Pasqualini Tintin

Strattu da CHANTS D'UNE TERRE (Antone Ciosi).




L'aghju messu torna chì s'era sguassatu.

BASTA CUSÌ

Focu d'estate
Machje brusgiate
Furesta in dolu
Cun paisolu
Ùn ci hè più fiori
Solu dulori
Basta cusì

Surgente secche
Ùn ci hè più sechje
Fiumi smariti
Cume banditi
È più mulini
Per sti cunfini
Basta cusì

Strade à sumeri
Per mulatteri
Per a vittura
Strade à paura
Povari corsi
Senza ricorsi
Basta cusì

Abbandunati
Simu restati
À poche spesi
Da li francesi
Ma parlu corsu
Senza rimorsu
Basta cusì

Sì sta canzona
In voi risona
State la à sente
Da Cuntinente
Culunizati
Simu restati
Basta cusì.

"Quandu u camin di ferru si ne ghjunse in Corsica, arruvinò mulatteri è osteriaghji (vedi Lamentu di u trenu).
Ma quandu versu u 1960 u guvernu volse caccià a ligna d'Aiacciu à Bastia, ci fubbe un'oppusizione accanita, chì ispirò sta canzona satirica à Tintin Pasqualini. È u trenu fù lasciatu à i Corsi". Ghj. de Zerbi in Cantu Nustrale.

ci hè dinù VIRANU una billissima canzona ch'ellu cantava Luiggi Savelli pruvaraghju à mettela annant'à isulamatre.

Sperenza a écrit:

Strattu da CHANTS D'UNE TERRE (Antone Ciosi).

http://www.allomusic.com/titre/lombre-6340028

Attenti ! Ùn scurdatevi d'incalcà "écouter le titre" insù à latu di "Ombre /Le porte-Croix" ch'asinnò ne parte un'altra !

Ti ringraziu chì mi permetti di stà à sente tanti pezzi magnifichi.

Nantu à u discu Nostalgia serà "u pettirossu" a seconda canzona ?

D'ellu cunnoscu "a morte di u pettirossu" ma si trova nantu à Corsica...

LAMENTU DI U RINOSU

O chì lu monte Rinosu
Ne fali per la pianura
Ch'o trovimu lu riposu
Cù la vostra sepultura
Fiori di la primavera
Morti senza una preghera.

In casa di lu Signore
V'aspettanu li parenti
Chì preganu cun amore
Singhjuzzendu da li pienti
Si vede segni di croce
Ùn si sente nisun voce.

L'altare di a speranza
Hà spentu le so candele
Ùn n'arresta ch'è suffrenza
A morte soffia in le vele
Di st'anime castigate
Morte è mancu ritruvate.

Chì la Vergine Maria
V'ammanti in lu so velu
È passà sopra à Bastia
Per cullane in lu celu
Cù stu mazzulu fiuritu
Orgogliu di Paradisu
Ci resterete in memoria
Gudite in eterna gloria.

In memoria di e vittime di a catastroffa di u Renosu (27/12/62).

Strattu da Cantu nustrale.










Cumu feraghju à fà sempre i scans in bisbò ?

hè dinù una magnifica cantata da Louis Savelli, ci vularia à mettela in linea annant'à isulamatre

(ùn la ti vulia micca dì o Sperenza... ma pensa appena à i littori, eiu aghju u torticollu avà )

Circione a écrit:

hè dinù una magnifica cantata da Louis Savelli, ci vularia à mettela in linea annant'à isulamatre

L'ai digià detta què...

"Fà ùn dì" si dice ind'è me.

Circione a écrit:

(ùn la ti vulia micca dì o Sperenza... ma pensa appena à i littori, eiu aghju u torticollu avà )

Ùn t'inchietà avemu à Tittolu, u nostru speziale.
Sai bè ch'emu tuttu quì, puderiamu ancu campà in autarchia...

Sperenza a écrit:

Cumu feraghju à fà sempre i scans in bisbò ?

fà chi serai tu in bisbò ...

Aiò cacciati sta chjoppula di nantu à l'ochji !!

Sperenza a écrit:

Circione a écrit:

(ùn la ti vulia micca dì o Sperenza... ma pensa appena à i littori, eiu aghju u torticollu avà )

Ùn t'inchietà avemu à Tittolu, u nostru speziale.
Sai bè ch'emu tuttu quì, puderiamu ancu campà in autarchia...

per esse speziale hè speziale è ùn hè micca u solu...

È nantu à Isulamatre u veranu ùn hè ancu à ghjunghje ?

CASA PATERNA

Di tristezza cusì bella
per li mio ochji amurosi
passendu per a stradella
vecu li purtelli chjosi
s’aprenu à lu rimore
di ‘ssu passu furesteru
chì ci porta cun amore
le so più belle prighere.

U sulaghju trizineghja
à ‘ssu passu cunnisciutu
si ramenta qualchi veghja
pare dumandà aiutu
u fucone sempre in rusta
s’hè spentu quandu babbone
dopu la so vita frusta
caccia l’ultimu tizzone.

Eo ùn mi sentu più quellu
mezu à tutti li parenti
diventu torna zitellu
lasciu corsu à i mo pienti
ma ‘ssu sognu cusì caru
era tantu ricircatu
u tenia troppu caru
per ch’ellu fussi mai statu.

Quandu mi ne vò pensosu
dopu avè passatu l’ora
chjama d’un lagnu pietosu
dicendu « si digià fora »
ne ripigliu la stradella
è fine ch’o l’aghju in vista
mi rigirgu versu ella
sempre sola è ancu più trista.