m'avia pigliatu nantu à una leccia...




À u dossu (verso) ci hè scrittu :

Annant'à questu quì dinù ci saria tante cose à dì...




À l'eplica l'affissu mi paria niscentre, ma soprattuttu di un puntu di vista pitturale, oghje invece, quandu si leghje "Per un antru avvene..." ci saria piuttostu da piegne .

s'è v'avete un affissu di u SNUIPP mittitelu puru

"On ne doit pas se priver"...di parlà corsu?

ci aghju messu u tempu ma aghju finitu per truvallu...

Dopu à tutti st'affissi bellissimi di tandu, hè vera chì una cum'è questa di u snu puderebbe diventà à a moda !

Hè vera soprattuttu chì u sugettu era partutu bè, è ch'ella stice appena sta macagna di u ghjallu...

Ma guardate bè ch'ella hè stata Petra Alta a prima à mette l'affissi di u SNUipp ...

Circione a écrit:

Hè vera soprattuttu chì u sugettu era partutu bè, è ch'ella stice appena sta macagna di u ghjallu...

Ma guardate bè ch'ella hè stata Petra Alta a prima à mette l'affissi di u SNUipp ...

iè chì ti l'aghju messu eiu...

Induve l'ai messa ?

vultemu à u sugettu di manera seria incù sta canzona magnifica di Ghjuvan Paulu Poletti:



L'affissu

Guarda fratellu
a vigna luminosa trizineghja di vita
à l'orizonte accesu
cum'è un solcu d'argentu chì una manu marita
à un viaghju appesu
à un viaghju appesu.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
di un paisanu mutu s'arricchisce u sudore
di e cugliere cumune
s'infrebba l'operaiu per un cantu amore
da rompe centu fune,
da rompe centu fune.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
nant'à un'elpa fiurita s'accampa u to destinu
per fidighjà l'eternu
è m'incanta di gioia un sguardu zitellinu
postu nantu à un quaternu,
postu nantu à un quaternu.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
à l'alba di a to notte hè tenneru l’affisu
Ch'è tù impeci à u muru
scrittu à l'inchjostru rossu da strughje quell'abbissu
di un tempu tropu duru,
di un tempu tropu duru.

Cusì bella a terra, duve dumane mi ne vò,
cusì bella a terra, duve dumane mi ne vò.

Ghjuvan Paulu Poletti.

Magnifica !
un la sapia ch'ella si chjamava l'affissu !

(libru CANTU CORSU)

******************************************************************



(futugraffia persunale)